Ширин Амонзода, вазири меҳнат, муҳоҷират ва шуғли аҳолии Тоҷикистон

Хатмкардаи Ҷопон, донандаи 5 забон, стартапери муваффақ: Ширин Амонзода кист?

6900
(Таҷдидшуда 15:27 04.11.2020)
Аз раисии Ширин Амонзода дар Кумитаи рушди сайёҳии назди ҳукумати Тоҷикистон 10 моҳи расо нагузашта, бо фармони президент Эмомалӣ Раҳмон вазири меҳнат, муҳоҷират ва шуғли аҳолии Тоҷикистон таъйин шуд

ДУШАНБЕ, 4 ноя – Sputnik. Ин парвози ғайричашмдошти ҷавонтарин чеҳра дар ҳукумати Тоҷикистон аз назари корбарони шабакаҳои иҷтимоӣ, ки Ширин Амонзода аз фаъолтарин раҳбарони ҳукуматии онҳост, пинҳон намонд. Яке ҳам навишт: “Оё то куҷо аз раҳбарии Кумитаи рушди сайёҳӣ ба курсии вазирии меҳнат, шуғли аҳолӣ ва муҳоҷират такя задани як бону мантиқӣ аст?”.

Дар баробари иттилое, ки дар бораи Ширин Амонзода дар сафҳаҳои интернетӣ дастрас аст, аз манобеъи расмӣ додаҳое қобили мулоҳиза дар ихтиёри Sputnik Тоҷикистон қарор гирифт.

Ширин Амонзода Шодӣ 5 феврали соли 1978 дар шаҳри Душанбе дар хонаводаи пизишки маъруф Шодӣ Амонов ба дунё омадааст.

Хатмкардаи Донишгоҳи омӯзгории Тоҷикистон бо ихтисоси забонҳои инглисӣ ва фаронсавӣ (1999), факултаи рушди иқтисодии Донишгоҳи Осиё ва Уқёнуси Ороми Ҷопон (2016) бо ихтисоси равобити байналмилалии сиёсӣ мебошад.

Фаъолияти худро минҳайси ассистенти кафедраи методикаи омӯзиши забони инглисии Донишгоҳи омӯзгории Тоҷикистон (1999-2002) шурӯъ карда, баъди хатми аспирантура (2001-2002), рисолаи номзадиашро дар мавзӯъи “Фирдавсӣ ва “Шоҳнома” дар Инглистону Амрико” ҳимоя кардааст. Номзади улуми филологӣ (2004), Барандаи ҷоизаи Исмоили Сомонӣ барои олимони ҷавон аст (2008).

Дар мавзӯъҳои "Сиёсати давлатии банақшагирии сайёҳӣ ва таъсири он ба иқтисодиёти миллӣ" (Ҷопон, 2016), "Таърихи омузиши назми Шарқ дар Англия ва Амрико" (Душанбе, 2004), муаллифи мустақили як қатор мақолаҳои илмӣ дар доираи "Муколамаи тамаддунҳо" "(1999-2004) ва ғайра пажӯҳиш гузаронидааст.

Ширин Амонзода солҳои 2000 - 2004 дар Созмони Байналмилалии Муҳоҷират (Душанбе, 2000 - 2001), Кумитаи шветсиягии Афғонистон (Душанбе - Афғонистон, 2001-2004), Дафтари Комиссари Олии Созмони милали муттаҳид дар умури паноҳандагон (Душанбе, 2004) ва Намоишгоҳи Ҷаҳонии Айчӣ (Ҷопон, 2005) дар вазифаҳои масъул фаъолият намудааст.

Аз соли 2007 то 2017 дар вазорати рушди иқтисод ва савдои Тоҷикистон ба ҳайси сармутахассис дар Хадамоти протоколӣ (2005-2007), Раёсати ҳамкорӣ бо кишварҳои хориҷи дур (2007-2012) ва Сарраёсати сиёсати савдо ва бозори истеъмолӣ (2012-2017) кор кардааст.

