Свеча

Қурбонии “вируси корона”: даргузашти Қайси Азиз овозхоне аз хонаводаи маъруфи Азизовҳо

3426
Қайси Азиз, овозхоне дигар аз хонаводаи маъруфи Азизовҳо, дар синни 62 – солагӣ чашм аз олам пӯшид

ДУШАНБЕ, 9 ноя – Sputnik. Абӯбакри Азиз, бародари бузурги марҳум ба Sputnik Тоҷикистон гуфт, Қайси Азиз ҳудуди се моҳ бо маризии “вируси корона” мубориза бурда, як ҳафтаи қабл сиҳат ёфта буд.

 “Як рӯз қабл аз вафоташ бо ҳам дида, суҳбат карда будем. Сари ҳол буд ва вақти хуш дошт. Дирӯз пас аз зӯҳр ба хоб меравад ва дигар барнамехезад. Бароям боварнакарданӣ буд. Ҳоло ҳам боварам намеояд”, - гуфт Абӯбакри Азиз.

Қайси Азиз (Қайсиддин Азизов) соли 1958 дар шаҳри Душанбе ба дунё омада, мактаби миёнаи №53 – и пойтахтро хатм кардааст. Ба қавли бародари бузургаш, ӯ таҳсилашро дар мактаби олӣ идома надод, балки роҳи тиҷоратро пеш гирифт ва як тоҷири муваффақе ҳам буд.

Ба қавли наздикон, марҳум бо вуҷуди масруфиятҳо дар тиҷорат ҳеҷ гоҳ аз санъати овозхонӣ дурӣ наҷуст, ҳарчанд тарғибу ташвиқ наменамуд, ҳамеша алоҳида ва дар ҷамъи хонаводаву маҳфилҳои дӯстон овозхонӣ мекард.

Қайси Азиз яке аз муассисони гуруҳҳои машҳури "Анис” ва "Мунис” буд, ки солҳои 80 – 90 – ум дар Тоҷикистон маъруфият пайдо карда, мухлисони бешуморе доштанд.

Гурӯҳи “Анис” соли 1986 таъсис ёфта, дар он панҷ бародар - Достони Азиз, Қайсиддини Азиз, Вайсиддини Азиз, Абӯбакри Азиз ва Зулфиқори Азиз ҳунарнамоӣ мекарданд.

 “Анис” – ро ҳама бародарон таъсис дода, муштарак ҳунарнамоӣ мекардем. Баъдтар Қайсиддин гуруҳи “Мӯнис” – ро таъсис дод. Ҳадафаш ҳам бозхонии таронаҳои мардумиву фолклор бо асбобҳои мусиқии эстрадӣ буд.

 Ӯ таронаҳои халқиро ҳам хуб иҷро мекард ва ҳам алоқаи зиёде ба онҳо дошт”, - гуфт Абӯбакри Азиз. Қайси Азиз нафари дуюм аз хонаводаи овозхонони маъруф Азизовҳо аст, ки саҳнаи зиндагиро низ тарк мекунанд. Бародари ӯ Зулфиқори Азиз, овозхон ва оҳангсози мумтоз, 6 майи соли 2010 дар синни 44 - солагӣ аз сактаи қалбӣ вафот карда буд. Ӯ аз Қайси Азиз 8 сол хурд буд ва маҳбубияти зиёде дар миёни мухлисон дошт.

Дар ҳамин ҳол, Остони Азиз ва Шаҳроми Абӯбакр, овозхонони ҷавон аз хонаводаи Азизовҳо ҳоло аз ситораҳои раддаи аввали саҳнаи мусиқии имрӯзи Тоҷикистон ба шумор меоянд ва ҳунари хонаводагии худро идома медиҳанд. Ҷанозаи Қайси Азиз дар қабристони Сариосиёи шаҳри Душанбе ба хок супурда шуд.

3426
Барчаспҳо:
хонавода, вируси корона, фавт, марг, Тоҷикистон

Муаррифии ваксинаи "Sputnik V" –и Русия дар СММ

21
(Таҷдидшуда 17:32 02.12.2020)
Федератсияи Русия аз нахустин кишварҳои созандаи ваксинаи зидди коронавирус дастовардашро дар СММ муаррифӣ мекунад

ДУШАНБЕ, 2 дек – Sputnik. Имрӯз дар Созмони Милали Муттаҳид намояндагии доимии Русия дар ин созмон ва Вазорати тандурустӣ ваксинаи Sputnik V-ро муаррифӣ мекунанд.

