Премьер-министры Узбекистана и Таджикистана Абдулла Арипов и Кохир Расулзода

Баррасии ҳамкориҳои иқтисодӣ, иҷтимоии Тоҷикистону Ӯзбекистон дар Душанбе

425
(Таҷдидшуда 00:16 14.09.2020)
Санаи 28 ва 29 сентябр дар пойтахти Тоҷикистон нишасти комиссияи муштараки ҳамкориҳои иқтисодӣ, иҷтимоӣ ва фарҳангӣ баргузор мешавад

ДУШАНБЕ, 14 сен — Sputnik. Баргузории нишасти комиссияи муштараки ҳамкориҳои тиҷорӣ ва иқтисодӣ, иҷтимоӣ ва фарҳангӣ таҳти раёсати Қоҳир Расулзода ва Абдулло Орифов сарвазирони ду кишвар ба мизбонии Тоҷикистон дар шаҳри Душанбе дар рӯзҳои 28 ва 29 сентябр  пешбинӣ шудааст, иттилоъ додааст радиои тоҷикии Садои Хуросон.

Интизор меравад, ки ҳайате аз мақомоти олии рутбаи ӯзбекистонӣ таҳти раёсати сарвазири ин кишвар ба манзури баррасии равобити байни ду кишвар дар заминаҳои мухталиф дар рӯзҳои поёнии моҳи ҷорӣ, вориди Душанбе шавад.

Ду тарафи тайи ин музокирот  мавзӯи бозгушоии марзҳо ва азсаргирии иртиботи ҳавоии байни ду кишварро, ки авосити моҳи марти соли ҷорӣ бар асари шуюъи вируси ҳамагири корона қатъ шудааст, мавриди баҳсу баррасӣ қарор хоҳанд дод.

Дар ҷараёни ин нишасти тарафайн ҳамчунин қасд доранд, мавзӯоти тавсеъаи тиҷорати дуҷониба, проектҳои сармоягузорӣ ояда‌дор, густариши иртиботот дар заминаи ҳамлу нақл ва иртиботот, равобити байни манотиқро баррасӣ кунанд.

Ҳаҷми арзаи барқи Тоҷикистон ба Ӯзбекистон, гази Ӯзбекистон ба Тоҷикистон ва қиммати он барои як соли оянда аз дигари мавзӯот  хоҳанд буд, ки дар нишасти отии камиссиюни муштараки ҳамкориҳои тиҷорӣу иқтисодӣ, иҷтимоӣ ва фарҳангии ду кишвар  ҳамоҳанг хоҳанд шуд.

Соли гузаштаи милодӣ Тоҷикистон ба Ӯзбекистон  як миллиарду 425,1 миллион киловатт  соат  барқ бо қиммати 2 сент бар як киловатт арза кардааст. Ҳаҷми куллии содироти барқи Тоҷикистон ба Ӯзбекистон дар соли 2019 мелодӣ 28,5 миллион доллар баровард шудааст.

Тоҷикистон ба навбати худ зарфи соли гузаштаи мелодӣ аз Ӯзбекистон 140 миллион метри мукааб гази табиӣ ба маблағи 17,7 миллион доллар харидорӣ кардааст.

425
Барчаспҳо:
баррасӣ, иҷтимоӣ, комиссия, иқтисодӣ, ҳамкорӣ, Ӯзбекистон, Тоҷикистон
Эмомали Рахмон открыл среднюю школу № 96 в Душанбе

Эмомалӣ Раҳмон ба ноҳияи Шаҳринав сафар кард

168
(Таҷдидшуда 10:05 30.09.2020)
Президенти Тоҷикистон сафарашро аз ифтитоҳи Комплекси агросаноатии Хоҷагии деҳқонии "Ҳоҷӣ Аҳмад" оғоз кардааст

ДУШАНБЕ, 30 сен — Sputnik. Президенти Тоҷикистон Эмомалӣ Раҳмон бо сафари корӣ ба ноҳияи Шаҳринав рафт. Кишвардорро фаъолону сокинон истиқбол гирифтаанд, хабар медиҳад котиботи раисиҷумҳур.

Гуфта мешавад, ки ин ҷо нахуст Президент дар деҳоти Чусти ноҳияи Шаҳринав Комплекси агросаноатии Хоҷагии деҳқонии "Ҳоҷӣ Аҳмад"-ро ба баҳрабардорӣ расонидааст.

Тибқи ититлои манбаъ, комплекси мазкур аз Корхонаи муштараки Тоҷикистону Ӯзбекистон ва Русия — "Марва-мебел", коргоҳи дӯзандагӣ, меҳмонхона, ошхона, гармхона, ҳавзи моҳӣ ва боғу токзор иборат мебошад.

Корхонаи муштараки "Марва-мебел" дар ошёнаи якуми бинои дуошёна ҷойгир мебошад.

Барои мебелсозӣ аз кишварҳои Урупо 16 адад дастгоҳи замонавӣ ворид гардидаанд.

