Помощник президента по вопросам социального развития и связям с общественностью Абдуджаббор Рахмонзода

Ҷаласаи Раҳмонзода дар Вазорати фарҳанг: ба ҷашнҳо сурудҳои нав омода созед

261
Ёвари раисҷумҳури Тоҷикистон бо аҳли фарҳанг ҷаласа баргузор карда, дар он дастур додааст, ки ҷиҳати ҷолибтар гардонидани барномаҳои фарҳангии ҷашнҳои дарпешистода омодагӣ бинанд

ДУШАНБЕ, 24 октябр - Sputnik. Абдуҷаббор Раҳмонзода, ёвари раисҷумҳури Тоҷикистон ҷаласаи васеъи соҳаи фарҳангу ҳунарро баргузор кард, гузориш медиҳад Вазорати фарҳанги Тоҷикистон.

Бино бар иттилои манбаъ, дар ҷаласа роҳбарияти Вазорати фарҳанги Ҷумҳурии Тоҷикистон, роҳбарияти Кумитаи телевизион ва радио, роҳбарони муассисаҳои театрию консертӣ, раёсату бахшҳои фарҳанг дар вилоят ва шаҳру ноҳияҳо, коршиносони соҳа, оҳангсозон ва коргардонҳо иштирок намуданд.

Зулфия Давлатзода, муовини вазири фарҳанг зикр кардаст, ки Тоҷикистон ба наздикӣ 30-солагии Истиқлолро таҷлил мекунад. Ҳамчунин ҷаласаи ҷашнии Шўрои сарони давлатҳои аъзои Созмони ҳамкории Шанхай дар Тоҷикистон баргузор мегардад.

"Аҳли фарҳангу ҳунарро зарур аст, то барои ҷашнҳои мазкур барномаҳои ҷолибу баландмазмун омода намоянд. Суруду мусиқӣ ва рақсҳои нав бояд эҷод шаванд, ки ҳам ҷанбаи ватандӯстона дошта бошанд ва  ҳам санъати миллиро муаррифӣ созанд ва барои тарбияи шаҳрвандон дар руҳияи ҳифзи арзишҳои миллӣ саҳм гузоранд", - таъкид кардааст Раҳмонзода.

Қадрдонии панҷ корманди Вазорати фарҳанг бо медали “Хизмати шоиста”: ном ба ном

Аз ҷумла супориш дода шуд, ки барои дарёфти чеҳра ва истеъдодҳои нав озмунҳои гуногун байни оҳангсозон, сарояндагон, ҳунарпешаҳои рақс баргузор карда шавад.

Зимни ҷаласа инчунин масоили ташкилии чорабиниҳо, ҷалб ва ҳавасманд кардани ҳунармандон, ҳалли мушкилоти соҳа ва дигар  масъалаҳои ҷорӣ мавриди баррасӣ қарор гирифтанд, қайд мекунад вазорат.

261
Китоби «Тоҷикон»-и Бобоҷон Ғафуров ба сокинони ноҳияи Мурғоб тақдим гардид

Тақдими 4 ҳазор китоби "Тоҷикон" - и Бобоҷон Ғафуров ба сокинони Мурғоб

15
(Таҷдидшуда 11:43 04.12.2020)
Китоби "Тоҷикон" - и академик Бобоҷон Ғафуров ба дурдасттарин ноҳияи Вилояти Мухтори Кӯҳистони Бадахшон расид

ДУШАНБЕ, 4 дек – Sputnik. Дар ноҳияи Мурғоб рӯзи 3 декабр тақдими китоби "Тоҷикон" - и академик Бобоҷон Ғафуров шурӯъ шуд, хабар медиҳад Вазорати маориф.

Китобро муовини вазири маориф ва илми Тоҷикистон Нуралӣ Собирзода, раиси ноҳияи Мурғоб Ҳусния Раҷабзода, намояндагони Дастгоҳи иҷроияи Президенти Тоҷикистон, Ожонсии омори назди Президенти Тоҷикистон ва мақомоти иҷроияи ҳокимияти давлатӣ ба аҳолии ноҳия тақдим менамоянд.

"Барои аҳолии ноҳияи Мурғоб 3 ҳазору 800 дона китоб ҷудо шудааст, ки он ба дасти ҳар хонавода расонида мешавад", - омадааст дар хабарнома.

Ёдовар мешавем, ки дар асоси супориши Президенти Тоҷикистон Эмомалӣ Раҳмон бо мақсади омӯзиши амиқи таърихи пурифтихори халқи тоҷик шоҳасари академик Бобоҷон Ғафуров – китоби "Тоҷикон" чоп гардида, то ҷашни 30-солагии Истиқлоли давлатӣ ба ҳар оила тақдим карда мешавад.

Беш аз 4400 дона: туҳфаи Раҳмон ба Ванҷ расид

Гуфта мешавад, ки ҳамчунин дар доираи ин сафар муовини вазири маориф ва илм бо намояндагони маорифи ноҳияи Мурғоб вохӯрӣ анҷом дода, аз шароити корӣ ва вазъи соҳаи маориф аз наздик шинос гардидааст.

Аз Суғд то Хатлон : Президент шаш раиси шаҳру навоҳиро барканор ва таъин кард

Чанде пеш ин туҳфа  бо роҳбарии Нуралӣ Собирзода  ба шаҳру ноҳияҳои Вилояти Мухтори Кӯҳистони Бадахшон  фиристода шуд.

