Рейд-Кумитаи ҳифзи муҳити зисти Тоҷикистон

Ҷаримаи беш аз 30 ронанда дар Суғд: аз мошинашон дуди зиёд хориҷ мешуд

109
(Таҷдидшуда 11:53 28.08.2020)
Масъулони Раёсати ҳифзи муҳити зист дар вилояти Суғд дар пайи роҳандозии амалиёти “Ҳавои тоза” даҳҳо воситаи нақлиёт дар шаҳру ноҳияҳои вилоятро мавриди санҷиш қарор дода, барои ихроҷи барзиёди дуди ифлоскунанда нисбати ронандаҳо ҷарима таъин кардаанд

 ДУШАНЕБ, 27 авг – Sputnik. Шоира Меликбоева, масъули кор бо иттилоот дар Раёсати ҳифзи муҳити зист гуфт, баргузории амалиёти “Ҳавои тоза” дар бештар аз даҳ шаҳру навоҳии Суғд мавридҳои ифлосшавии ҳавои атмосферӣ аз ҳисоби ихроҷи дуди мошинҳо муайян шудааст ва ба ин делел нисбати беш аз 30 ронанда ҷаримаи маъмурӣ таъин карда шудааст.

 “Дар шаҳру ноҳияҳои Б. Ғафуров нисбати 5 ронанда, Хуҷанд 5, ноҳияи Ҷаббор Расулов 5, Спитамен 3, Гулистон 2, Исфара 3, Деваштич 4, Панҷакент 2 ва дар шаҳри Конибодом нисбати 6 ронанда бинобар зиёд хориҷ кардани дуди ифлоскунандаи ҳаво (гази СО) аз воситаи нақлиёташон санади ҷаримавӣ тартиб дода шудааст”, - гуфт Меликбоева.

Ин масъули Идораи экологияи Суғд дар суҳбат ба Sputnik Тоҷикистон гуфт, ки баргузории амалиёти “Ҳавои тоза” собит намудааст, ки дуди аз меъёр зиёд ихроҷшаванда умдатан дар мошинҳои соли бароришашон куҳна муайян шудааст.

Ҳаҷми ҷарима аз ҳисоби ихроҷи дуди барзиёд мошинҳо аз як то се нишондиҳанда барои ҳисобҳо ва ё аз 58 то 174 сомонӣ муқаррар шудааст. Аммо бисёре аз соҳибони чунин воситаҳои нақлиёт зикр мекунанд, ки бо адами шароити иқтисодӣ, имкони харидани нақлиёти навро надоранд.

Раёсати ҳифзи муҳити зист дар Суғд, баргузории амалиёти “Ҳавои тоза”ро пешгирӣ аз олудагии ҳавои атмосферӣ дониста мегуяд, ки чунин амалиёт бар тибқи нақшаи кории ин ниҳод ҳар моҳ дар шаҳру ноҳияҳо доир карда мешавад.

Дар соли гузаштаи 2019 ин ниҳод дар пайи баргузории 15 амалиёти “Ҳавои тоза” дар шаҳру ноҳияҳои Суғд, 640 воситаи нақлиётро санҷиш гузаронида ва 54 ронанда бо сабаби ифлоскунӣ ҳавои атмосферӣ аз ҳисоби ихроҷи дуди барзиёди мошин санадҳои ҷаримавӣ тадбиқ кардааст.

Масъулони Идораи ҳифзи муҳити зист мегуянд, тартиби санад ва пардохти ҷарима роҳи ҳалли кор набуда, балки дар зимни санҷиш сабабҳои зиёд хориҷ шудани дуди мошинро маълум намуда, барои бартараф намудани нуқси техникӣ соҳибони воситаи нақлиёт муваззаф карда мешаванд.

109
Барчаспҳо:
санҷиш, воситаҳои нақлиёт, амалиёт, Суғд, Кумитаи ҳифзи муҳити зист, Тоҷикистон
Ёкуб Салимов бо фарзандони навзодаш

“Экстремизми иттилоотӣ”: вокуниши ВКД ба хабари ҳамлаи ниқобпӯшон ба хонаи Ёқуб Салимов

69
Вазорати корҳои дохилии Тоҷикистон хабари расонаҳо дар бораи ҳамлаи як гуруҳи ниқобпӯш ба манзили Ёқуб Салимов, собиқ вазири корҳои дохилиро рад кард

ДУШАНБЕ, 23 сен — Sputnik. Нусратулло Маҳмадзода, сухангӯи вазорати корҳои дохилии Тоҷикистон дар ин робита ба Sputnik Тоҷикистон гуфт, ҳеҷ ҳамлае ба хонаи Ёқуб Салимов анҷом нашудааст ва ин хабар аз реша сиҳат надорад.

Вай гуфт, дар ин бора ягон шикоят ё аризае ба шуъбаи ВКД дар ноҳияи Исмоили Сомонӣ ворид нашудааст.

