Интихоботи раисиҷумҳури Тоҷикистон, акс аз бойгонӣ

Саргузаштҳо дар нуқтаҳои овоздиҳӣ: ба худат чанд варақа?

901
Бархе аз шаҳрвандони Тоҷикистон имрӯз бо нашри аксҳояшон аз нуқтаҳои овоздиҳӣ шарҳ додаанд, ки чаро ба интихобот рафтанду саргузаштҳояшонро ҳангоми раъйдиҳӣ нақл карданд

ДУШАНБЕ, 11 окт — Sputnik. Азизҷон Азимӣ, ҷавони шинохта ва муваффақи тоҷик, ки қаблан ба феҳрасти “30-гонаи то 30-солаҳо”-и маҷаллаи Форбс шомил шуд, навиштааст, ки ба нуқтаи овоздиҳии назди хонааш барои раъйдиҳӣ рафт.

Азимӣ: дигаргуниҳо бояд танҳо тариқи интихобот шаванд

“Ба шумо чанд варақаи овоздиҳӣ?” – пурсидааст узви комиссия аз Азизӣ ва ӯ ба гуфтааш бо як сардаргумӣ посух додааст, ки “як адад, тавре қонун муайян кардааст”.  “Майлаш, ба ҳур сурат пурсидам", илова намудааст масъули коммиссия.

Азимӣ бо зикри ин саргузашт дар саҳифаи фейсбукияш навиштааст, ки роҳ ба сӯи таҳаввулот тӯлонист, аммо он дигаргуниҳо бояд танҳо тариқи қутиҳои раъйдиҳӣ амалӣ шавад.

"Бо мошин то хона бурд, аз дигарон хайре надидаам"

Абдуқодир Рустам, адиб ва донишманди тоҷик, дар саҳифааш навиштааст, ки дар интихобот ба ҷонибдории номзаде, овоз дод, ки боре ӯро дар мошинаш савор карда, то назди хона бурдааст. Ӯ шӯхиомез афзуд, ки аз дигарон хайре надидааст.

Фирӯз Ҳакимов, сознавози шинохтаи тоҷик, навиштааст, сарфи назар аз хандахаришҳо, ки овозаш чизеро тағйир намедиҳад, чун ба ҳамеша ба овоздиҳӣ рафт.

Хандахариши Ҳакимов: овозат чизеро тағйир намедиҳад

Ҳакимов бар ин аст, ки овозаш аҳамият дорад ва шарҳ додааст, ки агар Худо нокарда бо интернет, барқ ва ё чизи дигар мушкиле пайдо шавад, ӯ дар бораи интихоби худ фикр хоҳад карду бо ҳамин аз афкори манфӣ дур мешавад.

Профессор Ҷовид Муқим, субҳи имрӯз дар саҳифааш аз ташкили раванди овоздиҳӣ тавсиф кард. Ӯ риояи қоидаҳои беҳдоштиро таъкид карда, афзудааст, ки ҳатто барои дар як вақт ҷамъ нашудани интихобкунандагоняк қитъаи овоздиҳӣ ба ду тақсим карда шудааст.

Дилшод Назаров, варзишкори шинохтаи Тоҷикистон, қаҳрамони олимпӣ дар риштаи гурзандозӣ низ бо аҳли оилааш дар интихобот ширкат кард. Назарова, ҳамсари Дилшод гуфт, хушбахт аст, чун дар кишваре зиндагӣ мекунад, ки зан ҳуқуқ дорад дар ҳаёти сиёсии кишвар иштирок кунад ва ӯ аз ин ҳуқуқаш истифода кард.

Раёсати кор бо ҷавонони ВМКБ аз маъракаи оғози интихобот бо мусиқию доира дар пеши Театри шаҳри Хоруғ гузориши аксӣ нашр кардааст, ки дар он гуруҳи зиёди ҷавонон ҷамъ омадаанд. Дар зимн аз аксҳо аён аст, ки дар бисёри ҳолатҳо фосилаи иҷтимоию ниқобпӯшӣ сарфи назар шудааст.

Сафорати Тоҷикистон дар Русия аз навбатпойии зиёди шаҳрвандон барои раъйдиҳӣ гузориши аксӣ нашр кардааст.

Муҳоҷири овоздода: шайтон ноумед

Раҳматуллоҳ Мирзоҳаётзода, бо нашри акси овоздиҳияш дар Маскав изҳор дошт, ки "мо ҳам аҳли муҳоҷирин қатори дигарон қарзи шаҳрвандиамонро иҷро кардем ва умед дорем, ки дар ҳаёти муҳоҷирон дигаргунии куллие ба амал хоҳад омад. Шайтон ноумед, гуфтаанд".

