Пыльная буря в Душанбе

Чангбоду хокбориш дар Тоҷикистон: пешбинии дақиқи обуҳавошиносон барои ду рӯз

410
(Таҷдидшуда 11:29 09.11.2020)
9-10 ноябр дар вилояти Хатлон, хусусан дар ноҳияҳои ҷанубии вилоят баланд шудани ҳолати ифлосшавии ҳавои атмосферӣ аз моддаҳои муаллақ (чанг) ва Рм-10 (заррачаҳои андозаашон 10мкр) дар назар аст

ДУШАНБЕ, 9 ноя — Sputnik. Имрӯз дар Тоҷикистон хокбориш дар назар аст, исттилоъ додаанд ҳавошмносони кишвар.

Тавре АМИТ "Ховар" дар истинод ба Агентии обуҳавошиносӣ менависад, 9-10 ноябр дар вилояти Хатлон, хусусан дар ноҳияҳои ҷанубии вилоят бо сабаби омилҳои метеорологӣ (чангбоде, ки аз самти ҷанубу ғарбӣ ба мамлакат ворид мегардад) баланд шудани  ҳолати ифлосшавии ҳавои атмосферӣ аз моддаҳои муаллақ (чанг) ва Рм-10 (заррачаҳои андозаашон 10мкр)  дар  назар аст.

Агентии обуҳавошиносӣ ба шаҳрвандон тавсия медиҳад, ки аз сайругашти зиёди рӯзона дар хиёбонҳо, кўчаҳо, хусусан дар наздикии роҳҳои сернақлиёт, ки ба саломатиашон хатарнок аст, худдорӣ намоянд.  Ин вазъият ба кўдакон, пиронсолон, занҳои ҳомила ва шахсоне, ки  бемориҳои диққи нафас ва қалб доранд, таъсири манфӣ мерасонад.

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон — ҳавои камабр, дар баъзе ноҳияҳо тағйирёбанда шуда, эҳтимоли бориши нисбатан сусти марҳилавӣ (0-0,5мм) дар назар аст. Шамол аз самти шарқ бо суръати 3-8 м/с мевазад. Ҳарорати ҳаво дар ғарби вилоят шабона -2+3°, рӯзона 13+18° гарм, дар шарқи вилоят шабона 10-15° хунук, рӯзона 0+5° гарм мешавад.

Дар вилояти Суғд  ҳавои абрнок дар назар буда, дар баъзе ноҳияҳо борони кӯтоҳмуддат меборад. Шамол аз самти шарқ бо суръати 3-8 м/с, дар ноҳияҳои алоҳида бо шиддати то 3-8 м/с мевазад. Ҳарорати ҳаво дар водиҳо шабона 5+10° гарм, рӯзона 11+16° гарм, дар ноҳияҳои кӯҳӣ шабона -3+2°, рӯзона 4+9° гарм мешавад.

Борон, вале то 27 дараҷа гармӣ: пешгӯии дақиқи обуҳавои Тоҷикистон барои имрӯз

Дар вилояти Хатлон  низ  ҳавои абрнок дар назар буда, дар баъзе ноҳияҳо борони кӯтоҳмуддат меборад. Шамол аз самти шарқ бо суръати 3-8 м/с мевазад. Ҳарорати ҳаво дар водиҳо шабона 7+12° гарм, рӯзона 16+21° гарм, дар ноҳияҳои доманакӯҳӣ шабона 6+11° гарм, рӯзона 10+15° гарм мешавад.

Дар шаҳру ноҳияҳои тобеи марказ ҳаво абрнок мешавад. Дар баъзе ноҳияҳо борони кӯтоҳмуддат дар назар аст. Шамол аз самти шарқ бо суръати 3-8 м/с мевазад. Ҳарорати ҳаво дар водиҳо шабона 0+5° гарм, рӯзона 14+19° гарм, дар ноҳияҳои кӯҳӣ шабона -2+3°, рӯзона 7+12° гарм мешавад.

Дар  шаҳри Душанбе ҳавои абрнок дар назар буда, борони кӯтоҳмуддат меборад. Шамол аз самти шарқ бо суръати 3-8 м/с мевазад. Ҳарорати ҳаво шабона 7+9° гарм, рӯзона 13+15° гарм мешавад.

410
Медицинские работники в инфекционной больнице

36 кас мариз шуданду 42 тан шифо ёфтанд: омори коронавирус дар Тоҷикистон

25
Шабонарӯзи гузашта дар Тоҷикистон аз маризии сироятии коронавирус мавориди фавт ба қайд гирифта нашудааст

ДУШАНБЕ, 26 ноя — Sputnik. Дар як шабонарӯзи охир дар ҷумҳурӣ 36 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба 12044 нафар баробар гардид.

