Салимзода Амонулло министр сельского хозяйства Таджикистана

Вазифаҳои пасттари вазирони барканоршуда бо розигии Раҳмон-акс

4883
(Таҷдидшуда 10:02 04.11.2020)
Ду вазири барканоршудаи Ҳукумати Тоҷикистон дар мувофиқа бо раисиҷумҳур, Эмомалӣ Раҳмон дар вилояти Хатлон мақомҳои нав гирифтаанд

ДУШАНБЕ, 4 ноя – Sputnik. Дар мувофиқа бо раисиҷумҳури Тоҷикистон ба вазифаи муовини якуми раиси вилояти Хатлон Салимзода Амонулло Файзулло таъйин гардид. Салимзода 3 ноябр бо фармони Эмомалӣ Раҳмон аз вазифаи вазири кишоварзии Тоҷикистон барканор шуд. 

Аз сатҳи ҷумҳуриявӣ ба вилоятӣ

Ба иттилои котиботи ҳукумати Хатлон, Салимзода ҳамакнун сарпарастии соҳаи кишоварзиро дар вилоят ба дӯш хоҳад дошт.

Манбаъ афзуд, ки ҳамчунин имрӯз дар мувофиқа бо раисиҷумҳур, Файзуллозода Заробиддин Қудрат, собиқ вазири саноат ва технологияҳои нави Ҷумҳурии Тоҷикистон, муовини раиси вилояти Хатлон оид ба масъалаҳои саноат, энергетика, нақлиёт ва коммуникатсия таъин карда шуд.

Инчунин аз мақомҳои муовини якум ва муовини раиси Хатлон Абдуалим Исмоилзода ва Умед Зоҳирзода барканор  карда шуданд. Абдуалим Исмоилзода аз 27 январи соли 2020 дар мансаби муовини якуми раиси вилоят, қабл аз он дар мақомҳои раиси шаҳри Бохтар, раиси ноҳияҳои Шаҳритус ва Кӯшониён фаъолият кардааст.

 Салимзода Амонулло Файзулло ва Заробиддин Файзуллозода, ноибони нави раиси Хатлон
котиботи ҳукумати Хатлон
Салимзода Амонулло Файзулло ва Заробиддин Файзуллозода, ноибони нави раиси Хатлон

Умед Зоҳирзода аз 25 ноябри соли 2016 дар мансаби муовини раиси вилояти Хатлон кор карда, соҳаҳои кишоварзӣ ва идораи заминро сарпарастӣ менамуд.

Салимзода Амонулло Файзулло, ноиби аввали нави раиси Хатлон 30 майи соли 1967 дар ноҳияи Данғара дар оилаи хизматчӣ таваллуд шудааст. Соли 1999 рисолаи номзадӣ ва соли 2007 рисолаи докториро дар мавзӯи "Асосҳои биотехнологии гирифтани тухмии босифати картошка дар Тоҷикистон" дифоъ намудааст. Доктори илмҳои кишоварзӣ, профессор, узви вобастаи Академияи илмҳои кишоварзии Тоҷикистон мебошад.

Заробиддин Файзуллозода ноиби дигари Хатлон 13 феврали соли 1965 таваллуд ёфтааст. Соли 1989 Донишкадаи политехникии Тошкандро хатм кардааст. Ихтисосаш муҳандис – кӯҳкорӣ. Дар гузашта муовини раиси вилояти Суғд (2015-2017), сардори саридораи геологияи назди Ҳукумати Ҷумҳурии Тоҷикистон (2017-2019), вазири саноат ва технологияҳои нав (2019-2020) буд.

Ба иттилои котибот, раиси вилояти Хатлон Қурбон Ҳакимзода ба кадрҳои навтаъин дар иҷрои вазифаҳои пурмасъулияташон барору комёбӣ таманно намуд.

4883
Барчаспҳо:
фармон, тағйироти кадрӣ, Тоҷикистон
Медицинские работники в инфекционной больнице

36 кас мариз шуданду 42 тан шифо ёфтанд: омори коронавирус дар Тоҷикистон

24
Шабонарӯзи гузашта дар Тоҷикистон аз маризии сироятии коронавирус мавориди фавт ба қайд гирифта нашудааст

ДУШАНБЕ, 26 ноя — Sputnik. Дар як шабонарӯзи охир дар ҷумҳурӣ 36 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба 12044 нафар баробар гардид.