Бархе аз ситораҳои санъати Тоҷикистон низ бо нашри аксҳо дар саҳифаи иҷтимоияшон аз иштирок дар интихобот хабар доданд. Муҳаммадрафӣ Кароматулло, овозхони тоҷик, писари Кароматуллоҳи Қурбон, сарояндаи маъруфи тоҷик, ки дар ҷанги шаҳрвандӣ кушта шуд, бо аз ҷараёни овоздиҳияш аксҳо нашр карда, таъкид намудааст, ки "Интихоби ман! Пешвои Ман".

Вазорати умури хориҷии Тоҷикистон аз раванди овоздиҳӣ дар нуқтаҳои гуногуни ҷаҳон, аз ҷумла дар сафоратхонаҳо дар Аврупо, ИМА, Осиё ва кишварҳои арабӣ гузориши аксӣ нашр кардааст.

Комиссияи марказии интихобот ва раъйпурсии Тоҷикистон мегӯяд, то соати 15:00-и 11 октябр ҳудуди 70,1 дарсад аз шумори умумии интихобкунандагон овози худро доданд ва ҳамин тариқ интихобот барпошуда маҳсуб меёбад. Феълан интихоботи раисиҷумҳури Тоҷикистон дар дохилу хориҷи кишвар идома дорад.  Шаҳрвандони Тоҷикистон имкон доранд, то соати 20:00 ба ҷонибдории номзади дилхоҳашон раъй диҳанд.

901
Барчаспҳо:
президент, интихобот, Тоҷикистон
Министр здравоохранения и социальной защиты Республики Таджикистан Джамолиддин Абдуллозода

Абдуллозода ва Клуге аз тариқи виртуалӣ созишномаи ҳамкорӣ тасвиб карданд

24
(Таҷдидшуда 14:44 21.10.2020)
Созишномаи навбатии дусолаи ҳамкориро Вазири тандурустии Тоҷикистон ва мудири Дафтари минтақавии Созмони умумиҷаҳонии тандурустӣ имзо намуданд

ДУШАНБЕ, 21 окт - Sputnik. Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва мудири Дафтари минтақавии Созмони умумиҷаҳонии тандурустӣ дар Аврупо доктор Ҳанс Клуге Созишномаи навбатии дусолаи ҳамкорӣ ба имзо расониданд.

Ба иттилои котиботи Вазорати тандурустӣ, созишномаи мазкур аз тариқи виртуалӣ ба тасвиб расонда шуд. 

Манбаъ меафзояд, ба тасвиб расидани созишномаи ҳамкорӣ аз тариқи виртуалӣ маротибаи нахуст сурат имегирад. 

Абдуллозода: Тоҷикистон иқтидор дорад, то муқобили COVID-19 муқовимат кунаду пирӯз шавад

Вазири  тандурустӣ ва ҳифзи иҷтимоии аҳолӣ Ҷамолиддин Абдуллозода дар ҷаласаи онлайнӣ ба Дафтари минтақавии Созмони умумиҷаҳонии тандурустӣ  дар Аврупо барои дастгирии доимӣ дар самти мубориза бар зидди бемории коронавируси нави COVID-19 изҳори миннатдорӣ намуд.

Абдуллозода зимни сӯҳбати видеоӣ бо Ҳанс Клуге изҳор дошт, ки Тоҷикистон ба принсипҳои ҳамкории глобалӣ барои рафъи бемории коронавируси нави COVID-19 содиқ  мебошад.

24
Барчаспҳо:
СҶТ, Вазорати тандурустӣ, созишнома
Мавзуҳо:
Пайомадҳои COVID-19 дар Тоҷикистон ва ҷаҳон
Комроншох Устопириён, архивное фото

Танҳо Комроншоҳ ва Сомон: ширкати ду паҳлавони тоҷик дар "Тоскулоҳи бузурги Будапешт"

55
(Таҷдидшуда 14:40 21.10.2020)
Тоҷикистонро дар мусобиқаи байналмилалии  Тоскулоҳи бузург, ки дар дар шаҳри Будапешти  Венгрия доир мегардад, Комроншоҳи Устопирён ва Сомон Маҳмадбеков намояндагӣ мекунанд

ДУШАНБЕ, 21 окт - Sputnik. Тоскулоҳи бузурги Венгрия аз 23 то 25-уми октябр доир мегардад, ки дар он аз Тоҷикистон танҳо Комроншоҳ ва Сомон ширкат мекунанд, гуфт намояндаи расмии Кумитаи миллии олимпии Тоҷикистон Умаралӣ Сафаралӣ дар суҳбат ба  Sputnik Тоҷикистон.

