Руки в наручниках, архивное фото

Даҳшат: дар Мастчоҳ зане бо писараш шавҳарашро кушт - шарҳи ВКД

4199
Гумонбарони ҳодиса дастгир шудаанд, ё не, иттилое нест, аммо ВКД менависад, "бо моддаи 104 қисми 2 Кодекси ҷиноятии Ҷумҳурии Тоҷикистон парвандаи ҷиноӣ оғоз гардида, тафтишот идома дорад"

ДУШАНБЕ, 7 ноя – Sputnik. Вазорати корҳои дохилии Тоҷикистон аз ошкор шудани як ҷинояти даҳшатбор дар ноҳияи Мастчоҳ гузориш медиҳад: зане бо маслиҳати пешакӣ бо писараш падари хонавода - шавҳарашро куштааст.

Тавре манбаъ менависад, ҳодиса субҳи дирӯз, соатҳои 7:30 дақиқаи 6-уми ноябр рух додааст.

Вазорат афзудааст, зан аввал бо шавҳар ҷанҷол мекунад, сипас ӯро бо болишт буғӣ карда мекушад.

Ба ин амал фарзанди онҳо, ҷавони 22-сола бо модараш шарик будааст.

"Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки санаи 6-уми ноябри соли 2020, тахминан соати 07:30-дақиқа, зани 45-солаи сокини ҷамоати деҳоти Оббурдони ноҳияи Мастчоҳ бо маслиҳати пешакӣ бо писараш ҷавони 22-сола, дар ҳавлии истиқоматиаш бо шавҳараш марди 48-сола ҷангу ҷанҷол карда, ӯро бо болишт бӯғӣ карда, ба ҳалокат расонидаанд", - омадааст дар шарҳи ВКД.

Тафсилоти куштори бераҳмонаи муаллим аз сӯи ҳамсараш бо табар-видео

Гумонбарони ҳодиса дастгир шудаанд, ё не, иттилое нест, аммо ВКД менависад, "бо моддаи 104 қисми 2 Кодекси ҷиноятии Ҷумҳурии Тоҷикистон парвандаи ҷиноӣ оғоз гардида, тафтишот идома дорад".

4199
Министр здравоохранения и социальной защиты Республики Таджикистан Джамолиддин Абдуллозода

Вазир ба хабаргирии кӯдакони маъюби "Чорбоғ" рафт

25
(Таҷдидшуда 15:25 03.12.2020)
Вазори тандурустии Тоҷикистон аз "Маркази миллии тавонбахшии кӯдакони маъюб "Чорбоғ" " дидан намуд ва камбудиҳои мавҷуда ба масъулин дастуру супоришҳои мушаххас дод

ДУШАНБЕ, 3 дек – Sputnik. Вазир ба хабаргирии кӯдакони маъюби "Чорбоғ" рафт, хабар медиҳад Вазорати тандурустии Тоҷикистон.

"Бо мақсади аз наздик шинос шудан бо фаъолияти муассисаҳои тандурустӣ ва ҳифзи иҷтимоии аҳолӣ ва омодагии онҳо ба давраи зимистон боздиди роҳбарони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз муассисаҳои тандурустӣ ва ҳифзи иҷтимоии аҳолии шаҳру ноҳияҳои мамлакат  идома дорад", - тавзеҳ медиҳад манбаъ.

Гуфта мешавад, бо ин мақсад Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода аз ҷараёни омодагии Муассисаи давлатии "Маркази миллии тавонбахшии кӯдакони маъюб "Чорбоғ", ки  дар ноҳияи Варзоб ҷойгир аст, дидан намуд.

Дар ҷараёни боздид масъулини марказ ба Вазири тандурустӣ ва ҳифзи иҷтимоии аҳолии мамлакат иттилоъ доданд, ки барои хуб ва муътадил гузаронидани фасли зимистон дар муассисаи мазкур захираи кофии  сӯзишворӣ ва маводи хӯрокӣ муҳайё карда шудааст.

Ҳамзамон Ҷамолиддин Абдуллозода аз ошхонаи муассисаи зикршуда дидан намуда, бо ҷараёни хизматрасонӣ ба бошандагони он шинос шуд.

Вазири фаъол: чаро Абдуллозода аз беморхонаҳои шаҳрҳои Бохтар ва Леваканд дидан кард?

Вазири тандурустӣ ва ҳифзи иҷтимоии аҳолӣ ҷиҳати бартараф намудани мушкилот ва камбудиҳои мавҷуда  ба масъулин дастуру супоришҳои мушаххас дод.

