Ҳукумати Тоҷикистон, акс аз бойгонӣ

Баъди супориши Раҳмон ба амниятиҳо: дигар барои суханҳои ноҷо ҷазои ҷиноӣ намедиҳанд

6697
(Таҷдидшуда 20:12 17.10.2020)
Дар пайи дастури Эмомалӣ Раҳмон, раисиҷумҳури Тоҷикистон ба амниятиҳо, қонуни ҷадид қабул гардид, ки дар бархе ҳолатҳо барои суханҳою шарҳҳои ноҷо, аз ҷумла тариқи интернет, ба ҷои ҷавобгарии ҷиноӣ, ҷавобгарии маъмуриро пешбинӣ кардааст

ДУШАНБЕ, 17 окт — Sputnik. Музаффар Ашӯриён, вазири адлияи Тоҷикистон гуфт, дар амалия ҳолатҳое ҷой доранд, ки шахс барои баён кардани суханҳои ноҷо, ки метавонад боиси барангехтани адовати миллӣ, динӣ ё мазҳабӣ гардад, бо моддаи 189 Кодекси ҷиноятии Ҷумҳурии Тоҷикис­тон ба ҷавобгарии ҷиноятӣ кашида мешавад.

“Дар бисёр маврид шахсе, ки ба чунин кирдор даст мезанад, бинобар надоштани дарки дуруст, оқибати ҳуқуқии амали худро пешбинӣ намекунад ва дар натиҷа, ба ҷавобгарии ҷиноятӣ кашида мешавад”, - тавзеҳ дод вазир ҳафтаи равон дар парлумон зимни муаррифии тағйирот ба Кодекси ҳуқуқвайронкунии маъмурии Тоҷикистон.

Ба гуфтаи Ашӯриён, ин тағйирот дар пайи дастури Эмомалӣ Раҳмон, ки зимни мулоқоташ бо кормандони мақомоти амнияти миллӣ дода буд, таҳия ва пешниҳод гардиданд.

Ба гуфтаи вазири адлия, ҷорӣ намудани ҷавобгарии маъмурӣ барои бори аввал содир намудани ин гуна кирдор боиси огоҳсозии шаҳрвандон аз оқибатҳои ҳуқуқии чунин кирдорҳо ва пешгирии экстремизм гардида, далели сиёсати инсондӯстонаи Ҳукумати ҷумҳурӣ мебошад.

“Like” ва “поделиться” кардам: омӯзгор аз Суғд дар бораи 2 парвандаи ҷиноӣ ва афв-видео

“Бо дарназардошти ин, ба Кодекси ҳуқуқвайронкунии маъмурии Ҷумҳурии Тоҷикистон моддаи 4621 илова гардида, мутобиқи он ҳаракатҳое, ки барои барангехтани кинаю адоват ё низои иҷтимоӣ, нажодӣ, миллӣ, маҳалгароӣ ё динӣ (мазҳабӣ), паст задани шаъну эътибори нажодӣ, миллӣ, динӣ (мазҳабӣ) ё маҳал, инчунин тарғиби махсусият ва бартарии шаҳрвандон аз нигоҳи муносибати онҳо ба дин (мазҳаб), забон, мансубият ба нажод, миллат ё маҳал равона шудаанд, агар ин кирдорҳо ба таври оммавӣ ё бо истифодаи воситаҳои ахбори омма ё шабакаҳои алоқаи барқӣ, аз ҷумла, интернет, содир шуда бошанд, ҳангоми набудани аломатҳои таркиби ҷиноят боиси ҷавобгарии маъмурӣ мегардад”, - овардааст нашрияи “Садои мардум” аз қавли Ашӯриён.

Вазир: то 5800 сомонӣ ҷарима ё ҳабси маъмурӣ

Ба гуфтаи Музаффар Ашӯриён, ҷавобгарии маъмурӣ дар шакли ҷарима ва ҳабси маъмурӣ, аз ҷумла, ба шахсони воқеӣ ба андозаи аз панҷоҳ то сад нишондиҳанда барои ҳисобҳо ҷарима ё ҳабси маъмурӣ ба муҳлати аз панҷ то даҳ шабонарӯз таъин карда мешавад.

