Арестованая за нарушение общественного порядка

Ҳамсояҷанг дар Душанбе: модару духтар ҷарима шуданду ҷавон ҳабс - навор

5615
Навори даҳшатбор, ки пур аз алфози қабеҳ аст, ҷавонмарди 20 - сола нашру паҳн кард, ки дар натиҷа ба муддати 5 шабонарӯз ба ҳабси маъмурӣ гирифта шуд

ДУШАНБЕ, 28 авг — Sputnik. РВУД дар шаҳри Душанбе барои нақзи тартиботи ҷамяитӣ се нафар ҳамсояҳо, ки яке модару духтар ва саввуми ҷавонмарди ҳамсояшон мебошад, боздошт намуданд.

Пулис баъди нашри навор ба суроғи ин се нафар баромад, ки бо дашномдиҳии қабеҳи худ тартиботи ҷамъиятиро дағалона вайрон намуданд.

Котибти РВУД дар пойтахт хабар медиҳад, ки байни ду ҳамсоя сокинони кӯчаи Ҳисори н. Синои ш. Душанбе муноқиша ва нофаҳмиҳои ҳамсоядорӣ вуҷуд дошта, доимо миёнашон муноқишаҳои лафзӣ ба миён меомадааст.

Бе ҳуҷҷати ронандагӣ ва бо суръати баланд: садама дар эстакадаи Душанбе - видео

Наворе, ки чанд рӯз боз дар шабакаҳои иҷтимоӣ чарх мезанад,  санаи 20 - уми август, тахминан соати 14:00 дақиқа наворбардорӣ шудааст.

Манбаъ меафзояд, Каримзода Далери 20 - сола бо ҳамсоягони худ Раҳимова Мавзунаи 34 - сола ва модари ӯ Олимова Шарофати 70 - сола муноқиша намуда, нисбаташон суханони қабеҳ гуфтааст.

"Санаи мазкур, нахуст Каримзода Далер нисбати номбурда беэҳтиромӣ намуда, сабабгори сар задани ин муноқиша шуда, ҳолати ҷаҳлу ғазаб ва амалу суханони қабеҳи ҷониби муқобилро наворбардорӣ намудааст", - таъкид мешавад дар хабар.

Бо назардошти ҳолатҳои мазкур нисбати ҳамаи дастрасшудагон тибқи талаботи моддаи 460 (Майдаавбошӣ) Кодекси ҳуқуқвайронкунии маъмурии ҶТ протоколи маъмурӣ тартиб дода шуда, ба суд ирсол шуд.

Бо қарори суд, Каримзода Далер ба мӯҳлати 5 шабонарӯз ба ҳабси маъсурӣ гирифта шуда, Раҳимова Мавзуна бо назардошти дар тарбияи худ доштани тифли хурдсол шартан ҷаримаи маъмурӣ ба андозаи 10 - нишондиҳанда барои ҳисобҳо ва нисбати модараш ҷаримаи маъмурӣ ба андозаи 7 - нишондиҳанда барои ҳисобҳо таъин карда шуд.

5615
Барчаспҳо:
навор, ҷанг, ҳамсоя, Душанбе
Парламентские выборы в Таджикистане

Мақомоти шаҳри Исфара шумори дақиқи овоздиҳандагонро эълон кард

76
(Таҷдидшуда 19:33 22.09.2020)
Дар шаҳру деҳоти Исфара як ҳавза ва 83 участкаҳои интихоботӣ ташкил ва ҳамаи онҳо бо лавозимоту маводи зарурӣ таъмин карда шудаанд

ДУШАНБЕ, 22 сен — Sputnik. Бино бар иттилои дафтари матбуоти раиси шаҳри Исфара, дар “Ҳавзаи интихоботии Исфара, №27” шумораи пешакии интихобкунандагони ин ҳавза 162 105 нафарро ташкил медиҳад, ки 4307 нафари онҳо бори аввал овоз хоҳанд дод.

Манбаъ таъкид доштааст, ки барои дар доираи талаботи Конститутсияи Тоҷикистон, қонунҳои амалкунанда, дар сатҳи баланди ташкилӣ ва маърифати ҳуқуқӣ, шаффофу озод, ба таври демократӣ ва бо иштироки фаъолонаи интихобкунандагон баргузорнамоии ин чорабинии сиёсӣ дар шаҳри Исфара тамоми тадбирҳои зарурӣ андешида шудаанд.

Ҳамзамон қайд шудааст, ки дар ҳамаи участкаҳои интихоботии ҳавзаи Интихоботии “Исфара” корҳои омодагӣ барои дар сатҳи баланд доир намудани интихоботи дарпешистода идома дошта, бо аҳолӣ оид ба иштироки фаъолонаи онҳо дар ин маъракаи муҳими сиёсӣ корҳои фаҳмондадиҳӣ ба роҳ монда шудааст.

“То ин замон рӯйхати интихобкунандагон тартиб дода шудааст”, - зикр кардааст мақомоти шаҳри Исфара

Ҳамзамон манбаъ илова кардааст, ки тибқи дастури Комиссияи марказии интихобот ва раъйпурсии Тоҷикистон бо мақсади баланд бардоштани фарҳанги сиёсии интихобкунандагон корҳои тарғиботиву ташвиқотӣ роҳандозӣ мегарданд.

76
Барчаспҳо:
шумораи овоздиҳандагон, Исфара, Интихоботи президентӣ, интихобот, Тоҷикистон

Вазорати тандурустӣ: шабонарӯзи гузашта боз 44 ҳодисаи нави бемории COVID-19 сабт шуд

278
(Таҷдидшуда 19:02 22.09.2020)
Вазорати тандурустии Тоҷикистон омори нави гирифторшавӣ, фавт ва шифоёбӣ аз маризии сироятии коронавирусро нашр кард

ДУШАНБЕ, 22 сен — Sputnik. Бино бар иттилои вазорати тандурустии Тоҷикистон дар шабонарӯзи гузашта боз 44 мавриди ҷадиди гирифторшавӣ ба маризии коронавирус сабт гардид.

Бино бар иттилои манбаъ, дар як шабонарӯзи охир 110 нафар гумонбарон зери назорати табибон қарор дошта, 47 нафар баъд аз муолиҷа ба хонаҳояшон рухсат дода шуданд.

“Инчунин,  дар як шабонарӯзи охир дар ҷумҳурӣ 44 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9432  нафар баробар гардид”, - таъкид доштааст вазорати тандурустӣ.  

Ҳамзамон манбаъ қайд кардааст, ки то санаи  22 сентябр дар кишвар  8199  (86,9%) нафар аз бемории COVID-19 шифо ёфта,  бар асари он 73  нафар фавтидаанд.

Вазорати тандурустии Тоҷикистон бори дигар аз тамоми сокинони кишвар хостааст, ки барои пешгирӣ аз ин беморӣ пеш аз ҳама  қоидаҳои беҳдошти шахсиро қатъиян риоя намоянд.

278
Барчаспҳо:
нашр, омор, Вазорати тандурустӣ, вазорат, фавт, вируси корона, Тоҷикистон

Оғози машқҳои низомии “Қафқоз-2020”

0
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

0
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия