Ремонтные работы на дороге

Соҳибовҳо барои таъмири роҳи деҳаи Зағертут беш аз 3 миллион сомонӣ масраф карданд

220
Оилаи Соҳибовҳо роҳи мошингарди деҳаи Зағертути шаҳри Левакантро бунёду навсозӣ карданд

ДУШАНБЕ, 17 окт — Sputnik. Ба иттилои мақомоти вилояти Хатлон, роҳи мазкур, ки деҳаи Зағертутро ба шаҳри Левакант мепайвандад, солиёни зиёд рӯйи таъмирро надида, дар ҳолати садамавӣ қарор дошт.

Таъкид шудааст, ки рафтуомади мардуми деҳа ба маркази шаҳр мушкил буд.

Манбаъ таъкид доштааст, ки дар бунёди роҳ соҳибкор 3 миллиону 300 ҳазор сомонӣ харҷ намудааст.

Инчунин манбаъ қайд намудааст, ки дар бунёди роҳ 7 техникаи муассисаи давлатии роҳҳои автомобилгарди шаҳр сафарбар гардид.

Қурбон Ҳакимзода ба соҳибкорони ин оила барои анҷоми кори хайр аз номи мақомоти вилояти Хатлон ташаккур гуфта, онҳоро бо сипосномаи мақомоти иҷроияи ҳокимияти давлатии вилоят қадрдонӣ кард.

Раиси вилояти Хатлон зикр намудааст, ки иқдом дар зеҳну шуури наврасону ҷавонон эҳсоси ободгарӣ, созандагӣ ва ватанпарастиро тақвият медиҳад ва намунаи хуби пайравӣ мебошад.

“Имрӯзҳо бахшида ба Ҷашни 30 - солагии Истиқлолияти Тоҷикистон сокинони шаҳр дар маҳалҳои худ корҳои ободонию созандагиро вусъат бахшида истодаанд. Масалан, як гурӯҳ сокинони деҳаи Хуррамдеҳ тасмим гирифтанд, ки бо ҷалби маблағҳои худӣ ва саҳми соҳибкорон роҳи дохили деҳаро ба масофаи 4 километр таъмиру мумфарш намоянд. Маблағгузорӣ тариқи ҳашар ва саҳми ҳар як сокини маҳал ба роҳ монда шудааст, ки гувоҳи ҳисси баланди ватандӯстӣ мебошад, - гуфт Қурбон Ҳакимзода.

220
Барчаспҳо:
оила, деҳа, навсозӣ, таъмир, роҳ, Тоҷикистон
Прогулка в дождливую погоду

Дар Кӯлоб қариб 130 гектар ҷангал бунёд шуд

28
(Таҷдидшуда 14:53 23.10.2020)
Давоми соли 2020 дар хоҷагиҳои ҷангали минтақаи Кӯлоб 129,6 гектар ҷангалзори нав ва дар 13 гектар ниҳолхона бунёд карда шудааст

ДУШАНБЕ, 23 окт - Sputnik. Тайи соли равон дар минтақаи Кӯлоб инчунин ҳудуди 399,4 гектар ҷангалзор барқарор гардида, дар  ниҳолхонаҳо парвариши буттаву  дарахтони  гуногун роҳандозӣ шуд, хабар дод “Ховар”.

Ба иттилои манбаъ, ҳоло кормандони хоҷагиҳои ҷангал дар баробари омодагӣ ба мавсими сармо баҳри иҷрои нақшаи ҷамъоварии мева ва гиёҳҳои шифобахш низ кӯшиш ба харҷ дода истодаанд.

“Аз ҳисоби ҷамъоварӣ ва хушконидани меваҳо дар қитъаҳои  махсуси ҷангалзор барои ҳайвоноти ваҳшӣ ва парандагони нодир маводи хӯрокӣ барои зимистон захира карда мешавад”, - омадааст дар иттилоия.

Ба иттилои масъулин, имсол барои зимистонгузаронӣ дар хоҷагиҳои ҷангал аз нақша зиёд коҳу беда ва хӯроки серғизо захира карда шудааст. Таъкид шудааст, ки ҳифзу нигаҳдории ҳайвоноти ваҳшӣ ва парандагони нодир, ки дар ҷангалзор сукунат доранд, вазифаи аввалиндараҷаи кормандони хоҷагиҳои ҷангал мебошад.

