Трудовые мигранты в России

Дар Русия ба муҳоҷирон андози нав бастанианд

1264
(Таҷдидшуда 17:09 14.09.2020)
Интизор меравад, муҳоҷирон ӯҳдадор шаванд, ки патенти электронӣ тартиб дода, мувофиқи он дар намуди пешмузди муайяне маблағ супоранд

ДУШАНБЕ, 14 сен — Sputnik. Вазорати корҳои дохилии Русия пешниҳод кардааст, ки тамоми муҳоҷироне, ки бо мақсади кор ба Русия сафар мекунанд, пешмузди муайяне пардохт кунанд. Дар ин бора РИА Новости гузориш медиҳад.

Бино бар иттилои манбаъ, дар ин бора дар консепсияи ВКД Русия - тарҳи нави қонуни федералии масоили муҳоҷиратӣ хабар дода мешавад.

Интизор меравад, ки барои пардохти ин индоз муҳоҷирони меҳнатӣ бояд патенти электронӣ тартиб диҳанд. Онҳо танҳо пас аз пардохти андоз аз даромади инфиродӣ дар намуди пешпардохти муайян ба кор шурӯъ карда метавонанд.

Афзун бар ин, кордиҳандагон - чӣ шахсони ҳуқуқӣ ва соҳибкорони инфиродӣ, ки шаҳрванди хориҷиро ба кор гирифтанианд, бояд дар вебгоҳи "Госуслуги" сабтином кунанд.

Ҳангоми пардохт накардани андоз нахуст ба муҳоҷирон огоҳӣ равон карда мешавад, ки пардохт кунад, дар ҳолати тайи 15 рӯз надодани пешмузд, онҳо аз ҳаққи кор маҳрум ва ё ҳатто ихроҷ карда мешаванд.

Дар тарҳи мазкур мӯҳтавои қабули шаҳрвандони хориҷӣ ба кор низ шарҳ дода мешавад.

Мисол, ҳаҷми маош, ки ба музди миёна дар минтақа баробар аст ва ё ҷаримаҳои пардохтнашуда ба назар гирифта мешавад.

Консули Тоҷикистон дар Русия барои муҳоҷирон китоб навишт

Ҳамчунин тибқи ин қонун ба ҳар як муҳоҷир ID-корт дода мешавад, ки дар он маълумотҳои инфиродии ӯ ҳифз мешаванд.

Ин тарҳи қонун дар ҳоли баррасӣ қарор дорад.

1264
Флаг Ирана

Эрон аз мубодилаи маҳкумони эронӣ ва тоҷикистонӣ хабар дод

97
(Таҷдидшуда 19:14 26.09.2020)
Мақомоти Эрон аз мубодилаи ду маҳкуми эронӣ ва тоҷикистонӣ ва интиқоли яке аз маҳкумони эронӣ аз Қазоқистон ба кишвар хабар дод

ДУШАНБЕ, 26 сен - Sputnik. Маҳмуди Аббосӣ, муовини ҳуқуқи башар ва умури байналмилали вазири додгустарӣ ва раиси Кумитаи интиқоли маҳкумони Эрон,  иттиҳоми ин афродро қочоқи маводи мухаддир унвон кард ва ба афроде, ки ба кишварҳои Осиёи Миёна ва минтақаи Қафқоз сафар мекунанд ҳушдор дод, муҷозотҳои сангине дар қиболи иртикоби ҷурм бавижа қочоқи маводи мухаддир ва маводи равонгардон дар интизори онҳо аст, иттилоъ додааст ИРНА.

Оқои Аббосӣафзудааст, ки интиқоли маҳкумон илова бар инки тобеи иродаи сиёсии кишварҳо аст ва ҳазинаи сангине бар байтулмол таҳмил мекунад, инъиқоди мувофиқатномаи маҳкумон илзоман ба маънеи интиқол нест ва ин мавзу ба иродаи сиёсии кишварҳо бар мегардад, бинобар ин таъкиди мо бар худдорӣ аз иртикоби ҷурм аз ноҳияи афрод ва пешгирӣ аз вуқуъи ҷурм тавассути дастгоҳҳои масъул аст.

