Рамазон Рахимзода, министр внутренних дел Таджикистана

Раҳимзода кист? аз корманди оперативӣ дар Данғара то муҳоҷират ва вазирӣ

4077
(Таҷдидшуда 17:15 04.11.2020)
Раҳимзода Рамазон Ҳамро, ки аз соли 2012 вазири умури дохилии Тоҷикистон мебошад, 3 ноябр дигарбора ба ин мақом таъйин гардид

ДУШАНБЕ, 4 ноя — Sputnik. Дафтари матбуоти раисиҷумҳури Тоҷикистон ҳолномаи Рамазон Раҳимзодаро нашр кардааст, ки бар асоси он, ӯ 25 апрели соли 1960 дар ноҳияи Ховалинг таваллуд шуда, соли 1982 Донишкадаи хоҷагии қишлоқи Тоҷикистонро хатм кардааст.

Манбаъ афзуд, ки Раҳимзода инчунин соли 1995 Мактаби олии Тошканди ВКД ИРСС-ро  хатм карда, ихтисосаш ҳуқуқшинос, номзади илмҳои ҳуқуқшиносӣ мебошад.

Нашри китоби нави Раҳимзода ва тавсифи Хайрандеш аз он

Рутбааш генерал-полковники милитсия буда, аз забонҳои хориҷӣ – русиро медонад.

“Соли 1998 “Ҳуқуқшиноси шоистаи Тоҷикистон”, соли 1999 “Ифтихорнома”-и Ҷумҳурии Тоҷикистон, соли 2005 ордени Спитамен дараҷаи II, соли 2013 ордени Зарринтоҷ дараҷаи II-ро гирифтааст”, - омадааст дар ҳолнома.

Дар мавриди собиқаи кории Рамазон Раҳимзода дафтари матбуоти раисиҷумҳури Тоҷикистон хабар дод:

  • Солҳои 1977-1982 Донишҷӯи Донишкадаи хоҷагии қишлоқи Тоҷикистон
  • Солҳои 1983-1989 Инспектор, ваколатдори фаврӣ, ваколатдори фаврии калони шӯъбаи мубориза бар зидди ғорати моликияти сотсиалистии ШКД-и кумитаи иҷроияи Совети депутатҳои халқи ноҳияи Ленинград
  • Солҳои 1989-1992 Сардор, ваколатдори фаврии калон, сардори зершӯъбаи мубориза бар зидди ғорати моликияти сотсиалистии ШКД-и кумитаи иҷроияи Совети депутатҳои халқи ноҳияи Данғара
  • 03-07 соли 1992 Ҷонишини сардори шӯъбаи мубориза бар зидди ҷиноятҳои иқтисодии РКД-и вилояти Кӯлоб, шаҳри Кӯлоб
  • Солҳои 1992-1994 Ҷонишини сардор, сардори ШКД-и кумитаи иҷроияи Шӯрои депутатҳои халқи ноҳияи Данғара
  • Солҳои 1994-1995 Сардори ШКД-и кумитаи иҷроияи Шӯрои депутатҳои халқи ноҳияи Ховалинг
  • 03-05 соли 1995 Сардори ШКД-и шаҳри Норак
  • Солҳои 1995-2001 Муовини сардори шӯъбаи мубориза бар зидди ҷиноятҳои иқтисодии Вазорати корҳои дохилии Ҷумхурии Тоҷикистон, шаҳри Душанбе
  • Солҳои 2001-2004 Намояндаи ваколатдори ҶТ дар Бюрои ҳамоҳангсозии мубориза бар зидди ҷиноятҳои муташаккил ва дигар ҷиноятҳои хатарнок дар ҳудуди кишварҳои аъзои ИДМ, шаҳри Москва
  • Солҳои 2004-2005 Муовини аввали директори Бюрои ҳамоҳангсозии мубориза бар зидди ҷиноятҳои муташаккил ва дигар ҷиноятҳои хатарнок дар ҳудуди кишварҳои аъзои ИДМ, шаҳри Москва
  • Солҳои 2005-2007 Муовини Вазири корҳои дохилии Ҷумҳурии Тоҷикистон
  • Солҳои 2007-2008 Сардори Хадамоти муҳочирати Вазорати корхои дохилии   Ҷумҳурии Тоҷикистон, шаҳри Душанбе 
  • Солҳои 2008-2009 Мудири Шӯъбаи мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон
  • Солҳои 2009-2012 Муовини аввали Вазири корҳои дохилии Ҷумҳурии Тоҷикистон

Рамазон Раҳимзода бо фармони раисиҷумҳури Тоҷикистон аз соли 2012 ба мақоми вазири умури дохилии Тоҷикистон таъйин гардида, 3 ноябр дигарбора ба ин мақом соҳиб шуд.

