Президент Таджикистана Эмомали Рахмон

Раиси нав дар ҳар се сол: фармони Раҳмон барои тартиби беғарази ҷойивазкунии роҳбарон

5928
Эмомалӣ Раҳмон, раисиҷумҳури Тоҷикистон, бо имзои як фармон тартиби нави ҷойивазкунии ҳайати роҳбарикунанда дар Ожонси назорати давлатии молиявӣ ва мубориза бо фасодро тасдиқ кард

ДУШАНБЕ, 23 сен – Sputnik. Эмомалӣ Раҳмон ба Ожонси назорати давлатӣ ва мубориза бо фасод дастур додааст, ки тартиби нави ҷойивазкунии роҳбарон дар ин ниҳодро мавриди амал қарор диҳад.

Бар асоси тартиби ҷадид, ҷойивазкунии ҳайати роҳбарикунанда дар Ожонси зидди фасод як бор дар се сол амалӣ карда мешавад. Зикр шудааст, ки зимни ҷойивазкунӣ розигии корманд талаб карда намешавад.

Тартиби нави ҷойивазкунии раисон барои пешгирӣ аз фасод

Ҳадафи ҷойивазкуниҳо тарбияи кадрҳои роҳбарикунанда ва пешгирии амалҳои эҳтимолии коррупсионӣ ва бархӯрди манфиатҳо арзёбӣ шудааст.

Инчунин таъкид шудааст, ки истифодаи зарфияти касбии кормандони Ожонси мубориза бо фасод ва иҷрои дастурҳои дорои аҳамияти давлатӣ аз ҳадафҳои дигари тартиби нави ҷойивазкунии роҳбарон дар ин ниҳод мебошад.

Ҷойивазкунии роҳбарон метавонад дар дохили худи Ожонси зидди фасод ва ё дар сохторҳои дигар амалӣ карда шавад. Илова шудааст, ки интиқол ба мақомҳои баробар бидуни озмун ва бо назардошти малака ва натиҷаҳои корӣ роҳандозӣ мегардад.

Дар тартиби тасдиқкардаи Раҳмон таъкид шудааст, ки шаффофият ва беғаразӣ аз меъёрҳои аслии ҷойивазкунии роҳбарон мебошад.

Ожонси назорати давлатии молиявӣ ва мубориза бо фасоди Тоҷикистон соли 2007 бо фармони раисиҷумҳури Тоҷикистон бо ҳадафи мубориза бо фасодкорӣ ташкил карда шудааст.

5928
Барчаспҳо:
тағйироти кадрӣ, Эмомалӣ Раҳмон, фармон, роҳбарон, Тоҷикистон
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

123
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

123
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон
Амнистия заключенных в Согдийской области

Эълони авф дар Тоҷикистон: Раҳмон чанд маҳбусро бахшид?

1130
(Таҷдидшуда 20:40 30.10.2020)
Президенти Тоҷикистон Эмомалӣ Раҳмон имрӯз пас аз маросими савгандёдкунӣ авф эълон карда, беш аз 300 нафарро аз зиндон озод кард

ДУШАНБЕ, 30 окт — Sputnik. Президенти Тоҷикистон Эмомалӣ Раҳмон ба муносибати савгандёдкунӣ авф эълон карда, 378 маҳбусро бахшид.

Бино ба гузориши котиботи раисиҷумҳур, тасмими авфи зиндониён имрӯз бо фармони Президенти кишвар сурат гирифтааст.

Озодӣ бе порадиҳӣ: таъкиди Президент ба пешгирии фасод ҳангоми афв

Гуфта мешавад,  фармони раисиҷумҳур "Дар бораи бахшиши ҷазои шахсоне, ки ба маҳрум сохтан аз озодӣ маҳкум шудаанд" дар асоси принсипҳои инсондӯстона, меҳру шафқат, ғамхорӣ ба оила ва кӯдакону наврасон сурат гирифта, бар асоси он 378 нафар маҳкумшударо бахшида, онҳоро аз адои минбаъдаи ҷазо озод намуд.

Ёдрас мешавем, ки бори охир президенти Тоҷикистон Эмомалӣ Раҳмон моҳи октябри соли 2019 қонуни авфро имзо карда буд.

Он замон 20 ҳазор зиндонӣ бахшида шуда буданд.

1130
Барчаспҳо:
Эмомалӣ Раҳмон, Эмомалӣ Раҳмон, авф, Тоҷикистон