Российской военно-транспортной авиации 89 лет

Бо каронавирус мубориза бурд, аз сактаи мағзӣ фавтид: табиби ҳозиқ Раҳимов даргузашт

1640
(Таҷдидшуда 14:29 06.11.2020)
Садриддин Раҳимов, мудири шуъбаи ҷарроҳии калонсолони Бемористони клиникавии Суғд дар синни 55 солагӣ аз дунё даргузашт

 ДУШАНБЕ, 5 ноя – Sputnik. Яке аз пайвандони наздик ба хонаводаи ин табиб дар тайиди ин хабар ба Sputnik Тоҷикистон гуфт, Раҳимов як моҳ қабл аз бемории ҳамагири каронавирус шифо ёфт, вале дирӯз дар пайи сактаи мағзӣ (инсулт) фавтид.

“Раҳимов чанд вақти охир, ба табобати беморони каронавирус дар Бемористон машғул буданд. Худашон ҳам як дафъа ба ин беморӣ сироят шуда, шифо ёфта буданд. Аммо дирӯз аз ҳисоби ба сактаи мағзӣ дучор шуда, бандагӣ карданд”, - гуфт манбаъ.

Садриддин Раҳимов аз зумраи табибоне дар Хуҷанд буд, ки аз замони сабти бемории ҳамагири каронавирус дар сафи муборизони ин вабои замона дар Бемористони клиникавии Суғд қарор дошт.

Ӯ ба фарқ аз табибон, ки аз хуруҷи ин беморӣ тарки кор кардаанд, то нафаси охирин ба касби худ содиқ истод ва то ин муддат ба садҳо нафар гирифторони бемории ҳамагири COVID-19 шифо бахшидааст.

Садриддин Раҳимов соли 1965 дар ноҳияи Ҷаббор Расулов таваллуд шуда, мактаби № 83 ноҳияро хатм кардааст. Соли 1994, ӯ факултаи муолиҷавии Донишгоҳи тибии Тоҷикистон ба номи Абӯалӣ Синоро бо муваффақият хатм намудааст.

Баъд аз курси интернатура корро дар Бемористони клиникавии Суғд шурӯъ кардааст. Аз соли 2011 инҷониб Садриддин Раҳимов, мудири шуъбаи ҷарроҳии калонсолонро дар ин бемористон ба уҳда дошт.

Даргузашти Тӯтинисо Рустамқулова, корманди Идораи беҳдоштии Хуҷанд аз “илтиҳоби шуш”

Дар давоми фаъолияти кориаш Раҳимов ҳамчун табиби чашми кордону моҳир, ҷарроҳи меҳрубону фидоӣ ва роҳбари пурмасъулият мураррифӣ шудааст. Хидматҳои ӯ дар рушди соҳаи тиб дар кишвар басо назаррас будаанд. Раҳимов аз камтарин табибони ҷарроҳ буд, ки давоми бештар аз сӣ соли фаъолияти касбиаш ҷарроҳиҳои душвору мураккабро ба иҷро расонида ба ин васила садҳо бемор шифо ёфтаанд.

Ҷанозаи ӯ бегоҳии дирӯз дар зодгоҳаш ноҳияи Ҷаббор Расулов баргузор шудааст. Даргузашти Раҳимов дар 55 солагӣ аз мавридҳоест, ки рӯзҳои охир хабарҳо дар бораи вафоти намояндагони касбу кори гуногун аз ҷумла табибон зери ин син бештар ба нашр мерасанд.

Субҳ аҳволаш беҳтар буд: даргузашти нобаҳангоми Маҳмуди Ашӯрмуҳаммад аз "илтиҳоби шуш"

Рӯзи 3 ноябр Исматулло Ибодуллоев, мудири шуъбаи андрологияи Бемористони ҷумҳуриявии физиотерапевтӣ дар шаҳри Хуҷанд дар синни 60 солагӣ ва рӯзи 1 ноябр Тӯтинисо Рустамқулова, озмоишгари Маркази назорати давлатии санитарию эпидемиологии Хуҷанд дар синни 52-солагӣ дунёи фониро падруд гуфтанд.

1640
Тақсими ниқобҳои ройгон дар шаҳри Душанбе

Ҳар рӯз 1000 ниқоб: табибони ҷавони Душанбе ройгон ниқоби тиббӣ тақсим мекунанд

30
(Таҷдидшуда 20:06 04.12.2020)
Ташкилоти ҷамъиятии "Иттиҳоди табибони ҷавон" дар ҷойҳои серодами шаҳри Душанбе ҳар рӯз 1000 донаӣ ниқоби тиббии ройгон тақсим мекунанд

ДУШАНБЕ, 4 дек – Sputnik. Дар Душанбе бо мақсади пешгирии бемории каронавируси нави COVID-19 бо шаҳрнишинон суҳбатҳо ва корҳои фаҳмондадиҳӣ баргузор шуд.

