Председатель Демократической партии  Саидджафар Усмонзода

Имзоҳои қалбакӣ: чаро номзадии Усмонзода рад шуд?

1347
(Таҷдидшуда 12:20 15.09.2020)
Комиссияи марказии интихобот ва раъйпурсии Тоҷикистон номзадии Саидҷаъфар Усмонзода, раиси Ҳизби демократро рад кард

ДУШАНБЕ, 15 сен — Sputnik. Носирҷон Салимзода, муовини раиси КМИР ба Sputnik Тоҷикистон гуфт, далели рад шудани номзадии Саидҷафъар Усмонзода дар ҷой доштани камбудиҳо дар аснодаш аст.

“Рӯзи 14 сентябр, як рӯз то муҳлати ниҳоии баррасии ҳуҷҷату асноди номзадҳо КМИР ба ҷаласа нишаст ва маълум шуд, ки дар ҳуҷҷатҳои Усмонзода камбудӣ ҷой доштааст”, - гуфт Носирҷон Салимзода. Муовини раиси КМИР тафсилоте бештар аз ин ироа накард.

"Хафа нестам": Усмонзода дар бораи тақаллубӣ хондани имзоҳои ҷамъкардааш

Саидҷафъар Усмонзода, раиси Ҳизби демократ, низ хабари рад шудани номзадиашро ба Sputnik Тоҷикистон таъйид карда, гуфт, сабабҳо барои ӯ ба таври шифоҳӣ гуфта шудаанд ва пас аз дарёфт кардани посухи расмӣ, ӯ ҳамаро расонаӣ хоҳад кард.

“Як чизе, ки ба ман гуфтанд, ҷой доштани тақаллуб дар имзоҳо аст. Мо 285 ҳазору 420 имзоро ба Комиссия таслим карда будем ва ба қавле, теъдоди бузурги онҳоро КМИР ботил кардааст. Дар умум, мо аз тасмими КМИР хафа нестем. Амалан ҳизби мо дар парлумон ҳузур дорад, касе фишорамон намеорад ва ин ба маънои идома доштани зиндагиву кори мо аст”, - гуфт Саидҷафъар Усмонзода.

Тибқи қонунгузории Тоҷикистон, номзадҳои мансаби президентӣ бояд на кам аз 5% - и интихобкунандагон имзо ҷамъ оварда, ба КМИР таслим кунанд ва ин рақам дар ҳоли ҳозир ҳудуди 245 ҳазор нафарро ташкил мекунад.

Имзоҳо - далели аз сабқати президентшавӣ канор мондани Усмонзода ва Иргашев

Дар баробари Саидҷафъар Усмонзода номзадии Фаромӯз Иргашов, адвокати ҷавон аз шаҳри Хоруғ низ бо далели нарасидани имзоҳо сабти ном нашудааст. Бино ба иттилои дарёфтӣ, ӯ тавонистааст беш аз 80 ҳазор имзо ҷамъ оварад, аммо ин барои пешбарии номзад ба президентӣ кофӣ нест.

Рӯзи 13 сентябр Комиссияи марказии интихобот ва раъйгирии Тоҷикистон номзадии Рустам Латифзода, номзади Ҳизби Аграрии Тоҷикистон, Абдуҳалим Ғаффорзода, номзади Ҳизби Сотсиалистии Тоҷикистон, Эмомалӣ Раҳмон, номзади Федератсияи иттифоқҳои касабаи мустақил, Иттифоқи ҷавонон ва Ҳизби Халқии Демократии Тоҷикистон, Рустам Раҳматзода, номзади Ҳизби Ислоҳоти Иқтисодии Тоҷикистон ва Мироҷ Абдуллоев, номзади Ҳизби Коммунистии Тоҷикистонро таъйид намуда, ба сабқати интихоботӣ роҳ дод.

Саидҷафъар Усмонзода, раис ва номзади Ҳизби демократи Тоҷикистон, низ аз аҳзоби мухолифи созандаи ҳукумат ба шумор меояд. Ӯ дар интихоботи президентии соли 2013 1,02 % - и раъйҳоро ба даст оварда буд.

1347
Барчаспҳо:
КМИР, рад, Ҳизби демократ, номзад, номзадҳо, Интихоботи президентӣ, интихобот, Тоҷикистон
Паспотр РФ, архивное фото

Хонавайронӣ ба хотири ба даст овардани шаҳрвандии Русия

362
Дар ноҳияи Хуросони вилояти Хатлон давоми 8 моҳи соли ҷорӣ 71 оила ақди никоҳи худро бекор карданд, ки ин теъдод нисбати ҳамин давраи соли гузашта ду ҳолат кам аст

ДУШАНБЕ, 24 сен — Sputnik. Соҷида Нуридинзода, мудири бахши сабти асноди ҳолати шаҳрвандии ноҳияи Хуросон дар суҳбат бо рӯзномаи “Фараж” таъкид кардааст, ки  гарчанде ҳолатҳои ҷудошавии оилаҳо имсол камтар ба қайд гирифта шудааст, ин вазъ нигаронкуннад аст.

