Вирусолог Александр Семенов

Семёнов омори “вируси корона” и вазорати тандурустиро дуруст меҳисобад

525
(Таҷдидшуда 10:49 05.09.2020)
Раҳбари ҳайати Созмони ҷаҳонии тандурустӣ мегӯяд, ҳисобдорӣ ё сабти мавридҳои “вируси корона” дар Тоҷикистон воқеият дорад. Мунтақидон онро тахминӣ ва тақаллубӣ мехонанд

ДУШАНБЕ, 5 сен — Sputnik. Александр Семёнов, раҳбари ҳайати “Роспотребнадзор” – и Русия, ки ба намояндагӣ аз Созмони ҷаҳонии тандурустӣ дар Тоҷикистон якуним моҳ ба ин сӯ қарор дорад, мегӯяд, усули ҳисобдорӣ ё сабти мавридҳои “вируси корона” дар ин кишвар дуруст роҳандозӣ шудааст.

“Ҳар кишваре барои худ ҳисобдориро муайян мекунад. Ҷое ниёз ба таъйиди озмоишгоҳӣ ҳаст, дар ҷое мувофиқат мекунанд, ки бар асоси нишондодҳои клиникӣ ташхис диҳанд. Дар Русия мутафовит шумурда мешавад, дар Олмон аз роҳи севум ё дар Амрико аз роҳи чорум мераванд. Аммо шумо ба таври ҷудогона ташхиси таъйидшудаи илтиҳоби шуш ва дигар далоили номафҳуму ношинохтаро дар назар мегиред. Чунин як низоми ҳисобдорӣ вуҷуд дорад, ки дар саросари ҷаҳон шинохта шудааст. Дар ин ҷо наметавонед дар мавриди сиҳат ва нодурустӣ сӯҳбат кунед. Шумо ин корро карда будед ва мекунед. Ковид ҳеҷ иртиботе бо он надорад. Он низом қаблан ҳам кор мекард”, - гуфт Александр Семёнов.

Бархе дар Тоҷикистон омори вазорати тандурустии ин кишвар марбут ба “вируси корона” - ро ба боди интиқод кашида, онро ғалат ва ғайривоқеӣ мехонанд. Ба иддаои онҳо, теъдоди гирифторону фавтидагон аз ин маризӣ аз он чӣ дар омори вазорат оварда мешавад, зиёд аст. Сабаби марги аксари онҳое, ки дар замони мубориза бо “вируси корона” дар Тоҷикистон фавтидаанд, расман илтиҳоби шуш, ишемияи дил, қанд ва дигар маризиҳои ҳамроҳ гуфта мешавад.

Семёнов гуфт, бо русуми тоҷикӣ фавтида бояд тайи 24 соат дафн шавад: ташхисҳои зарурӣ анҷом дода намешаванд

Раҳбари ҳайати “Роспотребнадзор” – и Русия мегӯяд, дар Тоҷикистон таъйиди он, ки фавт аз илтиҳоби шуш ё дигар маризӣ рух додааст, дуруст аст, зеро ба далоили мухталиф, аз ҷумла суннату одобу русуми мазҳабӣ ташхиси зарурӣ анҷом дода намешавад.

“Ба унвони мисол, дар кишвари мо (Русия) дафни фард пас аз муддате, ки дар он як озмоиши комили осебшиносӣ - колбудшикофии анатомӣ ва баррасии мавод анҷом шавад, муҷоз аст. Аммо агар расму русуми шумо ин аст, ки муваззаф ҳастед мутаваффои худро дар зарфи 24 соат дафн кунед, бояд чунин ташхиси илтиҳоби шушро қабул кунед. Мо наметавонем колбадро боз кунем, маводро бигирему баррасӣ намоем ва сипас онро дафн кунем. Шумо худ исрор доред, ки фард зарфи 24 соат бояд дафн шавад”, - гуфт Александр Семёнов.

Тоҷикистон аввалин мавориди гирифторӣ ба “вируси корона” – ро 30 апрел эълон карда буд. Аз он рӯз то ба ҳол, тибқи иттилои вазорати тандурустии ин кишвар, 8724 нафар ба ин маризӣ гирифтор шуда, 7515 (86,1%) нафар шифо ёфтаанд ва 69 нафар ҳам ҷонҳои худро аз даст додаанд.

525
Барчаспҳо:
омор, гирифторони беморӣ, беморӣ, Тоҷикистон
Спичка, архивное фото

Пулро гирифту хонаро оташ зад: боздошти хонандаи синфи 10 дар Истаравшан

3
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

3
Барчаспҳо:
боздошт, ноболиғ, дуздӣ, Истаравшан
Призывники в армию Таджикистана в Бадахшане

Бадахшон аввалин шуда нақшаи даъват ба артишро дар як рӯз иҷро кард

22
(Таҷдидшуда 16:56 01.10.2020)
Вилояти Мухтори Куҳистони Бадахшон аз нахустин манотиқи кишвар аст, ки аввал шуда нақшаи даъват ба артишро иҷро кард.

ДУШАНБЕ, 1 окт – Sputnik. Тибқи иттилои дафтари матбуотии вилоят, дар нахустин рӯзи даъват нақшаро пурра ба анҷом расонидаанд.

Ба иттилои манбаъ, нақшаи сафарбар намудани ҷавонон ба сафи Қувваҳои Мусаллаҳи Ҷумҳури Тоҷикистон дар рузи якум 103 % иҷро намуд.

Президент фармони даъвати тирамоҳӣ ба аскариро имзо кард

Ёдовар мешавем, Вилояти Мухтори Куҳистони Бадахшон дар даъватҳои қаблӣ низ пеш аз дигар минтақаҳо нақшаро нахустин шуда иҷро мекард.

Фармон дар бораи даъвати наваскаронро раисиҷумҳури кишвар 3 сентябр имзо карда буд.

Пешсафии Бадахшон: нақшаи даъвати наваскарон дар вилоят 110 дарсад иҷро шуд

Бар асоси он дар даъвати тирамоҳа шаҳрвандони солҳои таваллуди 1993-2002 ба хизмати ҳарбӣ ҷалб карда мешаванд.

22
Барчаспҳо:
артиш, даъват, Бадахшон, Тоҷикистон