Манбаъ ҳамзамон аз шифоёбии 42 нафар пас аз табобат гирифтан хабар медиҳад. Ҳоло теъдоди умумии шифоёфтагон аз коронаиврус ба 11 437 нафар баробар шудааст.

Гузашта заин, дар Тоҷикистон аз маризии коронавирус 86 нафар ба ҳалокат расиданд.

Коронавирус нишасти G20 - ро сироят кард. Вале Ғарб ваксинаи Русияро тоқат надорад

Ҳукумати Тоҷикистон ва Вазорати тандурустӣ ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Зимнан, вазорати мазкур аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

25
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Сангрезӣ дар Тоҷикистон, акс аз бойгонӣ

Дар ноҳияи Айнӣ ба болои як деҳа сангпора сарозер шуд

298
(Таҷдидшуда 18:46 26.11.2020)
Дар деҳаи Шурмашки ноҳияи Айнӣ аз баландии 250 метр ба болои деҳа сангпора сарозер шуд, ки як сокини маҳаллиро бе хонаву дар гузошт

ДУШАНБЕ, 26 ноя — Sputnik. Кумитаи ҳолатҳои фавқулодаи Тоҷикистон аз рух додани офати табиӣ дар ноҳияи Айнӣ хабар медиҳад.

Ба иттилои манбаъ, ҳодисаи мазкур рӯзи 25 ноябр тақрибан соати 12:45 дақиқа рух дод.

Манбаъ меафзояд, бар асари ин ҳодисаи нохуш, манзили як сокини маҳаллӣ, Бердиев Самариддин сахт зарар дидааст. 

Гуфта мешавад, бо дастрас кардани хабари мазкур наҷотбахшон зуд ба ҷойи ҳодиса сафарбар шуданд.

Тарма ва сангрезӣ: пешгӯии дақиқи ҳавошиносон барои имрӯз

Дар робита ба хароб гардидани манзили истиқоматии Самариддин ва дар ҷойи хавфнок ҷойгир буданаш, оилаи зарардидаро ба бинои мактаби деҳа интиқол доданд.

Феълан, комиссия санад ва маълумотнома тартиб дода, барои чораҷӯи ба Мақомоти иҷроияи ҳокимияти давлатии ноҳияи Айнӣ пешниҳод намуд.

298
Барчаспҳо:
сангрезӣ, Айнӣ
Заседание Координационного совета руководителей компетентных органов государств – членов ОДКБ

Мақомдорони СААД вазъи муҳоҷират дар пандемияро баррасӣ кардаанд

0
(Таҷдидшуда 19:04 26.11.2020)
Дар ҷаласаи Шӯрои махсуси Созмони аҳдномаи амнияти дастаҷамъӣ дар бахши сиёсати умури муҳоҷират натиҷаҳои вазъ дар замони пандемияро ҷамъбаст карданд

ДУШАНБЕ, 26 ноя — Sputnik. Дар Маркази вокунишҳои буҳронии СААД таҳти раёсати ноиби аввали вазири умури дохилии Русия, генерал-полковник Александр Горовой ҷаласаи Шӯрои ҳамоҳангсозии кишварҳои узви СААД баргузор гардид.

Дар ҷаласа роҳбарони сохторҳои масъули мубориза бо муҳоҷирати ғайриқонунӣ иштирок карданд.

Валерий Семериков, ноиби дабири кулли СААД, зикр намуд, ки паҳншавии коронавирус одоти зиндагӣ тақрибан дар тамоми ҷаҳонро тағйир дод.

 Ӯ зарур хонд, ки бояд пайомадҳои пандемия хеле дақиқ таҳлил карда шаванд ва бояд роҳҳои ҳалле дар умури муҳоҷират пешниҳод гарданд, дар сурате агар чунин вазъият боз такрор шавад.

Дар ҷаласа таъкид шудааст, ки вазъи муҳоҷират сарфи назар аз мушкилоти пайдошуда дар маҷмӯъ муътадил ва назоратшаванда мебшад.

Инчунин хабар дода шуд, ки соли 2021 амалиёти махсуси минтақавии СААД таҳти унвони “Нелегал” гузаронда хоҳад шуд. Ҷаласаи оянда дар Тоҷикистон баргузор хоҳад шуд, чун роҳбарӣ дар СААД ба ин кишвар мегузарад.

0
Барчаспҳо:
Русия, муҳоҷират, амният