Российской военно-транспортной авиации 89 лет

Мотам дар прокуратура: прокурори ноҳияи Зафаробод даргузашт

6176
Ҷунайдулло Ҳайдарзода, прокурори ноҳияи Зафаробод, ки ҳамагӣ 55 сол дошт, даргузашт. Мегӯянд, як инсони беозору кадри баландихтисос буд

ДУШАНБЕ, 6 ноя – Sputnik. Яке аз наздикони марҳум ба Sputnik Тоҷикистон гуфт, Ҷунайдулло Ҳайдарзода панҷ рӯзи қабл баъди шиддат гирифтани маризии қанд ба Шифохонаи шаҳрии мариҳиҳои сироятии шаҳри Душанбе интиқол ёфта буд.

“Як рӯзи қабл, ки бо ӯ суҳбат доштам, гуфт, ҳарораташ поин омада, вазъаш беҳбуд ёфтааст. Аммо имрӯз тақрибан соатҳои 12 – и рӯз вазъаш боз ба вахомат мегарояд ва қарибиҳои аср дунёи фониро тарк мекунад. Як инсони беозору кадри баландихтисоси соҳа буд”, - гуфт ӯ.

Ҳайдарзода Ҷунайдулло Ниёз соли 1965 дар шаҳри Ваҳдат таваллуд ёфта, баъди хидмати артиш соли 1990 факултаи ҳуқуқшиносии Донишгоҳи давлатии Тоҷикистонро хатм намудааст.

Бино ба муаррифиномаи сомонаи Прокуратураи генералии Тоҷикистон, мавсуф аз соли 1994 то 2001 муфаттиш, муфаттиши калони прокуратураи ноҳияи Роҳи оҳан (ҳоло Шоҳмансур), муфаттиши калони шуъбаи тафтиши парвандаҳои ҷиноии махсусан муҳими прокуратураи шаҳри Душанбе буд.

Аз соли 2001 то 2004 дар вазифаҳои сардори шуъбаи тафтишотии прокуратураи ноҳияи Марказӣ (ҳоло Фирдавсӣ) ва прокурори шуъбаи мубориза бар зидди коррупсияи прокуратураи шаҳри Душанбе кор кардааст. Соли 2004 прокурори ноҳияи Рашт таъин шуд.

Бо каронавирус мубориза бурд, аз сактаи мағзӣ фавтид: табиби ҳозиқ Раҳимов даргузашт

Аз соли 2010 то 2015 муовин, сипас сардори Раёсати ташкили кор, назорат ва қабули шаҳрвандони Прокуратураи генералии Тоҷикистон буд. Соли 2015 муовини прокурори вилояти Хатлон ва аз моҳи январи соли 2020 прокурори ноҳияи Зафарободи вилояти Суғд буд.

6176
Китоби «Тоҷикон»-и Бобоҷон Ғафуров ба сокинони ноҳияи Мурғоб тақдим гардид

Тақдими 4 ҳазор китоби "Тоҷикон" - и Бобоҷон Ғафуров ба сокинони Мурғоб

15
(Таҷдидшуда 11:43 04.12.2020)
Китоби "Тоҷикон" - и академик Бобоҷон Ғафуров ба дурдасттарин ноҳияи Вилояти Мухтори Кӯҳистони Бадахшон расид

ДУШАНБЕ, 4 дек – Sputnik. Дар ноҳияи Мурғоб рӯзи 3 декабр тақдими китоби "Тоҷикон" - и академик Бобоҷон Ғафуров шурӯъ шуд, хабар медиҳад Вазорати маориф.

Китобро муовини вазири маориф ва илми Тоҷикистон Нуралӣ Собирзода, раиси ноҳияи Мурғоб Ҳусния Раҷабзода, намояндагони Дастгоҳи иҷроияи Президенти Тоҷикистон, Ожонсии омори назди Президенти Тоҷикистон ва мақомоти иҷроияи ҳокимияти давлатӣ ба аҳолии ноҳия тақдим менамоянд.

"Барои аҳолии ноҳияи Мурғоб 3 ҳазору 800 дона китоб ҷудо шудааст, ки он ба дасти ҳар хонавода расонида мешавад", - омадааст дар хабарнома.

Ёдовар мешавем, ки дар асоси супориши Президенти Тоҷикистон Эмомалӣ Раҳмон бо мақсади омӯзиши амиқи таърихи пурифтихори халқи тоҷик шоҳасари академик Бобоҷон Ғафуров – китоби "Тоҷикон" чоп гардида, то ҷашни 30-солагии Истиқлоли давлатӣ ба ҳар оила тақдим карда мешавад.

Беш аз 4400 дона: туҳфаи Раҳмон ба Ванҷ расид

Гуфта мешавад, ки ҳамчунин дар доираи ин сафар муовини вазири маориф ва илм бо намояндагони маорифи ноҳияи Мурғоб вохӯрӣ анҷом дода, аз шароити корӣ ва вазъи соҳаи маориф аз наздик шинос гардидааст.

Аз Суғд то Хатлон : Президент шаш раиси шаҳру навоҳиро барканор ва таъин кард

Чанде пеш ин туҳфа  бо роҳбарии Нуралӣ Собирзода  ба шаҳру ноҳияҳои Вилояти Мухтори Кӯҳистони Бадахшон  фиристода шуд.