Соли 2017 муовини раис ва аз 27 январи соли 2020 раиси Кумитаи рушди сайёҳии назди ҳукумати Тоҷикистон таъйин шуд.

Ширин Амонзода ба истиснои забони модарӣ, донандаи хуби забонҳои русӣ, инглисӣ, фаронсавӣ, ҷопонӣ ва модари ду фарзанд мебошад.

Стартапер

Ширин Амонзода яке аз аввалин стартаперҳо дар Тоҷикистон маҳсуб мешавад, ки роҳи рушди сайёҳиро ҳамчун як бахши алоҳидаи таҳкими нерӯи зеҳнӣ, тақвияти иқтидор, рушди инфрасохтор, ҷалби сармоягузорӣ, беҳтар намудани сифати хизмат ва рушди сайёҳӣ пешниҳод намудааст. 

Яке аз муаллифони Стратегияи рушди сайёҳӣ дар давраи то соли 2030 дар Тоҷикистон, ки ҷанбаҳои гуногуни соҳаи сайёҳиро аз ҷумла, бо баланд бардоштани сифати хизматрасонӣ дар фурудгоҳҳо, содда кардани судури бақайдгирӣ ва ба расмият даровардани раводид, иҷозатномадиҳӣ ба соҳибкории сайёҳӣ, ташкилотҳои идоракунӣ дар минтақаҳои кишвар ва дигар ҷанбаҳои муҳими рушдкунандаи саноати сайёҳӣ фаро мегирад.

Дар асоси ин стратегия, маблағҳои грантии Бонки осиёии рушд ва Бонки ҷаҳонӣ барои маблағгузории аввалин лоиҳаҳои рушди сайёҳӣ ва рушди иқтисодиёти деҳот бо ҷалби мушовирони байналмилалии Созмони Умумиҷаҳонии Сайёҳӣ ҷалб карда шудаанд.

Сафҳаи фейсбукии Ширин Амонзода як гуна муаррифии гӯшаву канори мухталифи Тоҷикистон дар аксу видеоҳо аст, ки худи ӯ шахсан сафар карда, сабти таърих намудааст.

6900
Барчаспҳо:
тағйироти кадрӣ, муваффақият, Тоҷикистон
Тақсими ниқобҳои ройгон дар шаҳри Душанбе

Ҳар рӯз 1000 ниқоб: табибони ҷавони Душанбе ройгон ниқоби тиббӣ тақсим мекунанд

18
(Таҷдидшуда 20:06 04.12.2020)
Ташкилоти ҷамъиятии "Иттиҳоди табибони ҷавон" дар ҷойҳои серодами шаҳри Душанбе ҳар рӯз 1000 донаӣ ниқоби тиббии ройгон тақсим мекунанд

ДУШАНБЕ, 4 дек – Sputnik. Дар Душанбе бо мақсади пешгирии бемории каронавируси нави COVID-19 бо шаҳрнишинон суҳбатҳо ва корҳои фаҳмондадиҳӣ баргузор шуд.

Бино ба гузориши Вазорати тандурустӣ, ин иқдом тибқи дастури роҳбарияти Мақомоти шаҳри Душанбе ва Вазорати тандурустӣ аз ҷониби аъзоёни Ташкилоти ҷамъиятии  "Иттиҳоди табибони ҷавон" гузаронида шудааст.

Тақсимоти ниқобҳои тиббӣ дар шаҳри Душанбе
Тақсимоти ниқобҳои тиббӣ дар шаҳри Душанбе

Гуфта мешавад, ки онҳо дар назди Вазорати тандурустӣ ва ҳифзи иҷтимоии аҳолии кишвар дар ҷойҳои серодами шаҳри Душанбе бо сокинон суҳбат ва вохуриҳо доир карда, ба онҳо ройгон ниқобии тиббӣ тақсим кардаанд.

