Флаг Ирана на одной из улиц Тегерана

Вокуниши Эрон ба пахши бахшҳои нави филми "Хиёнат"

2663
(Таҷдидшуда 15:31 26.09.2020)
Сафири Тоҷикистон дар Теҳрон дар пайи пахши тарҳи иттиҳомоти кизб ва муғризона алайҳи Ҷумҳурии Исломии Эрон дар як сериал дар телевизиони давлатии он кишвар ба вазорати умури хориҷии Эрон эҳзор шуд

ДУШАНБЕ, 26 сен - Sputnik. Сухангӯии вазорати умури хориҷаи Эрон, дар пайи пахши як сериали ба истилоҳ мустанад дар телевизиони давлатии Тоҷикистон ва тарҳи иттиҳомоти кизб ва муғризона алайҳи Эрон, раиси Идораи Осиёи марказии вазорати умури хориҷаи Эрон сафири Тоҷикистон дар Теҳронро эҳзор кард, иттилоъ додааст “Парстудей”.

Гуфта шудааст, ки дар ин дидор маротиби эътирози шадиди Эрон ба иттиҳомоти беасоси ворида ва рафтори ғайри масъулонаи телевизиони давлатии Тоҷикистон ба Низомиддин Зоҳидӣ иблоғ ва таъкид шуд: Эрон хоҳони равобити дӯстона, бародарона ва мубтанӣ бар эҳтироми мутақобил бо Тоҷикистон аст, аммо истимрори ин гуна рафторҳо аз сӯи телевизиони давлатии ин кишвар, хилофи қавоиди равобити дӯстона будааст ва давлати Тоҷикистон бояд ба табаоти чунин рафторҳое тавваҷӯҳ дошта бошад.

Дар гуфтугӯ бо сафири Тоҷикистон эълом шуд, ки Эрон интизор дорад, давлати Тоҷикистон рӯйкарди худро бавижа дар таваққуфи таблиғоти дурӯғин алайҳи Эрон дар телевизиони он, кишвар ислоҳ кунад.  

Сафири Тоҷикистон низ дар ин дидор эълом кард, маротиби эътирози Эронро ба давлати матбуъи худ мунтақил хоҳад кард.

Ин дувумин бор дар як ҳафтаи гузашта аст, ки сафири Тоҷикистон дар робита бо ин мавзӯ ба вазорати умури хориҷаи Эрон эҳзор ва эътирози Эрон ба вай, иблоғ мешавад.

Пеш аз ин дастёри вазир ва мудири кулли Авруосиёии вазорати умури хориҷаи Эрон, сафири Тоҷикистонро эҳзор карда буд.

2663
Барчаспҳо:
сафир, Теҳрон, вокуниш, Вазорати хориҷаи Эрон, вазорат, Эрон, Тоҷикистон
Площадь Сомони в Душанбе

Обу ҳаво: имрӯз дар Тоҷикистон эҳтимоли бориши борон дар назар аст

4
(Таҷдидшуда 10:20 28.10.2020)
Имрӯз дар ҷумҳурӣ ҳаво тағйирёбанда шуда, дар баъзе ноҳияҳо эҳтимоли бориши нисбатан сусти марҳилавӣ дар назар аст, хабар додааст Агентии обуҳавошиносии Тоҷикистон

ДУШАНБЕ, 28 окт — Sputnik. Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда шуда, эҳтимоли бориши нисбатан сусти марҳилавӣ дар назар аст, менависад АМИТ "Ховар".

Шамол аз самти ғарб бо суръати 3-8 метр дар як сония мевазад. Ҳаво дар ғарби вилоят   шабона аз 2 дараҷа хунук то 3 дараҷа гарм ва рӯзона 10+15  дараҷа гарм  мешавад. Дар  шарқи вилоят  ҳаво шабона 8-13 дараҷа хунук ва рӯзона 1+6 дараҷа гарм мешавад.

Ҳаво дар вилояти Суғд  тағйирёбанда шуда, рӯзона дар ноҳияҳои алоҳида борони суст  меборад. Дар баландиҳои зиёда аз 3 ҳазор  метр барфи суст дар назар аст. 

