Цементный завод, архивное фото

Пас аз се сол: корхонаи гаҷи Конибодом фаъолияти худро аз сар гирифт

297
(Таҷдидшуда 12:57 30.10.2020)
 Гурӯҳи ширкатҳои “Нур” – и вилояти Суғд корхонаи гаҷтахтаи худро пас аз се соли таваққуф дигарбора фаъол кард

 ДУШАНБЕ, 30 окт – Sputnik. Нуруллоҳ Усмонов, мудири кулли гурӯҳи ширкатҳои “Нур”, дар таъйиди ин хабар ба Sputnik Тоҷикистон гуфт, се соли қабл ба далоили мушкилоти молиявию фаннӣ кори худро ба тавқиф гузошта буд.

“Дар ин муддат мо талош кардем, ки ин ҳама мушкилотро бартараф намуда, дигарбора ба кор шурӯъ кунем. Ҳадаф истеҳсоли маводи сохтмонии маврид ниёз аст, ки ҷойгузини маводи ҳамсони воридотӣ ба кишвар хоҳад шуд. Дар ин амр ба мо Раҷаббой Аҳмадзода, раиси вилояти Суғд, низ кӯмаки худро дареғ надоштанд. Бахусус, дастурҳои он кас барои бартараф кардани як қатор мушкилоти бюрократӣ хеле муҳим буд”, - гуфт Нуруллоҳ Усмонов.

Корхонаи тавлиди гаҷтахтаи “Моҳии заррин”, яке аз корхонаҳои гуруҳи ширкатҳои “Нур”, соли 2016 дар қаламрави деҳаи Ниёзбеки ноҳияи Конибодом ташкил шудааст. Зарфияти он тавлиди 200 тон гаҷ ва 500 тон сангреза дар рӯз аст, ки аз ашёи хоми маҳаллӣ ба даст меояд.

Тибқи иттилои мудири кулли гуруҳи ширкатҳои “Нур”, дар корхона 60 нафар истихдом шудаанд, ки мудирияти ширкат ба онҳо ба таври мутавассит 2500 сомонӣ музди меҳнат пардохт мекунад.

“Ҳудуди 40 нафари дигар дар боғи корхона ба кор машғул мешаванд, ки барои тавсеаи он шароити хуб эҷод шудааст. Як чоҳ низ дар сойи наздики корхона ҳафр шудааст, ки обёрии заминҳои боғ ва атрофро фароҳам мекунад”, - гуфт Нуруллоҳ Усмонов.

Афзоиши тавлиди гаҷкартон дар Тоҷикистон ва содироти он ба Узбакистону Афғонистон

Гурӯҳи ширкатҳои “Нур” аз сӯи Нуруллоҳ Усмонов, яке аз соҳибкорони муваффақи Тоҷикистон ташкил шуда, ба ҷуз “Моҳии заррин”, як гимназияи хусусӣ дар ноҳияи Бобоҷон Ғафуров, мактаб – интернати шаҳраки Палоси шаҳри Бӯстон, Маркази ташхисию солимгардонӣ дар деҳаи Румони ноҳияи Бобоҷон Ғафуров, маҷмааи хурди саноатии “Нуртекс” дар шаҳри Хуҷандро, ки ба тавлиди кабелу профил, ширешу дигар маводи сохтмонӣ машғул аст, муттаҳид мекунад.

297
Хуроки шом дар хонаводаи тоҷик. Акс аз бойгонӣ

КОВИД аз торикӣ гурехт: "гиря"-ву хандаи корбарон аз барқкушӣ дар Тоҷикистон

110
(Таҷдидшуда 15:31 01.12.2020)
Корбарони шабакаҳои иҷтимоӣ аз барқкушӣ шикоят мебаранд. Баъзан, онҳо доди худро аз дасти лимити барқ бо ҳазл, киноя ҳатто шеър ифода мекунанд. Онҳо бар онанд, ки мардум чунон ба мавзӯи барқ дода шуданд, ки ҳатто вабои аср - коронавирусро фаромӯш карданд

ДУШАНБЕ, 1 дек – Sputnik. Аз охирҳои моҳи октябр сар карда, сокинони Тоҷикистон аз барқкушӣ шикоят мебурданд. Миш-мишҳое байни мардум пайдо шуданд, ки ба Тоҷикистон лимити барқ баргаштааст.