4077
Барчаспҳо:
тағйироти кадрӣ, Тоҷикистон
Почетный японский караул с флагами Японии и Таджикистана

Ҷопон ба таҳсили кормандони Тоҷикистон ҳудуди 2,5 миллион доллар кумак мекунад

7
(Таҷдидшуда 21:14 02.12.2020)
Вазири молияи Тоҷикистон ва раиси намояндагии Ожонси ҳамкориҳои байналмилалии Ҷопон дар Душанбе тавофуқномаи кумаки билоиваз барои иҷрои тарҳи бурсияи таҳсилӣ (стипендия) барои омӯзиши кадрҳои давлатӣ ба имзо расониданд

ДУШАНБЕ, 2 дек — Sputnik. Ба гузориши хабаргузории Форс, дар чорчӯби ин тавофуқнома, ки ба имзои Файзиддин Қаҳҳорзода ва Токосако Монио расид, барои тақвияти тавонмандии кормандони давлат ва дигар ниҳодҳо дар Тоҷикистон, Токио аз тариқи Ожонси ҳамкории байналмилалӣ (Ҷойко) ба ин кишвар ҳудуди 2,5 миллион доллар кумак мекунад.

Таҳсил дар Ҷопон: Муҳриддин ва Мияшита ёддошти тафоҳум имзо карданд

Ҳадаф аз ин тарҳи кумак ба тавсеаи Тоҷикистон аз тариқи тақвияти тавони кормандони давлатӣ, ҳимоят аз тавсеаи манобеи инсонии Тоҷикистон бо тамаркуз бар кормандони ҷавон ва тақвияти равобит байни Душанбе ва Токио аст.

Донишҷӯёни се донишгоҳи Тоҷикистон ба Ҷопон мераванд

Созмони хадамоти давлатии вобаста ба раёсати Ҷумҳурии Тоҷикистон ин тарҳро бо ҳимояти молии намояндагии Ожонси ҳамкориҳои байналмилалии Ҷопон, мавсум ба Ҷойко иҷро мекунад.

7
Барчаспҳо:
кумак, таҳсил, бурсия, Ҷопон, Тоҷикистон
Медицинский работник в спецзащите в отделении реанимации и интенсивной терапии

Вазорат марги боз як нафари дигарро бар асари COVID-19 дар Тоҷикистон таъйид кард

64
(Таҷдидшуда 21:15 02.12.2020)
Вазорати тандурустӣ ва ҳифзи иҷтимоии аҳолии Тоҷикистон эълон кард, ки тайи шабонарӯзи гузашта як ҳолати фавт бар асари коронавирус ба қайд гирифта шудааст

ДУШАНБЕ, 2 дек — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи гузашта дар ҷумҳурӣ 38 ҳолати нави сироятёбӣ ба COVID-19 ошкор гардид.

Манбаъ афзуд, шумораи умумии гирифторон аз 30 апрел то 2 декабр ба 12 ҳазору 269 нафар расид.

Вазорат таъкид намудааст, ки давоми шабонарӯзи гузашта 37 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба  11 ҳазору 677 баробар гардид.

Таносуби шифоёфтагон аз теъдоди умумии гирифторон 95,2% арзёбӣ шудааст.

Дар ҳамин ҳол, вазорати тандурустӣ қайд кардааст, ки мутаассифона шабонарӯзи гузашта боз як марги дигар ба қайд гирифта шуд.

Ҳамин тавр ба иттилои вазорат, аз 30 апрел то 2 декабри соли равон бар асари ин беморӣ 87 нафар фавтидаанд.

Мавриди зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

64
Барчаспҳо:
марг, вируси корона, фавт, шабонарӯзӣ, Вазорати тандурустӣ, Тоҷикистон