Вобаста ба фармоиш дар корхонаи навбунёд беш аз 300 номгӯй мебел, аз қабили ҷевону рахти хоб, мизу курсӣ барои хона, корхона, ошхона ва муассисаҳои таълимӣ, инчунин дарҳои байниҳуҷрагӣ ва кату нишасткурсиҳои гуногунҳаҷм истеҳсол карда мешаванд.

Гуфта мешавад, дар корхонаи мазкур имкон аст дар як шабонарӯз беш аз 8 метри мукааб тахта коркард карда шавад.

Манбаъ таъкид карда, ки дар корхона маҳсулот аслан вобаста ба фармоиш истеҳсол карда шуда, аз лиҳози тарҳ ва сифат ба стандарти байналмилалӣ ҷавобгӯ мебошад.

Чӯбу тахта, фурнитура ва дигар ашёи хом аз Русия ва Ӯзбекистон ворид карда мешаванд.

Ҳамчунин гуфта мешавад, ки кандакорӣ дар чӯб, ки барои миллати тоҷик меросист, дар корхона васеъ ба роҳ монда шудааст.

Ба ин кор нафарони соҳибкасб ва дорои таҷрибаи зиёди корӣ ҷалб шудаанд.

Дар корхонаи мебелсозӣ 30 кас бо ҷойи кори доимӣ ва маоши хуб таъмин шудаанд.

Президент ба масъулин барои васеъ намудани доираи фаъолияти корхона ва ба роҳ мондани содироти маҳсулот ба хориҷи мамлакат дастур дода, мутахассисонро ба омӯзонидани нозукиҳои кори мебелсозӣ, аз ҷумла кандакорӣ дар чӯб ба насли наврасу ҷавон ҳидоят кардааст.

168
Барчаспҳо:
сафари корӣ, Эмомалӣ Раҳмон, Шаҳринав
Национальный банк республики Таджикистан. Архивное фото

Бонки миллӣ арзиши рубл, доллар ва евроро барои имрӯз эълон кард

181
(Таҷдидшуда 10:06 30.09.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз 30 сентябр эълон кардааст

ДУШАНБЕ, 30 сен — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1296 сомонӣ  нишон дода шудааст.

Уфти рекордии рублу ҷаҳиши доллар: Бонки миллӣ арзиши асъори хориҷиро эълон кард

Ин ниҳод қурби миёнаи фурӯши 1 доллари ИМА дар  муассисаҳои қарзии Тоҷикистонро аз 0.3292 то 10.3300 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.1000 то 12.3000 сомонӣ арзёбӣ кардааст.

Ин бонк хариду фурӯши 1 рублро имрӯз аз 0.1296 то 0.1340 сомонӣ муқаррар шудааст.

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.3292 сомонӣ, 1 евро – 12.0893 сомонӣ ва 1 рубли русӣ — 0.1296 сомонӣ.

Дурнамои асъор: иқтисоддонҳо гуфтанд, то соли 2023 бо сомонӣ чӣ хоҳад шуд

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

181
Барчаспҳо:
евро, рубл, сомонӣ, барои имрӯз, қурби асъор, Тоҷикистон
Вступительные испытания в Таджикском национальном университете

Кай донишҷӯёни хориҷӣ метавонанд ба Русия раванд

0
(Таҷдидшуда 10:20 30.09.2020)
Таҳсили рӯзона дар макотиби олии Русия барои донишҷӯёни хориҷӣ аз кушода шудани марзҳои кишвар вобаста аст

ДУШАНБЕ, 30 сен — Sputnik. Донишҷӯёни хориҷӣ танҳо пас аз бардошта шудани маҳдудиятҳои равуо ба Русия, метавонанд ба таҳсили рӯзона пардозанд, хабар медиҳад Вазорати маорифи ФР.

"Иҷозаи донишҷӯёни хориҷӣ барои таҳсили рӯзона дар ФР аз бардошта шудани маҳдудиятҳои воридшавӣ ба кишвар вобаста аст. Имрӯз маҳдудиятҳои равуо барои Белорус, Қазоқистон, Қирғизистон ва Куреи Ҷанубӣ бардошта шудаанд", - омадааст дар хабарнома.

Вазорат ҳамчунин ёдрас карда, ки пештар бо Бритониё, Туркия, Танзания, Швейтсария, Абхазия, Миср, АМА, Ҷумҳурии Молдива ва Осетияи Ҷанубӣ марзҳо боз шуда буданд.

Русия ба донишҷӯёни ғайр ҳам бурсияи бештар ва ҳам шароити беҳтар ваъда кард

Пештар хабар дода шуд, ки донишҷӯёни курси аввал, аз кишварҳои вурудашон боз, метавонанд аз моҳи сентябр ба Русия ворид шаванд.

Ҳамчунин гуфта шуд, ки беш аз 100 ҳазор донишҷӯёни хориҷӣ дар робита ба ҳамагирии коронавирус натавонистанд барои таҳсил ба Русия ворид шаванд.

0
Барчаспҳо:
хориҷӣ, донишҷӯён, боз, марз, Русия
Мавзуҳо:
Пайомадҳои COVID-19 дар Тоҷикистон ва ҷаҳон