Цены на топливо в АЗС-ах в Согдийской области

Баъди “гушмол”- и мақомот нархи газ дар Тоҷикистон поён рафтааст

1675
(Таҷдидшуда 10:52 07.09.2020)
Баъд аз нашри хабарҳо дар бораи бе асос боло бурдани нархи гази моеъ ва 1, 1 милион ҷаримаи шудани ширкатҳои фурӯши сӯзишворӣ аз ҷониби Хадамоти зиддиинҳосории (антимонополия) Тоҷикистон, ҳоло арзиши гази моеъ наздик ба 4 сомонӣ ва ё наздики 18 % поён рафтааст

ДУШАНБЕ, 7 сен – Sputnik. Бино бар нархнома ва ё прайсе, ки аксар ширкатҳои фурӯши сӯзишворӣ дар шаҳру навоҳии кишвар мураттаб кардаанд, дида мешавад, нархи гази моеъ яке аз асоситарин маводи сӯзишвории нақлиётӣ дар Тоҷикистон дар муқоиса ба ду ҳафтаи пеш то ба 4 сомонӣ ё қариб ба 18 % поён шудааст.

Як корманди нуқтаи фурӯши сӯзишворӣ дар ноҳияи Ҷаббор Расулов, ба Sputnik Тоҷикистон гуфт, “бо супориши роҳбари ширкат ду рӯз боз гази моеъро 4 сомонӣ мефурӯшанд”.

Болоравии қимати газеъ моеъ дар Тоҷикистон аз замони баъд аз хатми қарантина аз пандемияи COVID-19 шурӯъ шуд. То ин вақт ин маводи сӯхт дар саросари кишвар бо арзиши 2, 5 сомонӣ фурӯхта мешуд, вале сар аз моҳи июн то нимаҳои моҳи август нарх то ба 4, 7 сомонӣ ва ё беш аз 55 % афзуд ва ин ҳолат нигаронии сокинонро ба вуҷуд овард.

Абдумаҷиди Муъминзод, сардори Хадамоти зиддиинҳисории назди ҳукумати Тоҷикистон, ахиран дар мусоҳиба ба Sputnik Тоҷикистон дар бораи санҷиш ва ҷаримаи ширкатҳои таъминкунандаи фурӯши сӯзишворӣ иброз намуд.

Сардори Хадамоти зиддиинҳисорӣ афзуд, дар пайи санҷиш дар 9 ширкати фурӯши сӯзишворӣ маълум шуд, ки онҳо арзиши маводи сӯзишвориро бе асос боло бурдаанд.

Муъминзод ба хотири латма ворид нашудан ба обрӯи ширкатҳо аз онҳо ном набурд, вале гуфт, ҳар як аз ин ширкатҳо аз 50 то 200 ҳазор сомонӣ ҷамъ ба маблағи 1 милиону 100 ҳазор сомонӣ ҷарима таъйин шуда ва санҷиш дар 6 ширкати дигар идома дорад.

“Тибқи қарори ҳукумати Тоҷикистон аз 31 майи соли 2018 (№287) гази моеъ, дар умум маҳсулоти нафтӣ, ба “Номгӯи мол ва маҳсулоти аз ҷиҳати иҷтимоӣ зарурӣ” дохил мешаванд, ки нархҳояшон аз сӯи давлат танзим карда мешаванд. Тибқи қонунгузорӣ, назорати нархи онҳо, ки маҳсулоти истеъмолии халқанд, бар зиммаи Агентии зиддиинҳисорӣ аст. Ин на фишор, балки вазифаи қонунии мақомоти мост”, - гуфт Абдумаҷиди Муъминзод.

