Мужчина в маске смотрит на телефон

Аз 2 то 7 сомонӣ: ширкатҳои мобилӣ “таруфаҳои камбағалон”-ро бармегардонанд

2666
(Таҷдидшуда 16:16 07.09.2020)
Хадамоти зиддиинҳисории назди ҳукумати Тоҷикистон аз ширкатҳои мобилӣ хостааст, ки барои қишри камбизоати аҳолӣ таруфаҳои арзон пешниҳод кунанд. Се ширкат ин даъватро пазируфтаанд

ДУШАНБЕ, 7 сен — Sputnik. Акмал Ҷӯраев, сардори шӯъбаи танзими алоқаи барқии Хадамоти зиддиинҳисории Тоҷикистон ба Sputnik Тоҷикистон гуфт, вақте таруфаҳои ширкатҳои мобилӣ боло рафтанд, дар расонаҳо ва сомонаҳои иҷтимоӣ бонги изтироб зада шуд ва Агентӣ тасмим гирифт, ин масъаларо бо ширкатҳои мобилӣ ба миён гузорад.

Норозигии мардум аз гаронӣ ва хоҳиши мақомот аз ширкатҳои мобилӣ

“Онҳо дар аввал розӣ нашуданд, зеро ин таруфаҳо хароҷоти техникӣ, музди меҳнат, андоз ва дигар пардохтҳояшонро бароварда намекунанд. Мо расман ба онҳо муроҷиат намуда, хоҳиш, ҳатто илтимос кардем, ки барои мардуми камбизоат, донишҷӯён ва дигар қишрҳои аз лиҳози иҷтимоӣ осебпазир, бигзор, ки як фоизи муштариёни ширкатҳоро ҳам ташкил кунанд, таруфаҳои арзонро роҳандозӣ намоянд”, - гуфт Акмал Ҷӯраев.

Моҳи апрели соли равон ширкатҳои мобилии Тоҷикистон таруфаҳои худро боло бурданд ва арзонтарин таруфа дар ҳаҷми 30 сомонӣ муқаррар шуд, ки ин вазъ интиқодҳоеро алайҳи онҳо ба бор овард. Муҳимтарин интиқод ҳам ин буд, ки ин таруфаҳо ҳаққи мардуми камбизоат барои дастрасӣ ба алоқаи арзонро поймол мекунанд.

Хадамоти зиддиинҳисории назди ҳукумати Тоҷикистон аз ин тағйирот пуштибонӣ карда, далоили онро ба сатҳи таваррум, авзоъи иқтисодии ҷаҳон, авомили дохиливу хориҷӣ, ба унвони мисол, пуштибонии фаннӣ аз барномаҳои гаронқимат, суратҳисоб, ки аз хориҷ ва ба доллар танзим мешаванд, вобаста дониста буд.

Хадамот гуфта буд, ки ширкатҳои мобилӣ барои пардохтҳои ҳатмӣ ба буҷаи давлат ҳудуди 40% - и даромади нохолиси худро харҷ мекунанд ва ин роҳи онҳоро ба сӯи ироаи хадамоти бокайфият, рақобат ва рушд душвор мекунад.

Тарофаҳои аз 2 то 7-сомонӣ пешниҳод шудаанд

Сардори шӯъбаи танзими алоқаи барқии Хадамот мегӯяд, ҳоло ширкати “Мегафон” таруфаҳоро ба 2 – сомонӣ, 5 – сомонӣ ва 7 – сомонӣ ба Хадамоти зиддиинҳисорӣ пешниҳод кардааст, ки мавриди омӯзиши мутахассисони ин ниҳод қарор гирифтааст.

“Мо мебинем, ки оё ин таруфаҳо ба қонунгузории зиддиинҳисорӣ мувофиқат мекунанд ё хайр. Пас аз он ки қабул шуд, худи ширкат онҳоро ба мизоҷон эълон мекунад. Ширкатҳои “Z – mobile” ва “Вавилон” ҳам як чунин таруфаҳоро пешниҳод карданд. Масалан, “Z – mobile” таруфаеро пешниҳод кардааст, ки пардохташ сифр аст ва он барои мизоҷ имкон медиҳад, ки дар ҳоли зарурӣ аз мултибастаҳо инфиродӣ истифода кунад, аммо ҳамеша дар хат бошад”, - гуфт Акмал Ҷӯраев.

Тибқи иттилои Хадамоти алоқаи Тоҷикистон, дар кишвар чор ширкати мобилӣ - Тсел, Вавилон, Мегафон ва “Z – mobile” фаъолият мекунанд, ки дар умум 6 миллиону 458 ҳазору 990 муштарӣ доранд ва 4 миллиону 856 ҳазору 887 нафари онҳо фаъол мебошанд.

2666
Барчаспҳо:
алоқаи мобилӣ, алоқа, нарх, Тоҷикистон
Паспотр РФ, архивное фото

Хонавайронӣ ба хотири ба даст овардани шаҳрвандии Русия

405
Дар ноҳияи Хуросони вилояти Хатлон давоми 8 моҳи соли ҷорӣ 71 оила ақди никоҳи худро бекор карданд, ки ин теъдод нисбати ҳамин давраи соли гузашта ду ҳолат кам аст

ДУШАНБЕ, 24 сен — Sputnik. Соҷида Нуридинзода, мудири бахши сабти асноди ҳолати шаҳрвандии ноҳияи Хуросон дар суҳбат бо рӯзномаи “Фараж” таъкид кардааст, ки  гарчанде ҳолатҳои ҷудошавии оилаҳо имсол камтар ба қайд гирифта шудааст, ин вазъ нигаронкуннад аст.

