Президент Республики Таджикистан Эмомали Рахмон

Қайларо қавурдоқ мегӯед?: сӯҳбати президент сари як пиёла чой аз чӣ буд? - навор

3199
Раисҷумҳури Тоҷикистон Эмомалӣ Раҳмон тайи чанд сафари кориаш аст, ки меҳмони хонаводаҳо мешавад ва бо сокинон сӯҳбати самимона анҷом медиҳад. Наворе, ки шабакаҳои давлатии телевизионӣ нашр карданд, бозгӯ намуданд, сӯҳбатҳо аз чӣ буд

ДУШАНБЕ, 14 сен — Sputnik. Чанде пеш котиботи раисҷумҳур аз меҳмонии Эмомалӣ Раҳмон ба хонаводаи Воисовҳо дар Панҷакент гузориш дода буд.

Дар наворе, ки аз ин меҳмонӣ нашр шудааст, дида мешавад, президент сари як пиёла чой бо аъзоёни хонавода бештар аз кишт ва ҳосил сӯҳбат мекунад ва маслиҳатҳо медиҳад.

Сӯҳбат аз деҳқонӣ

Дар аввал ӯ пурсон мешавад, ки  аз замин чанд маротиба ҳосил мегиранд ва чӣ мекоранд.

"Якум ҳосилба картошка, дуюмашба помидор бодринг мекорем. Заминҳои президентӣ*  ҳам дорем, ки  картошка парвариш мекунем, ҳам талаботи хонаводаро бо ин маҳсулот таъмин мекунем ва ҳам ба бозор мебарорем", - мегӯяд дар посух сарвари хонавода.

Эмомалӣ Раҳмон ба ин оила маслиҳат медиҳад, ки гармхона низ кунанд. Ӯ меафзояд, гармхона, хело даромаднок аст.

"Камтар ҷояшро гармхона кунед, дар зимистон кабудӣ корида фурӯхта метавонед. Дар гармхона тобистону зимистон кор ҳаст ва даромади хуб гирифтан мумкин аст. Декабр, январ як кило помидор бодринг то 27 сомонӣ мешавад. Аз хона набаромада, маҳсулотатонро фурӯхта метавонед", - таъкид мекунад кишвардор.

"Қайларо қавурдоқ мегӯед?"

Президент ёдрас мешавад, ки бо ин захирае, ки аъзои хонавода аз меҳнати дасти худашон мегиранд, метавон зимистонро паси сар кард. Ӯ мисол меорад, ки метавон каме гӯшт ҳам захира карду ба зимистон пурра омода шуд.

"Як гусфандро метавон ба зимистон қайла кард. Шумо қайла мегӯед? Хуҷандба қавурдоқ мегӯянд. Дар тарафаи мо қайла мегӯянд, ки гӯштро дар равғани худаш бирён карда мегиранд".

Солҳои вазнин фаро мерасанд...

Эмомалӣ Раҳмнони дар ин сӯҳбат тавзеҳ медиҳад, ки чаро доим истифодаи босамари заминро таъкид мекунад. 

Ӯ дар ишора бар ҳамагирии коронавирус қайд мекунад, ки пайомадҳои ин беморӣ ба иқтисоди ҷаҳон хисороти бузурге меорад. Президент ишора мекунад, куи маҳз барои ҳамин мардум дар Тоҷикистон бояд пеш аз ҳама дастнигари касе нашуда, ҳосил ҷамъ кунанд. "Агар дар бозор орд, ғалла набошад, одамхӯрӣ мешавад", мегӯяд президент.

"Солу замон ҳам вайрон, бисёр солҳои вазнин дар дунё, касе гуфта наметавонад, баъди КОВИД-19 чӣ мешавад, бояд кор кард. Таъкидҳои ман барои ҳамин", - меафзояд ӯ.

Маслиҳати раисҷумҳур ба занон

Эмомалӣ Раҳмон дар идома ба занон рӯй меоварад ва аз онҳо даъват мекунад, ки дар рӯзгордорӣ аз исроф даст кашанд. Ӯ дар ҳамин ҷо аз занони тоҷик ва ӯзбек тавсиф мекунад.

