Разработка экспресс-тестов на коронавирус учеными из центра Сколково

Семёнов дар бораи авҷ ва тестгузарониҳои “вируси корона” дар Тоҷикистон

633
(Таҷдидшуда 14:53 04.09.2020)
Раҳбари як ҳайати Созмони ҷаҳонии тандурустӣ мегӯяд, авҷи бедодгариҳои “вируси корона” дар Тоҷикистон сипарӣ шуда, сатҳи гирифторӣ дар кишвар муътадил аст

ДУШАНБЕ, 4 сен — Sputnik. Александр Семёнов, раҳбари ҳайати “Роспотребнадзор” – и Русия, ки ба намояндагӣ аз Созмони ҷаҳонии тандурустӣ дар Тоҷикистон қарор дорад, мегӯяд, ин кишвар ҳанӯз дар ҳафтаҳои дуюми сеюми моҳи майи соли равон нуқтаи авҷ ё пики гирифторӣ ба “вируси корона” – ро пушти сар карда, ҳоло вазъро комилан таҳти назорат гирифтааст.

“Он чӣ ки дар Тоҷикистон сатҳи гирифторӣ муътадил аст, ин ҳеҷ ҷои аҷобат надорад. Нуктаи авҷро шумо убур кардаед, балки аз он парида гузаштед. Теъдоди гирифтороне, ки раҳоӣ ёфтанд,дигар мариз намешаванд. Ба истилоҳ, пойгоҳи хӯрокии вирус коҳиш ёфтааст. Пас аз ин барояш пайдо кардани одамоне, ки сироят кунад, мушкил аст", - гуфт вай.

Яъне ҳаҷми гузаронидани тест афзоиш ва теъдоди маризони осебпазир коҳиш меёбад. Ҳозир камтар мариз мешаванд. Аммо аз ин ҳисоб, ки мо тест мегузаронем ва бештар ошкор мекунем, мебиинем, ки сатҳи гирифторӣ муътадил аст, афзуд Александр Семёнов.

Ҳайати “Роспотребнадзор” – и Русия якуним моҳи пеш ба Тоҷикистон омада, ба қавли раҳбараш, муҳлати будубошаро то ба ду моҳ тамдид кардааст. Вай мегӯяд, яке аз вазифаҳои ин ҳайат тақвияти зарфиятҳои тестии Тоҷикистон буд, ки бо муваффақият идома дорад.

“Тайи якуним моҳ зарфиятҳои тестгузаронии Тоҷикистон дую ним маротиба афзоиш ёфтааст. Агар моҳи май фақат дар Душанбе рӯзона 500 – 600 тест мегузаронданд, ҳоло шурӯъ аз Хуҷанд то Душанбеву Кӯлобу Хоруғу Бохтар ҳудуди 2,5 ҳазор тест гузаронида мешавад. Маълум аст, ки камолот ё такомул ҳадду канор надорад. Мо нақша дорем, ки гузаронидани тестҳоро ба марзи миёни 4,5 то 5 ҳазор расонем. Он замон мо натиҷаҳои табъи дил ва воқеиро ба даст меорем”, - гуфт Александр Семёнов.

Мақомоти Хуҷанд гуфт, тӯйхонаву тарабхона ва клубҳои шабона манбаи сирояти коронавирусанд

Тибқи иттилои раҳбари ҳайати “Роспотребнадзор” – и Русия, ҳоло Тоҷикистон беш аз 100 ҳазор тест барои “вируси корона” – ро дар ихтиёр дорад, ки аксари кулли он аз Русия ворид шудааст. Аммо вай гуфт, мушкил на дар доштани тест, балки мутахассисонест, ки онро мегузаронанд.

“Аз сифр мутахассисонро омода кардем, ки ҳазинаҳои замонӣ дар пай дошт. Муттаассифона, ин фанноварӣ хеле нозук аст. Ибтикору хоҳиш кофӣ нест. Бояд нишинед ва мисле, ки пианино менавозед, кор кунед. Вақти хеле зиёд даркор аст, то чизе ба даст ояд”, - гуфт Александр Семёнов.

Тибқи иттилои расмӣ, тайи як моҳи ахир теъдоди озмоишгоҳҳои вазорати тандурустии Тоҷикистон, ки барои ошкор кардани “вируси корона” таъсис ёфтаанд, ба 9 адад расидааст. Онҳо дар Душанбе, Хуҷанд, Кӯлоб, Бохтар ва Хоруғ қарор доранд.

633

Соҳибмулки қаҳвахонаи "Ҷокер", ки ҷавонзанро ҳақорат карду кӯфт, боздошт шуд - навор

1130
(Таҷдидшуда 18:28 23.09.2020)
Аз болои соҳибмулки қаҳвахонаи "Ҷокер" ҷавонзане шикоят кард, ки барои кофӣ набудани маблағи иҷора ӯро аввал дашном кард ва сипас хуб кӯфт

ДУШАНБЕ, 23 сен - Sputnik.  Навори муроҷиати як зани ҷавон бо овози гирён ва рӯйи аз мушт зарбхӯрда, чанде пеш ба шабакаҳои иҷтимоӣ роҳ ёфт.

Ба нақли ин зан, ӯ қаҳвахонаеро ба иҷора гирифта, зиндагияшро пеш мебурд. Аммо барои кофӣ набудани маблағи иҷора, аз ҷониби соҳибмулки қаҳвахона мавриди сарзанишу латукӯб қарор гирифт.

Зан дар муроҷиати худ ба  мақомоти ҳифзи ҳуқуқ муроҷиат намуда, дархост намуд, ки алайҳи соҳибмулки қайҳавонаи "Ҷокер" чораҳои зарурӣ андешида шавад.

