Вход в интернет, архивное фото

Сарфаи вақту пул: Тоҷикистон тасмим дорад барӯйхатгирии аҳолиро тариқи интернет гузаронад

300
(Таҷдидшуда 19:26 31.08.2020)
Масъулони Идораи омор дар вилояти Суғд мегуянд, барои сарфа намудани вақт ва ҳам кам кардани хароҷоти иқтисодӣ, дар давраи барӯйхатгирии аҳолӣ ва фонди манзил дар кишвар аз истифодаи интернет кор мегиранд

ДУШАНБЕ, 31 авг – Sputnik. Накҳатзода Ҳокимбек, сардори Саррёсати Агентии омори назди Президенти Ҷумҳурии Тоҷикистон дар вилояти Суғд гуфт, дар суҳбат ба Sputnik Тоҷикистон гуфт, ҳоло ниҳоди онҳо барои истифода аз ин усули камхарҷу муосир дар шаҳру ноҳияҳои Хуҷанд ва Бобоҷон Ғафуров интернет-пурсиши таҷрибавӣ доир кардаанд.

“Дар рафти барӯйхатгирии аҳолӣ ва фонди манзил мо тасмим гирифтем, ки ба ҷуз усули анъанавӣ, яъне пур кардани саволномаҳо дар варақаҳо, аз истифодаи технологияи муосир планшет ва интернет-пурсиш кор бурда шавад. Ҳоло натиҷае, ки аз ҷараёни интернет-пурсиши таҷрибавӣ дар шаҳри Хуҷанд ва ноҳияи Бобоҷон Ғафуров ба даст меояд, дар вақти шурӯъ шудани вақти барӯйхатгирии аҳолӣ ва фонди манзил дар ҳамаи шаҳру навоҳии Суғд он ҷорӣ карда мешавад”, - гуфт Накҳатзода дар суҳбат ба Sputnik Тоҷикистон.

Бино ба фармони раисиҷумҳур имсол аз санаи 1 то 15 октябри соли ҷорӣ дар саросари Ҷумҳурии Тоҷикистон маъракаи барӯйхатгирии аҳолӣ ва фонди манзил доир карда мешавад.

Ин маъракаи сартосарӣ ба гуфтаи масъулини давлатӣ ба хотири дақиқ намудани шумори сокинони кишвар ва шароити дастрасии онҳо ба масоили иҷтимоӣ аз ҷумла манзил арзёбӣ карда мешавад. Накҳатзода афзуд, дар кори барӯйхатгирии аҳолии Суғд, 8000 нафар корманди кироя ба ҳисоби кормандони идораи омор дар шаҳру навоҳии ин вилоят ҷалб карда мешаванд.

Бино ба гуфти ӯ давоми бештар аз ду ҳафтаи ҷараёни ин маъракаи муҳим масъулин, аз 1300 планшети баҳисобгиранда мақсаднок истифода хоҳанд бурд. Сардори Идораи омор дар Суғд қайд намуд, ки чи гуна кормандони ниҳоди онҳо ва аҳолӣ дар ин маъракаи муҳими давлатӣ аз шабакаи интернет истифода намуда, дар пешгирӣ намудани масрафи вақт ва хароҷоти иқтисодӣ саҳм гузошта метавонанд.

“Аз 1 ум то 25 уми апрели соли 2020 дар сатҳи вилоят мо тавонистем, ки руйхати хонаҳои истиқоматӣ ва ғайриистиқоматиро ба ҳисоботҳо ворид кунем. Кормандони Идораи омори вилоят кӯшиш намуданд, ки телефонҳои мобилии ҳар як хонаводаро ба қайд гиранд. Ана дар ҳамин телефонҳо паёмак ва СМС ба суроғаи ҳар як хонавода ирсол карда мешавад ва дар он рамз ё коди истифодабаранда ба сомонаи интернетии Идораи омор: www. aholi.tj нишон дода шудааст. Дар ин сурат сарфаи вақти аҳолӣ ва масъулини барӯйхатгиранда ҳам кам мешавад”, - афзуд сардори Сарраёсати омор.

Аксар сокинон ҳам истифодаи интернетро дар баробари сарфаи вақт, яке аз омилҳои камхарҷ доир шудани маъракаҳои муҳими давлатӣ арзёбӣ мекунанд.

300
Барчаспҳо:
истифода, иқтисодӣ, вақт, интернет, аҳолӣ, Суғд, Тоҷикистон
День 25 сентября

Ҷашнҳои рӯзи 25 сентябр дар Тоҷикистон ва ҷаҳон

0
(Таҷдидшуда 18:08 24.09.2020)
Рӯзи 25 сентябр, дар Мозамбик – Рӯзи қувваҳои мусаллаҳ, дар Фаронса –Рӯзи миллӣ ва дар ИМА – Рӯзи миллии масхарабозон таҷлил мешавад

Рӯзи 25 сентябр дар ҷаҳон чӣ рух дод

Соли 1493 Христофор Колумб ба сайёҳат ба сӯи Амрико баромад.

Мореплаватель Христофор Колумб (1446-1506) - испанский мореплаватель
© Sputnik / Лев Иванов
Мореплаватель Христофор Колумб (1446-1506) - испанский мореплаватель

Соли 1818 табиби англис Ҷеймс Бланделл аввалин маротиба дар таърихи ҷаҳон амалиёти хунгузарониро аз як нафар ба нафари дигар доир кард.

День 24 сентября
© Sputnik / Стас Этвеш / Вишнякова Мария

Соли 1939 дар Олмон барои фурӯши нон ва орд меъёр муайян карда шуд.

Соли 1991 ИМА қарор дар бораи манъи интиқоли аслиҳа ба Югославияро маъқул донист.

