Флаг Таджикистана, архивное фото

Паёми таслияти сафорати Тоҷикистон дар Эрон ба муносибати даргузашти Шаҷариён

78
(Таҷдидшуда 14:05 12.10.2020)
Сафорати Тоҷикистон дар Теҳрон дар паёме ба раиси Анҷумани дӯстии Эрон ва Тоҷикистон даргузашти Муҳаммадризо Шаҷариёнро таслият гуфт

ДУШАНБЕ, 12 окт — Sputnik. Сафорати Тоҷикистон дар Эрон дар ин паём, аз даргузашти Шаҷариён ба унвони барҷастатарин ҳунарманди арсаи овоз ва мусиқии суннатии Эрон ибрози таассуф карда ва ин фиқдонро ба Анҷумани дӯстии Эрон ва Тоҷикистон, аҳолии мусиқӣ, адабу фарҳанги Эрон ва кулли дӯстдорони ҳунари Шаҷариён таслият гуфтааст, иттилоъ додааст хабаргузории “Парстудей”.

Бино бар иттилои манбаъ, сафорати Тоҷикистон дар Теҳрон барои бастагони шодравон Шаҷариён сабри ҷамил орзӯ намудааст.

Дар паёми сафорати Тоҷикистон дар Теҳрон ҳамчунин омада аст: “Ҳунари мусиқӣ ва садои сиҳромези устод Шаҷариён аз марзҳои миллӣ фаротар рафта ва мусиқии суннатии кишварашро ба ҷаҳонён дар беҳтарин ваҷҳ муаррифӣ кардааст. Аҳолии мусиқии суннатӣ дар Тоҷикистон низ бо ҳунари беназири устоди фақид ошно буданд ва ёди ӯро гиромӣ медоранд”.

Муҳаммадризо Шаҷариён рӯзи панҷшанбе 17 меҳр баробар бо 8 октябр дар сини 80 солагӣ бар асари бемории саратон чашм аз ҷаҳон фурӯбаст.

78
Барчаспҳо:
Теҳрон, паём, таслият, сафорат, Тоҷикистон
Арест, архивное фото

Боздошти Муминов барои қатли тағои 70-солааш: хонаро ба ӯ нею ба додараш додааст-видео

55
(Таҷдидшуда 13:02 23.10.2020)
Вазорати умури дохилии Тоҷикистон аз боздошти як сокини шаҳри Турсунзода хабар медиҳад, ки дар қатли тағояш муттаҳам мешавад

ДУШАНБЕ, 23 окт - Sputnik. Бино ба иттилои ин ниҳод, пулиси шаҳри Турсунзода Муминов Александри 42 соларо барои қатли тағояш боздошт кардаанд.

Ба иттилои манбаъ, боздоштшуда пас аз истеъмоли машруботи спиртӣ ба хонаи тағои 70-солааш Холмуродов Темур омада, ӯро латукӯб кардааст.

Манбаъ мегӯяд, дар натиҷаи латукӯби шадид ҷабрдида ҷароҳатҳои вазнин бардошта ҳалок шудааст.

Боздоштшуда зимни бозпурсӣ гуфт, ӯро барои он кушт, ки хонаро на ба ӯ, бал ки ба додараш Семён додааст.

“Пас аз куштор, барои пинҳон кардани ҷиноят либосҳои ӯро пинҳон карда ҷасадро тавре гузоштааст, ки гӯё ҷабрдида аз беморӣ ҳалок шудааст, аммо ташхис дар ҷисми марҳум аломатҳои марги маҷбуриро ошкор кард”,‑ афзудааст манбаъ.

Гуфта мешавад, боздоштшуда ва фавтида робитаи хешовандӣ дошта, ҷинояти мазкур барои ба даст овардани хона сар задааст.

ВУД мегӯяд, айни ҳол нисбат ба  Муминов Александр парвандаи ҷиноӣ оғоз шуда, тафтишот идома дорад.

55
Барчаспҳо:
парванда, боздошт, қатл, Турсунзода, Тоҷикистон
Работница коммерческого секса с клиентом, архивное фото

Парванда алайҳи зане барои даллагӣ: як ҷуфти шаҳватпарасро шинос карда, пул гирифтааст

154
(Таҷдидшуда 12:11 23.10.2020)
Мақомоти Раёсати вазорати корҳои дохилӣ дар вилояти Суғд нисбати як зани 42 солаи сокини шаҳри Бӯстон барои машғул шудан ба даллагӣ парвандаи ҷиноӣ боз намудааст

ДУШАНБЕ, 23 окт – Sputnik. Акбар Шарифӣ, сухангӯи РВКД дар вилояти Суғд дар шарҳи ин хабар ба Sputnik Тоҷикистон гуфт, зани гумонбаршаванда муваққатан истиқоматкунандаи шаҳри Бӯстон буда, барои бо ҳам рӯ ба рӯ намудани як ҷуфти шаҳватпараст ба даллагӣ машғул шудааст.

“Санаи 19 уми октябр, Т. Э., соли таваллудаш 1978 як марди 34 сола истиқоматкунандаи ноҳияи Шаҳристон ва як зани 43 солаи шаҳри Бӯстонро барои алоқаи ҷинсӣ намудан бо ҳам шинос намуда, бар ивази ин кораш 100 сомонӣ пул гирифтааст”, гуфт манбаъ.

Ин ҳолат аз тарафи шуъбачаи мубориза зидди ҷиноятҳои ахолоқии РВКД дар вилояти Суғд муайян ва ошкор карда шудааст.

Алҳол нисбати Т. Э., зани 42 сола барои даст задан ба ин кирдор бо моддаи 239 қисми 1 (ташкил ё нигаҳдошти фоҳишахонаҳо, даллагӣ ё занҷаллобӣ)-и Кодекси ҷиноӣ парванда боз карда шуда, тафтишот идома дорад.

Ошкоршавии ташкили ду фоҳишахона, яке дар деҳа дар Суғд - шарҳи ВКД

Мавридҳои машғул шудан ба даллагию фоҳишагии занон як мушкили умдаи ахлоқӣ дар Тоҷикистон маҳсуб мешавад ва мақомоти беҳдоштӣ таъкид меварзанд, ки аз ҳисоби алоқаи ҷинсии номашруъ, шумори гирифторони бемории HIV AIDS ё ВИЧ СПИД бештар рақам зада мешавад.

154
Барчаспҳо:
даллагӣ, парванда, боздошт, Суғд, Тоҷикистон