Зебову боҳашамат: заргаре дар Туркия ниқобҳоро аз тилло омода мекунад - навор

"Чорабинии мазкур дар мавзеъҳои гуногуни шаҳри Душанбе, ба вижа миёни истифодабарандагони нақлиёти ҷамъиятӣ сурат гирифт, ки дар рафти он аз ҳисоби табибони ҷавон ба аҳолӣ бобати зарурати истифодаи ҳатмии ниқоб ва риоя ҳатмии қоидаҳои беҳдоштӣ, вохуриҳо доир гардид", - омадааст дар хабарнома.

Манбаъ афзуда, ки дар рафти иқдоми пешгирифта беш аз 1000 адад ниқоби тиббӣ  ба аҳолӣ тақдим карда шуда, чунин ташаббус аз ҷониби аъзоёни Ташкилоти ҷамъиятии "Иттиҳоди табибони ҷавон" ҳамарӯза дар ҷойҳои серодам гузаронида хоҳад шуд.

18
Мавзуҳо:
Пайомадҳои COVID-19 дар Тоҷикистон ва ҷаҳон
Врач определяет сатурацию у больной пациентки

Омори COVID -19 дар Тоҷикистон: 41 кас мариз шуданду 40 нафар шифо ёфтанд

45
Вазорати тандурустии Тоҷикистон омори нави сироят, шифоёбӣ ва фавт аз коронавирус дар ҷумҳуриро нашр намуд

ДУШАНБЕ, 4 дек — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 41 ҳодисаи нави бемории COVID-19 дарёфт гардид.

Ҳамакнун шумораи умумии гирифторони ин беморӣ дар Тоҷикистон ба 12 ҳазору 349 нафар баробар шуд.

Ҳамзамон,  дар як шабонарӯзи охир 40 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон ба  11 ҳазору 758 нафар расидааст.

Коронавирус кам шуд: калонтарин бемористони Суғд баъди 7 моҳ ба реҷаи муқаррарӣ мегузарад

Манбаъ меафзояд, аз замони авҷ гирифтани коронавирус дар Тоҷикистон, дасти кам 87 бемор ҷон аз даст доданд.

Ҳукумати Тоҷикистон ва Вазорати тандурустӣ аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд.

45
Барчаспҳо:
маризӣ, омор, Вазорати тандурустӣ ва ҳифзи иҷтимоии аҳолии ҶТ
Мавзуҳо:
Пайомадҳои COVID-19 дар Тоҷикистон ва ҷаҳон

Таъйини мудири нави бахши душанбегии Донишгоҳи давлатии Маскав

0
(Таҷдидшуда 20:02 04.12.2020)
Эмомалӣ Раҳмон, раисиҷумҳури Тоҷикистон бо имзои қарори Ҳукумат дар раёсати бахши тоҷикистонии Донишгоҳи давлатии Маскав ба номи Ломоносов тағйироти кадрӣ анҷом дод

ДУШАНБЕ, 4 дек — Sputnik. Тибқи қарори Ҳукумат,  Мирзоев Сайаъло Ҳабибуллоевич, ки аз аввали соли 2015  ба ҳайси мудири иҷроияи филиали Донишгоҳи давлатии Маскав ба номи М.В.Ломоносов дар шаҳри Душанбе кор мекард, аз вазифа озод карда шуд.

Дар қарор далели барканории Сайъало Мирзоев гузаштан ба кори дигар арзёбӣ шудааст, аммо феълан маълум нест, ки ӯ чӣ вазифа мегирад.

Шоири тоҷик Карим Ҳайдар ба медали "Сергей Есенин"-и Русия сазовор шуд

Бо қарори дигари  Ҳукумат, Ғаниев Рустам Ғафурович мудири иҷроияи филиали Донишгоҳи давлатии Маскав  ба номи М.В. Ломоносов дар шаҳри Душанбе таъйин гардид.

Филиали Донишгоҳи давлатии Маскав дар шаҳри Душанбо соли 2009 бо фармони президенти кишвар Эмомалӣ Раҳмон таъсис дода шуда, феълан яке аз муассисаҳои бонуфузи таълимӣ дар ҷумҳурӣ мебошад.

0
Барчаспҳо:
донишгоҳ, Душанбе, Тоҷикистон