Ҳукми зиндони собиқ муҳаррири телевизиони “Кӯлоб” барои “класс”-монӣ ва таблиғи “ДОИШ”

Вакилони парлумон дар пайи муаррифӣ тағйирот ба Кодекси ҳуқуқвайронкунии маъмурии Тоҷикистонро қабул намуданд.

6697
Барчаспҳо:
Маҷлиси намояндагони Тоҷикистон, афв, қонунҳо, Тоҷикистон
День 27 октября

Ҷашнҳои рӯзи 27 октябр дар Тоҷикистон ва ҷаҳон

5
(Таҷдидшуда 20:06 26.10.2020)
Рӯзи 27 октябр рӯзи ҷаҳонии мероси аудиовизуалӣ буда дар Алҷазоир  — Рӯзи ниҳолшинонӣ ва дар Туркманистон — Рӯзи истиқлол мебошад

Рӯзи 27 октябр дар ҷаҳон чӣ рух дод

Соли 1492 Христофор Колумб Кубаро кашф намуд.

Мореплаватель Христофор Колумб (1446-1506) - испанский мореплаватель
© Sputnik / Лев Иванов
Мореплаватель Христофор Колумб (1446-1506) - испанский мореплаватель

Соли 1858 дар Ню-Йорк калонтарин маркази савдо дар дунё -"Мэйси" дар  масоҳати 20,3 гектар мавриди истифода қарор гирифт.

Соли 1867 нависанда Лев Толстой романи "Ҷанг ва сулҳ"-ро ба итмом расонд.

Русский писатель Лев Николаевич Толстой (1828-1910)
Фото из архива Государственного литературного музея Л.Н.Толстого
Русский писатель Лев Николаевич Толстой (1828-1910)

Соли 1951 нахустин маротиба дар ҷаҳон зимни табобати бемории саратон аз радиатсия истифода карда шуд.

Соли 1982 Ҷумҳурии Мардумии Чин эълон кард, ки шумораи аҳолияш  ба 1 млрд нафар расид.

© REUTERS / Thomas Peter
Люди проходят мимо китайских флагов в Кашгаре, Синьцзян-Уйгурский автономный район, Китай

Соли 2014 Президенти Федератсияи байналмилалии футбол (ФИФА) Йозеф Блаттер дар робита ба ғалабаи дастаи "Истиқлол" — и Душанбе дар Чемпионати Тоҷикистон – 2014  ба унвони Федератсияи футболи Тоҷикистон мактуби табрикотӣ ирсол намуд.

© Sputnik / Стас Этвеш / Вишнякова Мария

Рӯзи 27 октябр дар Тоҷикистон чӣ рух дод

Соли 2014 дар пойтахти Тоҷикистон намоиши аксҳои "Дастовардҳои Душанбе" баргузор гардид.

Соли 2013 дар маркази ноҳияи Фархор бо ширкати Эмомалӣ Раҳмон варзишгоҳи нави марказӣ мавриди баҳрабардорӣ қарор гирифт.

Соли 2012 ифтитоҳи нақби мошингарди "Шаҳристон".

Тоннель Шахристан в Таджикистане, архивное фото
Тоннель Шахристан в Таджикистане, архивное фото

Соли 2014 дар бӯстонсарои шаҳрии Ҳукумати Ҷумҳурии Тоҷикистон  — "Кохи Сомон" бо иштироки Эмомалӣ Раҳмон нахустин Форуми сармоягузории Созмони ҳамкории исломӣ (СҲИ) барои кишварҳои Осиёи Марказӣ баргузор гардид.

