Усмонали Усмонзода, министр энергетики и водных ресурсов Таджикистана

Ду муовини нави сарвазири Тоҷикистон кистанд?

3545
(Таҷдидшуда 19:21 03.11.2020)
Имрӯз Эмомалӣ Раҳмон, раисҷумҳури Тоҷикистон ҳайати ҳукумати навро пешниҳод кард. Тибқи фармони раисҷумҳур Сатториён Матлубахон Амонзода ва Усмонзода Усмоналӣ Юнусалӣ ба вазифаи муовини сарвазири Тоҷикистон таъйин шуданд

ДУШАНБЕ, 3 ноя – Sputnik. Бино бар иттилои дафтари матбуоти расиҷумҳур, Сатториён Матлубахон Амонзода муовини Сарвазири Тоҷикистон таъйин шуд.

Тибқи иттилои манбаъ,  фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шавад.

Сатториён Матлубахон Амонзода аз 03 ноябри соли 2020 дар вазифаи муовини Сарвазири Тоҷикистон кор мекунад.

Ӯ 19 сентябри соли 1972 дар ноҳияи Б.Ғафуров ба дунё омадааст.

Сарвазири нави Тоҷикистон дар соли 1994 Донишкадаи давлатии омӯзгории Хуҷандро хатм кардааст. Ихтисосаш муаллими забон ва адабиёти тоҷик .

Ӯ номзади илмҳои филологӣ мебошад.

Сатториён Матлубахон соли 2011 бо медали ҷашнии “20-солагии Истиқлолияти давлатии Тоҷикистон”, соли 2017 Медали “Хизмати шоиста” сарфароз гаштааст.

Ӯ фаъолияти меҳнатиашро дар солҳои 1989-1994 дар Донишҷӯи Донишкадаи давлатии омӯзгории ба номи С.М. Киров, шаҳри Хуҷанд оғоз намуда, солҳои 1994-2002 ба ҳайси танзимгар, муаллима, сармуаллимаи кафедраи забони тоҷикии факултети филологияи тоҷики Донишгоҳи давлатии ба номи Б.Ғафуров, шаҳри Хуҷанд кор кардааст.

Дар солҳои 2008-2011 дар вазифаи раиси Кумитаи кор бо занон ва оилаи мақомоти иҷроияи ҳокимияти давлатии вилояти Суғд кор карда,  ҳамчунин ӯ ба ҳайси иҷрокунандаи вазифаи раиси шаҳри Табошари вилояти Суғд ва дар солҳои 2011-2014- Раиси шаҳри Истиқлоли вилояти Суғд ва солҳои 2014-2018 Раиси шаҳри Гулистони вилояти Суғд фаъолият кардааст.

Вай соли 2018 ба вазифаи Раиси Кумитаи иҷроияи Ҳизби Халқии Демократи Тоҷикистон дар вилояти Суғд таъйин шуда буд.  

Дар ҳамин ҳол, тибқи фармони дигари раисҷумҳур Усмонзода Усмоналӣ Юнусалӣ муовини сарвазири Тоҷикистон таъйин шуд.

Гуфта шудааст, ки фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шуд.

Усмонзода Усмоналӣ Юнусалӣ аз 03 ноябри соли 2020 дар вазифаи муовини Сарвазири Ҷумҳурии Тоҷикистон кор мекунад.

Ӯ 13 сентябри соли 1959 дар шаҳри Ваҳдат ба дунё омадааст ва дар соли 1982 Донишгоҳи давлатии техникии Тоҷикистонро бо ихтисоси муҳандис-электрик хатм кардааст.

Усмонзода номзади илмҳои техникӣ мебошад донандаи забонҳои русӣ ва англисӣ мебошад.

 Ӯ Солҳои 1985-1988 аспиранти институти энергетикии шаҳри Москва буда, дар  солҳои 1989-1991 Ассистент, муаллими калони кафедраи “Ҳаракатдиҳандаҳои автоматикунонидашудаи мошинҳои электрикӣ”-и Донишгоҳи техникии Тоҷикистон  фаъолият кардааст.

Солҳои 1991-1996 Иҷрокунандаи вазифаи дотсент ва дотсенти кафедраи “Ҳаракатдиҳандаҳои автоматикунонидашудаи мошинҳои электрикӣ”, муовини декани факултаи энергетики Донишгоҳи техникии Тоҷикистон кор кардааст.

Номбурда дар солҳои 1997-1999 Директори назорати давлатии барқи ноҳияҳои тобеъи ҷумҳурӣ,  солҳои 1999-2001 Муовини директори генералии назорати давлатии барқи Тоҷикистон ва солҳои 2001-2003 Сардори департаменти сиёсати энергетикии Вазорати энергетикаи Тоҷикистон кор кардааст.

Инчунин ӯ дар солҳои 2003-2009 Роҳбари лоиҳаи “Сохтмони дастгоҳҳои тақсимкунандаи пушидаи элегазии 220 кв дар НБО-и Норак” Муассисаи давлатии “Маркази идораи лоиҳаҳои бахши электроэнергетика” ва дар солҳои 2009-2013 Директори иҷроияи Муассисаи давлатии “Маркази идораи лоиҳаҳои бахши электроэнергетика” фаъолият кардааст.

