Хуроки шом дар хонаводаи тоҷик. Акс аз бойгонӣ

Сокинон аз бебарқӣ мегуянд, масъулин аз таъмиру барқи хушсифат дар зимистон

894
(Таҷдидшуда 14:13 06.11.2020)
 Сокинони аксар навоҳии кишвар мегуянд як ҳафта аст, ки рӯзона пурра интиқоли барқ ба хонаҳояшон қатъ мешавад. Масъулини идораи барқ сабаби ин ҳолро аз таъмири сартосарӣ дар системаи барқи кишвар шарҳ медиҳанд

ДУШАНБЕ, 5 ноя – Sputnik. Маъруф Шокиров, яке аз сокинони ноҳияи Бобоҷон Ғафуров мегуяд, як ҳафта аст, ки рӯзона пурра интиқоли барқ ба хонаи онҳо қатъ мегардад.

“Аз соати 8-и субҳ то соати 17-и шом барқ хомӯш аст. Дирӯз баъд аз 18-и шом барқро доданд”, - гуфт ӯ.

Сокинони дигар навоҳоии кишвар ҳам аз қатъи интиқоли барқ таъкид меварзанд. Онҳо мегуянд, бебарқӣ ин ҳол ба мушкили онҳо меафзояд.

“Мо ҳамроҳи рафиқон дар як коргоҳи таъмири чархи автомобилҳо кор мекунем ва аз ҳамин кор ҳисоби зиндагиро пайдо мекунем. Аз сабаби набудани барқ қариб як ҳафта аст, кори мо ба душворӣ пеш меравад, таҷҳизотҳоро бо барқи генератор мегардонем, аммо барои ин бензин мехарем. Мизоҷон аз баланд шудани нархи хизматрасонии мо шикоят мекунанд. Дар ин миён баъзеҳо вазъи моро мефаҳманд”, - гуфт як ҳамсуҳбати мо, сокини ноҳияи Варзоб.

Хело кам шуд: коҳиши 43 дар садии содироти барқи Тоҷикистон

Баъзе аз сокинони дигар ҳам дар шабакаҳои иҷтимоӣ аз мушкили қатъи интиқоли барқ гуфта, аз шамъхарӣ ва мушкили пухту пази хуроки шом таъкид иброз намудаанд. Дар ҳамин ҳол масъулини шабакаҳои барқии Суғд мегуянд, лимити интиқоли барқ ба аҳолӣ ҷорӣ нашудааст, балки ҳоло бо мақсади таъмини бемаҳдуди барқ дар зимистони қарибулвуқуъ дар ҳамаи системаҳои барқи кишвар таъмир ҷараён дорад.

Тура Атамов, директори Шабакаҳои барқии Суғд, дар суҳбат ба Sputnik Тоҷикистон гуфт, як ҳафта инҷониб таъмир дар васлакҳо ва зеристгоҳҳои барқии шаҳру навоҳии Суғд идома дорад.

Мо ҳоло хатҳои интиқоли барқии ҳавоии шиддаташ 110 кВ ро таъмир намуда истодаем. Барои мисол рӯзи гузашта дар ноҳияи Мастчоҳ корҳои безаргардонии хатҳои ҳавоии барқинтиқолдиҳанда аз паррандаҳо симхорҳо гузоша шуд. Мо таъмирро ба он хотир гузаронида истодаем, ки дар фасли сармо аҳолӣ шабонарӯз пурра бо барқи хушсифат таъмин шавад”, - гуфт Атамов.

Масъулони шабакаҳои барқ сабаби ба фасли тирамоҳ вогузор шудани таъмири хатҳои барқиро шарҳ дода мегуянд, ки фаъолияти мунтазами пойгоҳҳои обкашӣ боис гардид, ки кор дар ин самт каме ба таъхир гузошта шудааст.

“Агар дар фасли тобистон таъмир сурат мегирифт, киштзорҳо аз беобӣ талаф меёфт, чун ки ҳамаи пойгоҳҳои обкашӣ тавассути нерӯи барқ кор мекунанд”, - зикр намуд як масъули шабакаҳои барқ.

Ахиран Нозирҷон Ёдгорӣ, сухангӯи Ширкати давлатии "Барқи тоҷик" сабаби қатъи барқ ба навоҳии мухталифи кишварро расман эълон намуда, гуфт ки ин вазъ ба зудӣ поён хоҳад ёфт. Тибқи иттилои "Барқи тоҷик", тавлиди нерӯи барқ дар Тоҷикистон дар моҳҳои январ-сентябри соли равон нисбат ба ҳамин давраи соли гузашта беш аз 6% коҳиш ёфта, ба 14 миллиарду 788 миллион киловатт соат расидааст. Содироти нерӯи барқи Тоҷикистон низ дар ин давра ба андозаи 43,4 дарсад коҳиш ёфтааст.