Бо гузашти бештар аз як моҳ то ҳол мардуми кишвар дод аз дасти бебарқиву ширкати "Барқи тоҷик" доранд. Ҳанӯз авалҳои моҳи ноябр сухангӯи ширкат Нозирҷон Ёдгорӣ расман эълон карда буд, ки далели қатъи нерӯи барқ дар кишвар, ягон "лимит" набуда, балки таъмири шабакаҳои барқрасониву омодагӣ ба зимистон аст.

Имрӯз, 1 декабр зимистон фаро расидаву акнун касе ҳам шакк надорад, ки лимит дар кишвар дубора ҷорӣ шудааст. Зеро то ҳол барқкушӣ идома дорад.

Дар ҳамин ҳол сокинони кишвар танқисиашон аз барқро дар шабакаҳои иҷтимоӣ бо ҳазлу киноя ва ҳатто шеър баён мекарданд.

Президент Республики Таджикистан Эмомали Рахмон
Исполнительный орган государственной власти Согдийской области

Sputnik Тоҷикистон ҷолибтарин гуфтаҳои мардумро дар бораи барқкушӣ дар кишвар ҷамъоварӣ кард.

Бебарқие, ки шоиронро илҳом овард

 Чанде аз шоирон- корбарони фаъоли Фейсбук мавзӯи наверо дар эҷодиёташон кашф кардаанд. Зоҳиран, маҳз барқкушӣ ин маротиба ба онҳо илҳом овардааст.

Исмоил Зарифӣ, шоири тоҷик дар оғози барқкушӣ дар Тоҷикистон чунин навишта буд:

 Ҳафтае шуд дар ҳама ҷо барқ нест,
Байни рӯзу шом дигар фарқ нест.
Хонаҳо сарданду торик, нест об,
"Барқи тоҷик"-ро ҳунар ҷуз зарқ нест.

Скриншот из сети Facebook
Скриншот из сети Facebook
Скриншот из сети Facebook

Як корбари дигар, Синои Абӯалӣ айнан бо ҳамин маъно киноя кардааст:

Скриншоты из Facebook как пользователи шутят и сетуют об ограничение электроэнергии в Таджикистане
Скриншот из Facebook
Скриншоты из Facebook как пользователи шутят и сетуют об ограничение электроэнергии в Таджикистане

Зимистон сахт омад, барқ гум шуд,

Тамоми гармиҳои Шарқ гум шуд.

Миёни зиндагии мову дӯзах,

Ба чашми хеш дидам фарқ гум шуд.

Корбари дигаре гӯё ин дуро тасалло мегуфта бошад, навиштааст:

Скриншоты из Facebook как пользователи шутят и сетуют об ограничение электроэнергии в Таджикистане
Скриншот из Facebook
Скриншоты из Facebook как пользователи шутят и сетуют об ограничение электроэнергии в Таджикистане

Ба барқ дил мабанд, эй марди оқил,

Ки барқ ҳам бевафоӣ дорад охир.

Қисми дигари корбарон, ки ҳунари шоирӣ надоранд, мавзӯи лимитро ба риштаи латифа кашидаанд.

"Дар ҳамин фасли сармову набудани барқу бекорӣ, муҳосиби барқ нихгӯён дар даст ҷиҳози барқҳисобкунакашро бардошта кӯча ба кӯча мегардад, ки пули барқ чинад. Тифоқо ӯ ба кӯчаи Мирзосолеҳ мегузарад ва мегӯяд: - Бобо, пули барқа диҳед. Бобои Мирзосолеҳ дар посух ҷавоб медиҳад: - Та аввал пули шамъҳои сӯхтаи манро деҳ", - нашр кардааст ҳазлашро Имоммуҳаммад Ғоибов дар саҳифаи Фейсбук.
Скриншоты из Facebook как пользователи шутят и сетуют об ограничение электроэнергии в Таджикистане
Скриншот из Facebook
Скриншоты из Facebook как пользователи шутят и сетуют об ограничение электроэнергии в Таджикистане

КОВИД-ро фаромӯш кардем

Корбарони гурӯҳи "Мо тоҷикистониён" ҳазломез навиштаанд, ки маҳз набудани барқ сабаб шуд, ки онҳо аз бемории ҳамагири коронавирус фаромӯш кардаанд.

