Русия масъалаи сафари донишҷӯёнро аз Тоҷикистон баррасӣ мекунад: посухи сафорат

480
(Таҷдидшуда 10:49 04.09.2020)
Феълан донишҷӯёни тоҷик, ки ба донишгоҳҳои Русия дохил шудаанд, бо далели набудани парвозҳои мунтазам наметавонанд вориди Русия шавад 

ДУШАНБЕ, 4 сен — Sputnik. Донишҷӯёни тоҷик, ки ба донишгоҳҳои Русия дохил шудаанд, феълан наметавонанд бо далели набудани парвозҳои мунтазам байни ду кишвар ба таҳсил оғоз кунанд, гузориш медиҳад РИА Новости дар истинод ба сафорати Русия дар Душанбе.

Аммо кабинаи вазирони Русия масъалаи тамдиди рӯйхати шаҳрвандони хориҷие, ки ҳуқуқи ворид шудан ба Русияро доранд, баррасӣ мекунад, таъкид карданд дар сафорат.

"Мутаассифона, феълан донишҷӯёни тоҷик, ки ба донишгоҳҳои Русия дохил шудаанд, бо далели набудани парвозҳои мунтазам байни ду кишвар наметавонанд таҳсилро оғоз кунанд. Сафорати Русия аҳамияти ташкили таҳсили рӯзонаи шаҳрвандони хориҷиро дар донишгоҳҳои Русия ба назар гирифта, масъалаи тамдиди рӯйхати шаҳрвандонеро баррасӣ доранд, ки ҳуқуқи сафар ба Русияро доранд", - изҳор дошт намояндаи сафорат.

Вазири маориф: Русия фақат барои донишҷӯён сарҳадро боз намекунад

Ба гуфтаи вай, феълан сафорат бо тамоми мақомоти дахлдор масъалаи барқарор кардани парвозҳои мунтазам ва ё вижаро баррасӣ доранд, то тавонанд донишҷӯёни тоҷик низ сафар кунанд.

Вазорати илм ва таҳсилоти олии Русия бо дарназардошти мушкилии мазкур ба донишгоҳҳо дастур додааст, ки дарсҳои фосилавӣ ташкил кунад.

Дар дарсҳои фосилавиро донишҷӯёне мехонанд, ки ба Русия тавонистанд сафар кунанд, аммо дар карантини дуҳафтаина ҳастанд.

Муроҷиати Вазорати маориф ба донишҷӯёне, ки ба донишгоҳҳои Белорусу Украина дохил шудаанд

"Бо дарназардошти ин ҳама ба донишҷӯёни донишгоҳҳои Русия, ки феълан дар Тоҷикистон қарор донад, тавсия дода мешавад, ки ба муассисаҳои дохилшудаашон дар бораи дарсҳои фосилавӣ пурсон шаванд", - афзуданд дар сафорат.

480
Паспотр РФ, архивное фото

Хонавайронӣ ба хотири ба даст овардани шаҳрвандии Русия

362
Дар ноҳияи Хуросони вилояти Хатлон давоми 8 моҳи соли ҷорӣ 71 оила ақди никоҳи худро бекор карданд, ки ин теъдод нисбати ҳамин давраи соли гузашта ду ҳолат кам аст

ДУШАНБЕ, 24 сен — Sputnik. Соҷида Нуридинзода, мудири бахши сабти асноди ҳолати шаҳрвандии ноҳияи Хуросон дар суҳбат бо рӯзномаи “Фараж” таъкид кардааст, ки  гарчанде ҳолатҳои ҷудошавии оилаҳо имсол камтар ба қайд гирифта шудааст, ин вазъ нигаронкуннад аст.

Вай афзудааст, ки дар ҳоли ҳозир, аризаҳое, ки барои ҷудо кардани оилаҳо аз ҷониби шаҳрвандон ба бахши САҲШ-и ноҳия ворид шуданд хело зиёд аст.

Соҷида Нуридинзода қайд кардааст, ки аз теъдоди ҷудошавии оилаҳо танҳо 7 ҳолаташ бо аризаи тарафҳо  ва 64 ҳолати дигар бо ҳалномаи суд бекор шудаанд.

Ин шахси масъул, омили ҷудошавии оилаҳоро дар ноҳияи Хуросон гирифтани шаҳрвандии Русия арзёбӣ кард.