Қаблан дар назар буд аз Тоҷикистон дар ин мусобиқа панҷ варзишгар ширкат мекунад.

Аммо ба иттилои Умаралӣ Сафаралӣ  Акмал Муродов ва Темур Раҳимов натавонистанд сари вақт раводит дастрас кунанд.

“Комроншоҳ ва Сомон раводити яксолаи шенгенро доштанд, бинобар ин барои онҳо чунин мушкил пеш наомад”,-гуфт манбаъ.

Номбурда гуфт, Беҳрӯзи Хоҷазода низ бояд ширкат мекард, аммо бо сабаби лат бардоштанаш натавонист ва щоло табобат мегирад.

Тибқи маълумоти сомонаи расмии Федератсияи байналмилалии ҷудо, дар Гранд слами Будапешт 459 варзишгар аз 69 давлат барои дарёфт роҳхати олимпӣ иштирок хоҳанд кард.

Президенти Федератсияи байналмилалии ҷудо, Мариус Визер баргузории мусобиқаи Гранд слам рӯйдоди таърихӣ хондааст.

“Ин рӯйдоди таърихӣ барои ҷаҳони ҷудо ва варзиш аст. Мо бо беқарорӣ интизорем, ки мусобиқаи Гранд сламро баргузор кунем, албатта бо қоидаи муқарраршуда ва риояи қатъии чораҳои ҳифзи саломатӣ ва бехатарӣ. Мехоҳам ба ҳама сидқан ташаккур гӯям, ки дар давраи барои ҳама душвор заҳмат кашиданд. Мо бояд бо Covid-19 мутобиқ шавем ва беҳтар чӣ аст, ки инро мо бо бозгашт ба сайри ҷаҳонии ҷудо нишон диҳем", - изҳор дошт Визер.

Ӯ таъкид кардааст, ҳамаи корро, ки бар уҳдаашон аст, иҷро мекунанд, то варзишгарон тавонанд фаъолияти варзишиашонро дубора оғоз кунанд ва худашонро нишон диҳанд.

55
Барчаспҳо:
Сомон Маҳмадбеков, Комроншоҳ Устопириён, варзишгарон, Тоҷикистон
Суванқулов Содиқҷон маҳкумшуда барои қатли маъшуқи ҳамсараш

Ҷазои Суванқулов барои куштор ҳангоми ҳамхобагии собиқ занаш бо ҳамсоя-видео

0
(Таҷдидшуда 15:37 21.10.2020)
Додгоҳи вилояти Хатлон Суванқулов Содиқҷони 51-соларо барои куштор ҳангоми дидани ҳамхобагии собиқ ҳамсараш бо ҳамсояи 52-сола ба 26 соли зиндон маҳкум кард

ДУШАНБЕ, 21 окт - Sputnik. Тибқи иттилои ВУД, Суванқулов, сокини ноҳияи Шаҳритуз, 19-уми августи соли равон, тахминан соати 23:30 дар холати мастӣ ба хонаи собиқ ҳамсараш, Бердиева Фарзонаи 26-сола омада, дидааст, ки ӯ бо ҳамсояаш, Раҷабов Рустам, марди 52-сола муносибати маҳрамона дорад.

Манбаъ афзуд, гумонбаршаванда бо корди дар дасташ буда якчанд маротиба ба узвҳои бадани мархум Раҷабов зада, ӯро ба ҳалокат расонидааст.

"Бо ин конеъ нагашта, аз ҳиссиёти рашк собиқ ҳамсарашро бо корд 4 маротиба ба узвҳои баданаш мезанад. Ба ғайр аз ин, гумонбаршаванда зани 30-солаи сокини шаҳри Норак, Камолова Нилуфар, ки дар меҳмонии онҳо қарор доштааст, 3 маротиба ба қисмати сар ва дасташ задааст, ки дар натиҷа ҷабрдидахо ҷароҳати ҷисмонӣ бардошта, дар беморхона бистарӣ гардидаанд", - омадааст дар иттилоияи ВУД.

Додгоҳи вилояти Хатлон дар пайи баррасии қазия Суванқулов Содиқҷонро  ба 26 соли зиндони низомаш сахт маҳкум кардааст. 

0