Муҳаммадҷон Ҳусейнов, табибе, ки Эмомалӣ Раҳмон ба ӯ манзили дуҳуҷрагӣ ваъда дод

Ятимӣ, зангирӣ бо қарз, кулбаи бедар ва духонагии Президент: саргузашти Муҳаммад-видео

2274
(Таҷдидшуда 15:02 09.09.2020)
Муҳаммад Ҳусейнов, табибе, ки дар замони авҷи коронавирус дар Тоҷикистон бо нашри як навор бо дидаи гирён ҳамкасбонро хизмат ба халқ даъват карду ахиран аз раисиҷумҳур ваъдаи хонаи дуҳуҷрагӣ гирифт, дар як филми мустанад, саргузашташро нақл карду шароиташро намоиш дод

ДУШАНБЕ, 9 сен - Sputnik. Дар филм, ки зери унвони “Шикасти вабо” нашр шудааст, Муҳаммад ва модараш аз ҳаёташон қисса мекунанду шароити кору зиндагияшшонро нишон медиҳанд.

Модари Муҳаммад мегӯяд, шавҳараш соли 1992 аз тарафи военкомат ба тарафи Қӯрғонтеппа рафта буду паронда шуд, ки он замон писараш ҳамагӣ сесола буд.

Аз компотфурӯшӣ то пешниҳоди хонадоршавӣ ба модар-навор

Ба гуфтаи Муҳаммад, падараш дар 27-солагӣ кушта шуд ва модараш он замон ҳамагӣ 24 сол дошт. Ӯ гуфт, борҳо масъалаи хонадоршавии дигарбораро ба модар пешниҳод кард, аммо модар шояд ба хотири ба дасти падарандар наафтидани фарзандонаш дигар шавҳар накард.

Модар нақл кард, ки Муҳаммад худаш аз кӯдакӣ барои таъмини хонавода талош мекард, офтобпарасту компот мефурӯхт ва аз он ҳатто як тину як сумашро барои худ сарф намекард, барои хароҷот ба хона меовардааст.

Қиссаи ошиқшавии Муҳаммад ба ҳамкор ва зангирӣ бо қарз-видео

Ҳусейнов нақл кард, ки вақте аввал дар шуъбаи эҳёгарии кӯдакона дар Қарияи Боло ба кор даромад, он ҷо бо ҳамсари ояндааш, ки ҳамкасбаш будааст, шинос шуд.

“Оилаам ҳамкасбам буд, маъқул шуд. Ман рақамҳояшро гирифта, ҳар бегоҳ шеърҳои ошиқона равон мекардам ва рӯзе иқрор шудам, ки ин манам. Суп-сурх шуд. Соли 2016 беморхонаи “Истиқлол”-ро кушоданд, як сол ин ҷо кор кардем ва соли 2017 аз бонк 10 ҳазор сомонӣ қарз гирифта, хонадор шудем. Пули бонкро супоридему зан фоида монд”, - бо шӯхӣ нақл кард Ҳусейнов.

Ӯ афзуд, ки қариб ду сол дар кулбаи навбунёдаш, ки дар надошту зимистон дар тирезаҳо салафан зада буданд, зиндагӣ кард. Ӯ афзуд, дар муҳоҷират, ки ҳудуди 1,5 сол дар партовгоҳу 1,5 соли дигар дар сохтмонҳо кор карда, корҳои сохтмониро ёд гирифта, кулбаеро барои худ сохт.

"Мардум худаш намехӯрду ба табибон ғизо медод, ки хизмат мекунед"

Дар мавриди замони авҷи коронавирус дар кишвар, Ҳусейнов аз мардуми кишвар тавсиф кард, ки ҳамон рӯзҳо мардум ғизо меоварданд, ки бачам ту хизмат карда истодаӣ. Мардуми мо бениҳоят моро дастгирӣ кард, изҳор дошт Ҳусейнов.

Ӯ гуфт, вақте ваъдаи хонаи дуҳуҷрагиро доданд, орзуи модараш иҷро шуд, ки ҳамеша мехост дар чунин биноҳои баландошёна соҳиби манзиле шавад.

“Аз хурсандию ҳаяҷони зиёд дигар намедонистам, чӣ кор кунам, ба оғӯш гирифтаму дуо кардам, ки бачам Худо баракатат диҳад”, - нақл кард модари Муҳаммад.

2274
Барчаспҳо:
хона, табиб, Эмомалӣ Раҳмон, Тоҷикистон

Марги як тоҷикистонии дигар аз COVID - 19: вазорат аз 41 ҳолати нави мубталошавӣ гуфт

403
(Таҷдидшуда 19:24 01.10.2020)
Шабонарӯзи гузашта дар Тоҷикистон аз маризии сироятии коронаиврус боз як дардманди дигар ҷон аз даст дод

ДУШАНБЕ, 1 окт – Sputnik. Вазорати тандурустии Тоҷикистон мегӯяд, шабонарӯзи гузашта дар кишвар як маризи коронавирус ба ҳалокат расид.

Ба иттилои котиботи вазорати мазкур, ҳамчунин рӯзи гузашта боз 42 ҳолати нави мубталошавии сокинон ба ин вирус сабт гардид.