Раиси кумитаи интиқоли маҳкумон изҳор дошт, ҳамкории хубе байни вазорати додгустарӣ ва муовинати умури иҷтимоӣ ва пешгирӣ аз вуқуъи ҷурми қувваи қазоияи Эрон шакл гирифта ва бояд аз руйкарди ҳамаҷонибаи муовини умури иҷтимоӣ ва пешгирӣ аз вуқуъи ҷурми қувваи қазоияи Эрон ташаккур ва қадрдонӣ кунем, ки зимни мувофиқат бо ташкили кори гуруҳи пешгирӣ аз вуқуъи ҷурм дар Кумитаи ҳуқуқӣ ва қазоии ҳимоят аз эрониёни хориҷ аз кишвар, заминаи муносибе барои пардохтан ба ин мабоҳис дар қиболи эрониёни хориҷ аз кишвар фароҳам карданд.

97
Барчаспҳо:
табибони эронӣ, тоҷикистонӣ, мубодила, маҳбус, интиқол, маҳкум, Эрон, Тоҷикистон
Футболист на поле, архивное фото

Пирӯзии “Навбаҳор” бар “Равшан” и Кӯлоб: ҳисоби бозӣ 5:0

122
(Таҷдидшуда 01:39 27.09.2020)
Бозии даври чаҳоруми чемпионати Тоҷикистон оид ба футбол байни ҷавондухтарон U-17 бо пирӯзии “Навбаҳор” и ноҳияи Мастчоҳ бар “Равшан” и шаҳри Кӯлоб ба охир расид. Дар ин бозӣ соҳибони майдон бо ҳисоби 5:0 пирӯз шудаанд

ДУШАНБЕ, 26 сен – Sputnik. Тавре Аҳлиддин Юнусов, котиби Федератсияи футболи Суғд ба Sputnik Тоҷикистон иттилоъ дод, дар доираи даври чаҳоруми чемпионати футбол инчунин бозӣ миёни дастаҳои “Хатлон” ва “Мактаби махсуси футбол, чавгон ва асп” ё “ММФЧВА” и Суғд доир шуда, бо ҳисоби 3: 2 бо ғалабаи мизбонон тамом шудааст.

Бино ба иттилоъи манбаъ дар чемпионати Тоҷикистон оид ба футбол миёни бонувон шаш даста ба ҳисоби “Навбаҳор” у “Равшан” ва “ММФЧВА” у “Хатлон” барои ба даст овардани Ҷом рақобат мекунанд.

Қарор аст, дар доираи давраи панҷуми бозиҳо “Навбаҳор” дар сафар бо дастаи “Ҳосилот” и Фархор бозӣ анҷом диҳанд.

 “Ҳоло дастаи “Хатлон” дар ҷои аввал ва дастаи “ММФЧВА” дар ҷои дуюм қарор дорад”, - гуфт Юнусов.

Соли гузашта дастаи “ММФЧВА” чемпион шуда буд. Зимнан соли сеюм аст, ки чемпионати футбол миёни бонувон мунтазам доир мегардад.

 Баъзеҳо аз баргузории футболи занона интиқод мекунанд, аммо бисёриҳо бо муҳимияти тарғиби тарзи ҳаёти солим роҳандозии ин намуди варзиш миёни бонувонро тасмими саривақтӣ медонанд. Федератсияи футболи Тоҷикистон ҳам бо мақсади тарғиби тарзи ҳаёти солим роҳандозии чемпионати футбол миёни бонувонро роҳандозӣ намуда, аз сӯи ин ниҳод сафархарҷ, туб ва либоси варзишии дастаҳо таъмин карда мешавад.

122
Барчаспҳо:
Кӯлоб, пирӯзӣ, Мастчоҳ, Футбол, Суғд, Тоҷикистон