Кошелек с деньгами, архивное фото

Алимент насупорӣ ҳабс мешавӣ: дар Суғд ба 46 нафар ҷазои маҳрум сохтан аз озодӣ таъин шуд

803
(Таҷдидшуда 16:34 05.10.2020)
Нисбати 46 нафар волидон, ки аз пардохти алимент ба фарзандони ноболиғашон сарпечӣ кардаанд, ҷазои маҳрум сохтан аз озодӣ таъин шудааст

ДУШАНБЕ, 05 окт – Sputnik. Дар ин бора аз Раёсати хадамоти иҷро дар вилояти Суғд хабар доданд. Маҳмуд Бойматов, мутахассиси пешбари Хадамоти иҷро дар вилояти Суғд бо натиҷагирӣ аз фаъолияти ин ниҳод гуфт, ки давоми нуҳ моҳи соли ҷорӣ дар асоси пешниҳоди иҷрочиён ва бо қарори судҳо дар шаҳру навоҳии вилоят нисбати 46 нафар алиментсупорандагон ҷазои маҳрум сохтан аз озодӣ тадбиқ шудааст.

"Дар давраи ҳисоботӣ дар самти истеҳсолоти иҷрои таъминоти фарзандони ноболиғ нисбати 46 нафар, ки дидаву дониста аз пардохти маблағ сарпечӣ кардаанд, ҷазо дар намуди маҳрум намудан аз озодӣ таъин карда шудааст", - гуфт Бойматов.

Аз тарафи иҷрочиёни Хадамот, инчунин нисбати 98 нафар бо сабаби иҷро накардани ҳукми суд ҷазо ҳатмиву ислоҳӣ таъин намуда, нисбати 90 нафари дигар бинобар ғайб задан аз иҷрои уҳдадорӣ кофтукоб эълон кардаанд.

Дар Раёсати хадамоти иҷро иттилоъ доданд, ки давоми нуҳ моҳи соли равон ба суроғаи ин ниҳод 2531 адад ҳуҷҷати иҷро оид ба ситонидани маблағи алимент ворид шудааст.

Ба ваколатдори ҳуқуқи инсон дар шаш моҳи соли равон 170 зан шикоят бурдааст

Ва ҳоло дар хадамоти иҷро дар шаҳру навоҳии Суғд беш аз 22 ҳазору 600 адад ҳуҷҷати иҷро аз солҳои пеш вобаста ба рӯёнидани маблағи алимент мавриди назорати иҷро қарор дорад.

Масъулони Раёсати хадамоти иҷро дар Суғд гуфтанд, ки дар ин давра дар умум 13 ҳазор санадҳои судӣ ва санад аз дигар мақомотҳо ворид шуда, аз ин шумор 10, 6 ҳазор ба таври воқеӣ ба иҷро расида дар натиҷа беш аз 13 милион сомонӣ барқарор карда шудааст.

803
Барчаспҳо:
Суғд
Министр здравоохранения и социальной защиты Республики Таджикистан Джамолиддин Абдуллозода

Абдуллозода ва Клуге аз тариқи виртуалӣ созишномаи ҳамкорӣ тасвиб карданд

24
(Таҷдидшуда 14:44 21.10.2020)
Созишномаи навбатии дусолаи ҳамкориро Вазири тандурустии Тоҷикистон ва мудири Дафтари минтақавии Созмони умумиҷаҳонии тандурустӣ имзо намуданд

ДУШАНБЕ, 21 окт - Sputnik. Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва мудири Дафтари минтақавии Созмони умумиҷаҳонии тандурустӣ дар Аврупо доктор Ҳанс Клуге Созишномаи навбатии дусолаи ҳамкорӣ ба имзо расониданд.

Ба иттилои котиботи Вазорати тандурустӣ, созишномаи мазкур аз тариқи виртуалӣ ба тасвиб расонда шуд. 

Манбаъ меафзояд, ба тасвиб расидани созишномаи ҳамкорӣ аз тариқи виртуалӣ маротибаи нахуст сурат имегирад. 

Абдуллозода: Тоҷикистон иқтидор дорад, то муқобили COVID-19 муқовимат кунаду пирӯз шавад

Вазири  тандурустӣ ва ҳифзи иҷтимоии аҳолӣ Ҷамолиддин Абдуллозода дар ҷаласаи онлайнӣ ба Дафтари минтақавии Созмони умумиҷаҳонии тандурустӣ  дар Аврупо барои дастгирии доимӣ дар самти мубориза бар зидди бемории коронавируси нави COVID-19 изҳори миннатдорӣ намуд.

Абдуллозода зимни сӯҳбати видеоӣ бо Ҳанс Клуге изҳор дошт, ки Тоҷикистон ба принсипҳои ҳамкории глобалӣ барои рафъи бемории коронавируси нави COVID-19 содиқ  мебошад.

