Международная торговая ярмарка СУГД 2019

Беҳтарин ҳунармандони армуғонсози Хуҷанд муайян шуданд

43
(Таҷдидшуда 17:39 03.11.2020)
Дар озмуни мазкур довталабон-ҳунармандон маҳсулоти дастии худро, аз ҷумла, кордҳо, ороишоти аз мўҳра бофташуда, қолинчаҳо ва дигар осори рассомиро, ки ҳамчун армуғон аз ҷониби сайёҳон харидорӣ мешаванд, ба намоиш гузоштанд

ДУШАНБЕ, 3 ноя — Sputnik.  Беҳтарин ҳунармандони армуғонсози Хуҷанд муайян шуданд, гузориш медиҳад дафтари матбуоти раиси шаҳри Хуҷанд.

Гуфта мешавад, дар "Кохи фарҳанги Суғдиён" -и шаҳри Хуҷанд Озмуни шаҳрии "Истеҳсоли маҳсулоти сайёҳӣ ва армуғони беҳтарин барои сайёҳон" баргузор гардид. 

Ҳайати ҳакамон натиҷаи озмунро ҷамъбаст намуда, беҳтарин ҳунармандони армуғонсозро  муайян  карданд. 

"Ҷои якумро ҳунарманд Матлуба Ниёзова, мақоми   дуюмро  Мавҷуда Ҳакимова ва ҷои сеюмро   Мақсудҷон Бобоев соҳиб гардиданд. Ғолибон  бо "Диплом" ва мукофотпулии мақомоти иҷроияи ҳокимияти давлатии шаҳр сарфароз гардонида шуданд", - тавзеҳ медиҳад манбаъ.

Дар озмуни мазкур  довталабон-ҳунармандон  маҳсулоти дастии худро, аз ҷумла,  кордҳо, ороишоти  аз мўҳра бофташуда, қолинчаҳо ва дигар осори  рассомиро, ки ҳамчун   армуғон аз ҷониби сайёҳон харидорӣ мешаванд,  ба намоиш гузоштанд.

Мавриди зикр аст, ки озмуни шаҳрии "Истеҳсоли маҳсулоти сайёҳӣ ва армуғони беҳтарин барои сайёҳон"  ҷиҳати Солҳои рушди деҳот, сайёҳӣ ва ҳунарҳои мардумӣ  эълон гардидани солҳои 2019-2021 бо қарорҳои Раиси вилояти Суғд  ва  Раиси шаҳри Хуҷанд роҳандозӣ гардидааст.

Тақдими 3 то 8 ҳазор сомонӣ ба занони ҳунарманд дар Хуҷанд

Ҳадаф аз баргузории он ҳавасмандгардонии ҳунармандони мардумӣ ва рушди ин соҳа дар мамлакат мебошад.

43
Денежные купюры.

Ҷаҳиши қурби рублу евро дар Тоҷикистон: Бонки миллӣ арзиши асъори хориҷиро ълон кард

51
(Таҷдидшуда 01:24 04.12.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 4-уми декабр эълон кард

ДУШАНБЕ, 3 дек — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1483 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3000 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.7397 то 13.6000 сомонӣ арзёбӣ кардааст.

Хариду фурӯши 1 рублро бошад, Бонки миллӣ имрӯз аз 0.1503 то 0.1494 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" хариду фурӯши 1 рублро имрӯз аз 0,1500 то 0,1520 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1500 то 0.1530 ва дар "Алифбонк", 1 рубл аз 0,1500 то 0,1530 сомонӣ нишон дода шудааст.

Дурнамои норушан: долларро дар охири соли 2020 чӣ интизор аст

 

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

51
Люди в защитных костюмах проводят церемонию погребения человека умершего от COVID-19

Шӯрои уламо фатвои мурдаҳои бе намози ҷаноза гӯронидаро дод

3017
Шӯрои уламои Тоҷикистон гуфт, ки дар ҳолати ба қабр гузоштани майит бидуни хондани намози ҷаноза мусалмонон чи кор карда метавонанд

ДУШАНБЕ, 3 дек — Sputnik.  Шӯрои уламои Маркази  исломии Тоҷикистон дар посух ба суоли як корбараш гуфтааст, ки дар ҳолати гӯронидани мурдае бидуни хондани намози ҷаноза чи кор метавон кард.

Усмон ном корбаре аз уламои Маркази исломии Тоҷикистон пурсидааст: агар нафаре аз касалии гузаранду фавтад, бе хондани намози ҷаноза гӯрониданаш ҷоиз аст.

"Шахсе, ки аз ягон бемории гузаранда, яъне аз вабо вафот мекунад ва ӯро ҷаноза намекунанд, барои майит ягон зарар дорад?", - навиштааст вай.

Дар посух Шуро роҳи адои ин намозро дар ҳолати зикргардида нишон додаанд.

Ба гуфтаи улумои дин, он намозро метавон пас аз гӯронидан дар сари қабр адо кард.

"Намози ҷаноза яке аз он ҳуқуқе аст, ки майит бар зиммаи дигар мусулмонон дорад. Бинобар ин, касе, ки бидуни ҷаноза дафн шуда бошад, бар сари қабраш намози ҷанозаи ў хонда мешавад", - омадааст дар посухи онҳо.

Пештар сокинони Тоҷикистон изҳори нигаронӣ доштанд, нафарони дар пайи сироят аз коронавирус фавтидаро бе хондани намози ҷаноза ба қабр мегузоранд.

Ёдрас мешавем, Кумитаи дини Тоҷикистон бо нашри як иттилоия тафсилоти маросими дафни фавтидагон аз коронавирус - аз шустан то кафан кардану ҷаноза ва дар қабргузориро баён доштааст.

Намозҳои ҷаноза хатар доранд?: мақомоти Суғд аз сокинон хост дар намозҳо эҳтиёт намоянд

"Дини ислом дафн кардани шахси фавтидаро фарзи кифоя ҳукм кардааст, ки агар дар он чанд нафар иштирок кунанд, кофӣ аст. Бинобар ин, бо дарназардошти шароити кунунӣ намози ҷаноза дар назди қабристон ё ҷойҳои махсус бо иштироки теъдоди ками хешовандон ва дӯстони наздик хонда шавад, беҳтар аст. Тибқи таълимоти мазҳаби ҳанафӣ дуо аз ҳар ҷо қабул мегардад. Бинобар ин, дигарон дар ҳаққи майит дуо кунанд, кифоя аст", - омадааст дар дастурамали кумита.

Намози ҷанозаро имом бо риояи талаботи шариат анҷом дода, дар масофаи на камтар аз 2 метр аз тобут меистад.

Муфтиёт дастурамал барои ҷаноза ва маросими дафни фавтидагон аз коронавирусро таҳия кард

 

3017