15
Барчаспҳо:
Бобоҷон Ғафуров, китоб, Мурғоб, тақдим
Дорожный знак, архивное фото

Фавти пирамарде, ки писараш пас аз садама ба беморхона набурд: ВКД таҳқиқ мекунад

187
(Таҷдидшуда 11:41 04.12.2020)
Вазорати умури дохилии Тоҷикистон мегӯяд, як марди солхӯрда бинобар нарасонидан ба беморхона дар пайи садамаи нақлиётӣ дар хонааш фавтидааст.

ДУШАНБЕ, 4 дек – Sputnik. Бино ба иттилои дафтари матбуотии ин ниҳод садамаи нақлиётӣ санаи 3-юми декабри соли 2020, тахминан соати 10:00 дар  деҳаи Ширинчашмаи шаҳри Истаравшан сар задааст.

Манбаъ мегӯяд, ронандаи автомашинаи тамғаи “Опел-Вектра”, Мирзоев Наимҷон Гиёевичи 42-сола сокини деҳаи Ширинчашмаи шаҳри Истаравшан, ҳангоми ба беморхонаи марказии шаҳри мазкур бурдани падараш Мирзоев Гиёи 88‑сола дар ҳудуди ҷамоати деҳоти Нофароҷ аз уҳдаи идораи автомашина набаромада, ба канори рости роҳ чаппа шудааст.
Дар натиҷа, падараш Мирзоев Гиё ҷароҳатҳои ҷисмонӣ бардоштааст. “Пас аз рӯх додани ин ҳодиса Мирзоев Наимҷон Гиёевичи падараш Мирзоев Гиёро ба беморхона набурда, оид ба ин ҳодиса ба ягон мақомоти ҳифзи ҳуқуқ муроҷиат накарда, падарашро дар манзили истиқоматии худ табобат намудааст, ки номбурда санаи 2-юми декабри соли 2020, аз ҷароҳати вазнини ҷисмонии бардоштааш дар хонаи истиқоматиашон вафот намудааст”,-афзудааст манбаъ.

Ҳалокати Абдулло ва Меҳриниссо дар пайи ду садамаи нақлиётӣ

ВУД мегӯяд, аз рӯи ин ҳодиса таҳқиқот идома дорад.

187
Барчаспҳо:
пирамард, ҳалокат, фавт, садама, Тоҷикистон
Джо Байден

Байден гуфт, дар давраи ҳукмронияш бо Русия чӣ гуна муносибат хоҳад дошт

0
(Таҷдидшуда 12:15 04.12.2020)
Раҳбари тозаинтихоби Амрико Ҷо Байден, ки тибқи маълумоти пешакӣ, президенти Иёлоти Муттаҳида интихоб шуд, гуфт, дар давраи ҳукрмронияш бо Русия чӣ гуна муносибат хоҳад дод

ДУШАНБЕ, 4 дек – Sputnik. Ҷо Байден зимни як мусоҳибаи телевизионӣ бо шабакаи CNN нақшаҳои "муносибати бисёрҷониба" -ро нисбат ба Русия, Эрон, Чин ва дигар кишварҳо эълон кардааст, хабар медиҳад РИА Новости.

"Мо бояд узви як гурӯҳи калон бошем, ин на танҳо бо Эрон, балки бо Русия, Чин ва дигарон муносибат кунем",- гуфт сиёсатмадор.

Ҳамзамон Байден гуфт, ки қабл аз ба вазифа расидан ӯ наметавонист сиёсати ИМА-ро таҳия кунад. "Аммо ман мехоҳам муносибатҳои  наздики иттиҳодиро ҳам дар Аврупо ва ҳам дар минтақаи Ҳинд ва Уқёнуси Ором барқарор кунам", - илова кардааст ӯ.

Ҳамзамон, сиёсатмадор иқрор кард, ки "музокироти душвор" бо Иттиҳоди Аврупо ӯро интизор аст ва ӯ дар ин бора ҳеҷ гуна хаёле надошт.

Раисиҷумҳури ИМА-ро таъйин карданд: кӣ воқеан қудрат дар ИМА-ро ғасб намуд?

Қаблан сафири Русия дар ИМА Анатолий Антонов гуфта буд, ки Маскав метавонад ҳамкориҳоро бо маъмурияти нав дар Вашингтон ҳадди аққал дар панҷ самт: суботи стратегӣ, паҳн нашудани силоҳи ҳастаӣ, ҳамкорӣ дар кайҳон, мубориза бо терроризм ва пандемияи коронавирус тавсеа диҳад.

 Ҳамзамон, дипломат изҳори шубҳа кард, ки Маскав метавонад бо Вашингтон дар мавриди назорати силоҳ мувофиқат кунад.

Сафир ҳангоми суханронӣ дар бораи натиҷаҳои интихобот дар Иёлоти Муттаҳида қайд кард, ки Русия ҳама гуна интихоби амрикоиҳоро эътироф мекунад, аммо мунтазири эълони расмии натиҷаҳо пеш аз вокуниш дар доираи протоколи дипломатӣ мебошад.

Интихоботи президентии ИМА рӯзи 3 ноябр баргузор шуд.

Номзади демократҳо Ҷо Байден, тибқи маълумоти пешакӣ, аз иёлотҳо то 306 раъйи интихобкунандагон бар даст овард.

Путин шарҳ дод, ки чаро то ҳол Ҷо Байденро табрик накардааст

Президенти феълӣ Доналд Трамп шикастро эътироф намекунад ва натоиҷро дар чанд иёлат зери шубҳа мегузорад.

0
Барчаспҳо:
ҳамкорӣ, муносибат, президент, Русия, ИМА