Пустое кресло

Таъйиноти кадрӣ бо сабаби фавт: Эҳсон Ҳомидови 34 - сола мудир шуд

2550
(Таҷдидшуда 12:53 07.10.2020)
Бо қарори раиси вилояти Суғд, Эҳсон Ҳомидов мудири Театри ба номи Камоли Хуҷандӣ таъйин шудааст. Ҳомидов дар ин мақом Муҳиддин Сангиновро иваз намуд, ки номбурда рӯзи 2 - юми сентябр аз маризии коронавирус ҷон бохта буд

ДУШАНБЕ, 7 окт – Sputnik. Бо сабаби даргузашти Муҳиддин Сангинов дар рӯзи 2 - юми сентябр, ҳудуди як моҳ боз курсии мудирӣ дар ин театр холӣ монда буд.

Пештар аз Сангинов, Абдуқаҳҳор Раҷабов, мудири театри ба номи Камоли Хуҷандӣ буд, вале дар пайи хуруҷӣ бемории ҳамагири "илтиҳоби шуш", рӯзи 12 - уми майи соли равон аз олам даргузашт.

Бино ба иттилоъи манобеи Sputnik Тоҷикистон, Ҳомидов ҳудуди як ҳафта пеш дар асоси қарори Раҷаббой Аҳмадзода, мудири Театри мазҳака мусиқавии ба номи Камоли Хуҷандӣ таъйин гардидааст.

Эҳсон Ҳомидов зодаи шаҳри Хуҷанд мебошад. Баъд аз хатми мактаб, дар Академияи санъати шаҳри Хуҷанд таҳсил намудааст. Ӯ аз ташаббускорони театри наврасон буда, ҳудуди се соли охир ба ҳайси саркоргардони Театри давлатии мусиқии тамошобини ҷавон ба номи Одилҷон Назарови шаҳри Хуҷанд фаъолият дошт.

+16: театри тоҷик нахустнамоиши "Бозичаҳо"-ро ба таври онлайн дар Youtube манзур мекунад

Эҳсон Ҳомидов то ин вақт, барои ба саҳна гузоштани як зумра намоишномаҳо саҳм гузоштааст. Аз ҷумла зери коргардонии ӯ намоишномаи "Бозингарон" аз рӯи асари Н.В. Гогол ва "Харгӯшаки ҷасур" - и нависанда Г. Вебер, ба саҳна гузошта шуда, мавриди писанди даҳҳо бинанда гардидааст.

Соли 2019, ба маҳзи коргардонии ӯ, намоишномаи "Пораи дили модар" аз рӯи асари нависанда Шариф Ҳалим, дар саҳнаи Театри давлатии мусиқавии тамошобини ҷавон дар Хуҷанд монда шуд ва ҳамон сол бо ин намоишнома театри Хуҷанд дар фестивал-озмуни синамо ва театрҳои кишвар "Парасту" роҳ ёфта соҳибҷоиза гардид.

Эҳсон Ҳомидов, ҳоло 34 - сола аст ва дорои унвони Аълочии фарҳанг мебошад.

2550
Барчаспҳо:
театр, таъйиноти кадрӣ, Суғд
Сироджиддин Бобоев, ученый-фольклор, Института экономики и торговли Таджикского государственного университета коммерции в Худжанде

Даргузашти Сироҷиддин Бобоев, олими фолклоршиноси Донишгоҳи Хуҷанд аз “илтиҳоби шуш”

2172
(Таҷдидшуда 18:21 23.10.2020)
Сироҷиддин Бобоев, олими фолклоршинос ва ноиби декан оид ба корҳои илмии Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд дар синни 55 солагӣ дунёи фониро падруд гуфт

ДУШАНБЕ, 23 окт – Sputnik. Манобеъ аз ДИС ДДТТ бо таъйиди ин хабар ба Sputnik Тоҷикистон гуфт, ки Бобоев чанд рӯзи охир дар Бемористони клиникавии Суғд аз бемории “илтиҳоби шуш” табобат мегирифт, вале субҳи имрӯз фавтид.

“Имрӯз барои мо аз марги бемаҳали Сироҷиддин Бобоев хабар доданд. Шунидани ин хабар мо ҷомеаи омӯзгорони донишкадаро бе ихтиёр андуҳгин намуд”, гуфт яке аз омӯзгорони ДИС ДДТТ дар шаҳри Хуҷанд.