“Ҳангоми суҳбату вохуриҳо бо оилаҳое, ки ақди никоҳи худро бекор карданд маълум гашт, онҳо зиндагии муштарак доранд, аммо ба хотири шаҳрвандии Федератсияи Русияро ба даст овардан, ақди никоҳашонро бекор кардаанду маълумотномиа муҷаррад буданро мегиранд”, - таъкид дошт Соҷида Нуридинзод.

Ҳамчунин вай сабиб бекор шудани 7 оилаи дигарро, ки бо розигии тарафҳо ҷудо шудаанд, бефарзандӣ арзёбӣ кард.

362
Барчаспҳо:
бекор кардан, никоҳ, оила, ҷудошавӣ, шаҳрвандии Русия, Русия, Тоҷикистон

Вазорати тандурустӣ: боз 45 мавриди ҷадиди гирифторшавӣ ба маризии COVID-19 сабт шуд

175
(Таҷдидшуда 20:23 24.09.2020)
Вазорати тандурустии Тоҷикистон омори нави гирифторшавӣ, фавт ва шифоёбӣ аз маризии сироятии коронавирусро нашр кард

ДУШАНБЕ, 24 сен — Sputnik. Бино бар иттилои Вазорати тандурустии Тоҷикистон шабонарӯзи гузашта боз 45 мавриди ҷадиди гирифторшавӣ ба маризии коронавирус сабт гардид.

Бино бар иттилои манбаъ, дар як шабонарӯзи охир 101 нафар гумонбарон зери назорати табибон қарор дошта, 52 нафар баъд аз муолиҷа ба хонаҳояшон рухсат дода шуданд.

“Инчунин,  дар як шабонарӯзи охир дар ҷумҳурӣ 45 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9520  нафар баробар гардид”, - таъкид доштааст вазорати тандурустӣ.  

Ҳамзамон манбаъ қайд кардааст, ки то санаи  24 сентябр дар кишвар  8296  (87,1%) нафар аз бемории COVID-19 шифо ёфта,  бар асари он 74  нафар фавтидаанд.

Вазорати тандурустии Тоҷикистон бори дигар аз тамоми сокинони кишвар хостааст, ки барои пешгирӣ аз ин беморӣ пеш аз ҳама  қоидаҳои беҳдошти шахсиро қатъиян риоя намоянд.

175
Барчаспҳо:
Вазорати тандурустӣ, вирус, маризӣ, гирифторон, омор, вируси корона, Тоҷикистон

Амрико ба хотири қатъи сохтмони “Маҷрои шимолӣ-2” шарик меҷуяд

0
(Таҷдидшуда 21:15 24.09.2020)
Мақомоти Амрико эълон кардааст, ки эътилофи зидди “Маҷрои шимолӣ-2”- ро ташкил хоҳад кард

Нашрияи Die Welt  навиштааст, ки Амрико фишорашро бар зидди ширкатҳое, ки дар лоиҳаи “Маҷрои шимолӣ-2” иштирок доранд зиёд кардааст.

Вазири хорҷаи Амрико Майк Помпео, ахиран эълон кардааст, ки кишвараш барои қатъи сохтмони “Маҷрои шимолӣ-2” эътилоф ташкил хоҳад дод.

Ба гуфтаи вай, ин лоиҳа метавонад вобастагии Аврупоро аз Русия зиёд намояд ва ба амнияти Украин хатар ворид кунад. Ба ҳамин хотир амрико набояд гузорад ин лоиҳа иҷро шавад.

Бояд гуфт, ки Русия борҳо таъкид кард, ки тарҳҳои энержии ин кишвар, аз ҷумла "Маҷрои шимолӣ-2" дар Аврупо бо ҳадафҳои сиёсӣ дучори монеа шудаанд.

Лоиҳаи “Маҷрои шимолӣ-2” бунёди ду лӯлаи газ бо иқтидори умумии 55 миллиард метри мукааб газ дар як сол аз соҳили Русия тавассути баҳри Балтика то Олмонро дар бар мегирад.

Владимир Путин борҳо таъкид кардааст, ки Русия ба лӯла танҳо ба унвони як лоиҳаи иқтисодӣ ишора мекунад. Маскав даъват мекунад, ки онро ҳамчун воситаи таъсирот қабул накунед. Сохтмони “Маҷрои шимолӣ-2” аз ҷониби Олмон, Австрия ва Норвегия фаъолона дастгирӣ карда мешавад.

0
Барчаспҳо:
мақомот, ташкил, эътилоф, Амрико, Русия