Занозании ронандаҳову мусофирон дар мобайни роҳ: боздошт ва ҳабс шуданд - навор

Зимнан, Раёсати умури дохила дар шаҳри Душанбе хабар медиҳад, ки кормандони ин ниҳод аллакай соҳибмулки қаҳвахона - Ҳайдаров Илҳоми 33 - соларо боздошт намуданд.

Зикр мегардад, номбурда қаҳвахонаи худро ба ҷавонзани муроҷиаткунанда ба иҷора дода, шаби 18 - уми сентябр барои гирифтани маблағ ба он ҷо рафтааст.

"Аз он сабаб, ки ҷавонзани муроҷиаткунанда маблағи иҷораро ба пуррагӣ пардохт карда наметавонад, шаҳрван Ҳайдаров Илҳом ӯро дашному ҳақоратҳои қабеҳ намуда, ҳамзамон мавриди латукуб низ қарор додаст", - таъкид мешавад дар хабар.

РВУД хабар медиҳад, ки нисбати гумонбаршаванда Ҳайдаров Илҳом бо моддаи 237 Кодекси ҷиноятии Тоҷикистон парвандаи ҷиноятӣ оғоз гардид, тафтишот дар ин самт идома дорад.

1130
Барчаспҳо:
боздошт, навор, латукӯб, қаҳвахона, муроҷиат, ҷавонзан
Вор. Грабитель

Агентии омор: дуздиву ғоратгарӣ дар Тоҷикистон зиёд шудааст

107
(Таҷдидшуда 17:39 23.09.2020)
Агентии омори ҷумҳурӣ натиҷаҳои ҷиноятҳои дар Тоҷикистон давоми ҳашт моҳ содиршударо ҷамъбаст намуд

ДУШАНБЕ, 23 сен - Sputnik. Шумораи ҷиноятҳои ба қайд гирифташуда дар Тоҷикистон дар моҳҳои январ-августи соли 2020 аз 15,7 ҳазор гузашт, хабар медиҳад Агентии омори ҷумҳурӣ.

Манбаъ мегӯяд, ин рақам нисбат ба нишондиҳандаи ҳамин давраи соли гузашта 1,1% камтар аст.

Дар давраи ҳисоботӣ шумораи ҷиноятҳои вазнини ба қайд гирифташуда аз 3,3 ҳазор гузашт, ки нисбат ба соли гузашта 6,7% камтар аст, афзудааст манбаъ.

Аммо, тибқи иттилои Агентии омор, сабти ҳолатҳои дуздӣ (17,3%) ва ғоратгарӣ (16,7%) зиёд шудааст.

Ба иттилои манбаъ, ҳодисаҳои кушторҳо, суиқасд ба кушторҳо ва қаллобӣ камтар шуда,  тақрибан 10% коҳиш ёфтаанд.

Тағо ва ҷиян буданд: боздошти дуздони касбӣ, ки 10 мағозаи "Фаровон" - ро ғорат карданд

Гуфта мешавад, сатҳи умумии ошкоркунии ҷиноятҳо дар моҳҳои январ-августи соли равон 77,3% -ро ташкил дод, ки нисбат ба соли гузашта камтар аст (81,2% дар соли 2019).

107
Барчаспҳо:
дуздӣ, Ожонси омор, Тоҷикистон
Река Кофарниган, архивное фото

Наврӯз нагуфт, ки ӯро Шаҳзода оташ зад: ҷузъиёти ишқи сӯзон дар Ваҳдат-видео

507
(Таҷдидшуда 21:13 23.09.2020)
Наврӯз Раҷабов ба Шаҳзода Шамсиева зарфи сӯзишворӣ дода, гуфтааст, ҳар коре бихоҳад бо ӯ анҷом диҳад, то дилаш ором шавад

ДУШАНБЕ, 23 сен – Sputnik. Тибқи гузориши ВУД, 26 - уми августи соли ҷорӣ, дар деҳаи Шаҳдбори шаҳри Ваҳдат, дар соҳили дарёи Кофарниҳон Шамсиева Шаҳзодаи 21-сола, дӯстдоштааш Наврӯз Раҷабови 25-соларо оташ задааст.

Наврӯз худаш ба Шаҳзода сӯзишворӣ дода гуфтаст, ҳар коре хоҳад бо ӯ бикунад

“Аз пушти мошин, бақлашкаи бензинро қатии зажигалка гирифта, дар дастам доду гуфт ин марҳамат чӣ кореям кунӣ, бикун, то дилат хунук шудана. Росто истода ин марҳамат гуфт. Ман ҳам бақлажка дар дастам, аз тори санг истода, болояш рехтам. Басай фиреб гуфтам, то кай фиреб мекунӣ, гуфтам, ин сӯ нигоҳ кун, ки зажигалкаро гирён кардаму оташ сӯяш давид”, - тавзеҳ дод Шаҳзода ҳодисаро.

ВУД мегӯяд, ҷабрдида содиркунандаи ин ҷиноятро пинҳон медошт, аммо кормандони милиса муайян кардаанд, ки ин корро Шаҳзода кардааст.

Наврӯз баъди сӯхтан ба Шаҳзода гуфтаст, ки ба касе чизе нагӯяд-видео

Шаҳзода дар гузориши ВУД изҳор дошт, ки Наврӯз дар роҳ ба ӯ гуфт, “рост ба хона рав, ба телефони ҳеч кас ҷавоб надеҳ, маро надидаӣ, намедонӣ”.

Шаҳзода изҳор доштааст, ки Наврӯз Раҷабов ба зиндагии осоиштаи ӯ дахл карда, сабабгори вайрон шудани оилааш шудааст.

Ба иттилои ВУД феълан аз рӯи ин ҳодиса алайҳи Шаҳзода парвандаи ҷиноӣ оғоз гардида, тафтишот идома дорад.

507