Ба ҳамин минвол, аз 30 апрел то 1 октябр дар ҷумҳурӣ шумораи умуми маризони коронаиврус ба 9811 нафар баробар шуд.

Тоҷикистон шарҳ дод, ки чаро то ҳол аз Русия воксинаи зидди коронавирус дархост накардааст

Гуфта мешавад, то имрӯз дар мамлакат 8617  нафар ё худ 87,7 дарсади гирифторони COVID-19 шифо ёфта, аз ин беморӣ 77 нафар фавтидаанд.

Манбаъ тавзеҳ медиҳад, ки шабонарӯзи охир 71 нафар гумонбарон зери назорати табибон қарор дошта, 45 нафар баъд аз муолиҷа ба хонаҳояшон рухсат дода шуданд.

Ёдовар мешавем, ки рӯзи 30 - юми сентябр низ як ҳолати фавт аз ин беморӣ дар Тоҷикистон ба қайд гирифта шуд.

403
Барчаспҳо:
бемор, фавт, маризӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Новая мечеть в Душанбе

Тоҷикистон кай дари масоҷидро ба рӯи намозгузорон мекушояд?

363
(Таҷдидшуда 18:23 01.10.2020)
Дар Тоҷикистон ҳамоно дар робита ба авҷи маризии сироятии коронавирус дари масҷидҳо барои намозгузорон баста аст

ДУШАНБЕ, 1 окт – Sputnik. Дар Тоҷикистон ҳанӯз ҳам намозгузорӣ дар масҷидҳо номумкин аст, хабар медиҳад Парс тудей.

Манбаъ аз қавли Эмомалӣ мирзоев сухангӯи Вазорати тандурустии Тоҷикистон хабар медиҳад, ки ба далели калонсол будани синну соли аксар намозгузорон дар кишвар, ҳоло санаи дақиқи бозкушоӣ шудани дари масҷидҳо номаълум аст.

Мирзоев мегӯяд, одамони калонсол ба гурӯҳи хатар шомилан ва аз ин рӯ ин масъала ҳоло мавриди баррасӣ қарор нагирифтааст.

Зимнан, сухангӯи Кумитаи дин Афшини Муқим низ таъкид кардааст, ки риояти фосилаи иҷтимоӣ дар масҷидҳо кори сахт мебошад.

Нахустин намоз дар масҷиди Оя София - пахши мустақим

Ӯ мегӯяд, дар сурати беҳ шудани вазъи коронавирус дар Тоҷикистон ва фароҳам овардани шароити хуб дар масоҷид, ин масъала ҳалли худро пайдо мекунад.

Ёдовар мешавем, масҷидҳои Тоҷикистон аз рӯзи 18 апрели соли ҷорӣ тибқи дастури Шӯрои уламои исломии  кишвар ва тавсияҳои Ситоди муқобила бо вируси корона барои ҷилавгирӣ аз густариши коронавирус, баста шуд.

Қаблан, Тоҷикистон дари тарабхонаву қаҳвахонаҳоро низ баста буд. Аммо сар аз 15 - уми июл фаъолияти тарабхонаҳо аз сар гирифта шуд ва баргузории тӯю маъракаҳои хурсандӣ бо ҳузури на беш аз 30 нафар иҷозат дода шуд.

363
Барчаспҳо:
намоз, Тоҷикистон, масҷид
Мавзуҳо:
Пайомадҳои COVID-19 дар Тоҷикистон ва ҷаҳон
Девушка за рулем автомобиля, архивное фото

Ҷазои Снежанна барои мошинронӣ бо суръати хеле баланд дар Душанбе-видео

0
(Таҷдидшуда 21:06 01.10.2020)
Раёсати умури дохилии Душанбе аз ҷаримабандии ҷавондухтаре хабар дод, ки мошинро дар хиёбони Исмоили Сомонии пойтахт бо суръати 175 километр дар як соат рондаст

ДУШАНБЕ, 1 окт — Sputnik. Тибқи иттилои манбаъ, духтар мошинронияш бо суръати 175 км/соатро ба навор гирифта, дар саҳифаи шахсияш дар Инстаграм нашр намудааст. Корбарони шабакаҳои иҷтимоӣ аз маъмурини милиса хостаанд, ки барои нақзи қоидаҳои ҳаракат дар роҳ ронанда ба ҷавобгарӣ кашида шавад.

Раёсати умури дохилӣ хабар дод, ки дар пайи санҷиш муайян шуд, ронандаи мазкур Юдинна Снежанна Руслановна, сокини 29-солаи шаҳри Душанбе мебошад, ки ҳангоми идораи мошини шахсияш “Ауди А4” ба қонуншиканӣ роҳ додааст.

Манбаъ таъкид кард, ки бо назардошти ҳолатҳои мазкур нисбати ронанда, барои бо суръати баланд идора намудани воситаи нақлиёт ва гузаштан дар чароғаки сурх санади маъмурӣ тартиб дода шуда, ҷаримабандӣ гардид.

0
Барчаспҳо:
ҷазо, ронанда, роҳ, Тоҷикистон