Российской военно-транспортной авиации 89 лет

Дар хона табобат мегирифт: даргузашти табиби маъруф Шарипов аз "илтиҳоби шуш" дар Суғд

3337
(Таҷдидшуда 13:57 08.09.2020)
Фазлиддин Шарипов табиби бемориҳои чашм ва собиқ сартабиби Бемористони клиникавии Суғд, субҳи имрӯз дар синни 61 солагӣ аз олам даргузашт

 ДУШАНБЕ, 8 сен – Sputnik. Бино ба иттилоъи манобеъи Sputnik Тоҷикистон, ин табиби ҳозиқ чанд рӯзи охир ба иллати бемории “илтиҳоби шуш” аз кор фориғ дар хона табобат мегирифт, вале субҳи имрӯз 8 уми сентябр ҷон ба Ҷонофарин супурдааст.

 

Аз Фазлиддин Шарипов дӯстону ҳамкасбонаш ба унвони табиби ҳозиқ ва бо фазлу некбин ёд намуда, даргузашти ӯро талафоти бузург дар соҳаи тандурустии кишвар арзёбӣ мекунанд.

“Афсусу ҳайҳот , ки чунин инсони нек дар авҷи камолоти хеш дунёро падруд гуфт! Хазорон одамон аз дастони шифобахши Фазлиддинако шифои комил ёфта, ҳазорҳои дигар ин касро чун инсони дилбару инсондӯст мешиносанд. Имрӯз, 8 сентябри соли 2020 барои соҳаи тандурустии Тоҷикистон талафоти бузург аст. Чунин табибон ангуштшумор ҳастанд. Алвидоъ, устоди азиз, алвидоъ!”, чунин изҳори тасаллият намудааст Аъзам Акбаров аз дӯстони марҳум Шарипов дар шабакаи Фейсбук.

Бино ба иттилоъи манобеъи Sputnik Тоҷикистон, Шарипов Фазлиддин Зайниддинович соли 1960 дар шаҳри Хуҷанд таваллуд шудааст. Соли 1982 Донишгоҳи давлатии тиббии Тоҷикистон ба номи Абӯалӣ ибни Синоро хатм намуда, фаъолияти корияшро ба сифати духтури муолиҷакор дар шубаи бемориҳои чашми Бемористони клиникавии Суғд шурӯъ намудааст.

Дар зарфи 38 соли фаъолияти кориаш Шарипов дар рушди соҳаи тандурустӣ, аз ҷумла роҳандозии усулҳои нави табобати чашм дар вилояти Суғд саҳми арзанда гузоштааст. Соли 1997 ба маҳзи ташаббуси ӯ, дар вилояти Суғд аввалин Бемористони ҷарроҳии чашм бунёд карда шудааст. Соли 2009 Фазлиддин Шарипов сардухтури Бемористони клиникавии Суғд таъин шудааст.

Даргузашти Муҳиддин Сангинов, мудири Театри Камоли Хуҷандӣ аз "илтиҳоби шуш"

Чанд соли пеш дар шаҳри Хуҷанд аз сӯи Фазлиддин Шарипов нахустин Маркази ҷарроҳии лазерии чашм роҳандозӣ шудааст, ки саҳми он дар шифоёбии даҳҳо нафар маризони чашм муассир гуфта мешавад.

3337

Соҳибмулки қаҳвахонаи "Ҷокер", ки ҷавонзанро ҳақорат карду кӯфт, боздошт шуд - навор

1120
(Таҷдидшуда 18:28 23.09.2020)
Аз болои соҳибмулки қаҳвахонаи "Ҷокер" ҷавонзане шикоят кард, ки барои кофӣ набудани маблағи иҷора ӯро аввал дашном кард ва сипас хуб кӯфт

ДУШАНБЕ, 23 сен - Sputnik.  Навори муроҷиати як зани ҷавон бо овози гирён ва рӯйи аз мушт зарбхӯрда, чанде пеш ба шабакаҳои иҷтимоӣ роҳ ёфт.

Ба нақли ин зан, ӯ қаҳвахонаеро ба иҷора гирифта, зиндагияшро пеш мебурд. Аммо барои кофӣ набудани маблағи иҷора, аз ҷониби соҳибмулки қаҳвахона мавриди сарзанишу латукӯб қарор гирифт.

Зан дар муроҷиати худ ба  мақомоти ҳифзи ҳуқуқ муроҷиат намуда, дархост намуд, ки алайҳи соҳибмулки қайҳавонаи "Ҷокер" чораҳои зарурӣ андешида шавад.

Занозании ронандаҳову мусофирон дар мобайни роҳ: боздошт ва ҳабс шуданд - навор

Зимнан, Раёсати умури дохила дар шаҳри Душанбе хабар медиҳад, ки кормандони ин ниҳод аллакай соҳибмулки қаҳвахона - Ҳайдаров Илҳоми 33 - соларо боздошт намуданд.

Зикр мегардад, номбурда қаҳвахонаи худро ба ҷавонзани муроҷиаткунанда ба иҷора дода, шаби 18 - уми сентябр барои гирифтани маблағ ба он ҷо рафтааст.