"Лимит"? : чаро дар Тоҷикистон барқкушӣ сар шуд

 

894
Самолет компании Сомон Эйр, архивное фото

 Маълум шуд, “Сомон Эйр” моҳи декабр ба Белорусия чанд павроз анҷом медиҳад

102
(Таҷдидшуда 18:20 01.12.2020)
Ширкати ҳавопаймоии “Сомон Эйр” тасмим дорад, моҳи декабри соли ҷорӣ  дар хатсайри Душанбе-Минск-Душанбе иҷрои 10 парвози махсусро ба нақша гирифтааст.

ДУШАНБЕ, 1 дек — Sputnik. Тибқи иттилои дафтари матбуотии ширкат, шаҳрвандони Тоҷикистон ҳангоми убури марз бояд бо худ нусхаи аслии маълумотномаи тиббии гирифтор набудан ба COVID-19-ро (PCR-тест) бо забонҳои русӣ, белорусӣ ва ё англисӣ дошта бошанд.

Манбаъ мегӯяд, мусофироне, ки тариқи Минск парвозҳои транзитӣ анҷом медиҳанд, бояд бо худ чиптаи нуқтаи ниҳоии сафар ва маълумотномаи эмин будан аз COVID-19 (натиҷаи манфии PCR-тест)-ро дошта бошанд.

Тибқи талабот кулли мусофирон бояд ниқоб ва дастпӯши ҳифозатӣ дошта бошанд. Мусофироне, ки таби баланд ё аломатҳои беморӣ доранд, ба дохили ҳавопаймо роҳ дода намешаванд.

Мувофиқи дастури Вазорати тандурустӣ ва ҳифзи иҷтимоии аҳолии Тоҷикистон мусофирони ба Тоҷикистон воридшаванда бояд бо худ маълумотномаи мубтало набудан ба COVID-19 - натиҷаи манфии PCR-тестро, ки давоми 72 соат қабл аз омадан ба Тоҷикистон омода гардидааст, дошта бошанд. Кӯдакони то 3-сола аз пешниҳоди маълумотномаи мазкур озод мебошанд.

Гуфта мешавад, хоҳишмандони сафар барои хариди чипта ва гирифтани маълумоти иловагӣ ба маркази маълумотдиҳии ширкати ҳавопаймоӣ ва Агентии алоқаи ҳавоӣ муроҷиат намоянд.

"Сомон Эйр" сабаби гаронии нархи чипта барои парвозҳои чартериро шарҳ дод

Ин ширкат санаҳои 10 парвозашро ҳоло нашр накардааст.

Ёдовар мешавем, ширкат дар ин масир моҳи гузашта 4 парвози чартерӣ анҷом дода буд.

102
Барчаспҳо:
ширкат, мусофирон, парвоз, "СомонЭйр", Минск, Душанбе
Маъракаи ташхиси ройгон аз бемории СПИД дар Хуҷанд

Маъракаи ташхиси ройгон аз бемории СПИД дар Хуҷанд акс

49
(Таҷдидшуда 18:22 01.12.2020)
Масъулони Маркази мубориза бо бемории ВНМО дар мавзеъи бозори “Панҷшанбе” и Хуҷанд маъракаи ташхиси ройгон аз ин маризиро роҳандозӣ намуданд

ДУШАНБЕ, 1 дек – Sputnik. Фирӯз Комилов, директори Маркази пешгирӣ ва мубориза бо бемории ВНМО (СПИД) дар вилояти Суғд гуфт, ин кор бо мақсади тарғиби тарзи ҳаёти солим ва огоҳонидани мардум аз хатари сироятёбии ВНМО аст.

Ӯ гуфт, дар рӯзи ҷаҳонии мубориза алайҳи ВНМО, онҳо клиникаи сайёрро ба “Панҷшанбе” аз маконҳои серодами Хуҷанд интиқол дода ва аз хоҳишмандон гирифтани ташхиси ройгони бемориҳоро фароҳам кардаанд.

“Дар дохили клиникаи сайёр (мобильная клиника) ташхиси бемориҳои ВНМО, оташак (РВ) ва зардпарвини навъи В, С гирифта мешавад. Ташхиси ин бемориҳо дар 20 дақиқа хатм мешавад”,-афзуд директор.

Бино ба гуфти Комилов, клиникаи сайёр ба ҳисоби ташхисгоҳ,бо таҷҳизоти сабти барқии дил (ЭКГ), сабти фаросавтӣ (УЗИ) муҷаҳҳаз буда, ҳамзамон аз ҷониби духтури амрози дарунӣ барои мизоҷон маслиҳати ройгони тиббӣ дода мешавад.