"Аз свет гуфтана, КОВИД аз ёдамон рафт, ки чӣ касал буд", - пост кардааст нафаре аз онҳо.

Зери ин навишта корбар нафарони зиёда изҳори хандаву "гаря" кардаанду шарҳҳои зиёде навиштаанд.

"Илоҳо (коронавирус - идора) аз торики гурехта, гумном шавад", - менависад нафаре зери пост.

"Аз хунункӣ мурдам гуфта, гурехта рафт, ба фикрам", - менависад нафари дигар.

Корбари дигар умуман ин таҷрибаро ба дигарон низ пешниҳод карданӣ шудааст. 

"Ҳамин иқдоми "Барқи тоҷик"-ро ба ҷаҳониён ҳамчун роҳи пешгирӣ аз КОВИД пешниҳод кардан лозим", - менависад вай.

Бибӣ ва НБО "Роғун"

Фарзона Муродӣ дар гурӯҳи Ахбор барои афкори Фейсбук гуфтаи бибашро навиштаву корбаронро "гирёндаву" хандонидааст.

Скриншот из сети Facebook
Скриншот из сети Facebook
Скриншот из сети Facebook
"Бибии содаам аз ман пурсиданд: духтарам, "Роғун" буд мешавад гуфта, расо таъриф карданду... Он аз мардум барқ мегирад ё ба мардум барқ медиҳад?", - навиштааст рӯзноманигор.

Зери ин пости вай бештар аз дусад нафар тугмаи "класс"-оро пахш кардаанду шарҳҳои зиёде навиштаанд. 

Аз ҷумла нафаре гуфтааст, ки "ҳазлу шухӯро як тараф гузошта, бояд дар фикри чунин шахсони пиронсол шуд, ки дар бебарқӣ бисёр мушкилӣ мекашанд".

"Хазлу шухи як тарафу наход, ки ин рохбарият фикр накунад ки чавонон солиму бе дарду ранҷ майлаш, кудакон, пиронсолон, беморон чигуна шабхои тору хунукро рӯз мекунанд? Рӯзи боз ҳам бе барқу сард", - менависад вай.

Як қисми дигари корбарони фаъоли Фейсбук шикоят аз бебарқиро тариқи аксҳои ҳазломез ифода кардаанд.

Аз ҷумла нафара аз онҳо ба "Барқи тоҷик" муроҷиат карда, гуфтааст, ки мардум "пингвин" нестанд, ки ин ҳамаро таҳаммул карда тавонанд.

Скриншоты из Facebook как пользователи шутят и сетуют об ограничение электроэнергии в Таджикистане
Скриншот из Facebook
Скриншоты из Facebook как пользователи шутят и сетуют об ограничение электроэнергии в Таджикистане

Нафаре дигаре, ки зоҳиран гирён шудани барқро интизорӣ мекашидааст, навиштааст, ки "на аз барқу на аз барқдиҳандагон хабаре нест."

Муроҷиат ба Президент

Дар ҳамин ҳол, сокинони шаҳри Турсунзода то ба раисҷумҳури кишвар муроҷиат кардаанд, ки аз ин мушкилӣ раҳо ёбанд.

Ба гуфтаи ин сокинон дар шаҳр аз соати 8:30-и субҳ то 15:30-16:30 ва дар деҳотҷойҳо бошад, 6:00-и субҳ то 18:00, ва аз 22:00 то 5:00 барқ хомӯш мешавад.

Онҳо шиква кардаанд, ки рӯзона аз хунукӣ дар хонаҳо нишаста намешавад ва дар хонаҳҳои баландошёна имкони хӯрок омода карданро надоранд.

Сокинон изҳори умедворӣ кардаанд, ки президент ба додашон мерасад.

