Генсек Совета МПА СНГ Дмитрий Кобицкий

Дмитрий Кобитский: “Дар Тоҷикистон касе намехоҳад ба солҳои 90 баргардад”

179
(Таҷдидшуда 12:44 13.10.2020)
Ҳайати нозирони Ассамблеяи байнипарлумонии Иттиҳоди давлатҳои муштаракулманофеъ интихоботи президентии Тоҷикистонро мувофиқ ба меъёрҳои байнулмилалӣ ва қавонини миллӣ хонд

ДУШАНБЕ, 12 окт — Sputnik. Ин ҳайат зимни як нишасти матбуотӣ баён дошт, ки омодагӣ ба интихобот, рақобати номзадҳо ва раванди раъйгирӣ шаффоф ва тибқи меъёрҳои демократӣ ба роҳ монда шуда буд.

Дар маъракаи интихоботи президентии Тоҷикистон 159 нозири байнулмилалӣ аз Созмони амният ва ҳамкории Аврупо, Кумитаи иҷроияи ИДМ, Ассамблеяи байнипарлумонии ИДМ, Созмони ҳамкориҳои Шонгҳой, кишварҳои ҷудогона, назири Афғонистон, Ӯзбекистон ва як қатор созмонҳои байнулмилалӣ ширкат карданд.

Sputnik Тоҷикистон дар ин робита бо Дмитрий Кобитский, котиби генералии Шӯрои Ассамблеяи байнипарлумонии Иттиҳоди давлатҳои муштаракулманофеъ мусоҳиба анҷом дод.

Омодагии Тоҷикистон ба интихобот дар шароити пандемияи “вируси корона” – ро чӣ гуна дарёфтед?

Мақомоти идорӣ қитъаҳои интихоботиро ба дараҷаи аҳсан омода карда буданд.  Дар чунин шароити вазнин, ки интихобот баргузор шуд, ҳарорати ҳар як нафари омада санҷида, ниқобҳо тақдим мешуданд. Дастҳоро ба таври ҳатмӣ бо маҳлулҳои зиддиуфунӣ мешустанд ва макони интихобот низ ҳатмӣ зиддуфунӣ, фосилаи иҷтимоӣ дар ҳар қитъа таъмин мешуд, аз ҷумла миёни аъзои худи қитъаҳои интихоботӣ. Ин ҳама ба мо имкон медиҳад натиҷагирӣ кунем, ки ҳама гуна хатарҳои эҳтимолӣ ба ҷони ҳам ширкаткунандагони раванди интихобот ва ҳам худи комиссияҳои қитъаҳои интихоботӣ ба ҳадди ақал расонда шудааст.

Раванди интихоботро чӣ гуна баррасӣ мекунед? Чӣ барои Шумо ҷолиб буд?

Дар навбати аввал, барои ман фаъолияти баланди мардум, бахусус, ҷавонон, ки фаъолона ба қитъаҳои интихоботӣ омада, раъй медоданд, ҷолиб буд.

Ин ки дар Тоҷикистон кори қитъаҳои интихоботӣ соати 6 – и субҳ шуруъ шуд, як падидаи ҷолибест дар фазои ИДМ. Аллакай дар соати 6 – и субҳ мо шоҳиди навбатпоиҳои одамон, аз ҷумла ҷавонон будем, ки хоҳиши раъй додан доштанд. Ростӣ, фаъолияти мардум хеле дар сатҳи баланд буд.

Аз нигоҳи Шумо, чаро ҷавонон дар қиёс бо дигарон фаъолтар буданд?

Мушкил аст чунин ташхис додан. Дирӯз ман чанд соат телевизиони миллии шуморо тамошо кардам. Минтақаҳои гуногунеро нишон медоданд, ки мутаассифона, мо ба далели маҳдудияти теъдоди нозирони ҳайатамон натавонистем ба он ҷоҳо биравем. Бояд бигӯям, ки ҳам ҷавонон, ҳам пиронсолон ва ҳам бузургсолон ҳама дар интихобот фаъолона ширкат карданд.

Мизони мушорикат пагоҳирӯзӣ хеле баланд буд. Фикр мекунед, чаро? Ин вижагии Тоҷикистон аст ё дар дигар кишварҳои ИДМ низ вазъи мушобеҳро метавон дид?

