Социальная сеть Фейсбук, архивное фото

Фейсбук гуруҳи маъруфи тоҷикӣ бо 70 ҳазор аъзоро баст: чӣ писанд наомад?

1405
(Таҷдидшуда 13:48 04.11.2020)
Шабакаи интернетии Фейсбук сафҳаи “Ман Хуҷандро дӯст медорам” – ро, ки ҳудуди 70 ҳазор узв дошт, баст. Коршиносон мегӯянд, ин шабака дар Тоҷикистон манфиати молиявӣ дорад

ДУШАНБЕ, 4 ноя – Sputnik. Маъмури Юсуфзод, яке аз гардонандаҳои ин гурӯҳ ба Sputnik Тоҷикистон гуфт, ин шабакаи иҷтимоии маъруфи интернетии ҷаҳон ба гардонандагони гурӯҳ навиштааст, ки онҳо меъёрҳои иҷтимоъ ё ҷомеаи Фейсбукро нақз кардаанд ва гуруҳи “Ман Хуҷандро дӯст медорам” дақиқан то як моҳи дигар баста хоҳад буд.

“Онҳо навиштаанд: “Мо иҷоза намедиҳем, ки ҳамчунин воситаҳо, назири ниқобҳои тиббӣ барои рӯй, маҳлулҳои зиддиуфунӣ барои дастон, таркоғазҳои зиддиуфунӣ ва тестҳо, фурӯхтаву таблиғ шаванд ё аз муассирияти онҳо гуфта шавад”. Ва менависанд, ки меъёрҳои зайли ҷомеа дар саросари ҷаҳон дар Фейсбук татбиқ мешаванд” , - гуфт Маъмури Юсуфзод.

Гурӯҳи “Ман Хуҷандро дӯст медорам” ҳудуди 10 соли қабл аз сӯи Манзура Маҳкамова, яке аз фаъолони ҷомиаи шаҳрвандӣ поягузорӣ шуда, дар ҳоли ҳозир дар “Фейсбуки тоҷикӣ” аз панҷгонаи сераъзотарин мебошад.

Он ба таблиғи фарҳангу урфу одат, мушкилоти иҷтимоиву иқтисодӣ ва пахши иттилои мухталиф дар бораи шаҳри Хуҷанд ихтисос ёфтааст. Мавориди ҳалли мушкили ҷомиа, ки дар ин гуруҳ матраҳ шудаанд, низ зиёд будааст.

Маъмури Юсуфзод мегӯяд, борҳо мушкили роҳ, об, барқ ва дигар масоил дар гуруҳ матраҳ шудаву аз ҷониби мақомот ҳалли худро пайдо кардааст.

“Аз ин хотир, мо ба маъмурияти Фейсбук дар ин бора навиштем ва посух гирифтем, ки дархости моро то 2 декабр баррасӣ хоҳанд кард. Он замон маълум мешавад, ки оё дигарбора гуруҳ барқарор мешавад, ё хайр. Аммо парешон кардани як ҷамоаи бузурги 70 – ҳазорнафарӣ гапи сода нест. Умедворам, ки мудирияти Фейсбук моро дарк мекунад”, - гуфт Маъмури Юсуфзод.

Дар ҳамин ҳол, тарғибу ташвиқи воситаҳои муҳофизатии инсон, назири ниқобу айнаки тиббиву маҳлулҳои зиддиуфунӣ дар шароити пандемияи “вируси корона”, ки ба хотири огаҳиву иттилоърасонӣ ба  мардуми оддӣ анҷом мешавад, чӣ бадӣ дорад? 

Гап сари пул?

Ҳарчанд маъмурияти Фейсбук дақиқан инро шарҳ намедиҳад, коршиносон бар инанд, ки ин ба аҳдофи тиҷории ин шабакаи машҳури ҷаҳонӣ марбут аст ва гурӯҳи “Ман Хуҷандро дӯст медорам” ба ҳамёни Фейсбук даст бурдааст.

Нурулло Ҳусейнов, мутахассиси фанновариҳои ҷадид, мегӯяд, даромади солонаи Фейсбук аз марзи 70 миллиард доллар убур мекунад ва ин даромадҳо қабл аз ҳама аз ташвиқу рекломи амволи тиҷоратӣ ба даст меоянд.