25
Прокуратураи вилояти Суғд

Таъйиноти кадрӣ: Хоҷазода Фурқат Файзалӣ прокурори Суғд шуд

912
(Таҷдидшуда 15:46 03.12.2020)
Бар асоси фармони Юсуф Раҳмон прокурори генералӣ, Хоҷазода Фурқат Файзалӣ прокурори вилояти Суғд таъйин гардид

 ДУШАНБЕ, 3 дек – Sputnik. Бино ба иттилои манобеъи Sputnik Тоҷикистон, Хоҷазода Фурқат Файзалӣ прокурори вилояти Суғд таъйин шудааст.

Ӯ, то ин замон муовини прокурори Вилояти Мухтори Кӯҳистони Бадахшон буд.

Хоҷазода Фурқат Файзалӣ соли 1979 дар ноҳияи Балҷувон таваллуд шудааст. Соли 2001 риштаи ҳуқуқшиносии Донишгоҳи миллии Тоҷикистонро хатм намуда, фаъолияти кориашро дар прокуратураи генералӣ оғоз намуд. Минҳайси муфаттиш кор карда буд.

Мотам дар прокуратура: даргузашти генерал – майор, муфаттиши “Парвандаи Мақсуд Икромов”

Баъдан прокурори ноҳияи ба номи Мирсайид Алии Ҳамадонӣ ва прокурори ноҳияи Муъминободи вилояти Хатлон таъин гардидааст. Мушовири адлияи дараҷаи 1, полковник аст.

Ҳоҷазода дар ин мақом Ҳабибулло Воҳидовро иваз намуд. Воҳидов, соли 2015 прокурори Суғд таъйин гардида, ҳудуди панҷ сол дар ин мақом фаъолият кард.

Дастури Эмомалӣ Раҳмон барои тоза кардани прокуратура ва судҳо аз “одамони тасодуфӣ”

Рӯзи 18 ноябри соли ҷорӣ бо фармони Президент Эмомалӣ Раҳмон, Воҳидов ба ҷойи Шерхон Салимзода, директори Агентии назорати маводи нашъаовари назди Президенти Ҷумҳурии Тоҷикистон таъйин гардид.

912
Барчаспҳо:
Суғд, прокурор, таъйиноти кадрӣ
Сохтмони роҳ, акс аз бойгонӣ

Оғози сохтмони роҳи дорои 8 хати ҳаракат дар Душанбе бо пули Ҳинд

0
(Таҷдидшуда 14:55 03.12.2020)
Шаҳрдории Душанбе аз оғози сохтмони роҳи автомобилгард аз Дарвозаи Ғарбӣ то маҳаллаи Чортут расман оғоз бахшида шуд

ДУШАНБЕ, 3 дек — Sputnik. Ба иттилои шаҳрдорӣ, роҳи автомобилгард аз Дарвозаи Ғарбӣ то маҳаллаи Чортут тибқи нақша дар се марҳила бунёд мешавад.

“Марҳилаи аввал аз Дарвозаи Ғарбӣ то роҳи автомобилгарди Айнӣ, бо дарозии 4,2 километр марҳилаи дуюм аз роҳи автомобилгарди Айнӣ то роҳи автомобилгарди Шарора бо дарозии 3,2 км ва марҳилаи сеюм аз роҳи автомобилгарди Шарора то пайваст ба кӯчаи Раҳмон Набиеви маҳаллаи Чортут бо дарозии 1,88 км-ро дар бар мегирад”, - омадааст дар иттилоия.

Манбаъ таъкид намуд, ки паҳноии роҳ аз 40 метр иборат буда,  8 хати ҳаракат дар ду самт, пиёдароҳҳо, як адад пул дар болои канали калони Ҳисор ва як гузаргоҳи роҳи оҳан, 2 адад гардишҳои нақлиётӣ, чароғакҳои роҳнамо дар ду қитъа, аломатҳои бехатарии роҳ, хати кабудизор, дарахту буттаҳои ороишию сояафкан дар ду тараф унсурҳои асосии роҳро ташкил медиҳанд.

Зикр шудааст, ки иншоот дар доираи ҳамкориҳои судманди миёни Тоҷикистону Ҳиндустон бо харҷи 46,5 миллион доллари ИМА сохта мешавад.

Лоиҳаи “Сохтмони роҳи автомобилгард аз Дарвозаи Ғарбӣ то маҳаллаи Чортут” яке аз тарҳҳои самарабахши ҳамкорӣ байни шаҳрдорӣ ва Ҳукумати Ҷумҳурии Ҳиндустон маҳсуб меёбад, ки марҳилаи аавали он расман шуруъ гардид.

0
Барчаспҳо:
роҳ, сохтмон, Тоҷикистон