Выборы в Таджикистане

"Эҳтиёт кунед": дар Хуҷанд корҳои фаҳмондадиҳии пешгирии коронавирус пурзӯр мешавад

170
(Таҷдидшуда 18:12 14.10.2020)
Дар як қатор муассисаҳои таълимӣ ва марказҳои хизматрасони шаҳри Хуҷанд баргузор гардида, оид ба пешгирии бемории короновирус ба сокинон маълумотҳои зарурӣ расонида шуд

ДУШАНБЕ, 14 окт — Sputnik. Дар Хуҷанд корҳои фаҳмондадиҳии пешгирии коронавирус пурзӯр мешавад, гузориш медиҳад Вазорати тандурустӣ.

Бино бар иттилои манбаъ, корҳои тарғиботию ташвиқотӣ аз тарафи кормандони Маркази ташаккули тарзи ҳаёти солим дар вилояти Суғд ба роҳ монда шудааст.

"Чунин як мулоқоти судманд имрӯз, 14 октябри соли равон  дар як қатор муассисаҳои таълимӣ ва марказҳои хизматрасони  шаҳри Хуҷанд баргузор гардида, оид ба пешгирии бемории короновирус ба сокинон маълумотҳои зарурӣ расонида шуд ва инчунин ба аҳолӣ ниқобҳои тиббӣ ва варақаҳои иттилоотӣ тақсим  гардид", - менависад манбаъ.

Ҳамзамон, дар маркази савдои “Афросиёб” ва майдони Регистони бозори Панҷшанбе зимни гузаронидани чорабинии муфид оид ба истифодаи ниқоб ва маводи антисептикӣ бо сокинон роҳҳои пешгирӣ аз  ин бемориҳои сироятӣ фаҳмонида шуда, беш аз 500 адад ниқоби тиббӣ ва 1000 адад варақаҳои иттилоотӣ тақсим карда шуд.

Директори Маркази ташаккули тарзи ҳаёти солим  дар вилояти Суғд Зуфнунахон Хоҷаева зимни суҳбат таъкид намуд, ки истифодаи ниқобҳои тиббӣ ҳатмӣ мебошад ва мо зимни гузаронидани мулоқоту суҳбатҳо бо сокинон зарурати истифодаи  ниқоб, маводи антисептикӣ ва роҳҳои пайдоиши бемориҳои сироятиро мефаҳмонем.

Мулоқотҳои мо бо аҳолӣ ба таври доимӣ идома дошта, баргузории онҳо дар шаҳру навоҳии вилоят низ тибқи нақша ба роҳ монда шудааст.

Ихтирои донишгоҳҳои Хуҷанд дар замони коронавирус - акс

Мавриди зикр аст, ки чунин як мулоқот дар маҳаллаи Пахтакори шаҳри Хуҷанд, дар муассисаҳои таҳсилоти миёнаи умумии №16, 3, гимназияи “Кавсар”, мактаби хусусии “Паймон” низ гузаронида шуда, ба ронандагони  нақлиётҳои чамъиятӣ низ варақаҳои иттилоотӣ ва ниқобҳои тиббӣ ройгон тақсим карда шуд.

170
Люди в масках в Душанбе

“Қочоқи каронавирус”: Virus shut out чи гуна ба Хуҷанд расид?

159
Дар бозор ва дорухонаҳои шаҳри Хуҷанд маводе ба фурӯш бароварда шуда ва мардум ба унвони “бейҷики каронавирус” аз он хариддорӣ кардаанд. Аммо масъулони идораҳои тандурустӣ аз ворид шудани ин мавод хабар надоранд

ДУШАНБЕ, 28 окт – Sputnik. Virus shut out, ё “гарданбанди каронавирус” чанд рӯз аст, ки дар фурӯшгоҳҳои Хуҷанд ба моли аз ҳама пурхариддор табдил шудааст. Сокинон ба таблиғи он бовар карда, мегуянд, ки бо харидани ин мавод худро аз каронавирус ҳимоя мекунанд, аммо то куҷо ин имкон дорад, онҳо ҳанӯз маълумот надоранд.

Зимнан ба фарқ аз моск ё ниқобҳои муҳифизатӣ бо қиммати 10-12 сомонӣ ба фурӯш гузошта шудааст. Фурӯшандаҳо дар бораи аз куҷо ворид шудани он изҳори бехабарӣ намуда, аз бозоргир будани он таъкид меварзанд.

