Визит Рахмона в ГБАО

"Бе лагандбардорӣ": Файзов ҳангоми сафари президент ба Бадахшон чӣ гуфт

2574
(Таҷдидшуда 16:01 27.08.2020)
Президент Эмомалӣ Раҳмон аз 19 то 22 август тайи чор рӯз ба ВМКБ сафар дошт ва аз шаҳрҳои Дарвоз, Ванҷ, Рӯшон ва Хоруғ дидан кард

ДУШАНБЕ, 27 авг — Sputnik. Раисҷумҳури Тоҷикистон Эмомалӣ Раҳмон чанде пеш ба вилояти мухтори Кӯҳистони Бадахшон сафар дошт ва зимни ин сафар бо соҳаҳои иҷтимоиву иқтисодии ин вилоят шинос гардид.

Сафари Эмомалӣ Раҳмон аз ноҳияи Дарвоз оғоз гардид ва тайи чор рӯз кишвардор як қатор иншоотҳоро ифтитоҳ карда ва ё санги асос гузошт.

Баррасии пешвозу гусели Раҳмон дар ВМКБ: Ёдгор Файзов фаҳмонд, ки чӣ бояд кард

Дар пайи ин сафари президент ба вилоят Қурбони Аламшо, номзади илмҳои таърих, узви Иттифоқи нависандагон дар мақолае, ки онро котиби матбуоти раиси ВМКБ нашр кардааст, дастовардҳои Бадахшонро тайи ду соли ахир, аз замони раиси вилоят таъин шудани Ёдгор Файзов, зикр кардааст.

Ӯ дар ин гузоришаш аз Ёдгор Файзов тавсиф намуда, ёдрас шудааст, ки Файзов баробари роҳбари хуб, инсони самимист, ки ҳарфи дилашро ба президент мерасонад.

Мукомалаи кушоду равшане, ки дар охири мулоқоти Роҳбари давлат бо фаъолони ВМКБ миёни раисҷумҳур ва Раиси ВМКБ сурат гирифт, нишонгари он буд, ки Президент ба намояндаи худаш эътимоди комил дорад, навиштааст муаллиф ва ёдрас шудааст, ки  "Файзов ба президнт самимона ва бе лагандбардорӣ аз дастоварҳову камбудиҳо гузориш медиҳад".

"Ёдгор Файзов ҳам дар сӯҳбати рӯ ба рӯ бо президент боз як бори дигар мавқеи шаҳрвандӣ ва сиёсиашро рӯшан кард: “Ҷаноби Президент, ман дар бораи неку бади вилоят бо шумо ҳамеша бе ягон лаганбардорӣ сӯҳбат мекунам", - таъкид  кардааст номзади илмҳои торих Қурбони Аламшо.

Ӯ дар идомаи ситоишиш ёдрас шудааст, ки Файзов рӯзҳои шанбеву якшанбе ба ҳашар баромада, дар тозагиву ободонии шаҳри Хоруғ шахсан иштирок мекунад.

Муаллифи мақола, оғози истихроҷ ва истифодаи санги калсит дар истеҳсолот тавассути ташкили корхонаи “Карон-калсит” дар деҳаи Вишхарви ноҳияи Дарвозро инқилобе дар соҳаи иқтисодии вилоят номидааст, ки нақши раиси вилоят дар он муҳим аст.

Ба гуфтаи Қурбони Аламшо ҳамчунин интизор меравад, ки соли оянд дар шаҳри Хоруғ мушкилии оби ошомиданӣ бо ташаббуси раиси вилоят пурра ҳал шавад.

Президент гуфт, ки сокинони Бадахшону Кӯлоб аз кадом ҷиҳат ба ҳам монанданд

"Ҳеч касе аз руасои пешинаи вилоят барои таъмини пурраи Хоруғ бо об ин қадар такопӯ накард, чӣ хеле ки Ёдгор Доёрович кард. Бо кӯшиши ӯ дар ду соли обрасонӣ ба кӯчаву растаҳои Хоруғ густариши зиёд пайдо намуд ва дастрасии хоруғиён ба об хеле афзуд. Қарор аст соли оянда маркази вилоят бо оби ошомиданӣ комилан таъмин гардад", - зикр кардааст Аламшо.