28
Барчаспҳо:
Кӯлоб, ҷангал, ҷангалбонҳо, Тоҷикистон
Арест, архивное фото

Боздошти Муминов барои қатли тағои 70-солааш: хонаро ба ӯ нею ба додараш додааст-видео

249
(Таҷдидшуда 13:34 23.10.2020)
Вазорати умури дохилии Тоҷикистон аз боздошти як сокини шаҳри Турсунзода хабар медиҳад, ки дар қатли тағояш муттаҳам мешавад

ДУШАНБЕ, 23 окт - Sputnik. Бино ба иттилои ин ниҳод, пулиси шаҳри Турсунзода Муминов Александри 42 соларо барои қатли тағояш боздошт кардаанд.

Ба иттилои манбаъ, боздоштшуда пас аз истеъмоли машруботи спиртӣ ба хонаи тағои 70-солааш Холмуродов Темур омада, ӯро латукӯб кардааст.

Манбаъ мегӯяд, дар натиҷаи латукӯби шадид ҷабрдида ҷароҳатҳои вазнин бардошта ҳалок шудааст.

Боздоштшуда зимни бозпурсӣ гуфт, ӯро барои он кушт, ки хонаро на ба ӯ, бал ки ба додараш Семён додааст.

“Пас аз куштор, барои пинҳон кардани ҷиноят либосҳои ӯро пинҳон карда ҷасадро тавре гузоштааст, ки гӯё ҷабрдида аз беморӣ ҳалок шудааст, аммо ташхис дар ҷисми марҳум аломатҳои марги маҷбуриро ошкор кард”,‑ афзудааст манбаъ.

Гуфта мешавад, боздоштшуда ва фавтида робитаи хешовандӣ дошта, ҷинояти мазкур барои ба даст овардани хона сар задааст.

ВУД мегӯяд, айни ҳол нисбат ба  Муминов Александр парвандаи ҷиноӣ оғоз шуда, тафтишот идома дорад.

249
Барчаспҳо:
парванда, боздошт, қатл, Турсунзода, Тоҷикистон

Дана Уайт: Ҳабиб дар роҳи бузургтарин размикори таърих шудан аст

0
(Таҷдидшуда 17:06 23.10.2020)
Мусобиқаи навбатии UFC 254 фардо дар пойтахти Аморати Муттаҳидаи Араб доир мегардад, ки дидори Ҳабиб ва Гэтҷи аз муҳорибаҳои асосии он мебошад

ДУШАНБЕ, 23 окт - Sputnik. Президенти UFC Дана Уайт мӯътақид аст, ки агар Хабиб Нурмагомедов дар UFC 254 бар Ҷастин Гетҷе ғолиб ояд, русиягӣ новобаста аз категорияи вазн беҳтарин размикори ҷаҳон хоҳад шуд ва дар садри рейтинги ба истилоҳ Pound-for-Pound пеш ҷой хоҳад гирифт.

“Агар ӯ рӯзи 24 октябр Ҷастин Гетҷеро мағлуб кунад, новобаста аз категорияи вазн беҳтарин размикори ҷаҳон хоҳад шуд. Вай дар роҳи бузургтарин размикори таърих шудан аст”,­-гуфтааст ӯ.

“Бубинед, ки ӯ чӣ қадар муҳорибаҳо дорад ва ҳанӯз ҳам шикастнопазир аст. Ҳамзамон, ӯ дар як гуруҳи сахт ва хеле сангин баромад мекунад ", - таъкид кардааст, Дана Уайт.

Мубориза бо Хабиб Нурмагомедов - Ҷастин Гаҷӣ рӯзи 24 октябр дар "Fight Island" дар Абу-Даби (Аморати Муттаҳидаи Араб) баргузор мешавад ва ҳодисаи асосии намоиш хоҳад шуд.

Раҳбари UFC дар бораи рақобати Ҳабиб ва Гэтҷи навори дидание нашр кард - видео

Муҳориба рӯзи  24 октябр дар Абу-Дабӣ (АМА) баргузор мешавад. Дар ин рақобат қаҳрамони феълии UFC бо рақиби худ Ҷастин Гэтҷи вомехӯрад ва қувва меозмояд.

Ёдовар мешавем, ки Ҳабиб ин навбат талош мекунад камарбанди қаҳрамонии худро барои маротибаи сеюм ҳифз кунад.

Ҳабиб гуфт, чӣ гуна Гэтҷиро "мешиканад": "Зидди ӯ нақшаи нав дорам".

Ҳабиб то ҳол 28 муҳориба баргузор намудааст ва боре ҳам мағлуб нашудаст. Ҳарифи ӯ бошад аз 22 рақобати умумӣ 2 мағлубият дорад.

0
Барчаспҳо:
муҳориба, размикор, Ҳабиб Нурмуҳаммадов, Русия