Манбаъ ҳамзамон аз шифоёбии 42 нафар пас аз табобат гирифтан хабар медиҳад. Ҳоло теъдоди умумии шифоёфтагон аз коронаиврус ба 11 437 нафар баробар шудааст.

Гузашта заин, дар Тоҷикистон аз маризии коронавирус 86 нафар ба ҳалокат расиданд.

Коронавирус нишасти G20 - ро сироят кард. Вале Ғарб ваксинаи Русияро тоқат надорад

Ҳукумати Тоҷикистон ва Вазорати тандурустӣ ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Зимнан, вазорати мазкур аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

24
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Сангрезӣ дар Тоҷикистон, акс аз бойгонӣ

Дар ноҳияи Айнӣ ба болои як деҳа сангпора сарозер шуд

274
(Таҷдидшуда 18:46 26.11.2020)
Дар деҳаи Шурмашки ноҳияи Айнӣ аз баландии 250 метр ба болои деҳа сангпора сарозер шуд, ки як сокини маҳаллиро бе хонаву дар гузошт

ДУШАНБЕ, 26 ноя — Sputnik. Кумитаи ҳолатҳои фавқулодаи Тоҷикистон аз рух додани офати табиӣ дар ноҳияи Айнӣ хабар медиҳад.

Ба иттилои манбаъ, ҳодисаи мазкур рӯзи 25 ноябр тақрибан соати 12:45 дақиқа рух дод.

Манбаъ меафзояд, бар асари ин ҳодисаи нохуш, манзили як сокини маҳаллӣ, Бердиев Самариддин сахт зарар дидааст. 

Гуфта мешавад, бо дастрас кардани хабари мазкур наҷотбахшон зуд ба ҷойи ҳодиса сафарбар шуданд.

Тарма ва сангрезӣ: пешгӯии дақиқи ҳавошиносон барои имрӯз

Дар робита ба хароб гардидани манзили истиқоматии Самариддин ва дар ҷойи хавфнок ҷойгир буданаш, оилаи зарардидаро ба бинои мактаби деҳа интиқол доданд.

Феълан, комиссия санад ва маълумотнома тартиб дода, барои чораҷӯи ба Мақомоти иҷроияи ҳокимияти давлатии ноҳияи Айнӣ пешниҳод намуд.

274
Барчаспҳо:
сангрезӣ, Айнӣ
Заседание Координационного совета руководителей компетентных органов государств – членов ОДКБ

Мақомдорони СААД вазъи муҳоҷират дар пандемияро баррасӣ кардаанд

0
(Таҷдидшуда 19:04 26.11.2020)
Дар ҷаласаи Шӯрои махсуси Созмони аҳдномаи амнияти дастаҷамъӣ дар бахши сиёсати умури муҳоҷират натиҷаҳои вазъ дар замони пандемияро ҷамъбаст карданд

ДУШАНБЕ, 26 ноя — Sputnik. Дар Маркази вокунишҳои буҳронии СААД таҳти раёсати ноиби аввали вазири умури дохилии Русия, генерал-полковник Александр Горовой ҷаласаи Шӯрои ҳамоҳангсозии кишварҳои узви СААД баргузор гардид.

Дар ҷаласа роҳбарони сохторҳои масъули мубориза бо муҳоҷирати ғайриқонунӣ иштирок карданд.

Валерий Семериков, ноиби дабири кулли СААД, зикр намуд, ки паҳншавии коронавирус одоти зиндагӣ тақрибан дар тамоми ҷаҳонро тағйир дод.

 Ӯ зарур хонд, ки бояд пайомадҳои пандемия хеле дақиқ таҳлил карда шаванд ва бояд роҳҳои ҳалле дар умури муҳоҷират пешниҳод гарданд, дар сурате агар чунин вазъият боз такрор шавад.

Дар ҷаласа таъкид шудааст, ки вазъи муҳоҷират сарфи назар аз мушкилоти пайдошуда дар маҷмӯъ муътадил ва назоратшаванда мебшад.

Инчунин хабар дода шуд, ки соли 2021 амалиёти махсуси минтақавии СААД таҳти унвони “Нелегал” гузаронда хоҳад шуд. Ҷаласаи оянда дар Тоҷикистон баргузор хоҳад шуд, чун роҳбарӣ дар СААД ба ин кишвар мегузарад.

0
Барчаспҳо:
Русия, муҳоҷират, амният