"Аз он сабаб, ки ҷавонзани муроҷиаткунанда маблағи иҷораро ба пуррагӣ пардохт карда наметавонад, шаҳрван Ҳайдаров Илҳом ӯро дашному ҳақоратҳои қабеҳ намуда, ҳамзамон мавриди латукуб низ қарор додаст", - таъкид мешавад дар хабар.

РВУД хабар медиҳад, ки нисбати гумонбаршаванда Ҳайдаров Илҳом бо моддаи 237 Кодекси ҷиноятии Тоҷикистон парвандаи ҷиноятӣ оғоз гардид, тафтишот дар ин самт идома дорад.

1120
Барчаспҳо:
боздошт, навор, латукӯб, қаҳвахона, муроҷиат, ҷавонзан
Вор. Грабитель

Агентии омор: дуздиву ғоратгарӣ дар Тоҷикистон зиёд шудааст

107
(Таҷдидшуда 17:39 23.09.2020)
Агентии омори ҷумҳурӣ натиҷаҳои ҷиноятҳои дар Тоҷикистон давоми ҳашт моҳ содиршударо ҷамъбаст намуд

ДУШАНБЕ, 23 сен - Sputnik. Шумораи ҷиноятҳои ба қайд гирифташуда дар Тоҷикистон дар моҳҳои январ-августи соли 2020 аз 15,7 ҳазор гузашт, хабар медиҳад Агентии омори ҷумҳурӣ.

Манбаъ мегӯяд, ин рақам нисбат ба нишондиҳандаи ҳамин давраи соли гузашта 1,1% камтар аст.

Дар давраи ҳисоботӣ шумораи ҷиноятҳои вазнини ба қайд гирифташуда аз 3,3 ҳазор гузашт, ки нисбат ба соли гузашта 6,7% камтар аст, афзудааст манбаъ.

Аммо, тибқи иттилои Агентии омор, сабти ҳолатҳои дуздӣ (17,3%) ва ғоратгарӣ (16,7%) зиёд шудааст.

Ба иттилои манбаъ, ҳодисаҳои кушторҳо, суиқасд ба кушторҳо ва қаллобӣ камтар шуда,  тақрибан 10% коҳиш ёфтаанд.

Тағо ва ҷиян буданд: боздошти дуздони касбӣ, ки 10 мағозаи "Фаровон" - ро ғорат карданд

Гуфта мешавад, сатҳи умумии ошкоркунии ҷиноятҳо дар моҳҳои январ-августи соли равон 77,3% -ро ташкил дод, ки нисбат ба соли гузашта камтар аст (81,2% дар соли 2019).

107
Барчаспҳо:
дуздӣ, Ожонси омор, Тоҷикистон
Река Кофарниган, архивное фото

Наврӯз нагуфт, ки ӯро Шаҳзода оташ зад: ҷузъиёти ишқи сӯзон дар Ваҳдат-видео

504
(Таҷдидшуда 21:13 23.09.2020)
Наврӯз Раҷабов ба Шаҳзода Шамсиева зарфи сӯзишворӣ дода, гуфтааст, ҳар коре бихоҳад бо ӯ анҷом диҳад, то дилаш ором шавад

ДУШАНБЕ, 23 сен – Sputnik. Тибқи гузориши ВУД, 26 - уми августи соли ҷорӣ, дар деҳаи Шаҳдбори шаҳри Ваҳдат, дар соҳили дарёи Кофарниҳон Шамсиева Шаҳзодаи 21-сола, дӯстдоштааш Наврӯз Раҷабови 25-соларо оташ задааст.

Наврӯз худаш ба Шаҳзода сӯзишворӣ дода гуфтаст, ҳар коре хоҳад бо ӯ бикунад

“Аз пушти мошин, бақлашкаи бензинро қатии зажигалка гирифта, дар дастам доду гуфт ин марҳамат чӣ кореям кунӣ, бикун, то дилат хунук шудана. Росто истода ин марҳамат гуфт. Ман ҳам бақлажка дар дастам, аз тори санг истода, болояш рехтам. Басай фиреб гуфтам, то кай фиреб мекунӣ, гуфтам, ин сӯ нигоҳ кун, ки зажигалкаро гирён кардаму оташ сӯяш давид”, - тавзеҳ дод Шаҳзода ҳодисаро.

ВУД мегӯяд, ҷабрдида содиркунандаи ин ҷиноятро пинҳон медошт, аммо кормандони милиса муайян кардаанд, ки ин корро Шаҳзода кардааст.

Наврӯз баъди сӯхтан ба Шаҳзода гуфтаст, ки ба касе чизе нагӯяд-видео

Шаҳзода дар гузориши ВУД изҳор дошт, ки Наврӯз дар роҳ ба ӯ гуфт, “рост ба хона рав, ба телефони ҳеч кас ҷавоб надеҳ, маро надидаӣ, намедонӣ”.

Шаҳзода изҳор доштааст, ки Наврӯз Раҷабов ба зиндагии осоиштаи ӯ дахл карда, сабабгори вайрон шудани оилааш шудааст.

Ба иттилои ВУД феълан аз рӯи ин ҳодиса алайҳи Шаҳзода парвандаи ҷиноӣ оғоз гардида, тафтишот идома дорад.

504