Бино ба гузориши Вазорати тандурустӣ, ин иқдом тибқи дастури роҳбарияти Мақомоти шаҳри Душанбе ва Вазорати тандурустӣ аз ҷониби аъзоёни Ташкилоти ҷамъиятии  "Иттиҳоди табибони ҷавон" гузаронида шудааст.

Тақсимоти ниқобҳои тиббӣ дар шаҳри Душанбе
Тақсимоти ниқобҳои тиббӣ дар шаҳри Душанбе

Гуфта мешавад, ки онҳо дар назди Вазорати тандурустӣ ва ҳифзи иҷтимоии аҳолии кишвар дар ҷойҳои серодами шаҳри Душанбе бо сокинон суҳбат ва вохуриҳо доир карда, ба онҳо ройгон ниқобии тиббӣ тақсим кардаанд.

Зебову боҳашамат: заргаре дар Туркия ниқобҳоро аз тилло омода мекунад - навор

"Чорабинии мазкур дар мавзеъҳои гуногуни шаҳри Душанбе, ба вижа миёни истифодабарандагони нақлиёти ҷамъиятӣ сурат гирифт, ки дар рафти он аз ҳисоби табибони ҷавон ба аҳолӣ бобати зарурати истифодаи ҳатмии ниқоб ва риоя ҳатмии қоидаҳои беҳдоштӣ, вохуриҳо доир гардид", - омадааст дар хабарнома.

Манбаъ афзуда, ки дар рафти иқдоми пешгирифта беш аз 1000 адад ниқоби тиббӣ  ба аҳолӣ тақдим карда шуда, чунин ташаббус аз ҷониби аъзоёни Ташкилоти ҷамъиятии "Иттиҳоди табибони ҷавон" ҳамарӯза дар ҷойҳои серодам гузаронида хоҳад шуд.

30
Мавзуҳо:
Пайомадҳои COVID-19 дар Тоҷикистон ва ҷаҳон
Врач определяет сатурацию у больной пациентки

Омори COVID -19 дар Тоҷикистон: 41 кас мариз шуданду 40 нафар шифо ёфтанд

53
Вазорати тандурустии Тоҷикистон омори нави сироят, шифоёбӣ ва фавт аз коронавирус дар ҷумҳуриро нашр намуд

ДУШАНБЕ, 4 дек — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 41 ҳодисаи нави бемории COVID-19 дарёфт гардид.

Ҳамакнун шумораи умумии гирифторони ин беморӣ дар Тоҷикистон ба 12 ҳазору 349 нафар баробар шуд.

Ҳамзамон,  дар як шабонарӯзи охир 40 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон ба  11 ҳазору 758 нафар расидааст.

Коронавирус кам шуд: калонтарин бемористони Суғд баъди 7 моҳ ба реҷаи муқаррарӣ мегузарад

Манбаъ меафзояд, аз замони авҷ гирифтани коронавирус дар Тоҷикистон, дасти кам 87 бемор ҷон аз даст доданд.

Ҳукумати Тоҷикистон ва Вазорати тандурустӣ аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд.

53
Барчаспҳо:
маризӣ, омор, Вазорати тандурустӣ ва ҳифзи иҷтимоии аҳолии ҶТ
Мавзуҳо:
Пайомадҳои COVID-19 дар Тоҷикистон ва ҷаҳон
Филиал МГУ в Душанбе. Архивное фото

Таъйини мудири нави бахши душанбегии Донишгоҳи давлатии Маскав

0
(Таҷдидшуда 23:40 04.12.2020)
Эмомалӣ Раҳмон, раисиҷумҳури Тоҷикистон бо имзои қарори Ҳукумат дар раёсати бахши тоҷикистонии Донишгоҳи давлатии Маскав ба номи Ломоносов тағйироти кадрӣ анҷом дод

ДУШАНБЕ, 4 дек — Sputnik. Тибқи қарори Ҳукумат,  Мирзоев Сайаъло Ҳабибуллоевич, ки аз аввали соли 2015  ба ҳайси мудири иҷроияи филиали Донишгоҳи давлатии Маскав ба номи М.В.Ломоносов дар шаҳри Душанбе кор мекард, аз вазифа озод карда шуд.

Дар қарор далели барканории Сайъало Мирзоев гузаштан ба кори дигар арзёбӣ шудааст, аммо феълан маълум нест, ки ӯ чӣ вазифа мегирад.

Шоири тоҷик Карим Ҳайдар ба медали "Сергей Есенин"-и Русия сазовор шуд

Бо қарори дигари  Ҳукумат, Ғаниев Рустам Ғафурович мудири иҷроияи филиали Донишгоҳи давлатии Маскав  ба номи М.В. Ломоносов дар шаҳри Душанбе таъйин гардид.

Филиали Донишгоҳи давлатии Маскав дар шаҳри Душанбо соли 2009 бо фармони президенти кишвар Эмомалӣ Раҳмон таъсис дода шуда, феълан яке аз муассисаҳои бонуфузи таълимӣ дар ҷумҳурӣ мебошад.

0
Барчаспҳо:
донишгоҳ, Душанбе, Тоҷикистон