Здание энергохолдинга Барки точик, архивное фото

Хело кам шуд: коҳиши 43 дар садии содироти барқи Тоҷикистон

268
"Барқи тоҷик" далели коҳиши содироти барқ аз Тоҷикистон ба Афғонистон, Ӯзбекистон ва Қирғизистонро кам шудани мизони оби вурӯдӣ ба садди нерӯгоҳи барқи обии Норак эълом кардааст

ДУШАНБЕ, 19 окт – Sputnik.  Тоҷикистон имсол содироти барқ ба се кишвари ҳамсояро ба мизони 43 дарсад дар муқоиса ба давраи мушобеҳи соли қабл коҳиш додааст.

Нурекская ГЭС
© Официальная страница пресс-службы президента РТ в Facebook

Тавре хабаргузории "Парс тудэй" дар истинод ба радиои "Авеста менависад, имсол арзиши молии содироти барқи Тоҷикистон ба Афғонистон, Ӯзбекистон ва Қирғизистон 48 миллиону 326 ҳазор доллар буд.

Ин шохис дар давраи мушобеҳи соли қабл 85 миллиону 300 ҳазор долларро ташкил карда буд.

Ширкати "Барқи тоҷик" далели коҳиши содироти барқ аз Тоҷикистон ба Афғонистон, Ӯзбекистону Қирғизистонро кам шудани мизони оби вурӯдӣ ба садди нерӯгоҳи барқи обии Норак эълом кардааст.

Қарзи барқи аҳолӣ ва корхонаҳои Кӯшониёну Вахш назди ба 83 миллион сомонӣ расид

Аз ин рӯ мизони содироти барқи Тоҷикистон ба Афғонистону Ӯзбекистон дар шаш моҳи нахусти имсол нисбат ба соли гузашта бо 345 миллион киловат соъати коҳиш ба 912.4 миллион киловат соъат расида ва Душанбе наметавонад ба таъаҳҳудоти хеш дар бораи интиқоли барқ ба ин ду кишвари ҳамсоя амал кунад.

268
Люди в защитных костюмах проводят церемонию погребения человека умершего от COVID-19

Шӯрои уламо фатвои мурдаҳои бе намози ҷаноза гӯронидаро дод

1296
Шӯрои уламои Тоҷикистон гуфт, ки дар ҳолати ба қабр гузоштани майит бидуни хондани намози ҷаноза мусалмонон чи кор карда метавонанд

ДУШАНБЕ, 3 дек — Sputnik.  Шӯрои уламои Маркази  исломии Тоҷикистон дар посух ба суоли як корбараш гуфтааст, ки дар ҳолати гӯронидани мурдае бидуни хондани намози ҷаноза чи кор метавон кард.

Усмон ном корбаре аз уламои Маркази исломии Тоҷикистон пурсидааст: агар нафаре аз касалии гузаранду фавтад, бе хондани намози ҷаноза гӯрониданаш ҷоиз аст.

"Шахсе, ки аз ягон бемории гузаранда, яъне аз вабо вафот мекунад ва ӯро ҷаноза намекунанд, барои майит ягон зарар дорад?", - навиштааст вай.

Дар посух Шуро роҳи адои ин намозро дар ҳолати зикргардида нишон додаанд.

Ба гуфтаи улумои дин, он намозро метавон пас аз гӯронидан дар сари қабр адо кард.

"Намози ҷаноза яке аз он ҳуқуқе аст, ки майит бар зиммаи дигар мусулмонон дорад. Бинобар ин, касе, ки бидуни ҷаноза дафн шуда бошад, бар сари қабраш намози ҷанозаи ў хонда мешавад", - омадааст дар посухи онҳо.

Пештар сокинони Тоҷикистон изҳори нигаронӣ доштанд, нафарони дар пайи сироят аз коронавирус фавтидаро бе хондани намози ҷаноза ба қабр мегузоранд.

Ёдрас мешавем, Кумитаи дини Тоҷикистон бо нашри як иттилоия тафсилоти маросими дафни фавтидагон аз коронавирус - аз шустан то кафан кардану ҷаноза ва дар қабргузориро баён доштааст.

Намозҳои ҷаноза хатар доранд?: мақомоти Суғд аз сокинон хост дар намозҳо эҳтиёт намоянд

"Дини ислом дафн кардани шахси фавтидаро фарзи кифоя ҳукм кардааст, ки агар дар он чанд нафар иштирок кунанд, кофӣ аст. Бинобар ин, бо дарназардошти шароити кунунӣ намози ҷаноза дар назди қабристон ё ҷойҳои махсус бо иштироки теъдоди ками хешовандон ва дӯстони наздик хонда шавад, беҳтар аст. Тибқи таълимоти мазҳаби ҳанафӣ дуо аз ҳар ҷо қабул мегардад. Бинобар ин, дигарон дар ҳаққи майит дуо кунанд, кифоя аст", - омадааст дар дастурамали кумита.

Намози ҷанозаро имом бо риояи талаботи шариат анҷом дода, дар масофаи на камтар аз 2 метр аз тобут меистад.

Муфтиёт дастурамал барои ҷаноза ва маросими дафни фавтидагон аз коронавирусро таҳия кард

 

1296
Жители Душанбе на улице в масках

Вазорати тандурустӣ: 41 нафарро пас аз табобат аз коронавирус рухсат додем

48
(Таҷдидшуда 20:57 03.12.2020)
Вазорати тандурустии Тоҷикистон омори нави коронавирусро нашр кард. Ниҳод қайд кардааст, ки дар як рӯз дар муассисаҳои тандурустии кишвар 41 нафар пас аз шифо ёфтан аз КОВИД ба манзилҳояшон рухсат дода шуданд

ДУШАНБЕ, 3 дек — Sputnik. Гуфта мешавад, шабонарӯзи охир дар Ҷумҳурии Тоҷикистон 39 ҳолати нави сирояти COVID-19 ба қайд гирифта шуд.

"Дар маҷмӯъ сирояти коронавирус дар муддати аз 30 апрел то 3 декабр 12308 ҳолатро ташкил медиҳад", - менависад вазорати тандурустӣ.

Дар як шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11718 (95,2%) баробар гардидааст.

Омори фавт аз беморӣ бетағйир аст. Бар асари ин беморӣ 87 нафар даргузаштаанд.

Коронавирус дар Тоҷикистон: омори моҳи ноябр

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

48
Барчаспҳо:
омор, маризӣ, Вазорати тандурустии ҶТ