Як фурӯшандаи Virus shut out дар бозори “Панҷшанбе” ба шарти набурдани номаш ба Sputnik Тоҷикистон гуфт, ки ин молро истеҳсоли кишвари Ҷопон маънидод кард, вале дар бораи кай ва чигуна ба базори Хуҷанд роҳ ёфтани он изҳори бехабарӣ кард.

“Ба ман як фурӯшанда овард гуфт, ки 12 сомонӣ фурӯш аз ин ҳисоб як сомонӣ аз ҳар як донааш аз они ту. Ӯ гуфт, ки худаш 10 сомонӣ аз нафари дигар харидааст", - гуфт ҳамсуҳбати мо.

Сокинон дар суҳбатҳои сарироҳӣ таъкид мекунанд, ки рӯзҳои охир дар бораи “бейҷикҳи каронавирус” зиёд шунидаанд. Як ҳамсуҳбати мо гуфт, ки барои худу фарзандонаш се дона чунин бейҷикро бо нархи 30 сомонӣ харидааст.

“Дар баробари маска ҳоло аз бейҷикаш ҳам харидем. Зиёд ҳамсояҳо харида гуфтанд, ки то ду метр вирусро мекуштааст, ман ҳам барои ҳимояи худу фарзандонам инро харидам, намедонам, ки чи тавр ба саломатии мо таъсир мерасонида бошад. Худо моро аз ҳар балое нигоҳ дорад”, - зикр намуд ҳамсуҳбати мо.

Онҳое, ки фурӯши “бейҷики каронавирус” дар Хуҷанд машғуланд мегӯянд, ки ин мавод аз маҳлули хлодор иборат аст ва то як моҳ коршоям буда, гуё то 1,5 метр вируси мавҷудбудаи ҳавоиро маҳв мекунад.

Чанд иштибоҳи асосӣ ҳангоми пӯшидани ниқоби тиббӣ

Аммо Илҳом Пӯлодзода, сардори Раёсати хадамоти назорат дар соҳаи тандурустӣ мегуяд, ки таъсири “бейҷики каронавирус” барои саломатии аҳолии ҳанӯз озмуда нашудааст, зеро ин мол аз роҳи қочоқ ба бозорҳои Хуҷанд роҳ ёфтааст.

“Мо дар бораи фурӯши Virus shut out дар дорухонаҳо бохабар шуда, аз баъзе ҷойҳо онро мусодира намудем. Зеро он аз ташхис нагузаштааст ва навиштаҷоти барои аҳолӣ фаҳмо надорад” - гуфт Пулодзода.

Бо гузашти як ҳафта дар бораи чи гуна ворид шудани ин маводи ба истилоҳ тиббӣ мақомоти Тоҷикстандарт дар вилояти Суғд ҳанӯз расман чизе шарҳ надодааст. Ва маълум нест, ки ин мол чи гуна ва аз ҷониби кадом гурӯҳи судҷуй ворид карда шудааст.

Як ниқоби тоҷикӣ – 1 евро: ба куҷо содир шудааст?

Раҳмон Муҳаммадиев, сардори шуъбаи санитарии Маркази назорати эпидемологии Хуҷанд гуфт, ҳоло чизе, ки барои сокинон дар бораи пешгирӣ аз сирояти COVID-19 тавсия мешавад, бастани ниқоб ва шустани дастон бо собун ва маҳлули антисептикӣ мебошад. Ӯ истифодаи ҳар навъ маводи тиббиро дар ҳоли ҳозир дур аз воқеият маънидод кард ва гуфт, ки сокинон дар ин бора худ қазоват кунанд.

159
Школьники в новой школе района Рудаки

"Корона" садди роҳ нест: хонандагони тоҷик дар олимпиадаи байналмилалӣ 6 медал гирифтанд

18
Олимпиадаи байналмилалии математика ва робототехника таҳти унвони "International Math Challange" ҳамасола дар кишвари Тайланд баргузор мешавад ва имсол бошад онлайн доир гардид

ДУШАНБЕ, 28 окт — Sputnik. Шаш толибилми Муассисаи давлатии таълимии "Литсей барои хонандагони болаёқат"-и шаҳри Хуҷанд дар олимпиадаи байналмилалии "International Math Challange" иштирок намуда, ҳамаашон дар он медал ба даст оварданд.

Тавре дафтари матбуоти раиси шаҳри Хуҷанд гузориш медиҳад, дар олимпиадаи мазкур 1600 нафар аз 70 кишвари ҷаҳон иштирок доштанд.

"International Math Challange", ки ҳамасола дар Тайланд баргузор мешуд, имсол онлайн доир гардидааст.