24
Барчаспҳо:
СҶТ, Вазорати тандурустӣ, созишнома
Мавзуҳо:
Пайомадҳои COVID-19 дар Тоҷикистон ва ҷаҳон
Комроншох Устопириён, архивное фото

Танҳо Комроншоҳ ва Сомон: ширкати ду паҳлавони тоҷик дар "Тоскулоҳи бузурги Будапешт"

57
(Таҷдидшуда 14:40 21.10.2020)
Тоҷикистонро дар мусобиқаи байналмилалии  Тоскулоҳи бузург, ки дар дар шаҳри Будапешти  Венгрия доир мегардад, Комроншоҳи Устопирён ва Сомон Маҳмадбеков намояндагӣ мекунанд

ДУШАНБЕ, 21 окт - Sputnik. Тоскулоҳи бузурги Венгрия аз 23 то 25-уми октябр доир мегардад, ки дар он аз Тоҷикистон танҳо Комроншоҳ ва Сомон ширкат мекунанд, гуфт намояндаи расмии Кумитаи миллии олимпии Тоҷикистон Умаралӣ Сафаралӣ дар суҳбат ба  Sputnik Тоҷикистон.

Қаблан дар назар буд аз Тоҷикистон дар ин мусобиқа панҷ варзишгар ширкат мекунад.

Аммо ба иттилои Умаралӣ Сафаралӣ  Акмал Муродов ва Темур Раҳимов натавонистанд сари вақт раводит дастрас кунанд.

“Комроншоҳ ва Сомон раводити яксолаи шенгенро доштанд, бинобар ин барои онҳо чунин мушкил пеш наомад”,-гуфт манбаъ.

Номбурда гуфт, Беҳрӯзи Хоҷазода низ бояд ширкат мекард, аммо бо сабаби лат бардоштанаш натавонист ва щоло табобат мегирад.

Тибқи маълумоти сомонаи расмии Федератсияи байналмилалии ҷудо, дар Гранд слами Будапешт 459 варзишгар аз 69 давлат барои дарёфт роҳхати олимпӣ иштирок хоҳанд кард.

Президенти Федератсияи байналмилалии ҷудо, Мариус Визер баргузории мусобиқаи Гранд слам рӯйдоди таърихӣ хондааст.

“Ин рӯйдоди таърихӣ барои ҷаҳони ҷудо ва варзиш аст. Мо бо беқарорӣ интизорем, ки мусобиқаи Гранд сламро баргузор кунем, албатта бо қоидаи муқарраршуда ва риояи қатъии чораҳои ҳифзи саломатӣ ва бехатарӣ. Мехоҳам ба ҳама сидқан ташаккур гӯям, ки дар давраи барои ҳама душвор заҳмат кашиданд. Мо бояд бо Covid-19 мутобиқ шавем ва беҳтар чӣ аст, ки инро мо бо бозгашт ба сайри ҷаҳонии ҷудо нишон диҳем", - изҳор дошт Визер.

Ӯ таъкид кардааст, ҳамаи корро, ки бар уҳдаашон аст, иҷро мекунанд, то варзишгарон тавонанд фаъолияти варзишиашонро дубора оғоз кунанд ва худашонро нишон диҳанд.

57
Барчаспҳо:
Сомон Маҳмадбеков, Комроншоҳ Устопириён, варзишгарон, Тоҷикистон
Суванқулов Содиқҷон маҳкумшуда барои қатли маъшуқи ҳамсараш

Ҷазои Суванқулов барои куштор ҳангоми ҳамхобагии собиқ занаш бо ҳамсоя-видео

0
(Таҷдидшуда 15:37 21.10.2020)
Додгоҳи вилояти Хатлон Суванқулов Содиқҷони 51-соларо барои куштор ҳангоми дидани ҳамхобагии собиқ ҳамсараш бо ҳамсояи 52-сола ба 26 соли зиндон маҳкум кард

ДУШАНБЕ, 21 окт - Sputnik. Тибқи иттилои ВУД, Суванқулов, сокини ноҳияи Шаҳритуз, 19-уми августи соли равон, тахминан соати 23:30 дар холати мастӣ ба хонаи собиқ ҳамсараш, Бердиева Фарзонаи 26-сола омада, дидааст, ки ӯ бо ҳамсояаш, Раҷабов Рустам, марди 52-сола муносибати маҳрамона дорад.

Манбаъ афзуд, гумонбаршаванда бо корди дар дасташ буда якчанд маротиба ба узвҳои бадани мархум Раҷабов зада, ӯро ба ҳалокат расонидааст.

"Бо ин конеъ нагашта, аз ҳиссиёти рашк собиқ ҳамсарашро бо корд 4 маротиба ба узвҳои баданаш мезанад. Ба ғайр аз ин, гумонбаршаванда зани 30-солаи сокини шаҳри Норак, Камолова Нилуфар, ки дар меҳмонии онҳо қарор доштааст, 3 маротиба ба қисмати сар ва дасташ задааст, ки дар натиҷа ҷабрдидахо ҷароҳати ҷисмонӣ бардошта, дар беморхона бистарӣ гардидаанд", - омадааст дар иттилоияи ВУД.

Додгоҳи вилояти Хатлон дар пайи баррасии қазия Суванқулов Содиқҷонро  ба 26 соли зиндони низомаш сахт маҳкум кардааст. 

0