Дар Тоҷикистон маводи сӯхт аз хориҷа ворид карда мешавад. Дар соли гузаштаи 2019 бино ба маълумотҳои омории мақомоти гумрук беш аз 430 ҳазор тон гази моеъ, қариб 180 ҳазор тон бензин ва ҳудуди 250 ҳазор тон маводи дизелӣ ба кишвар ворид шудааст. "Фароз”, "Газпром", "Газойл", "Роҳи Сомон нафт" ва “Суғднефт” аз бузургтарин ширкатҳои таъминкунандаи сӯзишворӣ дар Тоҷикистон ба ҳисоб мераванд.

Баъзе аз моликони ширкатҳои яклухтфурӯши маводи сӯхт мегуянд, ҳоло роҳи воридоти маводи сӯхт аз қаламрави кишварҳои Қазоқистон ва Федератсияи Русия осонтар шудааст ва қарор аст, рӯзҳои наздик боз ҳам нархи газ дар кишвар поён шавад.

1675
Барчаспҳо:
мақомот, поин, сомонӣ, арзиш, газ, нарх, Хадамоти зиддиинҳисорӣ, сӯзишворӣ, Тоҷикистон
Футбольный мяч на поле, архивное фото

Дар деҳаи Шуҷанди ноҳияи Рӯшон варзишгоҳи муосир бунёд шуд

9
(Таҷдидшуда 18:24 30.09.2020)
Дар рӯзи ифтитоҳи варзишгоҳ Хонаи фарҳанги деҳа низ пас таъмиру таҷдид дари худро ба рӯи сокинон боз намуд

ДУШАНБЕ, 30 сен — Sputnik. Дар деҳаи Шуҷанди ноҳияи Рӯшони Вилояти Мухтори Кӯҳистони Бадахшон варзишгоҳи муосир ба истифода дода шуд. 

Дар варзишгоҳ барои машқ ва мусобиқа аз намудҳои баскетбол, волейбол, футболи хурд, давидан ба масофаи кӯтоҳ шароити мусоид фароҳам оварда шудааст, хабар медиҳад АМИТ "Ховар".

Директори мактаби №10-и деҳаи мазкур Акимбек Акимбеков гуфт, ки "ин варзишгоҳ дар наздикии бинои таълимгоҳ  воқеъ аст. Дар мувофиқа бо бахши ҷавонон ва варзиши назди мақомоти ноҳия то нисфирӯзӣ хонандагони таълимгоҳ дар ин варзишгоҳ  дарси тарбияи ҷисмонӣ мегузаронанд ва пас аз анҷоми дарс он дар ихтиёри ҷавонони деҳа гузошта мешавад".

Муовини аввали раиси ноҳияи Рӯшон Гулмаст Дӯсталиев гуфт, ки "Ҳукумати ҷумҳурӣ ба солимии насли наврас таваҷҷуҳи зиёд равона месозад ва инро мо дар ноҳияи худ низ мушоҳида мекунем. Танҳо дар се соли охир се варзишгоҳи мутобиқ ба меъёрҳои байналмилалӣ мавриди баҳрабардорӣ  қарор дода шуданд".

Ба иттилои Дӯсталиев барои бунёди ин варзишгоҳ дар ҳамкорӣ бо шарикони рушд 650 ҳазор сомонӣ сарф шуд.

Ҳоло сохтмони майдони футбол дар маркази ноҳия барои 6 ҳазор ҷои нишаст идома дошта, дар назар аст, ки  дар остонаи ҷашни 30-солагии Истиқлоли Тоҷикистон ба истифода дода шавад.

9
Барчаспҳо:
Варзишгоҳ, Рӯшон, ВМКБ
Руки  в наручниках

Лаҳистон панҷ шаҳрванди Тоҷикистонро истирдод кард

96
(Таҷдидшуда 17:13 30.09.2020)
Мақомоти қазоии Лаҳистон панҷ шаҳрванди Тоҷикистонро ба иттиҳоми ҳамкорӣ бо гурӯҳҳои террористӣ истирдод кард

ДУШАНБЕ, 30 сен — Sputnik. Ин панҷ  нафари муттаҳам ба доштани иртибот бо гурӯҳи террористии ДОИШ (мамнӯъ дар қаламрави Тоҷикистону Русия) ва таблиғ барои ҷазби атбоъи Лаҳистон  ва Украина ба ин гурӯҳ мебошанд, иттилоъ додааст радиои тоҷикии Садои  Хуросон дар истинод ба сомонаи радиои Полша.

