Люди в масках в Душанбе

“Қочоқи каронавирус”: Virus shut out чи гуна ба Хуҷанд расид?

1614
(Таҷдидшуда 16:15 28.10.2020)
Дар бозор ва дорухонаҳои шаҳри Хуҷанд маводе ба фурӯш бароварда шуда ва мардум ба унвони “бейҷики каронавирус” аз он хариддорӣ кардаанд. Аммо масъулони идораҳои тандурустӣ аз ворид шудани ин мавод хабар надоранд

ДУШАНБЕ, 28 окт – Sputnik. Virus shut out, ё “гарданбанди каронавирус” чанд рӯз аст, ки дар фурӯшгоҳҳои Хуҷанд ба моли аз ҳама пурхариддор табдил шудааст. Сокинон ба таблиғи он бовар карда, мегуянд, ки бо харидани ин мавод худро аз каронавирус ҳимоя мекунанд, аммо то куҷо ин имкон дорад, онҳо ҳанӯз маълумот надоранд.

Зимнан ба фарқ аз моск ё ниқобҳои муҳифизатӣ бо қиммати 10-12 сомонӣ ба фурӯш гузошта шудааст. Фурӯшандаҳо дар бораи аз куҷо ворид шудани он изҳори бехабарӣ намуда, аз бозоргир будани он таъкид меварзанд.

Як фурӯшандаи Virus shut out дар бозори “Панҷшанбе” ба шарти набурдани номаш ба Sputnik Тоҷикистон гуфт, ки ин молро истеҳсоли кишвари Чин маънидод кард, вале дар бораи кай ва чигуна ба базори Хуҷанд роҳ ёфтани он изҳори бехабарӣ кард.

“Ба ман як фурӯшанда овард гуфт, ки 12 сомонӣ фурӯш аз ин ҳисоб як сомонӣ аз ҳар як донааш аз они ту. Ӯ гуфт, ки худаш 10 сомонӣ аз нафари дигар харидааст", - гуфт ҳамсуҳбати мо.

На рынках Худжанда появились противо-коронавирусные бейджики о происхождении и составе которых мало что известно
© Sputnik
На рынках Худжанда появились противо-коронавирусные бейджики о происхождении и составе которых мало что известно

Сокинон дар суҳбатҳои сарироҳӣ таъкид мекунанд, ки рӯзҳои охир дар бораи “бейҷикҳи каронавирус” зиёд шунидаанд. Як ҳамсуҳбати мо гуфт, ки барои худу фарзандонаш се дона чунин бейҷикро бо нархи 30 сомонӣ харидааст.

“Дар баробари маска ҳоло аз бейҷикаш ҳам харидем. Зиёд ҳамсояҳо харида гуфтанд, ки то ду метр вирусро мекуштааст, ман ҳам барои ҳимояи худу фарзандонам инро харидам, намедонам, ки чи тавр ба саломатии мо таъсир мерасонида бошад. Худо моро аз ҳар балое нигоҳ дорад”, - зикр намуд ҳамсуҳбати мо.

Онҳое, ки фурӯши “бейҷики каронавирус” дар Хуҷанд машғуланд мегӯянд, ки ин мавод аз маҳлули хлодор иборат аст ва то як моҳ коршоям буда, гуё то 1,5 метр вируси мавҷудбудаи ҳавоиро маҳв мекунад.

Чанд иштибоҳи асосӣ ҳангоми пӯшидани ниқоби тиббӣ

Аммо Илҳом Пӯлодзода, сардори Раёсати хадамоти назорат дар соҳаи тандурустӣ мегуяд, ки таъсири “бейҷики каронавирус” барои саломатии аҳолии ҳанӯз озмуда нашудааст, зеро ин мол аз роҳи қочоқ ба бозорҳои Хуҷанд роҳ ёфтааст.

“Мо дар бораи фурӯши Virus shut out дар дорухонаҳо бохабар шуда, аз баъзе ҷойҳо онро мусодира намудем. Зеро он аз ташхис нагузаштааст ва навиштаҷоти барои аҳолӣ фаҳмо надорад” - гуфт Пулодзода.
На рынках Худжанда появились противо-коронавирусные бейджики
© Sputnik
На рынках Худжанда появились противо-коронавирусные бейджики

Бо гузашти як ҳафта дар бораи чи гуна ворид шудани ин маводи ба истилоҳ тиббӣ мақомоти Тоҷикстандарт дар вилояти Суғд ҳанӯз расман чизе шарҳ надодааст. Ва маълум нест, ки ин мол чи гуна ва аз ҷониби кадом гурӯҳи судҷуй ворид карда шудааст.