Ин клиникаи сайёр, се соли пеш дар доираи барномаи беҳтарсозии шароити хизматрасонии тиббӣ аз ҷониби Русия ба Маркази пешгирӣ ва мубориза бо бемории ВНМО дар вилояти Суғд тақдим карда шудааст.

То ин ҷониб беш аз 15 ҳазор сокинон аз шаҳру навоҳии Суғд оиди бемории ВНМО ва зардпарвин тавассути ҳамин клиникаи сайёр аз ташхис гузаштаанд. Фирӯз Комилов дар суҳбат бо Sputnik Тоҷикистон омори гирифторони ВНМО ро шарҳ дода гуфт, ки сар аз соли 2001 то имрӯз 2976 нафар дар Суғд ба ВНМО (СПИД) сироят шудаанд.

Аз ин шумор 1848 мард ва 1128 каси дигар занон буда, дар ин давра 875 нафар аз ҷамъи гирифторони ин беморӣ фавтидаанд.

Маъракаи ташхиси ройгон аз бемории СПИД дар Хуҷанд
Sputnik
Маъракаи ташхиси ройгон аз бемории СПИД дар Хуҷанд

Умарзода дар бораи теъдоди мубталоёни ВНМО дар Тоҷикистон

Бино ба иттилои манбаъ дар даҳ моҳи соли ҷорӣ 214 нафар аз ин беморӣ сироят ёфтаанд. Соли гузашта дар давра 343 нафар гирифторони ВНМО (СПИД) сабт шудаанд.

Раҳмонзода: вазъи ВНМО ва нашъамандӣ байни ҷавонон нигаронкунанда аст

Коҳиши рақамҳои омориро масъулин аз дарёфти иттилои бештари аҳолӣ дар бораи хатару паёмадҳои ин беморӣ марбут медонанд.

49
Барчаспҳо:
гирифторони ВИЧ, табобат, СПИД, ташхис, Суғд, Тоҷикистон

Коронавирус дар Тоҷикистон: омори моҳи ноябр

0
(Таҷдидшуда 19:29 01.12.2020)
Моҳи ноябр дар Тоҷикистон гирифторони коронавирус рӯ ба афзоиш ниҳод. Дар ҳамин ҳол, шумораи ҳолатҳои ошкоргардида дар як рӯз назар ба моҳи гузашта кам шудааст
Коронавирус дар Тоҷикистон: омори ноябрӣ
© Sputnik

Бино бар иттилои Вазорати тандурустии Тоҷикистон шумораи гирифтори корнавирус дар кишвар дар як рӯз дар моҳи ноябр рӯ ба коҳиш ниҳодааст.

Рӯзҳои ахири ҳафта дар ҷумҳурӣ на зиёд аз 45 нафар бемор дар як рӯз ошкор мегардид. Дар ҳамин ҳол шумораи сиҳатёфтагон азCOVID-19 дар ҳар як рӯзи аввали моҳи ноябр аз 50 то 60 нафар гуфта мешуд, охирҳои моҳ ин нишондод то 40 кас кам гардид.

Ҳамчунин, дар як моҳи ахир аз коронавирус дар Тоҷикистон 4 кас ҳалок шуданд.

Ҳамагӣ аз оғози ҳамагирӣ аз инфексияи намуди нав дар Тоҷикистон 12 194 тан сироят ёфта, 11599 кас шифо ёфтаанд ва аз ин маризӣ 86 тан ҳалок шудаанд.

Вазорат омори навро гуфт: шумораи мубталоёни коронавирус дар Тоҷикистон аз 12 ҳазор гузашт

Ҷумҳурӣ чун пештара аз рӯи шумораи гирифторони коронавирус дар Осиёи Марказӣ ҷои чорумро мегирад. Дар ҷои авал Қазоқистон(131 659), дувум Қирғизистон (72 807), севум - Ӯзбекистон (72 920).

Туркманистон то ҳол ягона кишварест дар Осиёи Макразӣ, ки расман ягон ҳолати гирифторӣ ба коронавирус ба қайд гирифта нашудааст.

Дар Тоҷикистон маҳдудиятҳои ҷоришуда дар пайи пандемия идома доранд. Чанде пеш Сироди мубориза бо коронавирус қарор дод, ки таҷлили Соли нав дар кишвар лағв мешавад. 

Мурда зинда шуд: пирамарде пас аз "марг" аз коронавирус ба манзилаш баргашт

Дар ҳамин ҳол, моҳи ноябр дар зиндонҳои Тоҷикистон иҷозат шуд, ки маҳбусон бо наздиконашон дидор кунанд.

Аз 29 ноябр дар кишвар парвозҳои дохилӣ бақарор карда шуданд. Дар Русия бошад муҳоҷирон метавонад ба хатсайрҳои чартерӣ бидуни номнавис шудан аз нуқтаҳои билетфурӯшӣ озодона чипта харанд.

0