2574

Вазорат тасдиқ кард: дар Тоҷикистон шумори ҷонбохтагон бар асари COVID-19 афзоиш ёфт

226
(Таҷдидшуда 22:19 30.09.2020)
Вазорати тандурустии Тоҷикистон омори нави сироят, фавту шифоёбии шаҳрвандон аз маризии вируси коронаро нашр кард

ДУШАНБЕ, 30 сен — Sputnik. Шабонарӯзи гузашта 43 ҳодисаи нави бемории COVID-19 дарёфт гардида,  иттилоъ додааст дафтари матбуоти Вазорати тандурустӣ ва ҳифзи иҷтимоии аҳолии Тоҷикистон.

Бино бар иттилои манбаъ шаббнарӯзи гузашта 74 нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд

Тавре манбаъ қайд кардааст дар маҷмӯъ шумораи гирифторони ин беморӣ ба  9769 нафар баробар гардидаст.

Инчунин,  таъкид шудааст, ки то санаи  30 сентябр дар мамлакат  8572  (87,7%) нафар аз бемории COVID-19 шифо ёфта,  бар асари он 76  нафар фавтидаанд.

Маврид ба зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

226
Барчаспҳо:
афзоиш, вазорат, сироят, омор, вируси корона, Тоҷикистон
Футбольный мяч на поле, архивное фото

Дар деҳаи Шуҷанди ноҳияи Рӯшон варзишгоҳи муосир бунёд шуд

31
(Таҷдидшуда 21:40 30.09.2020)
Дар рӯзи ифтитоҳи варзишгоҳ Хонаи фарҳанги деҳа низ пас аз таъмиру таҷдид дари худро ба рӯи сокинон боз намуд

ДУШАНБЕ, 30 сен — Sputnik. Дар деҳаи Шуҷанди ноҳияи Рӯшони Вилояти Мухтори Кӯҳистони Бадахшон варзишгоҳи муосир ба истифода дода шуд. 

Дар варзишгоҳ барои машқ ва мусобиқа аз намудҳои баскетбол, волейбол, футболи хурд, давидан ба масофаи кӯтоҳ шароити мусоид фароҳам оварда шудааст, хабар медиҳад АМИТ "Ховар".

Директори мактаби №10-и деҳаи мазкур Акимбек Акимбеков гуфт, ки "ин варзишгоҳ дар наздикии бинои таълимгоҳ  воқеъ аст. Дар мувофиқа бо бахши ҷавонон ва варзиши назди мақомоти ноҳия то нисфирӯзӣ хонандагони таълимгоҳ дар ин варзишгоҳ  дарси тарбияи ҷисмонӣ мегузаронанд ва пас аз анҷоми дарс он дар ихтиёри ҷавонони деҳа гузошта мешавад".

Муовини аввали раиси ноҳияи Рӯшон Гулмаст Дӯсталиев гуфт, ки "Ҳукумати ҷумҳурӣ ба солимии насли наврас таваҷҷуҳи зиёд равона месозад ва инро мо дар ноҳияи худ низ мушоҳида мекунем. Танҳо дар се соли охир се варзишгоҳи мутобиқ ба меъёрҳои байналмилалӣ мавриди баҳрабардорӣ  қарор дода шуданд".

Ба иттилои Дӯсталиев барои бунёди ин варзишгоҳ дар ҳамкорӣ бо шарикони рушд 650 ҳазор сомонӣ сарф шуд.

Ҳоло сохтмони майдони футбол дар маркази ноҳия барои 6 ҳазор ҷои нишаст идома дошта, дар назар аст, ки  дар остонаи ҷашни 30-солагии Истиқлоли Тоҷикистон ба истифода дода шавад.

31
Барчаспҳо:
Варзишгоҳ, Рӯшон, ВМКБ
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 21:53 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳалле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон