Военнослужащие во время парада в Таджикистане

Вазорати дифоъ: нақшаи даъват амалан пеш аз мӯҳлат иҷро шудааст

414
(Таҷдидшуда 13:43 03.11.2020)
Вазорати дифоъи Тоҷикистон мегӯяд, нақшаи даъвати тирамоҳии даъват ба сафи Артиши миллӣ 98,7% иҷро шудааст

ДУШАНБЕ, 3 ноя – Sputnik. Фаридун Муҳаммадалиев, сухангӯи ин вазорат ба Sputnik Тоҷикистон гуфт, дар асл нақшаи имсолаи даъват қабл аз мӯҳлат пурра иҷро шудааст.

“Агар се рӯзи ахирро низ ҷамъбаст кунем, шояд то бегоҳ нақша 100% иҷро шавад, Аммо иҷрои муваффақонаи нақша инро ҳам тақозо мекунад, ки ба сифати даъват низ таваҷҷӯҳ кунем. Мо дар шаҳру вилоятҳо ташкилотҳои мададгори мудофиа дорем, ки масалан, барои артиш механику ронандаи сабукраву техникаҳои сақили ҷангӣ ва дигар мутахассисонро омода мекунанд. Рӯзҳои наздик онҳо низ имтиҳон супурда, ҳуҷҷату шаҳодатномаҳои худро мегиранд ва ба сафи артиш мепайванданд”, - гуфт Фаридун Муҳаммадалиев.

Тибқи иттилои вазорати дифоъи Тоҷикистон, дар ҳоли ҳозир Вилояти мухтори Кӯҳистони Бадахшон, шаҳри Душанбе, вилояти Хатлон ва Навоҳии тобеи ҷумҳурӣ аз марзи ниҳоии нақша гузашта, вилояти Суғд 95% - и онро иҷро кардааст

Сухангӯи Вазорати дифоъи Тоҷикистон мегӯяд, далели иҷро нашудани нақшаи вилояти Суғд қабл аз ҳама ба сифати даъват рабт мегирад.

"Мо мунтазирем, ки дар ташкилотҳои мададгори мудофиаи вилоят имтиҳонҳо анҷом гирифта, донишомӯзони онҳо пас аз дарёфти асноди зарурӣ ба сафи артиш пайванданд”, - афзуд Фаридун Муҳаммадалиев.

Сухангӯи вазорати дифоъи Тоҷикистон дар ҳоле аз иҷрои қабл аз мӯҳлати даъват ба артиш суҳбат мекунад, ки то анҷоми мавсим қариб як моҳи дигар мондааст.

Вай мегӯяд, бо ин вуҷуд, комиссияҳои даъват корашонро анҷом намедиҳанд.

"Ин фурсатро комиссияҳо барои омодагӣ ба даъвати баҳорӣ истифода хоҳанд кард. Аз ҷумла, онҳо феҳристи даъватшавандагони мавсими дигарро таҳия ё барои дигар корҳои ташкилӣ заминасозӣ мекунанд”, - гуфт Фаридун Муҳаммадалиев.

Даъват ба артиш дар Тоҷикистон дар ду мавсим – баҳору тирамоҳ бо фармони президенти кишвар оғоз ёфта, ду моҳ идома пайдо мекунад. Эмомалӣ Раҳмон, президенти Тоҷикистон имсол фармони даъвати тирамоҳиро дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1993-2002 – и Тоҷикистон ба хизмати ҳарбиро 2 сентябр содир намуд.

Нақшаи даъват 75% иҷро шуд: кӣ пешсаф?

Тибқи ин фармон, хизматчиёни ҳарбие, ки муҳлати муқарраргардидаи хизмати ҳарбиро адо намудаанд, моҳҳои октябр - ноябри соли 2020 аз сафҳои Қувваҳои Мусаллаҳ, қӯшунҳои сарҳадии Кумитаи давлатии амнияти миллӣ, Гвардияи миллӣ, қӯшунҳои дохилии вазорати корҳои дохилӣ, қӯшунҳои мудофиаи граждании Кумитаи ҳолатҳои фавқулодда ва мудофиаи гражданӣ, бригадаи посбоникунандаи сарраёсати иҷрои ҷазои ҷиноятии вазорати адлия, баталиони кишоварзии Агентии таъминоти амволи махсуси назди ҳукумати Тоҷикистон рухсат шуда, даъватшавандагони нав ба сафи ин нерӯҳо даъват мешаванд.

414
Хонандагони мактаб

Соҳибкоре дар дурдасттарин деҳаи Мастчоҳ бинои нави таълимӣ бунёд кард

0
(Таҷдидшуда 19:59 01.12.2020)
Раиси ноҳия Бобозода Хайрулло зимни ифтитоҳи мактаб ба соҳибкор, роҳбари ҶДММ "Роҳи Сомон" Амонов Фаррух барои бунёди бинои нав изҳори сипос намуд

ДУШАНБЕ, 1 дек — Sputnik. Дар ноҳияи Куҳистони Мастчоҳ бинои нави мактаби №18-и деҳаи Деҳҳавзи Ҷамоати деҳоти Лангар ба баҳрабардорӣ расид.

Бино ба гузориши хадамоти матбуотии раиси вилояти Суғд, ин иншоот аз ҷониби соҳибкор Фаррух Амонов бунёд гардидааст. 

"Бинои нави таълимӣ дорои 6 синфхона бо 110 ҷойи нишаст ва 2 ҳуҷраи корӣ барои омўзгорон буда, бо тамоми таҷҳизот таъмин гардидааст", - омадааст дар хабарнома.

Раиси ноҳия Бобозода Хайрулло зимни ифтитоҳи мактаб, аз сиёсати маорифпарваронаи Эмомалӣ Раҳмон ёдовар шуда, ба соҳибкор, роҳбари ҶДММ "Роҳи Сомон" Амонов Фаррух барои бунёди бинои нав изҳори сипос намудааст.

Хушхабар: Хайрхоҳе мактаби куҳнаи деҳаи Равмеди Рӯшонро аз нав месозад-видео

Деҳҳавз яке аз дурдастарин деҳаҳои ноҳияи Куҳистони Масчтоҳ буда, дар ҳудуди Ҷамоати деҳоти Лангар қарор дорад.

Манбаъ афзуда, ки бинои нави мактаб дар доираи бунёдкориҳо ба истиқболи 30-солагии Истиқлоли давлатии Тоҷикистон сохта шудааст.

0
Барчаспҳо:
нав, бунёд, мактаб, Мастчоҳ
Самолет компании Сомон Эйр, архивное фото

 Маълум шуд, “Сомон Эйр” моҳи декабр ба Белорусия чанд павроз анҷом медиҳад

126
(Таҷдидшуда 18:20 01.12.2020)
Ширкати ҳавопаймоии “Сомон Эйр” тасмим дорад, моҳи декабри соли ҷорӣ  дар хатсайри Душанбе-Минск-Душанбе иҷрои 10 парвози махсусро ба нақша гирифтааст.

ДУШАНБЕ, 1 дек — Sputnik. Тибқи иттилои дафтари матбуотии ширкат, шаҳрвандони Тоҷикистон ҳангоми убури марз бояд бо худ нусхаи аслии маълумотномаи тиббии гирифтор набудан ба COVID-19-ро (PCR-тест) бо забонҳои русӣ, белорусӣ ва ё англисӣ дошта бошанд.

Манбаъ мегӯяд, мусофироне, ки тариқи Минск парвозҳои транзитӣ анҷом медиҳанд, бояд бо худ чиптаи нуқтаи ниҳоии сафар ва маълумотномаи эмин будан аз COVID-19 (натиҷаи манфии PCR-тест)-ро дошта бошанд.

Тибқи талабот кулли мусофирон бояд ниқоб ва дастпӯши ҳифозатӣ дошта бошанд. Мусофироне, ки таби баланд ё аломатҳои беморӣ доранд, ба дохили ҳавопаймо роҳ дода намешаванд.

Мувофиқи дастури Вазорати тандурустӣ ва ҳифзи иҷтимоии аҳолии Тоҷикистон мусофирони ба Тоҷикистон воридшаванда бояд бо худ маълумотномаи мубтало набудан ба COVID-19 - натиҷаи манфии PCR-тестро, ки давоми 72 соат қабл аз омадан ба Тоҷикистон омода гардидааст, дошта бошанд. Кӯдакони то 3-сола аз пешниҳоди маълумотномаи мазкур озод мебошанд.

Гуфта мешавад, хоҳишмандони сафар барои хариди чипта ва гирифтани маълумоти иловагӣ ба маркази маълумотдиҳии ширкати ҳавопаймоӣ ва Агентии алоқаи ҳавоӣ муроҷиат намоянд.

"Сомон Эйр" сабаби гаронии нархи чипта барои парвозҳои чартериро шарҳ дод

Ин ширкат санаҳои 10 парвозашро ҳоло нашр накардааст.

Ёдовар мешавем, ширкат дар ин масир моҳи гузашта 4 парвози чартерӣ анҷом дода буд.

126
Барчаспҳо:
ширкат, мусофирон, парвоз, "СомонЭйр", Минск, Душанбе