Парламентские выборы в Таджикистане

САҲА интихоботи президентӣ дар Тоҷикистонро назорат хоҳад кард

181
(Таҷдидшуда 11:31 15.09.2020)
Намояндагии Созмони амният ва ҳамкории Аврупо аз дарёфти даъватномаи расмӣ барои назорат бар интихоботи раёсатҷумҳурии Тоҷикистон хабар дод

ДУШАНБЕ, 15 сен — Sputnik. Лорен Барановский, сухангӯи дафтари ҳуқуқи башари Созмони амният ва ҳамкории Аврупо эълом кард, ки рӯзи душанбе 14 сентябр даъватномаи расмӣ барои назорат бар интихоботи президентӣ, ки санаи 11 октябри соли равон дар Тоҷикистон баргузор мегардад, ирсол шуда ва заминаи ҳузури гурӯҳи нозири ин созмон дар рӯзи интихобот фароҳам шудааст.

Вай афзуд, кори гузиниши аъзои гурӯҳи нозирони эъзомии Созмони амният ва ҳамкории Аврупо барои назорат бар интихоботи раёсатҷумҳурии Тоҷикистон дар рӯзи 11 октябри имсол оғоз шудааст.

Созмони амният ва ҳамкории Аврупо аз соли 2006 бар раванди баргузории интихоботи парлумонӣ ва раёсатҷумҳурии Тоҷикистон назорат дорад ва ҳеч як аз интихоботи гузаштаро шаффоф ва мутобиқ бо меъёрҳои байналмиллалии мавриди назари ин созмон надонистааст.

Ёдрас мешавем, ки чанде пеш ба нишонии Котиботи Шӯрои Ассамблеяи байнипарлумонии давлатҳои узви Иттиҳоди давлатҳои мустақил аз Вазорати корҳои хориҷии Тоҷикистон бо даъвати нозирони байналмилалӣ аз  ИДМ барои иштирок ба назорати омодагӣ ба баргузории интихоботи президентӣ даъватнома ирсол шуд.

Ба наздикӣ ҳайъати гурӯҳи нозирон аз ҳисоби намояндагони парлумон - иштирокдорони АБД ИДМ, кормандони котиботи Шӯрои АБД ИДМ ва коршимносон, ки дар дар назорати интихобот иштирок хоҳанд кард, муайян мешаванд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

181
Барчаспҳо:
Интихоботи президентӣ, интихобот, назорат, Аврупо, САҲА, Тоҷикистон
Девушка в наручниках, фото из архива

Боздошти Миҷгона Умар, котиби суд барои "вазифафурӯшӣ"

53
Оҷонсии зидди фасод дар Тоҷикистон аз боздошти котиби маҷлиси судии Суди ноҳияи Исмоили Сомонии пойтахт хабар медиҳад, ки дар гирифтани пора муттаҳам мешавад

ДУШАНБЕ, 21 сен - Sputnik. Бино ба иттилои дафтари матбуотии Оҷонсӣ, боздоштшуда Музаффарзода Миҷгона Умар дар вазифаи котиби маҷлиси судии Суди ноҳияи И.Сомонии шаҳри Душанбе кор карда истода, даст ба порагирӣ задааст.

Ба иттилои манбаъ, номбурда моҳи декабри соли 2019 аз шаҳрванд Солеҳзода М.Д. барои мусоидат кардан дар таъин гардидани ӯ ба ҳайси котиби маҷлиси судӣ аз охирин маблағи 5000 доллари ИМА талаб намуда, аз ин маблағ 25000 сомониашро пешакӣ гирифта, оварда додани боқимондаи онро талаб намуд.

“Минбаъд Музаффарзода М.У. кирдорҳои ҷинояткоронаи худро идома дода, санаи 15 январи соли 2020 аз Солеҳзода М.Д. ба ҷойи маблағи боқимондаи талабнамудааш як автомашинаи тамғаи “Опел-Астра” соли бароришаш 2001-ро бо роҳи қаллобӣ гирифта тасарруф намуда, ба охирин зарари калони моддӣ расонид”,-афзудааст манбаъ.

Гуфта мешавад, айни ҳол нисбати Музаффарзода М.У. бо моддаи 247 қисми 3 банди “а” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

53
Барчаспҳо:
пора, боздошт, корманд, Суд, Тоҷикистон
Преступник за решеткой

Баъди алоқаи ҷинсӣ бо ноболиғ: мард 70 ҳазор пешниҳод кард, ки аз ҷавобгарӣ халос шавад

114
(Таҷдидшуда 10:03 23.09.2020)
Вазорати умури дохилии Тоҷикистон аз боздошти як марди 28-сола хабар медиҳад, ки баъди алоқаи ҷинси бо духтари ноболиғ боздошт шудаву барои раҳоияш аз ҷавобгарӣ пора пешниҳод кардааст

ДУШАНБЕ, 23 сен — Sputnik.  Бино ба иттилои дафтари матбуотии ин ниҳод,  боздоштшуда сокини ҷамоати деҳоти Пули-Сангини шаҳри Норак, ки пеш бо моддаи 237 қисми 3 Кодекси ҷиноятии Ҷумҳурии Тоҷикистон суд шудааст.

Ба иттилои манбаъ, номбурда, санаи 27-уми июли соли 2020, дар бӯстонсарои “Сомон-Плаза”, воқеъ дар суроғаи шаҳри Норак бо ноболиғдухтари 17-солаи сокини шаҳри мазкур алоқаи ҷинсӣ намудааст.
“Баъдан номбурда санаи 18-уми сентябри соли 2020 бо мақсади озод гардидан аз ҷавобгарии ҷиноятӣ ба кормандони Шуъбаи кофтукови ҷиноятии РВКД дар вилояти Хатлон ҳамчун пора 70 ҳазор сомонӣ маблағи пулӣ пешниҳод мекунад, ки ҳангоми додани пора аз ҷониби кормандони Прокуратураи вилояти Хатлон ва ШКҶ РВКД дар вилояти Хатлон дастгир карда шуд”,-афзудааст манбаъ.
Гуфта мешавад, нисбати гумонбаршаванда парвандаи ҷиноятӣ бо моддаи 320 қисми 2, Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

Аммо ВУД дар бораи шахсияти боздоштшуда иттилои бештаре надодааст.

114