"Дар чорабинӣ роҳбари Вазорати тандурустии Федератсияи Русия, Михаил Мурашко, намояндаи доимии Русия дар СММ Василий Небензя, роҳбари Фонди сармоягузории мустақими Русия (РФПИ) Кирилл Дмитриев ширкат меварзанд",-хабар медиҳад РИА Новости аз қавли сухангӯи намояндагии доимӣ Фёдор Стржижовский.

Номбурда гуфтааст, ки чорабинии маҷозии "Sputnik V: Ваксинаи зидди COVID-19" дар ҳошияи иҷлосияи махсуси Ассамблеяи Генералии СММ баргузор мешавад.

Манбаъ мегӯяд, дар ин нишаст дар бораи ваксинаи сохти Русия маълумоти муфассал дода мешавад.

Моҳи август Вазорати тандурустии Русия нахустин ваксини зидди коронавирус дар ҷаҳонро ба қайд гирифт, ки онро Маркази илмиву тадқиқотии эпидемиологӣ ва микробиологии ба номи Гамалеи якҷо бо Бунёди маблағгузориҳои мустақими Русия коркард кардааст. Ба он номи "Спутник V"-ро доданд. Доруро дар ду марҳила бо фосилаи се ҳафта мегузаронанд. 

Навбат барои дарёфти ваксинаи Русия: Урупо бойкот мекунад - видео

Гуфта мешавад, ваксина аз санҷиш пурра гузашта, афзалиятҳои асосии он, бехатарӣ, самаранокӣ ва набудани оқибатҳои манфии дарозмуддат мебошанд.

Путин дар бораи 2 ваксинаи русии зидди COVID-19: сеюмаш дар ҳоли омодашавист

Ёдовар мешавем қаблан раисиҷумҳури Русия гуфт, ҳамзамон ваксинаи дуввуми Русия низ омода шуда, сеюмаш дар роҳ аст.

21
Барчаспҳо:
вируси корона, дору, СММ, Русия
Дорога с машинами в Душанбе

Дар Тоҷикистон андоз аз истифодабарандагони роҳҳои мошингард бекор карда мешавад

166
(Таҷдидшуда 16:51 02.12.2020)
Ҳамчунин имрӯз дар Душанбе тарҳи қонунҳо оид ба ислоҳи қонунҳои бақайдгирии давлатии асноди ҳолати шаҳрвандӣ, маводи доруворӣ ва фаъолияти фармасевтӣ ва ҳимояи ҳуқуқи истеъмолкунандагон баррасӣ шудааст

ДУШАНБЕ, 2 дек — Sputnik. Дар Тоҷикистон андоз аз истифодабарандагони роҳҳои мошингард бекор карда мешавад.

"Аз 31 декабри соли равон мутобиқи сархати сеюми моддаи 252-и Кодекси андози Ҷумҳурии Тоҷикистон андоз аз истифодабарандагони роҳҳои мошингард бекор карда мешавад", - омадааст дар хабарнома.

Бино ба гузориши АМИТ "Ховар" ин матлаб зимни баргузории  ҷаласаи навбатии иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати шашум, ки имрӯз таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода доир шуд, баён гардидааст.

Гуфта мешавад, дар ҷаласаи мазкур дар баробари дигар лоиҳаҳои қонунҳо, лоиҳаи Қонуни Ҷумҳурии Тоҷикистон "Дар бораи ворид намудани тағйирот ба Кодекси андози Ҷумҳурии Тоҷикистон" мавриди баррасии вакилон қарор гирифтааст.

Дар ҷаласа муовини вазири молияи Тоҷикистон Карим Гулмуродзода ва вакили Маҷлиси намояндагон Ғиёсиддин Ашуров  зикр намудаанд, ки лоиҳаи Қонун "Дар бораи ворид намудани тағйирот ба Кодекси андози Ҷумҳурии Тоҷикистон" бо тартиби ҳуқуқи ташаббуси қонунгузорӣ аз тарафи Ҳукумат барои баррасӣ ба Маҷлиси намояндагони Маҷлиси Олии Ҷумҳурии Тоҷикистон пешниҳод шудааст.