Як ниқоби тоҷикӣ – 1 евро: ба куҷо содир шудааст?

Раҳмон Муҳаммадиев, сардори шуъбаи санитарии Маркази назорати эпидемологии Хуҷанд гуфт, ҳоло чизе, ки барои сокинон дар бораи пешгирӣ аз сирояти COVID-19 тавсия мешавад, бастани ниқоб ва шустани дастон бо собун ва маҳлули антисептикӣ мебошад. Ӯ истифодаи ҳар навъ маводи тиббиро дар ҳоли ҳозир дур аз воқеият маънидод кард ва гуфт, ки сокинон дар ин бора худ қазоват кунанд.

1614
Денежные купюры

Уфти рублу суқути доллар: Бонки миллӣ арзиши асъори хориҷиро барои имрӯз эълон кард

214
(Таҷдидшуда 22:16 25.01.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Тибқи нишондоди ин ниҳоди молии кишвар, арзиши рубл ба таври назаррас нисбат ба ҳафтаи гузашта коҳиш ёфта, уфти шабонарӯзи гузашта ба беш аз 1 сомонӣ мерасад.

ДУШАНБЕ, 26 янв— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1531 сомонӣ нишон дода шудааст.

Доллари амрикоӣ пас аз якбора боло рафтан дар соли гузашта, дар ҳоли суқут қарор дорад. Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3000 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.7329 то 13.9000 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз аз 0.1489 то 0.1550 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1500
0,1530 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1500 то 0.1530 ва дар "Алифбонк", 1 рубл аз 0,1490 то 0,1550 сомонӣ нишон дода шудааст.

Коршинос гуфт, ки доллар дар соли 2021 чӣ қадар поин хоҳад рафт

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

214
Барчаспҳо:
сомонӣ, рубл, евро, доллар, қурби асъор, Бонки Миллӣ
День 26 января

Аз мавлуди Бақозода то рӯзи байналмилалии гумрук: имрӯзи таърих

94
(Таҷдидшуда 21:53 25.01.2021)
Рӯзи бисту шашуми январ дар Рӯзи байналмилалии гумрук буда, дар Уганда – Рӯзи озодӣ мебошад. Дар ин рӯз, соли 1905 дар Африқои Ҷанубӣ калонтарин алмос дар ҷаҳон пайдо карда шуд

Рӯзи 26 январ дар ҷаҳон чӣ рух дод

Соли 1788 шаҳри Сидней – аввалин шаҳри урупоӣ дар Австралия таъсис дода шуд.

Соли 1905 дар Африқои Ҷанубӣ калонтарин алмос дар ҷаҳон пайдо карда шуд.

Алмаз  Куллинан до огранки
© Flickr / James St. John
Алмаз "Куллинан" до огранки

Соли 2009 дар пойтахти Белорус- шаҳри Минск ҷаласаи навбатии Шӯрои намояндагони доимии ваколатдори давлатҳои узви ИДМ дар назди мақомоти оинномавӣ ва дигар ниҳодҳои Иттиҳод  баргузор гардид.

Соли 2011 дар шаҳри Талдиқӯрғони  Қазоқистон  оташи Бозиҳои VII зимистонаи Осиё ба маърази ом гузошта шуд.

Рӯзи 26 январ дар Тоҷикистон чӣ рух дод

Соли 2009 Эмомалӣ Раҳмон вазири вақти ҳамкории байналмилалии Ҷумҳурии Мисри Араб хонум Фоиза Абуннаҷоро, ки ба ҳайси сарвари қисмати мисрии Комиссияи муштараки байниҳукуматӣ оид ба ҳамкории иқтисодӣ, техникӣ ва илмӣ ба шаҳри Душанбе ташриф оварда буд, ба ҳузур пазируфт. Дар вохӯрӣ масоили густариши ҳамкории Тоҷикистону Миср баррасӣ шуд.

День 22 января
© Sputnik/ Стас Этвеш/ Мария Вишнякова

Соли 2012 бори аввал дар Тоҷикистон кӯдакону наврасон дар истироҳатгоҳи "20-солагии Истиқлолият", воқеъ дар деҳаи хушманзараи Деҳмойи ноҳияи Ҷ.Расулов ба фароғату истироҳати зимистона фаро гирифта шуданд.

Соли 2017 дар шаҳри Ишқобод ҷаласаи VII муштараки Комиссияи байниҳукуматии Тоҷикистону Туркманистон оид ба масъалаи ҳамкории тиҷоратию иқтисодӣ ва илмию техникӣ баргузор гардид.