Ҷанозаи Сироҷиддин Бобоев қарор аст, фардо дар зодгоҳаш ноҳияи Айнӣ баргузор гардад.

Бино ба иттилоъи манобеъ Бобоев Сироҷиддин аз олимони фолклоршиносе буд, ки дар шаклгирии афкори ҷамъиятии даҳҳо донишомӯзон нақши басо муассир доштааст. Бобоев Сироҷиддин Салоҳович санаи 1 январи соли 1965 дар деҳаи Куми ноҳияи Айнӣ дар оилаи коргар таваллуд шудааст.

Ӯ соли 1989 факултети таърихи Донишгоҳи давлатии Тоҷикистон ба номи В. И. Ленин (ҳозира Донишгоҳи миллии Тоҷикистон) ва соли 1995 аспирантураи шӯъбаи рӯзонаи ин донишгоҳ ва соли 1999 факултети иқтисодии Донишгоҳи давлатии Бухороро хатм намудааст. Фаъолияти кориаш бо роҳхати Вазорати маорифи Тоҷикистон ва Донишгоҳи миллии Тоҷикистон соли 1989 чун омӯзгори фанҳои ҷомеашиносии гурӯҳҳои навтаъсиси тоҷикии Донишгоҳи давлатии Бухоро оғоз ёфтааст.

Соли 1997 дар Институти забон ва адабиёти Академияи илмҳои Тоҷикистон дар мавзӯи "Ҷойгоҳи назми шифоҳӣ дар арӯсии тоҷикони Бухоро" рисолаи номзадӣ ҳимоя намуда, номзади илмҳои филологӣ ва соли 2004 ба унвони илмии дотсент сазовор гардида буд.

Солҳои 1999-2004 чун сармуаллими кафедраи назарияи иқтисодии Донишгоҳи давлатии Бухоро ва дар айни замон сардори кафедраи фанҳои ҷомеашиносии Донишкадаи ҳарбигардонидашудаи андози шаҳри Бухоро фаъолият дошт.

Даргузашти Муҳиддин Сангинов, мудири Театри Камоли Хуҷандӣ аз "илтиҳоби шуш"

Сипас ба Хуҷанд омад. Аз соли 2004 дотсенти кафедраи адабиёти классикии Донишгоҳи давлатии Хуҷанд ба номи академик Бобоҷон Ғафуров, аз соли 2005 мудири кафедраи назарияи иқтисодӣ, менеҷмент ва фанҳои ҷомеашиносии Шуъбаи хуҷандии Донишкадаи андоз ва ҳуқуқ (ҳоло Донишкадаи иқтисодии Тоҷикистон) ва аз соли 2006 ҷонишини директор оид ба илм дар ин донишкада буд.

Номбурда аз соли 2005 устоди муштараквазифаи Комплекси ягонаи таълимии ДДТТ дар Хуҷанд (ҳоло Донишкадаи иқтисод ва савдои ДДТТ) фаъолияти пурсамар дошт.

Солҳои 2010-2017 вазифаҳои мудири шуъбаи илм ва магистратура, мудири кафедраи забонҳои тоҷикӣ ва русӣ, мудири кафедраи ҷомеашиносӣ фаъолият дошт ва аз 1-уми сентябри соли 2018 муовини декан оид ба корҳои илмиро дар факултети тиҷорат, фаъолияти гумрукӣ ва ҳуқуқи Муассисаи давлатии таълимии Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷандро бар ӯҳда дошт.

Дар хона табобат мегирифт: даргузашти табиби маъруф Шарипов аз "илтиҳоби шуш" дар Суғд

Марҳум соҳибунвони “Аълочии маорифи Тоҷикистон” буда, муаллифи зиёда аз 45 асари илмӣ ва илмӣ-методӣ аст, ки назаррастарини онҳо монографияҳои “Ҷойгоҳи назми шифоҳӣ дар тӯйи арӯсии тоҷикони Бухоро” ва “Таҳаввулоти таърихии андозҳои Осиёи Марказӣ” мебошанд.