Вай афзудааст, ки дар ҳоли ҳозир, аризаҳое, ки барои ҷудо кардани оилаҳо аз ҷониби шаҳрвандон ба бахши САҲШ-и ноҳия ворид шуданд хело зиёд аст.

Соҷида Нуридинзода қайд кардааст, ки аз теъдоди ҷудошавии оилаҳо танҳо 7 ҳолаташ бо аризаи тарафҳо  ва 64 ҳолати дигар бо ҳалномаи суд бекор шудаанд.

Ин шахси масъул, омили ҷудошавии оилаҳоро дар ноҳияи Хуросон гирифтани шаҳрвандии Русия арзёбӣ кард.

“Ҳангоми суҳбату вохуриҳо бо оилаҳое, ки ақди никоҳи худро бекор карданд маълум гашт, онҳо зиндагии муштарак доранд, аммо ба хотири шаҳрвандии Федератсияи Русияро ба даст овардан, ақди никоҳашонро бекор кардаанду маълумотномиа муҷаррад буданро мегиранд”, - таъкид дошт Соҷида Нуридинзод.

Ҳамчунин вай сабиб бекор шудани 7 оилаи дигарро, ки бо розигии тарафҳо ҷудо шудаанд, бефарзандӣ арзёбӣ кард.

405
Барчаспҳо:
бекор кардан, никоҳ, оила, ҷудошавӣ, шаҳрвандии Русия, Русия, Тоҷикистон

Вазорати тандурустӣ: боз 45 мавриди ҷадиди гирифторшавӣ ба маризии COVID-19 сабт шуд

192
(Таҷдидшуда 20:23 24.09.2020)
Вазорати тандурустии Тоҷикистон омори нави гирифторшавӣ, фавт ва шифоёбӣ аз маризии сироятии коронавирусро нашр кард

ДУШАНБЕ, 24 сен — Sputnik. Бино бар иттилои Вазорати тандурустии Тоҷикистон шабонарӯзи гузашта боз 45 мавриди ҷадиди гирифторшавӣ ба маризии коронавирус сабт гардид.

Бино бар иттилои манбаъ, дар як шабонарӯзи охир 101 нафар гумонбарон зери назорати табибон қарор дошта, 52 нафар баъд аз муолиҷа ба хонаҳояшон рухсат дода шуданд.

“Инчунин,  дар як шабонарӯзи охир дар ҷумҳурӣ 45 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9520  нафар баробар гардид”, - таъкид доштааст вазорати тандурустӣ.  

Ҳамзамон манбаъ қайд кардааст, ки то санаи  24 сентябр дар кишвар  8296  (87,1%) нафар аз бемории COVID-19 шифо ёфта,  бар асари он 74  нафар фавтидаанд.

Вазорати тандурустии Тоҷикистон бори дигар аз тамоми сокинони кишвар хостааст, ки барои пешгирӣ аз ин беморӣ пеш аз ҳама  қоидаҳои беҳдошти шахсиро қатъиян риоя намоянд.

192
Барчаспҳо:
Вазорати тандурустӣ, вирус, маризӣ, гирифторон, омор, вируси корона, Тоҷикистон

Амрико ба хотири қатъи сохтмони “Маҷрои шимолӣ-2” шарик меҷуяд

0
(Таҷдидшуда 21:15 24.09.2020)
Мақомоти Амрико эълон кардааст, ки эътилофи зидди “Маҷрои шимолӣ-2”- ро ташкил хоҳад кард

Нашрияи Die Welt  навиштааст, ки Амрико фишорашро бар зидди ширкатҳое, ки дар лоиҳаи “Маҷрои шимолӣ-2” иштирок доранд зиёд кардааст.

Вазири хорҷаи Амрико Майк Помпео, ахиран эълон кардааст, ки кишвараш барои қатъи сохтмони “Маҷрои шимолӣ-2” эътилоф ташкил хоҳад дод.

Ба гуфтаи вай, ин лоиҳа метавонад вобастагии Аврупоро аз Русия зиёд намояд ва ба амнияти Украин хатар ворид кунад. Ба ҳамин хотир амрико набояд гузорад ин лоиҳа иҷро шавад.

Бояд гуфт, ки Русия борҳо таъкид кард, ки тарҳҳои энержии ин кишвар, аз ҷумла "Маҷрои шимолӣ-2" дар Аврупо бо ҳадафҳои сиёсӣ дучори монеа шудаанд.

Лоиҳаи “Маҷрои шимолӣ-2” бунёди ду лӯлаи газ бо иқтидори умумии 55 миллиард метри мукааб газ дар як сол аз соҳили Русия тавассути баҳри Балтика то Олмонро дар бар мегирад.

Владимир Путин борҳо таъкид кардааст, ки Русия ба лӯла танҳо ба унвони як лоиҳаи иқтисодӣ ишора мекунад. Маскав даъват мекунад, ки онро ҳамчун воситаи таъсирот қабул накунед. Сохтмони “Маҷрои шимолӣ-2” аз ҷониби Олмон, Австрия ва Норвегия фаъолона дастгирӣ карда мешавад.

0
Барчаспҳо:
мақомот, ташкил, эътилоф, Амрико, Русия