Ҳамин тавр, пас аз даври интихобии озмун ба даври ниҳоӣ роҳхат гирифта, дар ин давр тариқи онлайн  аз худ маҳорати баланд нишон дода, соҳиби мақоми ифтихорӣ гардиданд. Дар натиҷа хонандагони синфи 4-ум Абубакр Абулқосимов ва Юсуфҷон Турсунзода соҳиби медали тилло, хонандагони синфи 7-ум Меъроҷ Собирзода, Мирзоибодулло Абдуқодиров ва Анӯшервон Каримов соҳиби медали нуқра ва хонандаи синфи 8-уми муассиса Исматҷон Шамсиев соҳиби медали биринҷӣ гардиданд.

Донишҷӯи тоҷик бо медали президенти Русия қадрдонӣ шуд

Ғолибон бо диплом, медал ва Ҷоми олимпиадаи байналмилалӣ қадрдонӣ гардиданд.

18
Абдуқодир Вализода, раиси тозатаъйини шаҳри Кӯлоб

Барномаи якмиллиардии рушди Кӯлоб ҳамагӣ 55 фоиз иҷро шуд: гузориши Вализода ба Раҳмон

0
(Таҷдидшуда 12:41 28.10.2020)
Абдуқодир Вализода, раиси шаҳри Кӯлоб, дар ҷаласаи Ҳукумат таҳти раёсати Эмомалӣ Раҳмон аз ҷараёни татбиқи барномаи рушди иҷтимоию иқтисодии шаҳри Кӯлоб барои солҳои 2015-2019, ки арзиши умумии он беш аз 1 миллиард сомонӣ мебошад, гузориш дод

ДУШАНБЕ, 28 окт — Sputnik. Тибқи иттилои котиботи раисиҷумҳури Тоҷикистон, барномаи мазкур 262 лоиҳаро ба маблағи умумии 1 миллиарду 46 миллиону 700 ҳазор сомонӣ, аз ҷумла аз буҷети ҷумҳуриявӣ 237 миллиону 500 ҳазор сомонӣ, буҷети вилоятӣ 5,8 млн сомонӣ, буҷети маҳаллӣ 23,7 млн сомонӣ, маблағҳои худӣ 187,1 млн сомонӣ, маблағҳои сармоягузориҳои дохилию хориҷӣ 592,6 млн сомониро дар бар мегирифт.

Ҷаласаи Ҳукумати Тоҷикистон
дафтари матбуоти раисиҷумҳури Тоҷикистон

"Ин Барнома аз 5 бахш, аз ҷумла бахши иқтисодӣ -саноат, кишоварзӣ, ҳифзи иҷтимоӣ - маориф, фарҳанг, тандурустӣ, инфрасохтор - таъминот бо оби нӯшокӣ, коммуналӣ, ҳолатҳои фавқулодда ва таъминоти захиравӣ иборат буд", - омадааст дар иттилоия.

Котиботи раисиҷумҳур афзуд, дар давоми амалишавии барнома то ба имрӯз ба маблағи 578 миллиону 871 ҳазор сомонӣ корҳо иҷро гардид, ки 55,3 фоизи нишондиҳандаи барномаро ташкил медиҳад.

"Дар давраи амалишавии Барнома 17 корхона ва коргоҳҳои истеҳсолӣ сохта ба истифода супорида шуданд. Дар соҳаи ҳифзи иҷтимоӣ 14 лоиҳа ба маблағи 6,9 млн сомонӣ ба нақша гирифта шуда, 4 лоиҳа иҷро, 8 лоиҳа қисман ва 2 лоиҳа иҷро нагардид. Маблағҳои лоиҳаҳои иҷрошуда 1,1 млн сомонӣ ё 15,8 фоизро ташкил дод", - илова кард дафтари матбуоти раисиҷумҳури Тоҷикистон.

Дар давраи амалишавии барнома дар ҳамаи соҳаҳои хоҷагии халқи шаҳр 14 ҳазору 742 ҷойи кори нави доимӣ ва мавсимӣ таъсис дода шудаст.

Эмомалӣ Раҳмон ба Ҳукумати ҷумҳурӣ, роҳбарияти Мақомоти иҷроияи ҳокимияти давлатии шаҳри Кӯлоб ва дигар сохторҳои марбутаи давлатӣ дастур доданд, ки “Барномаи рушди иҷтимоию иқтисодии шаҳри Кӯлоб барои солҳои 2015-2019” босифат ва пурра дар амал татбиқ карда шавад.

0
Барчаспҳо:
рушд, барнома, шаҳри Кӯлоб, Тоҷикистон