Президент Таджикистана Эмомали Рахмон

Имрӯз соати 6.55: Эмомалӣ Раҳмон тариқи Zoom суханронии вижа мекунад

2941
(Таҷдидшуда 12:50 19.09.2020)
Эмомалӣ Раҳмон, раисҷумҳури Тоҷикистон, дар як барномаи онлайнии бузургдошт аз нӯҳумин солрӯзи шаҳодати Бурҳонуддин Раббонӣ, раисҷумҳури фақиди Афғонистон аз тариқи нармафзори Zoom суханронӣ хоҳад кард

ДУШАНБЕ, 19 сен — Sputnik. Азиз Аҳмади Бориз, дипломат, пажӯҳишгар ва нависандаи муқими Лондони Бритониё, мубтакири ин барнома, ба Sputnik Тоҷикистон гуфт, Эмомалӣ Раҳмон, раисҷумҳури Тоҷикистон ва раиси Анҷумани порсизабонон ва тоҷикони ҷаҳон "Пайванд" меҳмони вежа ва баландмақоми ин барнома хоҳад буд.

 “Раисҷумҳури Тоҷикистон дар мавзӯи “Нақши шаҳид Устод Раббонӣ дар сулҳи Тоҷикистон” суханронӣ хоҳад кард. Дар умум барнома пурра ба фаъолиятҳои устод Бурҳонуддини Раббонӣ бахшида хоҳад шуд. Раисҷумҳури Тоҷикистон аввалин суханвари ин барнома хоҳад буд”, - гуфт Азиз Аҳмади Бориз.

Дар ин барнома, ки тариқи нармафзори Zoom дар интернет пахш мешавад, Ҳомид Карзай, раисҷумҳури пешини Афғонистон, доктор Абдуллоҳ Абдуллоҳ, раиси Шӯрои мусолиҳаи миллӣ, Салоҳуддин Раббонӣ, раиси Ҷамъияти исломӣ, Масъуд Халилӣ, сафири собиқи Афғонистон дар Ҳинду Испания ва иддае аз сиёсатмадорону олимони афғону эронӣ ва араб низ ширкат ва суханронӣ хоҳанд кард.

Мулоқоти Эмомалӣ Раҳмон, раисиҷумҳури Тоҷикистон, бо Муҳаммад Ҳаниф Атмар, сарпарасти Вазорати корҳои хориҷии Афғонистон
дафтари матбуоти раисиҷумҳури Тоҷикистон

Ин барнома имрӯз, 19 сентябр, соати 6.55 – и шом ба вақти Душанбе мустақим тариқи нармафзори Zoom пахш мешавад. Бурҳонуддин Раббонӣ, собиқ раисҷумҳури Давлати исломии Афғонистон ва замони марг раиси Шӯрои сулҳи Афғонистон, 20 сентябри соли 2011 дар хонааш аз инфиҷори бомбае, ки дар саллаи террористи худкуш ҷойсозӣ шуда буд, ба шаҳодат расид.

 Ин фард худро намояндаи Толибон муаррифӣ карда буд. Раббонӣ пас аз марг лақаби “Шаҳиди сулҳ” – ро гирифт. Бурҳонуддин Раббонӣ ва Аҳмадшоҳи Масъуд, аввалин раҳбарони хориҷие буданд, ки барои сари мизи музокирот нишондани ҷонибҳои даргири Тоҷикистон талош карда, муваффақ ба шурӯъи музокироти сулҳи тоҷикон шуда буданд.

 Ин талошҳо 27 июни соли соли 1997 бо имзои Созишномаи истиқрори сулҳ ва ризоияти миллӣ дар Тоҷикистонро ба поён расиданд.

2941
Барчаспҳо:
онлайн, Афғонистон, вижа, суханронӣ, Эмомалӣ Раҳмон, Тоҷикистон
Новая эстакада в Душанбе

Роҳбандӣ дар Душанбе: ҳаракати нақлиёт дар кадом кӯчаҳо маҳдуд мешавад

65
(Таҷдидшуда 12:39 28.10.2020)
Бозрасии давлатии автомобилӣ бо нашри як эълон хабар дода, ки тайи 11 рӯз, ҳаракати воситаҳои нақлиёт дар якчанд роҳу кӯчаҳои шаҳри Душанбе маҳдуд мешавад

ДУШАНБЕ, 28 окт – Sputnik. Раёсати Вазорати корҳои дохилии Тоҷикистон дар шаҳри Душанбе мегӯяд, роҳҳо бинобар баргузории машқҳои омодагӣ ба паради ҳарбӣ дар майдони Дӯстии пойтахт баста мешаванд.

"Аз 19 октябр ҳамарӯза аз соати 18:00 ҳаракати ҳама гуна воситаҳои нақлиёт аз чорроҳаи Рӯдакӣ- Бухоро, Шероз, Ҷ.Икромӣ, Рӯдакӣ-Шоҳтемур, Бохтар-Теҳрон, Теҳрон-Шероз ва Рӯдакӣ-Фотеҳ Ниёзӣ то анҷоми он муваққатан маҳдуд карда шудааст, ки он  то 30 октябри соли равон идома меёбад", - омадааст дар эълон.

Дар ин бора ба хабарнигори АМИТ "Ховар" нозири калони гурӯҳи ташвиқоту тарғиботи ШБДА РВКД дар шаҳри Душанбе, майори милитсия Мирзохон Саидов хабар додааст.

Эълони шаш рӯзи роҳбандӣ: кадом шоҳроҳу кӯчаҳо баста мешаванд?

