Жители города Душанбе в медицинских масках на улице

Пешгирӣ аз мавҷи дуюм: КҲФ барои пешгирӣ аз COVID - 19 дар Душанбе овезаҳо насб кард

228
(Таҷдидшуда 16:39 04.09.2020)
Кумитаи ҳолатҳои фавқуллода аз мардуми Тоҷикистон даъват дорад, ки қоидаҳои беҳдоштиро риоя кунанд ва нисбати саломатии хуху атрофиён бетараф набошанд

ДУШАНБЕ, 4 сен — Sputnik. Кумитаи ҳолатҳои фавқулоддаи Тоҷикистон бо назардошти хатари вирус табдирҳои беҳдоштӣ ва чораҳои пеширикунандаро тақвият медиҳад.

Ахиран бо мақсади идомаи корҳо оид ба аҳолӣ расонидани иттилои дақиқу илмӣ дар бораи вирус, тақвияти чораҳои зидди эпидемия, КҲФ якҷо бо Ҷамъияти Ҳилоли Аҳмари Тоҷикистон лавҳаҳои иттилоотиро барои пешгирии паҳншавии беморӣ омода кард.

Тахтаҳо дар чор ноҳияи пойтахт бо нишон додани рақамҳои телефонҳои боварии Вазорати тандурустӣ ва ҳифзи иҷтимоии аҳолии Ҷумҳурии Тотористон ва даъвати фаврии КҲФ овезон карда шудаанд.

"Дар тахтаҳо инчунин нишонаҳо барои нигоҳ доштани масофаи иҷтимоии якуним метр, пӯшидани ниқоб ва шустани дастҳо навишта шудааст", - омадааст дар хабарнома. 

Бино ба гузориши КҲФ, кормандони ин ниҳод ҳамарӯза миёни аҳолӣ дар гӯшаву канори кишвар корҳои таблиғотӣ ва зиддиуфунӣ мебаранд.

Ғайр аз ин бо мақсади пешгирӣ аз густариши коронавирус КОВИД-19,  таъмини некӯаҳволии санитарию эпидемиологии аҳолӣ ва рушди ҳамкориҳои дуҷониба бо шарикон, Кумита буклетҳои иттилоотӣ, китобчаҳо ва дискҳоро бо наворҳои омӯзишӣ паҳн мекунад.

Омори ахири гирифторӣ, шифо ва фавт аз COVID-19 дар Тоҷикистон

Ёдрас мешавем, ки 11 марти соли 2020 Созмони ҷаҳонии беҳдошт аз авҷи бемории коронавирус хабар дод ва онро ҳамагирии нав ва хатар ба ҷони оламиён эълон кард.

Тибқи иттилои Вазорати беҳдошти Тоҷикистон, аз 30 апрел то 3 сентябр дар кишвар 8 ҳазору 690 ҳолати гирифторшавӣ ба COVID-19 сабт гардидааст.

228
Барчаспҳо:
насб, овезаҳо, Душанбе
Мавзуҳо:
Пайомадҳои COVID-19 дар Тоҷикистон ва ҷаҳон (751)
Руки в наручниках.

Боздошти зани 20-сола, ки гӯшворҳои тиллоиро аз гӯши кӯдакон медуздид

64
(Таҷдидшуда 11:32 30.09.2020)
Вазорати умури дохилии Тоҷикистон аз боздошти зани ҷавон, сокини шаҳри Ваҳдат ба гумони ғоратгарӣ хабар медиҳад

ДУШАНБЕ, 30 сен — Sputnik. Тибқи иттилои Вазорати корҳои дохилӣ дар ин бора ба ШВКД дар шаҳри Ваҳдат бо ариза зани 48-солаи сокини шаҳри мазкур муроҷиат намудааст.

Ӯ шикоят кардааст, ки рӯзи 24-уми августи соли 2020, тахминан соатҳои 16:00, шахси номаълум бо роҳи зӯроварӣ аз гӯшҳои духтарчаи 7-солааш 1-ҷуфт гӯшвори тиллоиро тасарруф намуда, аз ҷойи ҳодиса ғайб задааст.

"Зарари расонидашуда 750-сомониро ташкил медиҳад", -  омадаст дар хабарнома.