Мақомоти қазоии Лаҳистон эълом кардаанд, ки чаҳор нафар аз ин афрод дар моҳи майи имсол боздошт шудаанд, аммо нафари панҷумӣ дар пайи амалиёти муштараки зиддитеррористии чанд кишвари аврупоӣ пас аз фирор аз Лаҳистон дар моҳи декабри соли 2019 боздошт шудааст.

Гуфта мешавад, ки ин фард  пас аз фирор аз Лаҳистон қасд дошт худро ба Сурияи расонад ва ба шабакаи Ал-Қоида  бипайвандад.

Ин дарҳоле аст, ки чаҳор табааи дигари Тоҷикистон дар рӯзи 15 аврели имсол дар Олмон ба иттиҳоми ҳамкорӣ бо гурӯҳи ДОИШ (мамнӯъ дар қаламрави Тоҷикистону Русия) ва талош барои омодасозии анҷоми чанд амалиёти террористӣ боздошт шудаанд.

Ҳамчунин як табааи дигари Тоҷикистон дар авохири моҳи аврели имсол аз Албания ба дархости мақомоти қазоии Олмон ба Берлин мунтақил шуд, ки бо бақияи афроди боздоштшудаи тоҷик дар иртибот буд аст.

96
Барчаспҳо:
ҳамкорӣ, террористӣ, шаҳрвандони Тоҷикистон, истирдод, Лаҳистон, Тоҷикистон
Город Эль-Кувейт

Амири нави Кувайт савганд ёд кард

0
(Таҷдидшуда 19:04 30.09.2020)
Амири нави Кувайт Ноиф Алаҳмад Аҷҷобир Ассабоҳ имрӯз дар парлумони ин кишвар савганд ёд кард

ДУШАНБЕ, 30 сен — Sputnik. Ноиф Алаҳмад Аҷҷобир Ассабоҳ ба унвони амири нави Кувайт рӯзи чаҳоршанбе дар парлумони ин кишвар савганд ёд кард, иттилоъ додааст  хабаргузории Форс.

Давлати Кувайт рӯзи сешанбе дар паи даргузашти Сабоҳ Алаҳмад Аҷҷобир Ассабоҳ амири 91 солаи ин кишвар, Ноиф Алаҳмад Аҷҷобир Ассабоҳро ба унвони ҷонишини вай таъин кард.

Ноиф Алаҳмад Аҷҷобир Ассабоҳи 84 сола, ки ба унвони амири Кувайт таъин шуда аст, аз соли 2006 то кунун валиаҳди ин кишвар буда ва пеш аз он низ чанд симати вазирӣ аз ҷумла вазорати дохила, дифо, умури иҷтимоӣ ва муовинати нахуствазирии Кувайтро бар уҳда дошта аст.

Ёдрас мешавем, ки 29 сентябри соли равон амирии Кувайт  Сабоҳ Ал-Ҳамд Ал-Ҷобир Ас-Сабоҳ  даргузашт. 

Сабоҳ Ал-Ҳамд Ал-Ҷобир Ас-Сабоҳ  дар 16 июни 1929 ба дунё омад ва рӯзи 29 сентябри 2020 дар 91 солагӣ дар бемористоне дар Амрико фавт кард.

Вай 29 январи 2006 дар Кувайт ба қудрат расид.

Бо даргузашти амири Кувайт, кишварҳои арабӣ дар паёмҳои ҷудогона зимни тамҷид аз нақши вай дар минтақа, бо мардуму ҳукумати Кувайт ибрози ҳамдардӣ карданд.

0
Барчаспҳо:
Парлумон, нав, маросими савгандёдкунӣ, савгандёдкунӣ, Амири Кувайт