Шамол аз самти ғарб бо суръати 3-8 ва дар ноҳияҳои алоҳидаи кӯҳӣ бо шиддатнокии то 13+18 метр дар як сония мевазад. Ҳаво  дар водиҳо шабона 1+6 ва рӯзона 7+12 дараҷа гарм  мешавад. Дар ноҳияҳои кӯҳӣ ҳаво шабона  аз 2 дараҷа  хунук то 3 дараҷа гарм ва рӯзона 4+9 дараҷа гарм мешавад.

Дар вилояти Хатлон  ҳаво тағйирёбанда шуда, эҳтимоли бориши нисбатан сусти марҳилавӣ дар назар аст. Шамол аз самти шимолу-шарқ бо суръати 3-8 метр дар як сония мевазад.

Дар ноҳияҳои ҷанубӣ чангу ғубор ба амал меояд. Ҳаво дар водиҳо шабона 6+11 ва рӯзона 16+21 дараҷа гарм мешавад. Дар  доманакӯҳҳо ҳаво шабона 4+9 ва рӯзона 10+15 дараҷа гарм мешавад.

Дар шаҳру ноҳияҳои тобеи марказ ҳаво тағйиёбанда, эҳтимоли бориши нисбатан сусти марҳилавӣ дар назар ааст. Танҳо дар нимаи дуюми рӯз дар ноҳияҳои алоҳидаи кӯҳӣ борони суст (дар баландиҳои зиёда аз 3000метр барф) меборад. Шамол аз самти шимолу-шарқ бо суръати 2-7 метр дар як сония  мевазад. 

Раъду барқу борон: пешгӯии дақиқи ҳавошиносон барои имрӯз

Ҳаво  дар водиҳо  шабона 1+6 ва рӯзона 14+19 дараҷа гарм мешавад.  Дар ноҳияҳои кӯҳӣ ҳаво шабона аз 2 дараҷа хунук то 3 дараҷа гарм  ва рӯзона 10+15 дараҷа  гарм мешавад.

Дар  шаҳри Душанбе ҳаво тағйирёбандаи бебориш мешавад. Шамол аз самти шарқ шимолу-шарқ бо суръати 4-9 метр дар як сония мевазад. Ҳарорати ҳаво шабона 2+4 ва  рӯзона 16+18 дараҷа  гарм мешавад.

4
Самолет компании Сомон Эйр, архивное фото

Сабаб номаълум: парвозҳо миёни Душанбе ва Тошканд дубора ба таъхир афтоданд

35
(Таҷдидшуда 10:08 28.10.2020)
Парвозҳо миёни Тоҷикистон ва Ӯзбекистон аз рўз 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад.

ДУШАНБЕ, 28 окт — Sputnik.  Азсаргирии парвозҳо миёни Тоҷикистон ва Ӯзбекистон, ки қарор буд аз рӯзи 28 октябр оғоз гардад, дубора ба таъхир афтодааст.

Ба гузориши "Парс тудэй" дар истинод ба сомонаи Ахбори осиёи Марказӣ, мақомоти ин ду кишвар тавофуқ карда буданд, ки парвозҳои муназзам миёни Душанбе ва Тошканд рӯзҳои панҷшанбеи ҳар ҳафта анҷом шавад, ки акнун ин барнома ба таъхир афтодааст.

"Дар сомонаи ширкати ҳавопаймоии Ӯзбекистон фурӯши билет ба мақсади Душанбе ба баъд аз рӯзи 2 декабри соли ҷорӣ эълом шудааст", - тавзеҳ медиҳад манбаъ.

Беш аз сад парвоз то охири моҳ: ҷадвали нави парвозҳо миёни Русия ва Тоҷикистон

Бо ин ҳол, дар бораи иллати таъхири дубораи азсаргирии парвозҳо миёни Тоҷикистон ва Ӯзбекистон тавзеҳе ироа нашудааст.

Парвозҳо миёни Тоҷикистон ва Ӯзбакистон аз рўз 20 марти соли ҷорӣ ба далели густариши вируси корона қатъ шуд ва марзҳои заминии ин ду кишвар низ баста боқӣ мемонад.

 

35