Президент Республики Таджикистан Эмомали Рахмон

3 сентябр: Оё Раҳмон дар анҷумани Ҳизби халқӣ-демократӣ хоҳад буд?

890
(Таҷдидшуда 12:24 31.08.2020)
Ширкати Эмомалӣ Раҳмон, раиси Ҳизби халқӣ – демократии Тоҷикистон дар анҷумани ғайринавбатии XIV – и ҳизб ҳоло таъйид нашудааст

ДУШАНБЕ, 28 авг — Sputnik. Абдураҳмон Хонов, раиси Дастгоҳи марказии Ҳизби халқӣ – демократӣ ба Sputnik Тоҷикистон гуфт, то ба ҳол ширкати раиси ҳизб Эмомалӣ Раҳмон дар анҷумани ҳизб, ки 3 сентябр баргузор хоҳад шуд, таъйид нашудааст.

"Анҷуман дар Кохи Борбад баргузор мешавад. Дар рӯзномаи анҷуман танҳо ду масъала – интихоби номзад ва барномаи номзад дар интихоботи президентӣ баррасӣ хоҳад шуд. Ҳоло гуфта наметавонем, ки раиси ҳизб дар анҷуман ширкат хоҳанд кард ё хайр", - гуфт Абдураҳмон Хонов.

Ҳизби халқӣ – демократӣ дар ҳоли ҳозир бузургтарин ҳизби сиёсӣ дар Тоҷикистон буда, соли 1994 таъсис ёфта, аз соли 2000 пас аз гирифтани аксарияти курсиҳои парлумонӣ ва ҳам маҷлисҳои маҳаллӣ зимоми қудратро дар даст дорад ва ҳизби ҳоким ба шумор меравад.

Эмомалӣ Раҳмон, раисҷумҳури Тоҷикистон аз соли 1998 ба ин сӯ раҳбарии онро ба зимма гирифт ва дар интихоботҳои президентии соли 1999, 2006 ва 2013 аз сӯи ин ҳизб ба маснади президентӣ пешниҳод шудааст.

Раиси Дастгоҳи марказии Ҳизби халқӣ – демократии Тоҷикистон мегӯяд, ҳизб то ба ҳол номзади худро аниқ накардааст.

Интихоботи президенти Тоҷикистон: муҳиммот

"Ин дар салоҳияти анҷуман аст. Маҳз ҳамон рӯз вакилони анҷуман номзади ҳизбро пешниҳод хоҳанд кард ва дар пайи овоздиҳӣ маълум хоҳад шуд, ки кӣ номзади ҲХДТ хоҳад буд", - гуфт Абдураҳмон Хонов.

26 август анҷумани ғайринавбатии Федератсияи иттифоқҳои касабаи Тоҷикистон номзадии Эмомалӣ Раҳмонро барои ширкат дар интихоботи президентии 11 октябр дар кишвар пешниҳод карда буд.

Омодагӣ ба интихобот дар Суғд: ҲХДТ дар вилоят шумораи дақиқи аъзояшро эълон кард

Тибқи иттилои расмӣ, ҲХДТ ҳудуди 500 ҳазор аъзо дар саросари кишвар дорад, ки 40% - и онро ҷавонон ташкил медиҳанд.

Раиси Дастгоҳи марказии Ҳизби халқӣ – демократии Тоҷикистон мегӯяд, дар анҷумани ғайринавбатӣ, ки 3 сентябр баргузор хоҳад шуд ва номзади ҳизбро пешниҳод хоҳад кард, аз 487 узви ҳизб як вакил ширкат хоҳад кард.

"Мо вазъи пандемияро ба назар гирифта, чораҳои беҳдоштиро рӯӯи даст гирифтаем. Бештар аз 1000 нафарро даъват хоҳем кард, то дар толор вакилон тибқи қоидаҳои санитарию гигиенӣ ҷойгир шаванд", - гуфт Абдураҳмон Хонов.

То ин замон чор ҳизби сиёсии Тоҷикистон – аҳзоби аграриву сотсиалистӣ, демократӣ ва ислоҳоти иқтисодӣ анҷуманҳои ғайринавбатӣ баргузор намуда, номзадҳои худро пешниҳод кардаанд.