Аз таҷрибаи худ метавонам бигӯям, ки кишварҳое, назири Қазоқистон, Ӯзбекистон, Тоҷикистон дақиқан бо фаъолияти худ дар соатҳои пагоҳирӯзӣ фарқ мекунанд. Дар Федератсияи Русия, Молдова, Белорус мардум пагоҳӣ мехоҳад бихобад. Ҳар чӣ ҳаст, нест, якшанбе аст ва бояд пас аз ҳафтаи корӣ бихуспид. Тақрибан қабл аз зуҳр онҳо фаъолона ба қитъаҳои интихоботӣ мерезанд. Қисмати асосии одамон, албатта, ба ҳангоми қабл аз зуҳр меояд. Дар Тоҷикистон, воқеан, барои мо ҳайратовар буд, ки мардум соати 6 – и субҳ нашуда, дар қитъаҳои интихоботӣ саф баста буданд.

Шумо гуфтед, ки дар кишварҳои дигар ҳам будед. Ба наздикӣ дар Қирғизистон интихоботи парлумонӣ буд. Интихоботҳои ин кишвар аз Тоҷикистон чӣ фарқ доранд?

Мехоҳам бигӯям, ки корҳои созмондеҳии интихобот дар Қирғизистон хеле хуб ба роҳ монда шуда буданд. Ҳам аз лиҳози фаннӣ, ҳам аз дигар зовия Комиссияи марказии интихобот хеле хуб кор кард. Мо ҳеҷ камбудеро сабт накардем. Аммо он чӣ пас рух дод, ин мавзӯъи дигар аст.

 Бархе “пешгӯӣ” мекарданд, ки дар Тоҷикистон низ чунин иттифоқот пеш хоҳанд омад...

Медонед, ҳамчунин иттифоқе бар Тоҷикистон нахоҳад афтод.Ин кишвар чунин вазъро солҳои 90 – ум аз сар гузарондааст. Фикр мекунам, ҳеҷ як инсони солим намехоҳад ба он замон баргардад. Инро мардум дар пӯсту пӯстини худ санҷид. Шак дорам, ки касе мехоста бошад аз он эътидолу субот ва роҳи рушдро, ки кишвар аз он пеш меравад, маҳрум шавад.

179
Барчаспҳо:
қавонин, нозирон, ИДМ, Интихоботи президентӣ, интихобот, Тоҷикистон
Министр здравоохранения и социальной защиты Республики Таджикистан Джамолиддин Абдуллозода

Абдуллозода ва Клуге аз тариқи виртуалӣ созишномаи ҳамкорӣ тасвиб карданд

29
(Таҷдидшуда 14:44 21.10.2020)
Созишномаи навбатии дусолаи ҳамкориро Вазири тандурустии Тоҷикистон ва мудири Дафтари минтақавии Созмони умумиҷаҳонии тандурустӣ имзо намуданд

ДУШАНБЕ, 21 окт - Sputnik. Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва мудири Дафтари минтақавии Созмони умумиҷаҳонии тандурустӣ дар Аврупо доктор Ҳанс Клуге Созишномаи навбатии дусолаи ҳамкорӣ ба имзо расониданд.

Ба иттилои котиботи Вазорати тандурустӣ, созишномаи мазкур аз тариқи виртуалӣ ба тасвиб расонда шуд. 

Манбаъ меафзояд, ба тасвиб расидани созишномаи ҳамкорӣ аз тариқи виртуалӣ маротибаи нахуст сурат имегирад. 

Абдуллозода: Тоҷикистон иқтидор дорад, то муқобили COVID-19 муқовимат кунаду пирӯз шавад

Вазири  тандурустӣ ва ҳифзи иҷтимоии аҳолӣ Ҷамолиддин Абдуллозода дар ҷаласаи онлайнӣ ба Дафтари минтақавии Созмони умумиҷаҳонии тандурустӣ  дар Аврупо барои дастгирии доимӣ дар самти мубориза бар зидди бемории коронавируси нави COVID-19 изҳори миннатдорӣ намуд.

Абдуллозода зимни сӯҳбати видеоӣ бо Ҳанс Клуге изҳор дошт, ки Тоҷикистон ба принсипҳои ҳамкории глобалӣ барои рафъи бемории коронавируси нави COVID-19 содиқ  мебошад.

29
Барчаспҳо:
СҶТ, Вазорати тандурустӣ, созишнома
Мавзуҳо:
Пайомадҳои COVID-19 дар Тоҷикистон ва ҷаҳон
Комроншох Устопириён, архивное фото

Танҳо Комроншоҳ ва Сомон: ширкати ду паҳлавони тоҷик дар "Тоскулоҳи бузурги Будапешт"

65
(Таҷдидшуда 15:50 21.10.2020)
Тоҷикистонро дар мусобиқаи байналмилалии  Тоскулоҳи бузург, ки дар дар шаҳри Будапешти  Венгрия доир мегардад, Комроншоҳи Устопириён ва Сомон Маҳмадбеков намояндагӣ мекунанд

ДУШАНБЕ, 21 окт - Sputnik. Тоскулоҳи бузурги Венгрия аз 23 то 25-уми октябр доир мегардад, ки дар он аз Тоҷикистон танҳо Комроншоҳ ва Сомон ширкат мекунанд, гуфт намояндаи расмии Кумитаи миллии олимпии Тоҷикистон Умаралӣ Сафаралӣ дар суҳбат ба Sputnik Тоҷикистон.