Аз ронандагони воситаҳои нақлиёт ва меҳмонон хоҳиш карда мешавад, ки дар ин рӯзҳо аз кӯчаҳои Айнӣ, Ҳ.Шерозӣ, С.Шерозӣ, М. Турсунзода, Дӯстии халқҳо ва дигар кӯчаҳои ба ин минтақаҳои роҳ ҳамшафат бо риояи ҳатмии талаботи қоидаҳои ҳаракат дар роҳ истифода баранд.

Ҷилавгирӣ аз сонеҳаҳои нақлиётӣ: пулис муоинаи техникии мошинҳоро тафтиш мекунад

65
Барчаспҳо:
роҳбандӣ, Душанбе
Люди в масках в Душанбе

“Қочоқи каронавирус”: Virus shut out чи гуна ба Хуҷанд расид?

354
(Таҷдидшуда 13:14 28.10.2020)
Дар бозор ва дорухонаҳои шаҳри Хуҷанд маводе ба фурӯш бароварда шуда ва мардум ба унвони “бейҷики каронавирус” аз он хариддорӣ кардаанд. Аммо масъулони идораҳои тандурустӣ аз ворид шудани ин мавод хабар надоранд

ДУШАНБЕ, 28 окт – Sputnik. Virus shut out, ё “гарданбанди каронавирус” чанд рӯз аст, ки дар фурӯшгоҳҳои Хуҷанд ба моли аз ҳама пурхариддор табдил шудааст. Сокинон ба таблиғи он бовар карда, мегуянд, ки бо харидани ин мавод худро аз каронавирус ҳимоя мекунанд, аммо то куҷо ин имкон дорад, онҳо ҳанӯз маълумот надоранд.

Зимнан ба фарқ аз моск ё ниқобҳои муҳифизатӣ бо қиммати 10-12 сомонӣ ба фурӯш гузошта шудааст. Фурӯшандаҳо дар бораи аз куҷо ворид шудани он изҳори бехабарӣ намуда, аз бозоргир будани он таъкид меварзанд.

Як фурӯшандаи Virus shut out дар бозори “Панҷшанбе” ба шарти набурдани номаш ба Sputnik Тоҷикистон гуфт, ки ин молро истеҳсоли кишвари Чин маънидод кард, вале дар бораи кай ва чигуна ба базори Хуҷанд роҳ ёфтани он изҳори бехабарӣ кард.

“Ба ман як фурӯшанда овард гуфт, ки 12 сомонӣ фурӯш аз ин ҳисоб як сомонӣ аз ҳар як донааш аз они ту. Ӯ гуфт, ки худаш 10 сомонӣ аз нафари дигар харидааст", - гуфт ҳамсуҳбати мо.

Сокинон дар суҳбатҳои сарироҳӣ таъкид мекунанд, ки рӯзҳои охир дар бораи “бейҷикҳи каронавирус” зиёд шунидаанд. Як ҳамсуҳбати мо гуфт, ки барои худу фарзандонаш се дона чунин бейҷикро бо нархи 30 сомонӣ харидааст.

“Дар баробари маска ҳоло аз бейҷикаш ҳам харидем. Зиёд ҳамсояҳо харида гуфтанд, ки то ду метр вирусро мекуштааст, ман ҳам барои ҳимояи худу фарзандонам инро харидам, намедонам, ки чи тавр ба саломатии мо таъсир мерасонида бошад. Худо моро аз ҳар балое нигоҳ дорад”, - зикр намуд ҳамсуҳбати мо.

Онҳое, ки фурӯши “бейҷики каронавирус” дар Хуҷанд машғуланд мегӯянд, ки ин мавод аз маҳлули хлодор иборат аст ва то як моҳ коршоям буда, гуё то 1,5 метр вируси мавҷудбудаи ҳавоиро маҳв мекунад.

Чанд иштибоҳи асосӣ ҳангоми пӯшидани ниқоби тиббӣ

Аммо Илҳом Пӯлодзода, сардори Раёсати хадамоти назорат дар соҳаи тандурустӣ мегуяд, ки таъсири “бейҷики каронавирус” барои саломатии аҳолии ҳанӯз озмуда нашудааст, зеро ин мол аз роҳи қочоқ ба бозорҳои Хуҷанд роҳ ёфтааст.

“Мо дар бораи фурӯши Virus shut out дар дорухонаҳо бохабар шуда, аз баъзе ҷойҳо онро мусодира намудем. Зеро он аз ташхис нагузаштааст ва навиштаҷоти барои аҳолӣ фаҳмо надорад” - гуфт Пулодзода.

Бо гузашти як ҳафта дар бораи чи гуна ворид шудани ин маводи ба истилоҳ тиббӣ мақомоти Тоҷикстандарт дар вилояти Суғд ҳанӯз расман чизе шарҳ надодааст. Ва маълум нест, ки ин мол чи гуна ва аз ҷониби кадом гурӯҳи судҷуй ворид карда шудааст.

Як ниқоби тоҷикӣ – 1 евро: ба куҷо содир шудааст?

Раҳмон Муҳаммадиев, сардори шуъбаи санитарии Маркази назорати эпидемологии Хуҷанд гуфт, ҳоло чизе, ки барои сокинон дар бораи пешгирӣ аз сирояти COVID-19 тавсия мешавад, бастани ниқоб ва шустани дастон бо собун ва маҳлули антисептикӣ мебошад. Ӯ истифодаи ҳар навъ маводи тиббиро дар ҳоли ҳозир дур аз воқеият маънидод кард ва гуфт, ки сокинон дар ин бора худ қазоват кунанд.

354