15
Барчаспҳо:
Бобоҷон Ғафуров, китоб, Мурғоб, тақдим
Дорожный знак, архивное фото

Фавти пирамарде, ки писараш пас аз садама ба беморхона набурд: ВКД таҳқиқ мекунад

170
(Таҷдидшуда 11:41 04.12.2020)
Вазорати умури дохилии Тоҷикистон мегӯяд, як марди солхӯрда бинобар нарасонидан ба беморхона дар пайи садамаи нақлиётӣ дар хонааш фавтидааст.

ДУШАНБЕ, 4 дек – Sputnik. Бино ба иттилои дафтари матбуотии ин ниҳод садамаи нақлиётӣ санаи 3-юми декабри соли 2020, тахминан соати 10:00 дар  деҳаи Ширинчашмаи шаҳри Истаравшан сар задааст.

Манбаъ мегӯяд, ронандаи автомашинаи тамғаи “Опел-Вектра”, Мирзоев Наимҷон Гиёевичи 42-сола сокини деҳаи Ширинчашмаи шаҳри Истаравшан, ҳангоми ба беморхонаи марказии шаҳри мазкур бурдани падараш Мирзоев Гиёи 88‑сола дар ҳудуди ҷамоати деҳоти Нофароҷ аз уҳдаи идораи автомашина набаромада, ба канори рости роҳ чаппа шудааст.
Дар натиҷа, падараш Мирзоев Гиё ҷароҳатҳои ҷисмонӣ бардоштааст. “Пас аз рӯх додани ин ҳодиса Мирзоев Наимҷон Гиёевичи падараш Мирзоев Гиёро ба беморхона набурда, оид ба ин ҳодиса ба ягон мақомоти ҳифзи ҳуқуқ муроҷиат накарда, падарашро дар манзили истиқоматии худ табобат намудааст, ки номбурда санаи 2-юми декабри соли 2020, аз ҷароҳати вазнини ҷисмонии бардоштааш дар хонаи истиқоматиашон вафот намудааст”,-афзудааст манбаъ.

Ҳалокати Абдулло ва Меҳриниссо дар пайи ду садамаи нақлиётӣ

ВУД мегӯяд, аз рӯи ин ҳодиса таҳқиқот идома дорад.

170
Барчаспҳо:
пирамард, ҳалокат, фавт, садама, Тоҷикистон
Джо Байден

Байден гуфт, дар давраи ҳукмронияш бо Русия чӣ гуна муносибат хоҳад дошт

0
(Таҷдидшуда 12:15 04.12.2020)
Раҳбари тозаинтихоби Амрико Ҷо Байден, ки тибқи маълумоти пешакӣ, президенти Иёлоти Муттаҳида интихоб шуд, гуфт, дар давраи ҳукрмронияш бо Русия чӣ гуна муносибат хоҳад дод

ДУШАНБЕ, 4 дек – Sputnik. Ҷо Байден зимни як мусоҳибаи телевизионӣ бо шабакаи CNN нақшаҳои "муносибати бисёрҷониба" -ро нисбат ба Русия, Эрон, Чин ва дигар кишварҳо эълон кардааст, хабар медиҳад РИА Новости.

"Мо бояд узви як гурӯҳи калон бошем, ин на танҳо бо Эрон, балки бо Русия, Чин ва дигарон муносибат кунем",- гуфт сиёсатмадор.

Ҳамзамон Байден гуфт, ки қабл аз ба вазифа расидан ӯ наметавонист сиёсати ИМА-ро таҳия кунад. "Аммо ман мехоҳам муносибатҳои  наздики иттиҳодиро ҳам дар Аврупо ва ҳам дар минтақаи Ҳинд ва Уқёнуси Ором барқарор кунам", - илова кардааст ӯ.

Ҳамзамон, сиёсатмадор иқрор кард, ки "музокироти душвор" бо Иттиҳоди Аврупо ӯро интизор аст ва ӯ дар ин бора ҳеҷ гуна хаёле надошт.

Раисиҷумҳури ИМА-ро таъйин карданд: кӣ воқеан қудрат дар ИМА-ро ғасб намуд?

Қаблан сафири Русия дар ИМА Анатолий Антонов гуфта буд, ки Маскав метавонад ҳамкориҳоро бо маъмурияти нав дар Вашингтон ҳадди аққал дар панҷ самт: суботи стратегӣ, паҳн нашудани силоҳи ҳастаӣ, ҳамкорӣ дар кайҳон, мубориза бо терроризм ва пандемияи коронавирус тавсеа диҳад.

 Ҳамзамон, дипломат изҳори шубҳа кард, ки Маскав метавонад бо Вашингтон дар мавриди назорати силоҳ мувофиқат кунад.

Сафир ҳангоми суханронӣ дар бораи натиҷаҳои интихобот дар Иёлоти Муттаҳида қайд кард, ки Русия ҳама гуна интихоби амрикоиҳоро эътироф мекунад, аммо мунтазири эълони расмии натиҷаҳо пеш аз вокуниш дар доираи протоколи дипломатӣ мебошад.

Интихоботи президентии ИМА рӯзи 3 ноябр баргузор шуд.

Номзади демократҳо Ҷо Байден, тибқи маълумоти пешакӣ, аз иёлотҳо то 306 раъйи интихобкунандагон бар даст овард.

Путин шарҳ дод, ки чаро то ҳол Ҷо Байденро табрик накардааст

Президенти феълӣ Доналд Трамп шикастро эътироф намекунад ва натоиҷро дар чанд иёлат зери шубҳа мегузорад.

0
Барчаспҳо:
ҳамкорӣ, муносибат, президент, Русия, ИМА