Соли 2015 Эмомалӣ Раҳмон барои иштирок дар тантанаҳои идона бахшида ба 3000-солагии Ҳисор ва ифтитоҳи иншооти зиёди ҷашнӣ, ташриф оварда, чойхонаи ғайриодӣ ва боҳашамати миллиро ифтитоҳ намуд, ки аз ҷиҳати услубу шакл дар миқёси олам ҳамто надорад.

Соли 2019 Sputnik Тоҷикистон хабар дод, ки Маҷлиси намояндагони Тоҷикистон  бо қабули тағйирот дар қонунгузории кишвар ба яккасардорӣ дар корхонаҳои давлатӣ хотима дод.

Соли 2019 Sputnik Тоҷикистон хабар дод, ки Доналд Трамп, раисиҷумҳури ИМА, зимни як паём ба мардумаш кушта шудани Абубакр Бағдодӣ, роҳбари созмони террористи "ДОИШ"-ро тасдиқ карда, ҷузъиёти амалиётро нақл кард.

Трамп гуфт, Бағдодӣ чун як саг, гирёну нолон мурд, чун тарсу, на чун қаҳрамон. 

Ҷашнҳои рӯзи 27 октябр

  • Рӯзи ҷаҳонии мероси аудиовизуалӣ.
  • Дар Алҷазоир  — Рӯзи ниҳолшинонӣ.
  • Дар Туркманистон — Рӯзи Истиқлолият.

Рӯзи 27 октябр дар Тоҷикистон кӣ ба дунё омадааст

Соли 1939  – доктори илмҳои физика ва математика, профессор Исмоилҷон Исмоилов.

Соли 1964  – раққоса Хайриниссо Файзуллоева.

Соли 1965  – олими тибб Акбар Зарифов.

5
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 22 октябр дар Тоҷикистон ва ҷаҳон
Ҷашнҳои рӯзи 20 октябр дар Тоҷикистон ва ҷаҳон
Ҷашнҳои рӯзи 23 октябр дар Тоҷикистон ва ҷаҳон
Ҷашнҳои рӯзи 24 октябр дар Тоҷикистон ва ҷаҳон
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон
Топор, архивное фото

Ба манзилаш бурд ва се маротиба бо табар ба гарданаш зад: куштор дар Суғд

769
(Таҷдидшуда 18:58 26.10.2020)
Вазорати умури дохилаи Тоҷикистон аз дастгир шудани сокини ноҳияи Бобоҷон Ғафуров ба ҷурми одамкушӣ, хабар медиҳад

ДУШАНБЕ, 26 окт — Sputnik. Бино ба гузориши Вазорати умури дохилаи Тоҷикистон, дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 38-солаи сокини ҷамоати деҳоти Исфисори ноҳияи Б.Ғафуров ҳамчун гумонбар дар содир намудани ҷинояти одамкушӣ дастгир карда шуд.

Гуфта мешавад, номбурда, рӯзи 21-уми октябр, дар бозори воқеъ дар маҳаллаи Гулистони шаҳри Хуҷанд, бо марди 32-солаи сокини ҷамоати деҳоти Исфисор вохӯрдааст.

Онҳо дар яке аз ошхонаҳои бозори "Панҷшанбе" хӯрок ва нӯшокии спиртӣ истеъмол намуда, дар ҳолати мастӣ ба хонаи истиқоматии марди 38-сола рафтаанд.

Боздошти Муминов барои қатли тағои 70-солааш: хонаро ба ӯ нею ба додараш додааст-видео

Ба иттилои ВКД, дар аснои даъвои маблағи пулӣ муноқиша ба миён омадааст, ки марди 38-сола аз анборхонааш табарро гирифта, 3 маротиба ба гардан ва сари марди 32-сола задааст.

"Дар натиҷа, номбурда ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Манбаъ афзуда, ки нисбати гумонбаршаванда парвандаи ҷиноятӣ бо моддаи 104 қисми 1 Кодекси ҷиноятии  Тоҷикистон оғоз шуда, тафтишот идома дорад.

769
Барчаспҳо:
боздошт, ВКД, Суғд, куштор