“Ҳоло ҳеҷ гуруҳе дар Тоҷикистон вуҷуд надорад, ки суботи ҷомеаро барҳам занад. Мақомоти ҳифзи ҳуқуқ қудрати кофии ҳимоят аз ҳар шаҳрванд ва моликияти ӯро доранд. Ҳар ҷиноят дар ин замина зуд пайгирӣ ва ошкор мешавад. Онҳое, ки бо пахши чунин ахбор мехоҳанд афкори умумии ҷомеаро безобита кунанд, даст ба экстремизми иттилоотӣ мезананд ва ин ҷиноят аст”, - гуфт Нусратулло Маҳмадзода.

Қаблан расонаҳо хабар доданд, ки 18 августи соли равон 12 - 13 нафар ниқобпӯш бо ду микроавтубуси берақам ба хонаи Ёқуб Салимов, собиқ вазири корҳои дохилии Тоҷикистон, воқеъ дар минтақаи “Водонасос” – и шаҳри Душанбе ҳамла бурда, бо битаҳо шишаҳои мошини Ренҷ-Роверашро шикаста ва писари ӯ - Абубакр Салимовро шадидан латукӯб кардаанд, ки дар натиҷа мавсуф ба бемористон интиқол дода шудааст.

Абӯбакр Салимов, писари Ёқуб Салимов, бо пахши як изҳорот дар сафҳаи фейсбукаш ин хабарро маҳсули хаёлоти муаллиф ва “тӯҳмату гапҳои дурӯғ” нисбати хонаводааашон, бавежа падараш Ёқуб Салимов ва шахси худаш хондааст.

“Ба хонаи мо дар санаи 18 август ягон хел ҳамла нашудааст. Дуруст аст, ки мо дар маҳаллаи Водонасос зиндагӣ мекунем, аммо он рӯз чун рӯзҳои дигар тинҷу ором ва осуда будем”, - гуфтааст Абӯбакр Салимов.

Мавсуф ҳамлаи ашхоси ниқобпӯш ва ба хонаашон даромада шикастани шишаҳои мошини Ренҷ-Роверро низ рад карда, гуфтааст, ки хонаводаи онҳо чунин тамғаи автомашинаро надорад. Вай гуфтааст, касе ӯро латукӯб накардааст ва ӯ ба беморхона низ наафтодааст.

“Аз номи падар ва тамоми аъзои оилаамон ба кулли хамватанон мерасонам, ки шукри тинҷиву амонии Ватани азизамон мекунем. Чунин ходиса бо оилаи мо рух надодааст ва чизе ки хондаед, бофтаҳои нафарони иғвоангез мебошад”, - гуфтааст Абӯбакр Салимов.

Ёқуб Салимов, яке аз чеҳраҳои маъруфи замони ҷанги шаҳрвандии Тоҷикистон аст, ки як муддат вазири корҳои дохилӣ (1993-1995) ва сафири ин кишвар дар Туркия (1995-1996) буд. Ӯ соли 1997 бо иттиҳоми даст доштан дар табаддулоти давлатӣ таҳти пайгарди қонун қарор гирифт. Соли 2003 дар шаҳри Маскави Русия боздошт ва ба Тоҷикистон истирдод шуд.

Моҳи апрели соли 2005 ӯ барои 15 сол равонаи зиндон гашт ва моҳи июни соли 2016 ба озодӣ баромад. Ҳоло дар манзилаш дар шаҳри Душанбе зиндагӣ мекунад.

69
Девушка в наручниках, фото из архива

Боздошти Миҷгона Умар, котиби суд барои "вазифафурӯшӣ"

127
(Таҷдидшуда 10:32 23.09.2020)
Оҷонсии зидди фасод дар Тоҷикистон аз боздошти котиби маҷлиси судии Суди ноҳияи Исмоили Сомонии пойтахт хабар медиҳад, ки дар гирифтани пора муттаҳам мешавад

ДУШАНБЕ, 21 сен - Sputnik. Бино ба иттилои дафтари матбуотии Оҷонсӣ, боздоштшуда Музаффарзода Миҷгона Умар дар вазифаи котиби маҷлиси судии Суди ноҳияи И.Сомонии шаҳри Душанбе кор карда истода, даст ба порагирӣ задааст.

Ба иттилои манбаъ, номбурда моҳи декабри соли 2019 аз шаҳрванд Солеҳзода М.Д. барои мусоидат кардан дар таъин гардидани ӯ ба ҳайси котиби маҷлиси судӣ аз охирин маблағи 5000 доллари ИМА талаб намуда, аз ин маблағ 25000 сомониашро пешакӣ гирифта, оварда додани боқимондаи онро талаб намуд.

“Минбаъд Музаффарзода М.У. кирдорҳои ҷинояткоронаи худро идома дода, санаи 15 январи соли 2020 аз Солеҳзода М.Д. ба ҷойи маблағи боқимондаи талабнамудааш як автомашинаи тамғаи “Опел-Астра” соли бароришаш 2001-ро бо роҳи қаллобӣ гирифта тасарруф намуда, ба охирин зарари калони моддӣ расонид”,-афзудааст манбаъ.

Гуфта мешавад, айни ҳол нисбати Музаффарзода М.У. бо моддаи 247 қисми 3 банди “а” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

127
Барчаспҳо:
пора, боздошт, корманд, Суд, Тоҷикистон