Ҳамин тавр, дар паи баргузори чорабиниҳои оперативӣ-ҷустуҷӯӣ аз ҷониби кормандони милитсия ҷавондухтари 20-солаи сокини ҷамоати деҳоти Б. Бурунови ҳамин шаҳр ҳамчун гумонбар дар содир намудани ҷинояти ғоратгарӣ дастгир карда шуд.

Инчунин дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки номбурда санаи 28-уми сентябри соли 2020, тахминан соатҳои 17:30-дақиқа, бо роҳи зӯроварӣ аз гӯшҳои духтарчаи 8-солаи сокини ҳамин шаҳр 1-ҷуфт гӯшвори тиллоиро тасарруф намуда, аз ҷойи ҳодиса ғайб задааст.

Зарари расонидашуда 1 ҳазору 300-сомониро ташкил медиҳад.

Манбаъ афзуда ки аз рӯи ин ҳодисаҳо тафтишот идома дорад.

64
Барчаспҳо:
Вазорати корҳои хориҷии ҶТ, тилло, зани ҷавон, боздошт
Эмомали Рахмон открыл среднюю школу № 96 в Душанбе

Эмомалӣ Раҳмон ба ноҳияи Шаҳринав сафар кард

244
(Таҷдидшуда 11:28 30.09.2020)
Президенти Тоҷикистон сафарашро аз ифтитоҳи Комплекси агросаноатии Хоҷагии деҳқонии "Ҳоҷӣ Аҳмад" оғоз кардааст

ДУШАНБЕ, 30 сен — Sputnik. Президенти Тоҷикистон Эмомалӣ Раҳмон бо сафари корӣ ба ноҳияи Шаҳринав рафт. Кишвардорро фаъолону сокинон истиқбол гирифтанд, хабар медиҳад котиботи раисиҷумҳур.

Гуфта мешавад, ки ин ҷо нахуст президент дар деҳоти Чустии ноҳияи Шаҳринав Комплекси агросаноатии Хоҷагии деҳқонии "Ҳоҷӣ Аҳмад"-ро ба баҳрабардорӣ расонидааст.

Тибқи ититлои манбаъ, комплекси мазкур аз Корхонаи муштараки Тоҷикистону Ӯзбекистон ва Русия — "Марва-мебел", коргоҳи дӯзандагӣ, меҳмонхона, ошхона, гармхона, ҳавзи моҳӣ ва боғу токзор иборат мебошад.

Корхонаи муштараки "Марва-мебел" дар ошёнаи якуми бинои дуошёна ҷойгир мебошад.

Барои мебелсозӣ аз кишварҳои Урупо 16 адад дастгоҳи замонавӣ ворид гардидаанд.

Вобаста ба фармоиш дар корхонаи навбунёд беш аз 300 номгӯй мебел, аз қабили ҷевону рахти хоб, мизу курсӣ барои хона, корхона, ошхона ва муассисаҳои таълимӣ, инчунин дарҳои байниҳуҷрагӣ ва кату нишасткурсиҳои гуногунҳаҷм истеҳсол карда мешаванд.

Гуфта мешавад, дар корхонаи мазкур имкон аст дар як шабонарӯз беш аз 8 метри мукааб тахта коркард карда шавад.

Манбаъ таъкид карда, ки дар корхона маҳсулот аслан вобаста ба фармоиш истеҳсол карда шуда, аз лиҳози тарҳ ва сифат ба стандарти байналмилалӣ ҷавобгӯ мебошад.

Чӯбу тахта, фурнитура ва дигар ашёи хом аз Русия ва Ӯзбекистон ворид карда мешаванд.

Ҳамчунин гуфта мешавад, ки кандакорӣ дар чӯб, ки барои миллати тоҷик меросист, дар корхона васеъ ба роҳ монда шудааст.

Ба ин кор нафарони соҳибкасб ва дорои таҷрибаи зиёди корӣ ҷалб шудаанд.

Дар корхонаи мебелсозӣ 30 кас бо ҷойи кори доимӣ ва маоши хуб таъмин шудаанд.

Президент ба масъулин барои васеъ намудани доираи фаъолияти корхона ва ба роҳ мондани содироти маҳсулот ба хориҷи мамлакат дастур дода, мутахассисонро ба омӯзонидани нозукиҳои кори мебелсозӣ, аз ҷумла кандакорӣ дар чӯб ба насли наврасу ҷавон ҳидоят кардааст.

244
Барчаспҳо:
сафари корӣ, Эмомалӣ Раҳмон, Шаҳринав