Соли 1996 дар Русия аввалин нашриёти мусиқавии “СОЮЗ” рӯнамоӣ шуд.

Соли 2017  ТАСС хабар дод, ки дастаи Тоҷикистон ғолиби аввалин Чемпионати ғайрирасмии ҷаҳон оид ба футбол миёни дастаҳои сафоратҳо дар шаҳри Москва гардид.

Рӯзи 25 сентябр дар Тоҷикистон чӣ рух дод

Соли 2006  дар шаҳри Душанбе ба муносибати 10- солагии таъсиси Донишгоҳи (славянии) Россияву Тоҷикистон ҷамъомади идона баргузор гардид.

День 22 сентября
© Sputnik / Стас Этвеш / Вишнякова Мария

Соли 2008 дар Иёлоти Муттаҳидаи Амрико Президенти Ҷумҳурии Тоҷикистон Эмомалӣ Раҳмон дар мулоқоти махсуси сатҳи олӣ дар мавзӯи «Об ва беҳдошти санитарӣ барои ҳамагон» суханронӣ карданд.

Соли 2008 дар ИМА Эмомалӣ Раҳмон бо Директори генералии ЮНЕСКО,  Шоҳзодаи Нидерланд  ва муовини Котиби давлатии Иёлоти Муттаҳидаи Америка мулоқот анҷом доданд.

Соли 2012 дар ноҳияи Данғара Мактаби президентӣ барои хонандагони болаёқат ифтитоҳ гардид.

Соли 2013 дар маркази маъмурии ноҳияи Рашт муҷассамаи асосгузори давлати тоҷикон- Шоҳ Исмоили Сомонӣ гузошта шуд.

Ҷашнҳои рӯзи 25 сентябр

  • Дар Мозамбик – Рӯзи қувваҳои мусаллаҳ.
  • Дар Франсия –Рӯзи миллӣ.
  • Дар ИМА – Рӯзи миллии масхарабозон.

Рӯзи 25 сентябр кӣ ба дунё омадааст

Соли 1897 — Уилям Фолкнер, нависандаи амрикоӣ, ҷоизадори Нобел.

Соли 1906 — Дмитрий Шостакович, композитор, педагог, ҳунарманди халқии ИҶШС.
Соли 1920 — Сергей Бондарчук, ҳунарманд, коргардон, педагог, ҳунарманди халқии ИҶШС.

С. Бондарчук и В. Тихонов в фильме Они сражались за Родину
© Sputnik / В. Ковальский
С. Бондарчук и В. Тихонов в фильме "Они сражались за Родину"

Соли 1935 — Георгий Фалковский, кардиохирурги русиягӣ ва советӣ.

Соли 1937 — Александр Чибисов, физики советӣ.

Соли 1938 — Лидия Федосеева-Шукшина, ҳунарманди театр ва кино, ҳунарманди халқии ИҶШС.

Соли 1944 — Майкл Дуглас, ҳунарманди амрикоӣ, продюсер, ҷоизадори "Оскар".

Соли 1969 — Кэтрин Зета-Джонс, ҳунарпешаи амрикоӣ ва бритонӣ дорандаи ҷоизаи "Оскар".

Рӯзи 25 сентябр дар Тоҷикистон кӣ ба дунё омадааст

Соли 1951 — Неъматулло Худойбахш, нависанда.

Соли 1952 — Абдусамад Дустов, доктори илмҳои тиб. 

Соли 1956 — Давлатали Холов, олим.

0
Барчаспҳо:
Ҷаҳон, Тоҷикистон, ҷашн
Паспотр РФ, архивное фото

Хонавайронӣ ба хотири ба даст овардани шаҳрвандии Русия

406
Дар ноҳияи Хуросони вилояти Хатлон давоми 8 моҳи соли ҷорӣ 71 оила ақди никоҳи худро бекор карданд, ки ин теъдод нисбати ҳамин давраи соли гузашта ду ҳолат кам аст

ДУШАНБЕ, 24 сен — Sputnik. Соҷида Нуридинзода, мудири бахши сабти асноди ҳолати шаҳрвандии ноҳияи Хуросон дар суҳбат бо рӯзномаи “Фараж” таъкид кардааст, ки  гарчанде ҳолатҳои ҷудошавии оилаҳо имсол камтар ба қайд гирифта шудааст, ин вазъ нигаронкуннад аст.

Вай афзудааст, ки дар ҳоли ҳозир, аризаҳое, ки барои ҷудо кардани оилаҳо аз ҷониби шаҳрвандон ба бахши САҲШ-и ноҳия ворид шуданд хело зиёд аст.

Соҷида Нуридинзода қайд кардааст, ки аз теъдоди ҷудошавии оилаҳо танҳо 7 ҳолаташ бо аризаи тарафҳо  ва 64 ҳолати дигар бо ҳалномаи суд бекор шудаанд.

Ин шахси масъул, омили ҷудошавии оилаҳоро дар ноҳияи Хуросон гирифтани шаҳрвандии Русия арзёбӣ кард.

“Ҳангоми суҳбату вохуриҳо бо оилаҳое, ки ақди никоҳи худро бекор карданд маълум гашт, онҳо зиндагии муштарак доранд, аммо ба хотири шаҳрвандии Федератсияи Русияро ба даст овардан, ақди никоҳашонро бекор кардаанду маълумотномиа муҷаррад буданро мегиранд”, - таъкид дошт Соҷида Нуридинзод.

Ҳамчунин вай сабиб бекор шудани 7 оилаи дигарро, ки бо розигии тарафҳо ҷудо шудаанд, бефарзандӣ арзёбӣ кард.

406
Барчаспҳо:
бекор кардан, никоҳ, оила, ҷудошавӣ, шаҳрвандии Русия, Русия, Тоҷикистон