“Мудирияти ин шабакаи ҷаҳонӣ муҳтавои онро ба тамоми забонҳои ҷаҳон мониторинг ва таҳлил мекунанд. Бахусус, як соли ахир таблиғу рекломи молҳову хизматрасониҳои тоҷикӣ низ дар ин шабака васеъ густариш ёфтааст. Ҳоло дар роликҳои видеоии Фейсбук шумо рекламаи бонкҳову дигар хизматрасониҳои тоҷикиро мебинед. Ин ба он маъност, ки шабака дар Тоҷикистон низ суду манфиати молиявӣ дорад. Пул ба саломатӣ раҳм надорад”, - гуфт Нурулло Ҳусейнов.

Дар ҳамин ҳол, Маҷлиси намояндагони Тоҷикистон ба Кодекси андоз тағйирот ворид кард, ки бино ба онҳо, ширкатҳои хизаматрасони интернетӣ, назири Google, Apple, Facebook ва ғайра ба пардохтани андоз муваззаф мешаванд.

Фейсбук (Facebook) яке аз бузургтарин шабакаҳои иҷтимоии ҷаҳон аст, ки соли 2004 дар Амрико таъсис ёфта, дафтари марказиаш ҳам дар аёлати Калифорния аст ва ба панҷгонаи сомонаҳои пурбинандаи ҷаҳон ворид мешавад. Саҳҳоми Фейсбук соҳиби хадамоте, назири Instagram и мессенҷери Whatsаpp низ мебошад. Бино ба додаҳои расонаҳои ҷаҳонӣ, арзиши Фейсбук ҳоло ба 300 миллиард доллар дакка мехӯрад.

1405
Барчаспҳо:
бастан, шабакаи иҷтимоии Фейсбук, Фейсбук, Тоҷикистон

Даҳшат: сокини Ёвон модари се фарзандашро корд зада кушт

265
(Таҷдидшуда 11:17 30.11.2020)
Прокуратураи ноҳияи Ёвон нисбати падари хонавода, ки ҳамсари 32 - солаи худро ба қатл расонд, парвандаи ҷиноятӣ боз намуд

ДУШАНБЕ, 30 ноя — Sputnik. Кормандони милитсия дар ноҳияи Ёвон сокини маҳаллиро боздошт намуданд, ки дар куштори ҳамсари ҷавонаш даст доштааст.

Котиботи ВУД Тоҷикистон хабар медиҳад, ки ҳодисаи даҳшатбор рӯзи 27 ноябр дар ҷамоати деҳоти Норини ноҳияи Ёвон рух додааст.

Куштор дар заминаи рашки беасос ва муноқишаи оилавӣ сар задааст.

"Қарақулов Урозбек дар пайи муноқишаи оилавӣ ва рашк ҳамсари 32 - солаи худ Бобоҷонова Бибихоларо ба қатл расондааст", - таъкид мешавад дар хабари манбаъ.

Ба манзилаш бурд ва се маротиба бо табар ба гарданаш зад: куштор дар Суғд

Гуфта мешавад, Бибихола модари се фарзанд буда, ҳамсараш бо корди хоҷагӣ бо як бераҳмии махсус чанд маротиба ба узвҳои муҳими баданаш мезанад, ки ҷабрдида дар ҷои ҳодиса, аз ҷароҳатҳои вазнини ҷисмонии бардоштааш ба ҳалокат мерасад.

Зимнан, кормандони милитсияи ноҳияи Ёвон дар кутоҳтарин муддат гумонбари асосии ҷинояти мазкурро муайян ва боздошт намуданд.

ВУД Тоҷикистон мегӯяд, феълан нисбати Қарақулов Урозбек дар Прокуратураи ноҳияи Ёвон парвандаи чиноятӣ бо моддаи 104 Кодекси ҷиноятии Чумҳурии Тоҷикистон оғоз гардида, тафтишот идома дорад.

265
Барчаспҳо:
куштор, Ёвон
На территории парламента Республики Таджикистан

Борону барф меборад: пешгӯии дақиқи обу ҳаво дар Тоҷикистон

150
Дамои ҳаво дар Тоҷикистон майли сардшавӣ дорад. Имрӯз бошад дар баъзе ноҳияҳо боридани борону барф пешгӯӣ мешавад

ДУШАНБЕ, 30 ноя — Sputnik. Дар Вилояти Мухтори Кӯҳистони Бадахшон ҳавои тағйирёбанда, эҳтимоли бориши нисбатан сусти марҳилавӣ дар назар аст, хабар медиҳад агнетии Ховар бо такя ба маълумоти Ожонси обуҳавошиносӣ.