Ҳизби сотсиал – демократ аз ширкат дар интихобот даст кашид. Ҳизби коммунисти Тоҷикистон рӯзи 5 сентябр анҷуман баргузор хоҳад кард.

890
Барчаспҳо:
ҳизб, интихобот, Эмомалӣ Раҳмон
Мавзуҳо:
Интихоботи президентӣ - 2020 (29)

Вазорат тасдиқ кард: дар Тоҷикистон шумори ҷонбохтагон бар асари COVID-19 афзоиш ёфт

224
(Таҷдидшуда 22:19 30.09.2020)
Вазорати тандурустии Тоҷикистон омори нави сироят, фавту шифоёбии шаҳрвандон аз маризии вируси коронаро нашр кард

ДУШАНБЕ, 30 сен — Sputnik. Шабонарӯзи гузашта 43 ҳодисаи нави бемории COVID-19 дарёфт гардида,  иттилоъ додааст дафтари матбуоти Вазорати тандурустӣ ва ҳифзи иҷтимоии аҳолии Тоҷикистон.

Бино бар иттилои манбаъ шаббнарӯзи гузашта 74 нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд

Тавре манбаъ қайд кардааст дар маҷмӯъ шумораи гирифторони ин беморӣ ба  9769 нафар баробар гардидаст.

Инчунин,  таъкид шудааст, ки то санаи  30 сентябр дар мамлакат  8572  (87,7%) нафар аз бемории COVID-19 шифо ёфта,  бар асари он 76  нафар фавтидаанд.

Маврид ба зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

224
Барчаспҳо:
афзоиш, вазорат, сироят, омор, вируси корона, Тоҷикистон
Футбольный мяч на поле, архивное фото

Дар деҳаи Шуҷанди ноҳияи Рӯшон варзишгоҳи муосир бунёд шуд

31
(Таҷдидшуда 21:40 30.09.2020)
Дар рӯзи ифтитоҳи варзишгоҳ Хонаи фарҳанги деҳа низ пас аз таъмиру таҷдид дари худро ба рӯи сокинон боз намуд

ДУШАНБЕ, 30 сен — Sputnik. Дар деҳаи Шуҷанди ноҳияи Рӯшони Вилояти Мухтори Кӯҳистони Бадахшон варзишгоҳи муосир ба истифода дода шуд. 

Дар варзишгоҳ барои машқ ва мусобиқа аз намудҳои баскетбол, волейбол, футболи хурд, давидан ба масофаи кӯтоҳ шароити мусоид фароҳам оварда шудааст, хабар медиҳад АМИТ "Ховар".

Директори мактаби №10-и деҳаи мазкур Акимбек Акимбеков гуфт, ки "ин варзишгоҳ дар наздикии бинои таълимгоҳ  воқеъ аст. Дар мувофиқа бо бахши ҷавонон ва варзиши назди мақомоти ноҳия то нисфирӯзӣ хонандагони таълимгоҳ дар ин варзишгоҳ  дарси тарбияи ҷисмонӣ мегузаронанд ва пас аз анҷоми дарс он дар ихтиёри ҷавонони деҳа гузошта мешавад".

Муовини аввали раиси ноҳияи Рӯшон Гулмаст Дӯсталиев гуфт, ки "Ҳукумати ҷумҳурӣ ба солимии насли наврас таваҷҷуҳи зиёд равона месозад ва инро мо дар ноҳияи худ низ мушоҳида мекунем. Танҳо дар се соли охир се варзишгоҳи мутобиқ ба меъёрҳои байналмилалӣ мавриди баҳрабардорӣ  қарор дода шуданд".

Ба иттилои Дӯсталиев барои бунёди ин варзишгоҳ дар ҳамкорӣ бо шарикони рушд 650 ҳазор сомонӣ сарф шуд.

Ҳоло сохтмони майдони футбол дар маркази ноҳия барои 6 ҳазор ҷои нишаст идома дошта, дар назар аст, ки  дар остонаи ҷашни 30-солагии Истиқлоли Тоҷикистон ба истифода дода шавад.

31
Барчаспҳо:
Варзишгоҳ, Рӯшон, ВМКБ
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 21:53 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳалле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон