Пахтачинии раиси вилояти Суғд

Аҳмадзода ба пахтазор рафт: ӯ ҳамроҳ бо муаллимону деҳқонҳо пахта чид

389
(Таҷдидшуда 12:01 24.09.2020)
Раҷаббой Аҳмадзода, раиси вилояти Суғд ба ноҳияи Бобоҷон Ғафуров сафар карда, аз ҷараёни ғунучини пахта ва коркарди дар он корхонаҳо дидан кардааст

ДУШАНБЕ, 24 сен – Sputnik. Аснои сафари корияш ба ноҳияи Бобоҷон Ғафуров, Аҳмадзода ба бригадаи № 2-и Кооперативи тиҷоратии ба номи Турсунбой Қушатови ҷамоати деҳоти Исмоил ташриф оварда, бо пахтакорон суҳбат намудааст.

Дар аксҳое, ки Хадамоти матбуоти раиси вилояти Суғд интишор намудааст дида мешавад, ки Раҷаббой Аҳмадзода бо либоси саҳроӣ дар канори деҳқон ба пахтачинӣ машғул шудааст. Аммо дар бораи чӣ қадар пахта чидани ӯ маълумот дода нашудааст.

Сбор урожая хлопка в Турсунзаде
© Официальная страница пресс-службы президента РТ в Facebook

Аҳмадзода ҳамчунин ба беҳтарин чинакчиёни пахта дар хоҷагии ба номи Қушатов туҳфаҳо тақдим намудааст.

Ин Кооператив, яке аз калонтарин хоҷагиҳои пунбапарвар дар ноҳияи Бобоҷон Ғафуров ба ҳисоб рафта, соли ҷорӣ дар 830 гектари он пахта кишт карда шудааст.

Бино ба иттилоъи Сарраёсати кишоварзии вилояти Суғд, то санаи 24 сентябр беш аз 16 ҳазору 429 тонна пахта ҷамъоварӣ шудааст.

Қаблан Sputnik Тоҷикистон бо такя ба манобеъи худ аз таъсиси Ситоди вилоятӣ «Дар бораи тадбирҳои сари вақт ва беталаф ҷамъ овардани ҳосили пахтаи соли 2020» ва дар ин замина сафарбар шудани табибону омӯзгорони муассисаҳои таҳсилоти миёна ва олии вилоят ба пахтачинӣ иттилоъ дода буд.

Масъулин, ба пахтачинӣ сафарбар шудани кормандони соҳаи буҷҷавӣ, омӯзгорону табибонро як роҳи дарёфти рӯзӣ аз саҳро маънидод мекунанд.

Ахиран дар як ҷаласаи корӣ раиси вилояти Суғд, ба масъули хоҷагиҳо пахтакор дастур дод, ки ба коргарони кироя барои ҳар кило пахтаи чидашуда 70 дирамӣ ҳақмузд пардохт кунанд. Соли гузашта низ қиммати чиниши пахта 70 дирам муқарар шуда буд, аммо шуморе аз пахтачинҳо мегуфтанд, ки ба ҳангоми пардохти маблағ роҳбарони хоҷагиҳову корхонаҳо аз ин кори онҳо низ андоз ситонида, ба ҳисоби ӯи 30-50 дирамӣ ба онҳо ҳақ пардохт мекарданд.

Ҳосили пахта дар корхонаҳо қабул карда шуда мавриди коркард қарор мегирад. Зимнан ба пояи маълумоти расмӣ 42 корхонаи коркарди пахта дар ҳудуди Суғд фаъол будааст.

Дар умум соли ҷорӣ хоҷагиҳои Суғд дар майдони 58, 9 ҳазор гектор пунбадона кишт кардаанд, ки ин рақам дар муқоиса ба соли гузашта 450 гектар бештар аст.

Соли гузашта, дар умум 130 ҳазору 283 тонна пахта ва ё ба истилоҳ “тиллои сафед” ҷамъоварӣ шудааст.

389
Барчаспҳо:
мавсими пахтачинӣ, пахтачинӣ, раис, Суғд, Раҷаббой Аҳмадзода
Топор, архивное фото

Ба манзилаш бурд ва се маротиба бо табар ба гарданаш зад: куштор дар Суғд

735
(Таҷдидшуда 18:58 26.10.2020)
Вазорати умури дохилаи Тоҷикистон аз дастгир шудани сокини ноҳияи Бобоҷон Ғафуров ба ҷурми одамкушӣ, хабар медиҳад

ДУШАНБЕ, 26 окт — Sputnik. Бино ба гузориши Вазорати умури дохилаи Тоҷикистон, дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 38-солаи сокини ҷамоати деҳоти Исфисори ноҳияи Б.Ғафуров ҳамчун гумонбар дар содир намудани ҷинояти одамкушӣ дастгир карда шуд.

Гуфта мешавад, номбурда, рӯзи 21-уми октябр, дар бозори воқеъ дар маҳаллаи Гулистони шаҳри Хуҷанд, бо марди 32-солаи сокини ҷамоати деҳоти Исфисор вохӯрдааст.

Онҳо дар яке аз ошхонаҳои бозори "Панҷшанбе" хӯрок ва нӯшокии спиртӣ истеъмол намуда, дар ҳолати мастӣ ба хонаи истиқоматии марди 38-сола рафтаанд.

Боздошти Муминов барои қатли тағои 70-солааш: хонаро ба ӯ нею ба додараш додааст-видео

Ба иттилои ВКД, дар аснои даъвои маблағи пулӣ муноқиша ба миён омадааст, ки марди 38-сола аз анборхонааш табарро гирифта, 3 маротиба ба гардан ва сари марди 32-сола задааст.

"Дар натиҷа, номбурда ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Манбаъ афзуда, ки нисбати гумонбаршаванда парвандаи ҷиноятӣ бо моддаи 104 қисми 1 Кодекси ҷиноятии  Тоҷикистон оғоз шуда, тафтишот идома дорад.

735
Барчаспҳо:
боздошт, ВКД, Суғд, куштор
Арбитр показывает красную карточку на футбольном матче. Архивное фото

Яке ҳарифашро бо мушт заду дуюмӣ даъвои беасос кард: ҷаримаи футболбозони Суғд

271
(Таҷдидшуда 19:22 26.10.2020)
Кумитаи назорат ва одоби Федератсияи футболи вилояти Суғд зимни баргузории ҷаласа, нисбати варзишгоҳи “Ҷавонӣ” ва футболбозони дастаи “Пахтакор” - и ноҳияи Ҷаббор Расулов ва “Зарафшон” - и шаҳри Панҷакент муҷозот таъйин кард

ДУШАНБЕ, 26 окт – Sputnik. Бозӣ миёни дастаҳои "Пахтакор" ва "Зарафшон" рӯзи 24 октябр бо ҳисоби 3:1 ба поён расид, вале миёни футболбозон ҷанҷол бархост.

Аҳлиддин Юнусов, котиби Федератсияи футболи Суғд дар суҳбат ба Sputnik Тоҷикистон гуфт, муноқишаи бархоста дар вақти баргузории бозии футбол миёни дастаҳои "Пахтакор" ва "Зарафшон" имрӯз зери роҳбарии Хуршед Зоидов, сардори Кумитаи интизомӣ-назоратии ФФ Суғд, мавриди баррасӣ қарор гирифта, ба футболбозон барои вайрон намудани одоби варзишӣ ҷарима муқаррар намудааст.

Бо қарори Кумитаи интизомӣ – назоратӣ, барои вайрон кардани моддаи 8 банди 16, яъне таъмин накардани тартиботи ҷамъиятӣ, бехатарии дастаҳо, тамошобинон, аъзои гурӯҳи доварон дар варзишгоҳ то анҷом ва баъди бозӣ, варзишгоҳи "Ҷавонӣ - и ноҳияи Ҷ. Расулов аз гузаронидани як бозӣ ва ба миқдори 500 сомонӣ муҷозот шуд.

Дастаи "Сипар" - и Хуҷанд нахустин бор қаҳрамони Тоҷикистон шуд

Ҳайитбой Отаҷонов бозингари дастаи "Пахтакор", барои зарба задани ҳариф бо мушт, аз панҷ бозӣ маҳрум ва нисбаташ 300 сомонӣ ҷарима таъйин карда шудааст.

Инчунин мураббӣ бозингари дастаи "Зарафшон", Камолиддин Ҷурабоев, барои вайрон намудани одоби варзишӣ, гуфторҳои гайримантиқӣ, даъвои беасос бар асоси моддаи 8 банди 19 аз се бозии тақвимӣ маҳрум ва дар ҳаҷми 500 сомонӣ муҷозот шудааст.

271
Барчаспҳо:
футбол, ҷарима, Суғд

Шикори шабона: низомиёни русиягӣ дар Тоҷикистон бо "душман" даргир шуданд - видео

0
(Таҷдидшуда 19:41 26.10.2020)
Низомиёни пойгоҳи 201-уми Русия дар кӯҳҳои Тоҷикистон тамрин карда, душмани шартиро дар паи амалҳои вижа нобуд карданд

Тамриноти низомиёни пойгоҳи 201-ум дар размоишгоҳи Лоҳур шабона баргузор шуд.

Анҷоми тамриноти низомии панҷ ҳазор сарбоз дар Тоҷикистон

Дар тамриноти омӯзишӣ беш аз 500 низомиёни бахши туфангпаронии пойгоҳи 201-ум ширкат карданд.

Бино ба гузориши Округи марказии ҳарбӣ ҳамалот бар "душман" бо ёрии мушаки "Град" анҷом дода шуд.

"Душман нобуд шуд": Тирпарронии чархболи Ми - 24 дар Тоҷикистон - навори диданӣ

Дар баробари ин, дар ин тамринот мошинҳои зиреҳпӯши БТР-82А, АГС-17 ва РПГ-7В ба кор бурда шуданд.

Ба ҳайати шахсӣ даст дод, то душмани шартиро хаста намуда, бо талафоти бузург аз ҷониби душман амалиётро анҷом диҳанд.

0
Барчаспҳо:
пойгоҳи 201, низомиён, тамринот, Тоҷикистон