 

2172
Барчаспҳо:
даргузашт, олим, Суғд, Тоҷикистон
Прогулка в дождливую погоду

Дар Кӯлоб қариб 130 гектар ҷангал бунёд шуд

63
(Таҷдидшуда 14:53 23.10.2020)
Давоми соли 2020 дар хоҷагиҳои ҷангали минтақаи Кӯлоб 129,6 гектар ҷангалзори нав ва дар 13 гектар ниҳолхона бунёд карда шудааст

ДУШАНБЕ, 23 окт - Sputnik. Тайи соли равон дар минтақаи Кӯлоб инчунин ҳудуди 399,4 гектар ҷангалзор барқарор гардида, дар  ниҳолхонаҳо парвариши буттаву  дарахтони  гуногун роҳандозӣ шуд, хабар дод “Ховар”.

Ба иттилои манбаъ, ҳоло кормандони хоҷагиҳои ҷангал дар баробари омодагӣ ба мавсими сармо баҳри иҷрои нақшаи ҷамъоварии мева ва гиёҳҳои шифобахш низ кӯшиш ба харҷ дода истодаанд.

“Аз ҳисоби ҷамъоварӣ ва хушконидани меваҳо дар қитъаҳои  махсуси ҷангалзор барои ҳайвоноти ваҳшӣ ва парандагони нодир маводи хӯрокӣ барои зимистон захира карда мешавад”, - омадааст дар иттилоия.

Ба иттилои масъулин, имсол барои зимистонгузаронӣ дар хоҷагиҳои ҷангал аз нақша зиёд коҳу беда ва хӯроки серғизо захира карда шудааст. Таъкид шудааст, ки ҳифзу нигаҳдории ҳайвоноти ваҳшӣ ва парандагони нодир, ки дар ҷангалзор сукунат доранд, вазифаи аввалиндараҷаи кормандони хоҷагиҳои ҷангал мебошад.

63
Барчаспҳо:
Кӯлоб, ҷангал, ҷангалбонҳо, Тоҷикистон
Ёдгор Файзов, раиси ВМКБ ҳангоми мулоқот бо ризокорон дар Хоруғ

Ташкили колхозу кооператив ба ҷои хоҷагиҳои оилавӣ: пешниҳоди ҳукумати ВМКБ

0
(Таҷдидшуда 20:58 23.10.2020)
Ҳукумати Вилояти Мухтори Куҳистони Бадахшон аз натиҷаи машварати назоратии назди раиси вилоят гузориш дод, ки хоҷагиҳои деҳқонӣ ё худ оилавӣ дар вилоят таҷдиди сохтор шаванд

ДУШАНБЕ, 23 окт - Sputnik. Ҳукумати ВМКБ теъдоди хоҷагиҳои хурди деҳқонӣ ё худ оилавиро 15 ҳазору 844 адад гуфта, фаъолияти онҳоро ноустувор ва нокифоя хондааст.

Бар асоси иттилоияи нашркардаи мақомоти ВМКБ, гузаронидани ислоҳоти соҳаи кишоварзӣ ва таҷдиди хоҷагиҳо - ташкили кооперативҳои истеҳсолию колхозҳо зарур аст. Манбаъ илова намудааст, ки инчунин зиёда аз 1300 гектар замин солҳои дароз дар зери сохтмон ҳастанд, вале ҳанӯз аз ҳисоботи омори замини кишт бароварда нашудаанд

Ин дар ҳолест, ки қаблан низ Ёдгор Файзов, раиси ВМКБ,  барои истифодаи самараноки заминҳои мавҷуда ва таъмини бозор бо маҳсулоти кишоварзӣ  ташкили ассотсиатсияҳо ва кооперативҳои деҳқониро пешниҳод карда буд.

“Хочагиҳои деҳқонии инфиродӣ имрӯз дар вилоят зиёда аз 16 ҳазор ҳастанд, вале ҳиссаи ҷамъи замин ба ҳар яки онҳо 0,10 ҳисса мерасад. Ба ин хотир ассотсиатсияҳо ё кооперативҳои хоҷагиҳои деҳконӣ таъсис додан зарур аст. Ин омил имкон медиҳад, на танҳо ҳисобу китоби фаъолият, балки тавлиди зиёди ҳосили рӯёнда ва андозбандии онҳо, ҳамзамон хизматрасониҳои дигар ба онҳо беҳтар ба роҳ монда мешаванд", - омада буд дар изҳороти Файзов, ки котиботи ҳукумати ВМКБ нашр карда буд.

0
Барчаспҳо:
ВМКБ, пешниҳод, Тоҷикистон