Муҳаққиқе, ки бо салафиҳо "меҷангид", вафот кард

1050
(Таҷдидшуда 15:57 07.10.2020)
Абдуллоҳи Муҳаққиқ, яке аз пажӯҳишгарони исломӣ ва маъруф ба "муборизи зидди салафиҳо" дар Тоҷикистон, дар синни 57 - солагӣ оламро тарк гуфт

ДУШАНБЕ, 7 окт — Sputnik. Яке аз наздиконаш, ки нахост номашро зикр кунем, ба Sputnik Тоҷикистон гуфт, мавсуф муназзам варзиш мекард ва шикояте аз сиҳатии худ надошт.

"Марги ӯ барои мо ногаҳонӣ буд, аммо ҳама дар дасти Офаридгор аст ва ҳар чӣ аз ӯ омад, қабул мекунем", - гуфт ӯ.

Холбозор Шарипов, маъруф ба Абдуллоҳи Муҳаққиқ, 1 августи соли 1963 дар деҳаи Навободи ҷамоати деҳоти Даҳанаи шаҳри Кӯлоб ба дунё омада, хатмкардаи факултаи забону адабиёти Донишгоҳи давлатӣ (ҳоло Донишгоҳи миллӣ) – и Тоҷикистон (1980 – 1985) мебошад.

Дар бораи зиндагии ӯ тафсилоти зиёде вуҷуд надорад. Ба қавли наздикон, як муддат дар мақомоти милиса кор карда, то соли 2015 корманди Маркази исломшиносии Тоҷикистон буд ва пас аз он, аз фаъолиятҳои илмиву коршиносӣ канор рафт.

Исми Абдуллоҳи Муҳаққиқ пас аз он ба забонҳо афтод, ки дар замони густариши ақоиди салафия ва пайдо шудани пайравони ин ҷараёни мазҳабии ислом дар Тоҷикистон бо онҳо ба баҳсҳои аланӣ пардохта, як китоберо таҳти унвони "Салафия: диди муосири илмӣ‐сиёсӣ" ба чоп расонд.

Полковники роҳбару ободкор: муовини сардори Раёсати ВКД дар вилояти Хатлон даргузашт

Муҳаққиқон онро нахустин асари таҳлилӣ дар қаламрави Осиёи Миёна арзёбӣ карданд, ки парда аз рӯи афкор ва моҳияти иртиҷоии ин ҷараён бармедорад.

Мавқеи зиддисалафии Муҳаққиқ ҷонибдорони ин ҷараёнро, ки маъмулан дар кишварҳои Халиҷи олами араб густариш ёфтааст, ба шӯр андохт ва як замон ӯ таҳти таҳдиду фишор ва ҳамлаҳои лафзии онҳо қарор гирифт.

Абдуллоҳи Муҳаққиқ ҳамчун коршиноси динӣ соли 2016 пешниҳод кард, ки ҳамсари Президент Эмомалӣ Раҳмон ба хотири адои намоз дар дохили Каъбатуллоҳ пешвои занони мусалмони Тоҷикистон эълон шавад.

Мукаррама Қосимова - забоншиноси тоҷик даргузашт

Ин пешниҳод таваҷҷӯҳи ҳукумату ҷомиаро ба худ ҷалб накард. Зоҳиран ин охирин мавриди ҷилваи Абдуллоҳи Муҳаққиқ ҳамчун коршинос дар расонаҳо буд. Солҳои ахир, ба қавли наздикон, ӯ бо корҳои рӯзмарраи рӯзгор машғул буд. Марҳум зуҳри имрӯз, 7 октябр, дар қабристони зодгоҳаш ба хок супурда шуд.

1050
Барчаспҳо:
даргузашт, Абдуллоҳи Муҳаққиқ
Министр здравоохранения и социальной защиты Республики Таджикистан Джамолиддин Абдуллозода

Абдуллозода ва Клуге аз тариқи виртуалӣ созишномаи ҳамкорӣ тасвиб карданд

22
(Таҷдидшуда 14:44 21.10.2020)
Созишномаи навбатии дусолаи ҳамкориро Вазири тандурустии Тоҷикистон ва мудири Дафтари минтақавии Созмони умумиҷаҳонии тандурустӣ имзо намуданд

ДУШАНБЕ, 21 окт - Sputnik. Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва мудири Дафтари минтақавии Созмони умумиҷаҳонии тандурустӣ дар Аврупо доктор Ҳанс Клуге Созишномаи навбатии дусолаи ҳамкорӣ ба имзо расониданд.

Ба иттилои котиботи Вазорати тандурустӣ, созишномаи мазкур аз тариқи виртуалӣ ба тасвиб расонда шуд. 

Манбаъ меафзояд, ба тасвиб расидани созишномаи ҳамкорӣ аз тариқи виртуалӣ маротибаи нахуст сурат имегирад. 

Абдуллозода: Тоҷикистон иқтидор дорад, то муқобили COVID-19 муқовимат кунаду пирӯз шавад

Вазири  тандурустӣ ва ҳифзи иҷтимоии аҳолӣ Ҷамолиддин Абдуллозода дар ҷаласаи онлайнӣ ба Дафтари минтақавии Созмони умумиҷаҳонии тандурустӣ  дар Аврупо барои дастгирии доимӣ дар самти мубориза бар зидди бемории коронавируси нави COVID-19 изҳори миннатдорӣ намуд.