"Духтарову келиндҳо, исрофкорӣ накунед, сарфакор будан лозим. Худованд исрофкоронро бо шайтон баробар кардаст. Занҳои тоҷику ӯзбек ҳунарманд ҳастанд, таомҳои болаззат мепазанд", - мегӯяд ӯ.

 

Раисҷумҳур дар анҷом аз аҳли хонавода мепурсад, ки барояшон чӣ хизмате карда метавонад сӯҳбатро анҷом мебахшад.

Котиботи президент: сафарҳои Эмомалӣ Раҳмон бо риояи талаботҳои беҳдоштӣ сурат мегирад

*Бо дастури президенти кишвар дар солҳои 1995-97 наздик ба 75 000 ҳектор замин ба мардум дода шуд, то аҳолиро аз қаҳтӣ ва гуруснагии давраи ҷанги Тоҷикистон наҷот диҳад. Ин тасмим дар ҳоле гирифта шуд, ки мардум бе ин ҳам худсарона дар заминҳои бекорхобида гандум ва сабзавот кишт карда буд. Вале "қитъаҳои президентӣ" дар ҳақиқат дар давраи сахт аҳолиро аз гуруснагӣ наҷот дод.

3199
Мужчина в защитной маске

Омори коронавирус дар Тоҷикистон: 45 нафар шифо ёфтанду 41 тани дигар бемор шуданд

152
Вазорати тандурустии Тоҷикистон омори як рӯзи ахир аз фавту шифоёбӣ ва мубталошавии сокинон ба коронавирусро нашр намуд

ДУШАНБЕ, 27 сен — Sputnik. Шабонарӯзи гузашта дар Ҷумҳурии Тоҷикистон боз 41 ҳолати ҷадиди сироятшавӣ ба маризии коронавирус сабт гардид, хабар медиҳад Вазорати тандурустӣ.

Ба иттилои манбаъ, дар як шабонарӯзи охир 93 нафар гумонбарон зери назорати табибон қарор дошта, 45 нафар баъд аз муолиҷа ба хонаҳояшон рухсат дода шуданд.

Вазорат теъдоди умумии гирифторони маризии коронавирусро ба 9 646 нафар арзёбӣ кард.

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

Ҳамзамон, то санаи  27 сентябр дар мамлакат  8430 ё 87, 4 дарсади беморон аз COVID-19 шифо ёфта,  бар асари он 75 нафар фавтидаанд.

Зимнан, Вазорати тандурустӣ аз тамоми сокинони кишвар даъват ба амал меорад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

152
Мавзуҳо:
Пайомадҳои COVID-19 дар Тоҷикистон ва ҷаҳон
http://1news.uz/culture/ozodbek-nazarbekov-vystupil-protiv-besplatnykh-vystupleniy-/

Назарбеков: "сулҳу ваҳдат бевосита аз сиёсати кишвардорони ҳар ду давлат маншаъ мегирад"

56
(Таҷдидшуда 18:10 27.09.2020)
Вазири фарҳанги Ӯзбекистон, ки феълан дар Тоҷикистон қарор дорад, аснои мулоқот бо ҳамтои тоҷики худ изҳор дошт, сулҳе, ки феълан миёни ин ду кишвар побарҷост аз сиёсати Раҳмону Мирзиёев маншаъ мегирад

ДУШАНБЕ, 27 сен — Sputnik.Вазири фарҳанги Ӯзбекистон Озодбек Назарбеков, ки дар раъси намояндагони илму фарҳанги кишвараш дар Тоҷикистон қарор дорад, имрӯз дар мизи мудаввар бахшида ба дӯстии мардумони ин ду кишвар, иштирок намуд.