Иқтисоди пинҳонию боҷу аксизҳо: вазир гуфт, аз куҷо дар соли 2021 даромадро зиёд мекунанд?

Манбаъ афзуда, ки ин тарҳ бо мақсади тамдид намудани муҳлати амали андоз аз истифодабарандагони роҳҳои мошингард таҳия гардидааст.

Дар ҷаласа вакилон ҳамчунин тарҳи қонунҳо "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи бақайдгирии давлатии асноди ҳолати шаҳрвандӣ",  "Оид ба ислоҳи Қонун "Дар бораи маводи доруворӣ ва фаъолияти фармасевтӣ" ва "Оид ба ислоҳи Қонун "Дар бораи ҳимояи ҳуқуқи истеъмолкунандагон" - ро мавриди баррасӣ қарор додаанд.

166
Барчаспҳо:
роҳи мошингард, бекор кардан, андоз, Тоҷикистон

Новобаста аз пандемия: беҳтарин маконҳои сайёҳӣ дар гузориши аксӣ

0
(Таҷдидшуда 17:41 02.12.2020)
Дар замони пандемияи коронавирус сайёҳат кардан ғайри имкон аст, аммо метавон зеботарин ҷойҳои дунёро ба таври фосилавӣ тамошо кард

Ҳафтаи гузашта коршиносон соҳаи сайёҳӣ маконҳои беҳтарини гардишгариро миёни шаҳрҳои мухталифи ҷаҳон муайян карданд.  

Дар ҷоизаи World Travel Awards 2020 ҷойҳои сайёҳии дар сатҳӣ ҷаҳонӣ ва дар сатҳи кишварро муаяйн карданд.

Тоҷикистон мутаасифона натавонист дар ин феҳрист роҳ ёбад аммо се ширкати се ширкати сайёҳии дохилии кишвар аз тарафи World Travel Awards 2020 ҷоиза ба даст оварданд.

Дар гузориши аксии Sputnik Тоҷикистон беҳтарин маконҳои сайёҳӣ ҷамъоварӣ шудааст.

0
  • © Sputnik / Vladimir Astapkovich

    Мардуми шаҳри Маскав ва меҳмонони ин шаҳр ҳангоми ҷашни Соли нав дар майдони Манежи шаҳри Маскав

  • © Depositphotos / pomphotothailand.gmail.com

    Макони сайёҳӣ Sun World Fansipan Legend дар Ветнам

  • © Sputnik / Fayed El-Geziry

    Дар мамнӯъгоҳ "Масаи-Мара"- Кения сайёҳон жирафҳоро тамошо доранд

  • © Foto Pixabay / Viola '

    Киштии бузурги сайёҳӣ дар Ямайка

  • © Sputnik / Alexander Vilf

    Ҷавондухтар дар шаҳри Фуншал дар ҷазираи Мадейра

  • © Foto Pixabay / Scheidt

    Алпак дар кӯҳҳои Патагони Чили

  • © Sputnik / Natalia Seliverstova

    Навхонадорон дар соҳили баҳри ҷазираҳои Молдив аксбардорӣ доранд

  • © Foto Pixabay / Christophjkugler

    Тарабхонаи кӯчагӣ дар шаҳри Веронаи Итолиё

  • Минтақаи сайёҳии Pasarelas del Paiva дар Португал

  • © Sputnik / Alexei Danichev

    Гардишгарии лухтаки бузурги Петри I ҳангоми шабҳои сафед дар Санкт-Петербурги Русия дар арафаи Рӯзи шаҳр

  • © Sputnik / Alexey Kudenko

    Калисои Успенский Дар шаҳри Владимир

  • Пули тиллоӣ дар Ветнам

  • © CC BY 3.0 / Andrei Bobrovskiy / Unnamed Road, Saint Lucia

    Намои соҳили баҳр дар Сент-Люсии, Амрико

  • © Sputnik / Alexander Vilf

    Дар яке аз кӯчаҳои Лиссабон

  • © Foto Pixabay / Hans Schwarzkopf

    Макони сайёҳӣ дар шаҳри Маскати Уммон

  • © Sputnik / Natalia Seliverstova

    Сайёҳ дар соҳили баҳр дар ҷазираи Ла Диг (Ҷумҳурии ҷазираҳои Сейшел)

Барчаспҳо:
ҷаҳон, макон, сайёҳӣ, Кумитаи сайёҳӣ, Тоҷикистон