Қаблан дар назар буд, аз Тоҷикистон дар ин мусобиқа панҷ варзишгар ширкат мекунад.

Аммо ба иттилои Умаралӣ Сафаралӣ  Акмал Муродов ва Темур Раҳимов натавонистанд сари вақт раводит дастрас кунанд.

“Комроншоҳ ва Сомон раводити яксолаи шенгенро доштанд, бинобар ин барои онҳо чунин мушкил пеш наомад”,-гуфт манбаъ.

Номбурда гуфт, Беҳрӯзи Хоҷазода низ бояд ширкат мекард, аммо бо сабаби лат бардоштанаш натавонист ва ҳоло табобат мегирад.

Тибқи маълумоти сомонаи расмии Федератсияи байналмилалии ҷудо, дар Гранд слами Будапешт 459 варзишгар аз 69 давлат барои дарёфти роҳхати олимпӣ иштирок хоҳанд кард.

Президенти Федератсияи байналмилалии ҷудо, Мариус Визер баргузории мусобиқаи Гранд слам рӯйдоди таърихӣ хондааст.

“Ин рӯйдоди таърихӣ барои ҷаҳони ҷудо ва варзиш аст. Мо бо беқарорӣ интизорем, ки мусобиқаи Гранд сламро баргузор кунем, албатта бо қоидаи муқарраршуда ва риояи қатъии чораҳои ҳифзи саломатӣ ва бехатарӣ. Мехоҳам ба ҳама сидқан ташаккур гӯям, ки дар давраи барои ҳама душвор заҳмат кашиданд. Мо бояд бо Covid-19 мутобиқ шавем ва беҳтар чӣ аст, ки инро мо бо бозгашт ба сайри ҷаҳонии ҷудо нишон диҳем", - изҳор дошт Визер.

Ӯ таъкид кардааст, ҳамаи корро, ки бар уҳдаашон аст, иҷро мекунанд, то варзишгарон тавонанд фаъолияти варзишиашонро дубора оғоз кунанд ва худашонро нишон диҳанд.

65
Барчаспҳо:
Сомон Маҳмадбеков, Комроншоҳ Устопириён, варзишгарон, Тоҷикистон
Суванқулов Содиқҷон маҳкумшуда барои қатли маъшуқи ҳамсараш

Ҷазои Суванқулов барои куштор ҳангоми ҳамхобагии собиқ занаш бо ҳамсоя-видео

0
(Таҷдидшуда 15:37 21.10.2020)
Додгоҳи вилояти Хатлон Суванқулов Содиқҷони 51-соларо барои куштор ҳангоми дидани ҳамхобагии собиқ ҳамсараш бо ҳамсояи 52-сола ба 26 соли зиндон маҳкум кард

ДУШАНБЕ, 21 окт - Sputnik. Тибқи иттилои ВУД, Суванқулов, сокини ноҳияи Шаҳритуз, 19-уми августи соли равон, тахминан соати 23:30 дар холати мастӣ ба хонаи собиқ ҳамсараш, Бердиева Фарзонаи 26-сола омада, дидааст, ки ӯ бо ҳамсояаш, Раҷабов Рустам, марди 52-сола муносибати маҳрамона дорад.

Манбаъ афзуд, гумонбаршаванда бо корди дар дасташ буда якчанд маротиба ба узвҳои бадани мархум Раҷабов зада, ӯро ба ҳалокат расонидааст.

"Бо ин конеъ нагашта, аз ҳиссиёти рашк собиқ ҳамсарашро бо корд 4 маротиба ба узвҳои баданаш мезанад. Ба ғайр аз ин, гумонбаршаванда зани 30-солаи сокини шаҳри Норак, Камолова Нилуфар, ки дар меҳмонии онҳо қарор доштааст, 3 маротиба ба қисмати сар ва дасташ задааст, ки дар натиҷа ҷабрдидахо ҷароҳати ҷисмонӣ бардошта, дар беморхона бистарӣ гардидаанд", - омадааст дар иттилоияи ВУД.

Додгоҳи вилояти Хатлон дар пайи баррасии қазия Суванқулов Содиқҷонро  ба 26 соли зиндони низомаш сахт маҳкум кардааст. 

0