Свечка, архивное фото

Полковники роҳбару ободкор: муовини сардори Раёсати ВКД дар вилояти Хатлон даргузашт

831
(Таҷдидшуда 19:02 02.10.2020)
Мақомоти вилояти Хатлон аз даргузашти Шамсулло Аббдуллоев, муовини сардори Раёсати ВКД дар вилояти Хатлон хабар дод

ДУШАНБЕ, 2 окт — Sputnik. Тавре саҳифаи расмии мақомоти вилояти Хатлон дар Facebook хабар медиҳад, Шамсулло Аббдуллоев, муовини сардори Раёсати ВКД дар вилояти Хатлон дар синни 47-солагӣ даргузашт.

Таъкид шудааст, ки полковник Шамсулло Абдуллозода аз бемории қанд ранҷ мекашид.

"Чанд рӯз пеш қанд дар хунаш якбора баланд шуд, ки боиси маргаш шудааст", - таъкид доштааст манбаъ.

Манбаъ зикр намудааст, ки ӯ яке аз нафарони саҳибмансаби мақомоти ҳифзи ҳуқуқ буд, ки собиқаи беш аз 20-солаи корӣ дошт.

Гуфта шудааст, ӯ солҳои тӯлонӣ дар мақомҳои гуногуни милитсияи Хатлон ва  берун аз марзи кишвар фаъолият кардааст.

Шамсулло Абдуллозода солҳои охир дар вазифаҳои раҳбарии ВКД кор мекард. Ӯ ба ҳайси муовини сардори ШВКД дар ноҳияи Ҷалолиддини Балхӣ, сардори шуъбаи кофтукови ҷиноятии РВКД дар влояти Хатлон, намояндаи ВКД Тоҷикистон дар Русия ва муовини сардори РВКД дар Хатлон фаъолият кардааст.

Қайд карда шудааст, ки Шамсулло Аббдуллоев, ба хотири фаъол буданаш дар ободиву шукӯҳи мақомот ӯро Ҳотами той ном карда буданд.

Ҳамзамон зикр шудааст, полковник дар деҳаи "Наврӯз" ва шаҳраки Балхи ноҳияи Ҷалолиддини Балхӣ ободкориҳои зиёд кардааст.

"Вай чандин корхонаҳои саноатӣ сохтаву садҳо нафарро бо шуғли доимӣ фаро гирифтааст", - иттилоъ додааст манбаъ.

831
Барчаспҳо:
даргузашт, полковник, ВКД, Хатлон, Тоҷикистон
Арест, архивное фото

Боздошти Муминов барои қатли тағои 70-солааш: хонаро ба ӯ нею ба додараш додааст-видео

40
(Таҷдидшуда 13:02 23.10.2020)
Вазорати умури дохилии Тоҷикистон аз боздошти як сокини шаҳри Турсунзода хабар медиҳад, ки дар қатли тағояш муттаҳам мешавад

ДУШАНБЕ, 23 окт - Sputnik. Бино ба иттилои ин ниҳод, пулиси шаҳри Турсунзода Муминов Александри 42 соларо барои қатли тағояш боздошт кардаанд.

Ба иттилои манбаъ, боздоштшуда пас аз истеъмоли машруботи спиртӣ ба хонаи тағои 70-солааш Холмуродов Темур омада, ӯро латукӯб кардааст.

Манбаъ мегӯяд, дар натиҷаи латукӯби шадид ҷабрдида ҷароҳатҳои вазнин бардошта ҳалок шудааст.

Боздоштшуда зимни бозпурсӣ гуфт, ӯро барои он кушт, ки хонаро на ба ӯ, бал ки ба додараш Семён додааст.

“Пас аз куштор, барои пинҳон кардани ҷиноят либосҳои ӯро пинҳон карда ҷасадро тавре гузоштааст, ки гӯё ҷабрдида аз беморӣ ҳалок шудааст, аммо ташхис дар ҷисми марҳум аломатҳои марги маҷбуриро ошкор кард”,‑ афзудааст манбаъ.

Гуфта мешавад, боздоштшуда ва фавтида робитаи хешовандӣ дошта, ҷинояти мазкур барои ба даст овардани хона сар задааст.

ВУД мегӯяд, айни ҳол нисбат ба  Муминов Александр парвандаи ҷиноӣ оғоз шуда, тафтишот идома дорад.

40
Барчаспҳо:
парванда, боздошт, қатл, Турсунзода, Тоҷикистон
Работница коммерческого секса с клиентом, архивное фото

Парванда алайҳи зане барои даллагӣ: як ҷуфти шаҳватпарасро шинос карда, пул гирифтааст

140
(Таҷдидшуда 12:11 23.10.2020)
Мақомоти Раёсати вазорати корҳои дохилӣ дар вилояти Суғд нисбати як зани 42 солаи сокини шаҳри Бӯстон барои машғул шудан ба даллагӣ парвандаи ҷиноӣ боз намудааст

ДУШАНБЕ, 23 окт – Sputnik. Акбар Шарифӣ, сухангӯи РВКД дар вилояти Суғд дар шарҳи ин хабар ба Sputnik Тоҷикистон гуфт, зани гумонбаршаванда муваққатан истиқоматкунандаи шаҳри Бӯстон буда, барои бо ҳам рӯ ба рӯ намудани як ҷуфти шаҳватпараст ба даллагӣ машғул шудааст.

“Санаи 19 уми октябр, Т. Э., соли таваллудаш 1978 як марди 34 сола истиқоматкунандаи ноҳияи Шаҳристон ва як зани 43 солаи шаҳри Бӯстонро барои алоқаи ҷинсӣ намудан бо ҳам шинос намуда, бар ивази ин кораш 100 сомонӣ пул гирифтааст”, гуфт манбаъ.

Ин ҳолат аз тарафи шуъбачаи мубориза зидди ҷиноятҳои ахолоқии РВКД дар вилояти Суғд муайян ва ошкор карда шудааст.

Алҳол нисбати Т. Э., зани 42 сола барои даст задан ба ин кирдор бо моддаи 239 қисми 1 (ташкил ё нигаҳдошти фоҳишахонаҳо, даллагӣ ё занҷаллобӣ)-и Кодекси ҷиноӣ парванда боз карда шуда, тафтишот идома дорад.

Ошкоршавии ташкили ду фоҳишахона, яке дар деҳа дар Суғд - шарҳи ВКД

Мавридҳои машғул шудан ба даллагию фоҳишагии занон як мушкили умдаи ахлоқӣ дар Тоҷикистон маҳсуб мешавад ва мақомоти беҳдоштӣ таъкид меварзанд, ки аз ҳисоби алоқаи ҷинсии номашруъ, шумори гирифторони бемории HIV AIDS ё ВИЧ СПИД бештар рақам зада мешавад.

140
Барчаспҳо:
даллагӣ, парванда, боздошт, Суғд, Тоҷикистон