Вай афзудааст, ки дар ҳоли ҳозир, аризаҳое, ки барои ҷудо кардани оилаҳо аз ҷониби шаҳрвандон ба бахши САҲШ-и ноҳия ворид шуданд хело зиёд аст.

Соҷида Нуридинзода қайд кардааст, ки аз теъдоди ҷудошавии оилаҳо танҳо 7 ҳолаташ бо аризаи тарафҳо  ва 64 ҳолати дигар бо ҳалномаи суд бекор шудаанд.

Ин шахси масъул, омили ҷудошавии оилаҳоро дар ноҳияи Хуросон гирифтани шаҳрвандии Русия арзёбӣ кард.

“Ҳангоми суҳбату вохуриҳо бо оилаҳое, ки ақди никоҳи худро бекор карданд маълум гашт, онҳо зиндагии муштарак доранд, аммо ба хотири шаҳрвандии Федератсияи Русияро ба даст овардан, ақди никоҳашонро бекор кардаанду маълумотномиа муҷаррад буданро мегиранд”, - таъкид дошт Соҷида Нуридинзод.

Ҳамчунин вай сабиб бекор шудани 7 оилаи дигарро, ки бо розигии тарафҳо ҷудо шудаанд, бефарзандӣ арзёбӣ кард.

362
Барчаспҳо:
бекор кардан, никоҳ, оила, ҷудошавӣ, шаҳрвандии Русия, Русия, Тоҷикистон

Вазорати тандурустӣ: боз 45 мавриди ҷадиди гирифторшавӣ ба маризии COVID-19 сабт шуд

175
(Таҷдидшуда 20:23 24.09.2020)
Вазорати тандурустии Тоҷикистон омори нави гирифторшавӣ, фавт ва шифоёбӣ аз маризии сироятии коронавирусро нашр кард

ДУШАНБЕ, 24 сен — Sputnik. Бино бар иттилои Вазорати тандурустии Тоҷикистон шабонарӯзи гузашта боз 45 мавриди ҷадиди гирифторшавӣ ба маризии коронавирус сабт гардид.

Бино бар иттилои манбаъ, дар як шабонарӯзи охир 101 нафар гумонбарон зери назорати табибон қарор дошта, 52 нафар баъд аз муолиҷа ба хонаҳояшон рухсат дода шуданд.

“Инчунин,  дар як шабонарӯзи охир дар ҷумҳурӣ 45 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9520  нафар баробар гардид”, - таъкид доштааст вазорати тандурустӣ.  

Ҳамзамон манбаъ қайд кардааст, ки то санаи  24 сентябр дар кишвар  8296  (87,1%) нафар аз бемории COVID-19 шифо ёфта,  бар асари он 74  нафар фавтидаанд.

Вазорати тандурустии Тоҷикистон бори дигар аз тамоми сокинони кишвар хостааст, ки барои пешгирӣ аз ин беморӣ пеш аз ҳама  қоидаҳои беҳдошти шахсиро қатъиян риоя намоянд.

175
Барчаспҳо:
Вазорати тандурустӣ, вирус, маризӣ, гирифторон, омор, вируси корона, Тоҷикистон

Амрико ба хотири қатъи сохтмони “Маҷрои шимолӣ-2” шарик меҷуяд

0
(Таҷдидшуда 21:15 24.09.2020)
Мақомоти Амрико эълон кардааст, ки эътилофи зидди “Маҷрои шимолӣ-2”- ро ташкил хоҳад кард

Нашрияи Die Welt  навиштааст, ки Амрико фишорашро бар зидди ширкатҳое, ки дар лоиҳаи “Маҷрои шимолӣ-2” иштирок доранд зиёд кардааст.

Вазири хорҷаи Амрико Майк Помпео, ахиран эълон кардааст, ки кишвараш барои қатъи сохтмони “Маҷрои шимолӣ-2” эътилоф ташкил хоҳад дод.

Ба гуфтаи вай, ин лоиҳа метавонад вобастагии Аврупоро аз Русия зиёд намояд ва ба амнияти Украин хатар ворид кунад. Ба ҳамин хотир амрико набояд гузорад ин лоиҳа иҷро шавад.

Бояд гуфт, ки Русия борҳо таъкид кард, ки тарҳҳои энержии ин кишвар, аз ҷумла "Маҷрои шимолӣ-2" дар Аврупо бо ҳадафҳои сиёсӣ дучори монеа шудаанд.

Лоиҳаи “Маҷрои шимолӣ-2” бунёди ду лӯлаи газ бо иқтидори умумии 55 миллиард метри мукааб газ дар як сол аз соҳили Русия тавассути баҳри Балтика то Олмонро дар бар мегирад.

Владимир Путин борҳо таъкид кардааст, ки Русия ба лӯла танҳо ба унвони як лоиҳаи иқтисодӣ ишора мекунад. Маскав даъват мекунад, ки онро ҳамчун воситаи таъсирот қабул накунед. Сохтмони “Маҷрои шимолӣ-2” аз ҷониби Олмон, Австрия ва Норвегия фаъолона дастгирӣ карда мешавад.

0
Барчаспҳо:
мақомот, ташкил, эътилоф, Амрико, Русия