Соли 2017 дар шаҳри Душанбе  зимни суҳбати телефонӣ Эмомалӣ Раҳмон бо нахуствазири вақти Покистон Муҳаммад Навоз Шариф ҳолати вақт ва дурнамои муносибатҳои дуҷониба миёни ду давлати дӯстро мавриди баррасӣ қарор дода, атрофи масъалаҳои мубрами минтақавию байналмилалӣ мубодилаи афкор анҷом дод.

Ҷашнҳои рӯзи 8 январ дар Тоҷикистон ва ҷаҳон

Соли 2017 Эмомалӣ Раҳмон аз нав Президенти Кумитаи миллии олимпии Тоҷикистон интихоб гардиданд.

Ҷашнҳои рӯзи 26 январ

  • Рӯзи байналмилалии гумрук.
  • Дар Уганда – Рӯзи озодӣ.

Рӯзи 26 январ кӣ ба дунё омадааст

Гурез Абураҳмонов (1915 – 1974) – сароянда, Корманди шоистаи маданияти Тоҷикистон.

Наримон Бақозода (1935 – 2009) – шоир, Корманди шоистаи маданияти Тоҷикистон.

Одили Икром (1960)- шоири узбекзабони Тоҷикистон, мутарҷим (аз тоҷикӣ ба узбекӣ).

Ҳошим Назаров (1909 – 1983) – мутриб, Ҳунарпешаи шоистаи Тоҷикистон.

Бурҳон Неъматов (1960)- сароянда.

Саъдулло Неъматов (1950) – доктори илми педагогӣ, профессор.

Исохон Саидаминов (1962) – доктори илми техникӣ, профессор.

Дилшод Сайфиддинов (1984) – варзишгар, чемпиони ҷаҳон оид ба гурзпартоӣ.

Рамазон Сафаров (1936 – 2008) – Рассоми халқии Тоҷикистон.

Аҳмадҷон Шерназаров (1937 – 2008) –иқтисоддон, профессор.

Сурайё Шукурова (1957) – доктори илми тиб, профессор.

94
Барчаспҳо:
ҷашн, ҷаҳон, Тоҷикистон
Выборы президента Узбекистана

Санаи интихоботи президентӣ дар Ӯзбекистон эълон шуд

329
Мақомоти Узбакистон санаи пешбинишудаи интихоботи президентӣ дар ин кишварро эълон карданд

ДУШАНБЕ, 26 январ - Sputnik. Интихоботи навбатии президентӣ дар Узбакистон дар назар аст моҳи октябри соли равон баргузор шавад, менависад Sputnik Ӯзбекистон.

"Интихоботи президентӣ дар Ӯзбекистон метавонад рӯзи якшанбеи даҳаи сеюми октябр баргузор шавад",-менависад, агентӣ.

Таъкид шудааст, ки санаи интихобот дар ҷаласаи фраксияҳои ҳизбҳои сиёсӣ дар палатаи поёнӣ муҳокима карда шуд.

Ба иттилои манбаъ, як рӯз пеш дар Ӯзбекистон ҷаласаи Комиссияи марказии интихоботи ҷумҳурӣ баргузор гардид, ки дар он қайд карда шуд, ки ҳайати САҲА ва Бюро оид ба институтҳои демократӣ ва ҳуқуқи инсон, ки интихоботи парлумониро мушоҳида кард, як қатор тағйироти мусбатро дар системаи миллии интихоботии кишвар эътироф кардааст.

Бояд қайд кард, ки дар Узбакистон номзадҳои президентиро танҳо аз ҷониби ҳизбҳои сиёсӣ пешбарӣ кардан мумкин аст. Айни замон, дар кишвар панҷ ҳизби сиёсӣ сабти ном шудаанд.

Интихоботи президентӣ дар Ӯзбекистон ҳар панҷ сол як маротиба баргузор мешавад.

Натоиҷи интихоботи такрории Узбакистон эълон гардид: се вакил тоҷиктабор ҳастанд

4 декабри соли 2016 дар Ӯзбекистон интихоботи пеш аз муҳлат баргузор шуд, ки дар он Мирзиёев, ки сарвазир буд, пирӯз шуд. 88,61% интихобкунандагон ба ӯ овоз доданд.

Президент Ислом Каримов, ки аз соли 1989 инҷониб кишварро идора мекунад, 2 сентябри соли 2016 дар синни 78-солагӣ бар асари сактаи мағзӣ даргузашт.

329
Барчаспҳо:
парлумон, номзад, Шавкат Мирзиёев, Санаи интихоботи президентӣ дар Ӯзбакистон муайян шуд