Абдуллозода зимни сӯҳбати видеоӣ бо Ҳанс Клуге изҳор дошт, ки Тоҷикистон ба принсипҳои ҳамкории глобалӣ барои рафъи бемории коронавируси нави COVID-19 содиқ  мебошад.

22
Барчаспҳо:
СҶТ, Вазорати тандурустӣ, созишнома
Мавзуҳо:
Пайомадҳои COVID-19 дар Тоҷикистон ва ҷаҳон
Комроншох Устопириён, архивное фото

Танҳо Комроншоҳ ва Сомон: ширкати ду паҳлавони тоҷик дар "Тоскулоҳи бузурги Будапешт"

53
(Таҷдидшуда 14:40 21.10.2020)
Тоҷикистонро дар мусобиқаи байналмилалии  Тоскулоҳи бузург, ки дар дар шаҳри Будапешти  Венгрия доир мегардад, Комроншоҳи Устопирён ва Сомон Маҳмадбеков намояндагӣ мекунанд

ДУШАНБЕ, 21 окт - Sputnik. Тоскулоҳи бузурги Венгрия аз 23 то 25-уми октябр доир мегардад, ки дар он аз Тоҷикистон танҳо Комроншоҳ ва Сомон ширкат мекунанд, гуфт намояндаи расмии Кумитаи миллии олимпии Тоҷикистон Умаралӣ Сафаралӣ дар суҳбат ба  Sputnik Тоҷикистон.

Қаблан дар назар буд аз Тоҷикистон дар ин мусобиқа панҷ варзишгар ширкат мекунад.

Аммо ба иттилои Умаралӣ Сафаралӣ  Акмал Муродов ва Темур Раҳимов натавонистанд сари вақт раводит дастрас кунанд.

“Комроншоҳ ва Сомон раводити яксолаи шенгенро доштанд, бинобар ин барои онҳо чунин мушкил пеш наомад”,-гуфт манбаъ.

Номбурда гуфт, Беҳрӯзи Хоҷазода низ бояд ширкат мекард, аммо бо сабаби лат бардоштанаш натавонист ва щоло табобат мегирад.

Тибқи маълумоти сомонаи расмии Федератсияи байналмилалии ҷудо, дар Гранд слами Будапешт 459 варзишгар аз 69 давлат барои дарёфт роҳхати олимпӣ иштирок хоҳанд кард.

Президенти Федератсияи байналмилалии ҷудо, Мариус Визер баргузории мусобиқаи Гранд слам рӯйдоди таърихӣ хондааст.

“Ин рӯйдоди таърихӣ барои ҷаҳони ҷудо ва варзиш аст. Мо бо беқарорӣ интизорем, ки мусобиқаи Гранд сламро баргузор кунем, албатта бо қоидаи муқарраршуда ва риояи қатъии чораҳои ҳифзи саломатӣ ва бехатарӣ. Мехоҳам ба ҳама сидқан ташаккур гӯям, ки дар давраи барои ҳама душвор заҳмат кашиданд. Мо бояд бо Covid-19 мутобиқ шавем ва беҳтар чӣ аст, ки инро мо бо бозгашт ба сайри ҷаҳонии ҷудо нишон диҳем", - изҳор дошт Визер.

Ӯ таъкид кардааст, ҳамаи корро, ки бар уҳдаашон аст, иҷро мекунанд, то варзишгарон тавонанд фаъолияти варзишиашонро дубора оғоз кунанд ва худашонро нишон диҳанд.

53
Барчаспҳо:
Сомон Маҳмадбеков, Комроншоҳ Устопириён, варзишгарон, Тоҷикистон
Суванқулов Содиқҷон маҳкумшуда барои қатли маъшуқи ҳамсараш

Ҷазои Суванқулов барои куштор ҳангоми ҳамхобагии собиқ занаш бо ҳамсоя-видео

0
(Таҷдидшуда 15:32 21.10.2020)
Додгоҳи вилояти Хатлон Суванқулов Содиқҷони 51-соларо барои куштор ҳангоми дидани ҳамхобагии собиқ ҳамсараш бо ҳамсояи 52-сола ба 26 соли зиндон маҳкум кард

ДУШАНБЕ, 21 окт - Sputnik. Тибқи иттилои ВУД, Суванқулов, сокини ноҳияи Шаҳритуз, 19-уми августи соли равон, тахминан соати 23:30 дар холати мастӣ ба хонаи собиқ ҳамсараш, Бердиева Фарзонаи 26-сола омада, дидааст, ки ӯ бо ҳамсояаш, Раҷабов Рустам, марди 52-сола муносибати маҳрамона дорад.

Манбаъ афзуд, гумонбаршаванда бо корди дар дасташ буда якчанд маротиба ба узвҳои бадани мархум Раҷабов зада, ӯро ба ҳалокат расонидааст.

"Бо ин конеъ нагашта, аз ҳиссиёти рашк собиқ ҳамсарашро бо корд 4 маротиба ба узвҳои баданаш мезанад. Ба ғайр аз ин, гумонбаршаванда зани 30-солаи сокини шаҳри Норак, Камолова Нилуфар, ки дар меҳмонии онҳо қарор доштааст, 3 маротиба ба қисмати сар ва дасташ задааст, ки дар натиҷа ҷабрдидахо ҷароҳати ҷисмонӣ бардошта, дар беморхона бистарӣ гардидаанд", - омадааст дар иттилоияи ВУД.

Додгоҳи вилояти Хатлон дар пайи баррасии қазия Суванқулов Содиқҷонро  ба 26 соли зиндони низомаш сахт маҳкум кардааст. 

0