Ба иттилои манбаъ, ҳаво дар ғарби вилоят шабона 4-9 дараҷа хунук ва рӯзона 1+6 дараҷа гарм мешавад. Дар шарқи вилоят ҳаво шабона 10-15 то 17-22 дараҷа хунук ва рӯзона тайғир ёфта, аз 0-5 то   4-9   дараҷа хунук мешавад.

Ҳаво дар вилояти Суғд  тағйирёбанда шуда, боридани борон дар назар аст. Ҳаво дар водиҳо шабона аз 0 то 5 дараҷа гарм ва рӯзона 2+7 дараҷа гарм мешавад. Дар ноҳияҳои кӯҳӣ ҳаво шабона аз 5 дараҷа хунук то 10 дараҷа гарм ва рӯзона аз 2 дараҷа  хунук то 7 дараҷа гарм мешавад.

Обу ҳаво: имрӯз дар Тоҷикистон ҳаво то 29 дараҷа гарм мешавад

Дар вилояти Хатлон низ борони сусти марҳилавӣ меборад. Ҳаво дар водиҳо шабона -1+4 дараҷа гарм ва рӯзона 10+15 дараҷа  гарм мешавад. Дар  доманакӯҳҳо ҳаво шабона 0-5дараҷа хунук ва рӯзона 4+9 дараҷа гарм мешавад.

Ҳавои вилояти Хатлон дар водиҳо шабона -1+4°, рӯзона 10+15° гарм, дар ноҳияҳои доманакӯҳӣ шабона 0-5° хунук, рӯзона 4+9° гарм мешавад.

Дар шаҳру ноҳияҳои тобеи марказ ҳавои абрнок шуда, дар ноҳияҳои водигӣ борон меборад. Дар ноҳияҳои алоҳидаи кӯҳӣ бориши борон ва барф дар назар буда, дар баъзе ноҳияҳо бошиддат ба амал меояд. Ҳаво дар водиҳо  шабона 1+6 дараҷа гарм ва рӯзона 3+8 дараҷа гарм мешавад.  Дар ноҳияҳои кӯҳӣ ҳаво шабона ва рӯзона аз 1 дараҷа хунук то 4 дараҷа гарм мешавад.

Дар шаҳри Душанбе ҳаво абрнок шуда, дар баъзе ҳолатҳо борон меборад. Шамол аз самти ғарб бо суръати 3-8 метр дар як сония мевазад. Ҳарорати ҳаво шабона 3+5 дараҷа гарм ва рӯзона  6+8 дараҷа гарм мешавад.

150
Барчаспҳо:
обу ҳаво, Тоҷикистон
Кандидат в президенты США Джо Байден

Пойи Байден аз ду ҷо шикаст: бо ӯ чӣ шуд?

107
(Таҷдидшуда 11:57 30.11.2020)
Ҷо Байден номзад ба президентии Амрико аснои бозӣ кардан бо саг, лағжида афтидаст, ки дар натиҷа пояш аз ду ҷо шикаст

ДУШАНБЕ, 30 ноя — Sputnik. Ҷо Байден бо сагаш бозӣ карда лағжидаст, ки дар натиҷа пойи ӯ аз ду ҷо шикаст хӯрдаст, хабар медиҳад РИА новости бо такя ба расонаҳои амрикоӣ.

"Ташхиси компютерӣ нишон додааст, ки пойи Ҷо Байден дар ду ҷой шикасти сабук хӯрдаст, - таъкид мешавад дар хабар.

Гуфта мешавад, ҳоло барои барқарор шудани устухони пояш, Байден бояд муддати чанд вақт пойафзоли махсус пӯшад.

Манбаъ меафзояд, ҳодисаи мазкур ҳанӯз рӯзи шанбе иттифоқ афтод. Он замон, пизишк пас аз муоинаи пойи Байден ягон зарбаи ҷиддӣ, аз ҷумла шикастро пайдо накард.

Рекорди Ҷо Байден дар интихоботҳои президентии ИМА: ӯ гуфт чаро президент шуд

Вале баъдан ҳангоми гузаштан аз ташхиси комилтар, муайян шуд, ки пойи Ҷо Байден аз ду ҷо шикаст хӯрдааст.

Ёдовар мешавем, маъракаи интихоботӣ дар Амрико ҳарчанд 3 ноябр баргузор шуд, вале то ҳол натиҷаи ниҳоии интихобот эълон нашудааст. Ба ҳар сурат, расонаҳои амрикоӣ аз пирӯз шудани Ҷо Байден хабар медиҳанд.

107