Подпись документа, архивное фото

Ҳафт қарори Ҳукумат: тафсилоти дигари тағйироти кадрӣ

2807
Эмомалӣ Раҳмон, раисиҷумҳури Тоҷикистон, бо имзои 7 қарори Ҳукумат тағйироти кадриро дар ниҳодҳои давлатӣ идома дод

ДУШАНБЕ, 4 ноя — Sputnik. Тибқи иттилои котиботи раисиҷумҳури Тоҷикистон, бо қарори Ҳукумат, Ҷӯразода Тоҷиддин ба ҷои Ширин Амонзода раиси Кумитаи рушди сайёҳии назди Ҳукумат таъйин гардид.

Ҷӯразода Тоҷиддин то ҳол дар вазифаи муовини вазири рушди иқтисод ва савдои Ҷумҳурии Тоҷикистон кор мекард.

Инчунин Ҳукумат Назарзода Назар Раҷабро аз вазифаи директори иҷроияи Муассисаи давлатии “Маркази идораи лоиҳаҳои бахши электроэнергетика” озод карда, ноиби вазири энергетика ва захираҳои об таъйин намудааст.

Шоимзода Ҷамшед Шодӣ низ аз вазифаи муовини вазири энергетика ва захираҳои оби Ҷумҳурии Тоҷикистон озод карда шуда, ба вазифаи муовини аввали вазири энергетика таъйин шуд.

Қарори дигари Ҳукумат дар бораи барканории Амонзода Ширин Шодӣ аз вазифаи раиси Кумитаи рушди сайёҳии назди Ҳукумат мебошад, ки бо фармони раисиҷумҳур вазири меҳнат, муҳоҷират ва шуғли аҳолии Тоҷикистон таъйин гардид.

2807
Барчаспҳо:
Эмомалӣ Раҳмон, тағйироти кадрӣ, Тоҷикистон
Медицинский работник в спецзащите в отделении реанимации и интенсивной терапии

Вазорат марги боз як нафари дигарро бар асари COVID-19 дар Тоҷикистон таъйид кард

30
(Таҷдидшуда 19:48 02.12.2020)
Вазорати тандурустӣ ва ҳифзи иҷтимоии аҳолии Тоҷикистон эълон кард, ки тайи шабонарӯзи гузашта як ҳолати фавт бар асари коронавирус ба қайд гирифта шудааст

ДУШАНБЕ, 2 дек — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи гузашта дар ҷумҳурӣ 38 ҳолати нави сироятёбӣ ба COVID-19 ошкор гардид.

Манбаъ афзуд, шумораи умумии гирифторон аз 30 апрел то 2 декабр ба 12 ҳазору 269 нафар расид.

Вазорат таъкид намудааст, ки давоми шабонарӯзи гузашта 37 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба  11 ҳазору 677 баробар гардид.

Таносуби шифоёфтагон аз теъдоди умумии гирифторон 95,2% арзёбӣ шудааст.

Дар ҳамин ҳол, вазорати тандурустӣ қайд кардааст, ки мутаасифона шабонарӯзи гузашта боз як марги дигар ба қайд гирифта шуд.

Ҳамин тавр ба иттилои вазорат, аз 30 апрел то 2 декабри соли равон бар асари ин беморӣ 87 нафар фавтидаанд.

Мавриди зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

30
Барчаспҳо:
марг, вируси корона, фавт, шабонарӯзӣ, Вазорати тандурустӣ, Тоҷикистон
Президент Республики Таджикистан Эмомали Рахмон

Раҳмон аз таъсири COVID-19 ба иқтисод гуфту болоравии хатари терроризмро таъкид кард

213
(Таҷдидшуда 19:12 02.12.2020)
Эмомалӣ Раҳмон, раисҷумҳури Тоҷикистон, зимни суханрониаш дар ифтитоҳи ҷаласаи Шӯрои амнияти дастаҷамъии СААД таъкид доштааст, ки ҳамагирии COVID-19 боиси таназзул ва мушкилоти дорои хусусияти иҷитимоиву иқтисодӣ гардид

ДУШАНБЕ, 2 дек — Sputnik. Ба гуфтаи Эмомалӣ Раҳмон, раисҷумҳури Тоҷикистон, COVID-19  ба зиндагии муқаррарӣ ба таври муассир таъсир расонида, тамоми кишварҳоро водор кард, ки нақшаҳову ниятҳои қаблан муайяннамудаашонро ҷиддан бознигарӣ намоянд.

“Буҳрони иҷтимоӣ ва молиявию иқтисодие, ки бар асари ҳамагирӣ ба вуқӯъ пайваст, ба нишондодҳои пешбинигардидаи афзоиши иқтисоди ҷаҳонӣ таъсири манфӣ расонида, болоравии сатҳи бекорӣ ва таҳдиди амнияти ғизоиро ба миён овард”, - таъкид доштааст Эмомалӣ Раҳмон.

Ҳамзамон, кишвардори Тоҷикистон зикр кард, ки дар баробари ин, таҳдидҳои ҷаҳонии терроризм, ифротгароӣ, инчунин, шаклҳои гуногуни тундгароӣ ва ҷинояткории муташаккили фаромиллӣ бо шумули гардиши ғайриқонунии маводи мухаддир, тамоюли болоравиро доранд.

“Нерӯҳои мухталифи террористиву ифротгаро аз ниятҳои харобиовари худ даст накашидаанд ва дар минтақаҳои гуногуни ҷаҳон, аз ҷумла бевосита дар наздикии мавзеи масъулияти СААД, фаъолона амалҳои худро идома медиҳанд”, - қайд кард Эмомалӣ Раҳмон.

Вай афзуд, ки Тоҷикистон бо нигаронӣ раванди ташвишовари вазъият дар Афғонистонро, аз ҷумла дар минтақаҳои шимоливу шарқии он, пайгирӣ менамояд.

Роҳбари давлат гуфт, чунин вазъият аз мо аксуламалҳои саривақтии ҳамаҷонибаро, аз ҷумла тавассути андешидани чораҳои зарурӣ ҷиҳати таҳкими ҳифзи сарҳадоти ҷанубии СААД, тақозо менамояд.

Ҳамзамон вай таъкид дошт, ки дар пасманзари вазъияти муташанниҷи имрӯза дар ҷаҳон аҳамияти тақвият бахшидан ба иқтидори СААД барои муқовимати самарабахш ба хатару таҳдидҳои амниятӣ дучанд меафзояд.

Инчунин Эмомалӣ Раҳмон қайд кард, ки пас аз ҷаласаи имрӯза вазифаҳои раёсат дар СААД ба Тоҷикистон мегузаранд.

Дар ҳамин ҳол, Эмомалӣ Раҳмон қайд кард, ки Тоҷикистон равандеро, ки ба таҳкими ҳамкорӣ дар арсаи таъмини амният ва оромии ҳаёти мардумонамон нигаронда шудааст, идома хоҳад дод.

213
Барчаспҳо:
иҷтимоӣ, иқтисодӣ, СААД, вируси корона, Эмомалӣ Раҳмон, Раисҷумҳур, Тоҷикистон