Ёдрас мешавем, дар ҳамин ҳол президенти Тоҷикистон Эмомалӣ Раҳмон дар маҷлиси ахири Ҳукумат, рӯзи 27 ноябр ба масъулин дастур дод, ки аҳолиро бо барқу гармӣ таъмин кунанд.

Тибқи иттилои дафтари матбуоти президент, Эмомалӣ Раҳмон зимни ҷасала, ба аъзои ҳукумати кишвар ҷиҳати иҷрои саривақтии қарору фармоишҳои ҳукумат барои таъмини кори муназзами муассисаҳои тандурустӣ ва маорифу фарҳанг, таъминоти босифат ва саривақтии аҳолӣ бо барқу гармӣ дастуру супоришҳо додааст.

Лимити барқ кай ба Тоҷикистон расид?

Зимистони соли 2007 бори нахуст дар Тоҷикистон лимити барқ ҷорӣ шуд. "Барқи тоҷик" гуфта буд, ки сатҳи оби рӯди Вахш поён рафт ва дар натиҷа сатҳи оби обанбори НБО Норак низ кам шудааст.

Ҳамин тавр, асосан зимистон сокинон аз барқ танқисӣ мекашиданд. 

Дар натиҷа, 13 январи соли 2017 раисҷумҳури Тоҷикистон бо як изҳороти расмӣ эълон кард, ки аз 14 январи соли 2017 маҳдудият дар таъмини барқ бардошта мешавад.

Эмомалӣ Раҳмон дар муроҷиатномаи худ қайд намуд, ки дар ҳақиқат дар солони соҳибистиқлолӣ норасоии қувваи барқ дар Тоҷикистон яке аз мушкилиҳои асосӣ гардид ва барои бартараф намудани чунин ҳолати ногувор дар кишвар тадриҷан ду нерӯгоҳи бузурги барқи обӣ ва даҳҳо нерӯгоҳи хурд сохта,  хатҳои интиқоли барқи баландшиддат ва зеристгоҳҳои барқии пуриқтидор бунёд карда шуданд.

Кӯшишҳои Sputnik Тоҷикистон барои гирифтани шарҳи намояндаи ширкати "Барқи тоҷик" дар бораи он ки чаро,  барқкушӣ то ҳол дар Тоҷикистон идома дорад, бенатиҷа анҷмо ёфтанд.

110
Флаг Ирана на одной из улиц Тегерана

Сафорати Эрон дар Тоҷикистон қатли Мӯҳсин Фахризодаро иқдоми террористӣ донист

232
(Таҷдидшуда 13:51 01.12.2020)
Сафорати Эрон дар Тоҷикистон дар як баёнияи шаҳодати донишманди барҷаста Мӯҳсин Фахризодаро иқдоми террористӣ ва ҷинояткорона донист

ДУШАНБЕ, 1 дек — Sputnik. Сафорати Эрон дар Тоҷикистон таъкид доштааст, ки иқдоми террористӣ ва ҷинояткоронаеро, ки сабабгори шаҳодати донишманди барҷаста ва воломақом, Муҳсин Фахризода, раиси Созмони пажӯҳиш ва навоварии Вазорати мудофиаи Эрон ва теъдоди дигаре аз шаҳрвандони эронӣ гардид, шадидан маҳкум мекунад.

“Бешак ин гуна иқдомоти ҷинояткорона дар террори як мақоми расмӣ ва давлатии Ҷумҳурии Исломии Эрон, шањодати комил ва равшани терроризми давлатӣ ва нақзи ошкори ҳуқуқи байналмилалӣ, мухолифи оинномаи Милали Муттаҳид ва дигар қавонину усули пазируфташудаи байналмилалӣ буда ва интизор меравад, ки ҷомеаи ҷаҳонӣ фориғ аз стандартҳои дугона, ин иқдоми террористии ваҳшиёнаро шадидан маҳкум намоянд”, - таъкид доштааст сафорати Эрон дар Тоҷикистон.

Ҳамзамон манбаъ зикр кардааст, ки душманони Эрон ва бониёну омирони ин амали террористӣ бояд бидонанд, ки иртикоби ин қабил ҷиноёт заррае аз азму иродаи ҷиддии миллати бузурги Эрон дар масири рушди шитобандаи илмӣ ва фатҳи қуллаҳои ифтихор нахоҳад кост.