Усмонзода Усмоналӣ соли 2013 ба вазифаи Вазири энергетика ва захираҳои оби Тоҷикистон таъйин шуда буд.

3545
Барчаспҳо:
Ҳукумат, Раисҷумҳур, фармон, муовини сарвазир, таъйинот, Тоҷикистон
Маҳмурод Одинаева, муовири раиси ҲСДТ

Маҳмурод Одинаев, муовини раиси Ҳизби сотсиал-демократи Тоҷикистон боздошт шуд

163
(Таҷдидшуда 13:38 05.12.2020)
Муовини раиси Ҳизби сотсиал-демократи Тоҷикистон, ки гуфта мешуд, чанд рӯз боз нопадид гаштааст, боздошт шудааст

ДУШАНБЕ, 5 дек — Sputnik. Маҳмурод Одинаев, муовини раиси Ҳизби сотсиал-демократи Тоҷикистон дастгир шуд, хабар дод раиси ҳизб Раҳматилло Зойиров.

Ба иттилои манбаъ, Одинаевро имрӯз соати 11 мақомот боздошт кардаанд.

"Имруз соати тахминан 11.00 Маҳмурод Одинеав боздошт шуд. Сабаби боздошт шуданаш холо маълум нест", - менависад вай.

Раҳматилло Зойиров аз мақомот хостааст, ки сабаби боздошт шудани муовинашро шарҳ диҳанд.

Пештар Зоиров дар нишасти хабарӣ ба рӯзноманигорон гуфта буд, ки Маҳмурод Одинаев, муовини раиси Ҳизби сотсиал-демократи Тоҷикистон ба иддаои наздиконаш, ки чанд рӯз бедарак буд, аз худ хабар дод, ки зинда аст.

 Ба гуфтаи раҳбарри ин ҳизб ӯ ҳангоми фирор аз як амалиёти маъмурони интизомӣ пойлуч будааст, ки зимни гурехтан пойҳояшро хунук задааст ва ҳоло машғули табобат аст.

Мақомот мегуфтанд, ки дар бораи нопадид шудани Одинаев хабар надоранд.

Аммо Зойиров гуфта, буд, "наметавонад, пинҳон монад ва бояд табобати худро давом диҳад. Ба Маҳмурод Одинаев лозим аст, ки таслим шавад ва дар куҷо буданашро хабар диҳад”."

163
Морозное утро

Ҳушдор аз сардиҳо: чанд тавсияи КҲФ ба сокинон

50
(Таҷдидшуда 12:40 05.12.2020)
Кумитаи ҳолатҳои фавқулодда ва мудофиаи граждании Тоҷикистон ба далели сардии ҳаво аз 5 то 8 декабри соли равон ба сокинони кишвар чанд тавсия додааст

ДУШАНБЕ, 5 дек – Sputnik. КҲФ Тоҷикистон хабар додааст, ки тибқи маълумоти Агентии обуҳавошиносии кишвар, аз 5 то 8 декабри соли 2020 ҳаво сард мешавад. Даводиҳо борон меборад, дар доманакӯҳҳо ва кӯҳҳо барф, дар баъзе минтиақаҳо барф шадидтар меборад. Ҳарорати миёнаи рӯзонаи ҳаво дар водиҳо 5 ° С хоҳад буд.

Кумитаи ҳолатҳои фавқулодда ҳушдор медиҳад, ки барфи тар метавонад сабабгори хароб шудани хатҳои интиқоли барқ, қисман шикастану афтидани дарахтон, инчунин хароб гаштани сутунҳои сустниҳоди реклом дар кӯчаҳо шавад.

“Дар робита ба тағйири обо ҳаво ва сардиҳои чанд рӯзи ояндаву барфу боронҳо  Кумита аз шаҳрвандони кишвар хоҳиш мекунад, ки ҳангоми истифодаи асбобҳои гармидиҳандаи барқӣ қоидаҳои бехатарии сӯхторро қатъиян риоя кунанд, инчунин бехатарии ҳаракат дар роҳҳоро риоя намоянд, хусусан ҳангоми истифода аз роҳҳо ва гузаргоҳҳои кӯҳӣ то ҳадди имкон ҳушёр бошанд”,  - таъкид доштааст манбаъ.

Ҳамзамон КҲФ дар ин рӯзҳо аз шаҳрвандон даъват кардааст, ки ҳаракатро дар роҳҳои кӯҳӣ бидуни эҳтиёҷоти фаврӣ маҳдуд кунанд.

Инчунин ин ниҳод аз сокинон даъват кардааст, ки аз корҳои кишоварзӣ, чаронидани чорво, ҷамъоварии ҳезум ва шикор дар минтақаҳои кӯҳӣ худдорӣ намоянд.

50
Барчаспҳо:
Кумитаи ҳолатҳои фавқулодда, КҲФ Тоҷикистон, тавсия, сокинон, сарди ҳаво, Тоҷикистон