Вазири фарҳанги Ӯзбекистон Озодбек Назарбеков ба Тоҷикистон омад

Бар хабари котиботи Вазорати фарҳанги Тоҷикистон, дар оғози ҳамоиш Зулфия Давлатзода вазири тоҷик иброз намуд, ки таърихи миллати тоҷик ва ӯзбек то андозае ба ҳам наздик мебошанд. 

"Дар шароити душвори пандемия аҳолӣ пеш аз ҳама ба фарҳанг ниёз дорад, зеро фарҳанг ба онҳо имкон медиҳад бо рӯҳияи болида ва иродаи қавӣ ба вазъиятҳои бӯҳронӣ мубориза баранд", - изҳор доштааст Вазири фарҳанги Тоҷикистон.

Зимнан, Вазири фарҳанги Ҷумҳурии Ӯзбекистон Озодбек Назарбеков низ иброз намудааст, ки ин нахустин сафари онҳо ба Тоҷикистон нест.

"Сулҳу ваҳдат бевосита аз сиёсати пешгирифтаи президентони  ҳарду  давлат маншаъ мегирад. Тавсеаи равобити судманди Тоҷикистону Ӯзбекистон дар шароити ҷомеаи муосир саҳифаи наверо дар муносиботи гуногунсамтаи ду давлат  боз намуд", - афзудаст Назарбеков.

Дар ҷараёни мизи мудавар намояндагони ҳар ду ҷониб доир ба рушди муносибатҳои илмию фарҳангӣ изҳори назар намуда, нақши сиёсати пешгирифтаи роҳбарони ҳар ду давлатро дар тақвияти ин ҳамкориҳо муҳим шумориданд.

56
Барчаспҳо:
Ӯзбекистон, Тоҷикистон
Сангҳои сари роҳ, акс аз бойгонӣ

Раҳмон аз бошишгоҳи одамони асри санг ва шаҳри Мунк дар Ховалинг гуфт

0
Эмомалӣ Раҳмон, раисиҷумҳури Тоҷикистон, аз мавзеъҳои таърихӣ дар ноҳияи Ховалинг гуфта, дастур дод, ки сайёҳони дохилию хориҷӣ ба онҳо бештар ҷалб карда шаванд

ДУШАНБЕ, 27 сен — Sputnik. Тибқи иттилои котиботи раисҷумҳури Тоҷикистон, Эмомалӣ Раҳмон гуфт, ноҳияи Ховалинг бо таърихи бостонӣ ва фарҳанги ғании худ маълуму машҳур мебошад.

Ӯ афзуд, дар ҳудуди он шумораи зиёди ёдгориҳои таърихиву фарҳангӣ, аз қабили мазори Султон Увайси Қаранӣ, Боғ – осорхонаи Восеъ, шаҳри Мунки қадим, бошишгоҳҳои одамони асри санг ва маъбади буддоии Чепол мавҷуданд, ки барои сайёҳони дохиливу хориҷӣ бисёр ҷолиб мебошанд.

“Аз ин лиҳоз, обод нигоҳ доштани мавзеъҳои табииву таърихӣ ва ҳарчи бештар ҷалб кардани сайёҳони дохиливу хориҷӣ аз ҷумлаи вазифаҳои муҳимтарини роҳбарону масъулони ноҳия ва Кумитаи рушди сайёҳӣ ба ҳисоб меравад.”, - омадааст дар матни суханронии раисиҷумҳур.

Ба гуфтаи Раҳмон, илова ба ёдгориҳои нодири таърихӣ ва табиати зебои ин диёр муҳайё сохтани инфрасохтори зарурӣ барои рушди сайёҳӣ, бахусус, сайёҳии табобативу экологӣ ва ҷалби сайёҳони дохиливу хориҷӣ яке аз воситаҳои асосии бо ҷойи кор таъмин намудани аҳолӣ ва беҳтар гардонидани сатҳи зиндагии сокинони ноҳия мебошад.

Ӯ таъкид кард, ки ин раванд бояд дар доираи чорабиниҳои солҳои рушди деҳот, сайёҳӣ ва ҳунарҳои мардумӣ вусъат дода шавад.

0