Мақомоти Эрон таъкид доштааст, ки талоши донишмандону ҷавонони эронӣ дар бораи касби пешрафтҳои бештар дар тамоми ҳавзаҳои илмӣ бо қуввату суръат идома хоҳад ёфт.

Ёдрас мешавем, ки санаи 28 декабр хабаргузории эронии “Тасним” дар бораи марги физики ҳастаӣ Муҳсин Фахризода хабар дод. Тибқи маълумоти пешакӣ, ҳамлагарон дар аввал мошини олимро тарконданд ва вақте ки ин натиҷа надод, мошинро парронидаанд. Худи Фахризода бо чархбол ба бемористон интиқол ёфтаву  дар он ҷо ҷон додааст.

Муҳсин Фахризода соли 1958 таваллуд шудааст. Пеш аз он ки бо ҳукумат кор кунад, ӯ дар Сипоҳи Посдорони Инқилоби Исломӣ хидмат кардааст, пас аз артиш ба ҳайси муаллими физика дар Донишгоҳи Имом Ҳусейн дар Теҳрон кор кардааст.

Тибқи иттилои СММ, Фахризода корманди калони илмии Вазорати дифоъ ва нерӯҳои мусаллаҳи Эрон ва раҳбари собиқи Маркази таҳқиқоти физика буд.
Бар пояи иттилои хадамоти ҷосусии Амрико, ин донишманд дар феҳристи масъулони барномаи ҳастаии Эрон сабт шудааст ва инчунин дар барномаи силоҳи ҳастаии Эрон кор кардааст.

Сиёсатшинос Станислав Тарасов дар муколама бо радиои Sputnik қайд кард, ки қатли Фахризодаро аз ҷиҳати аҳамият бо куштори генерал Қосим Сулаймонӣ муқоиса кардан мумкин аст.

232
Барчаспҳо:
баёния, сафорат, ҷинояткорон, террористӣ, Эрон, Тоҷикистон
Фрагмент мечети Юсуфа Хамадани (XVI в.) в древнем городе Мерве, Туркменистан

Дари масоҷид дар Туркманистон ҳамоно баста мемонад

0
(Таҷдидшуда 15:11 01.12.2020)
Ба хотири пешгирӣ аз густариши ҳамагирии коронавирус дар Туркманистон дари масоҷид то 1 январи соли 2021 баст боқӣ мемонад

ДУШАНБЕ, 1 дек — Sputnik. Дар Туркманистон, ки то ҳол расман вируси корона ба қайд гирифта нушадааст, дари масҷидҳо ва зиёратгоҳҳо "то охири сол" бо мақсади пешгирии паҳншавии бемориҳои сироятӣ "баста хоҳад буд", - менависад торномаи "Туркменпортал" бо истинод ба муфтиёти кишвар.

"Маҳдудиятҳо барои масҷидҳо ва зиёратгоҳҳои Туркманистон, ки бо мақсади пешгирии паҳншавии бемориҳои сироятӣ ҷорӣ карда шудаанд, то 1 январи соли 2021 тамдид карда мешаванд", - омадааст дар хабарнома.

Ҳамзамон дар масҷидҳо ҳар рӯз панҷ маротиба азон садо дода, мусалмононро барои адои намоз даъват мекунад.

Манбаъ таъкид мекунад, ки "ин чораҳо тибқи қарори Комиссияи Фавқулодаи Туркманистон оид ба мубориза бо бемориҳо аз 26 августи соли 2020 андешида шудаанд".

Масҷидҳо ва зиёратгоҳҳои Туркманистон ҳанӯз рӯзи 13 июл баста шуданд.

Тибқи гузориши ҳукумат, дар Туркманистон ягон ҳолати COVID-19 ба қайд гирифта нашудааст.

Ҳамзамон, дар кишвар пӯшидани ниқоб ҷорӣ шуда ва як қатор маҳдудиятҳо, аз ҷумла барои муассисаҳои динӣ ҷорӣ карда шудаанд.

0
Барчаспҳо:
вируси корона, маҳдудият, бастан, баста, масҷид, масҷид, Туркманистон